International festival of Music

26/06/2026

ნანი ბრეგვაძის საიუბილეო საღამო ბათუმში

მუსიკის საერთაშორისო ფესტივალის ერთ-ერთ მთავარ, მასშტაბურ და ემოციურ მოვლენად ქალაქ ბათუმში გამართული ღონისძიება იქცა. 11 ივნისს, ბათუმის დრამატულ თეატრში, ქართველი ლეგენდარული მომღერლის, ნანი ბრეგვაძის იუბილესადმი მიძღვნილი კონცერტი შედგა.

სცენაზე, ნანი ბრეგვაძესთან ერთად წარდგნენ ეკა მამალაძე, ნატალია ქუთათელაძე, სოფო ხალვაში, ანსამბლი „შვიდკაცა“ და ნიკოლოზ წულუკიძე. საღამო მუსიკალურად გააფორმებმა ფესტივალის ორკესტრმა ნიკა ნიკვაშვილის ხელმძღვანელობით.

კონცერტმა დარბაზში სრული ფურორი გამოიწვია და პირველივე აკორდებიდანვე საოცრად თბილი, ნოსტალგიური ატმოსფერო შექმნა. ლეგენდარული ჰიტების ახლებურმა ჟღერადობამ, რომელიც მაესტრო ნიკა ნიკვაშვილმა შეთავაზა მაყურებელს, ოვაციები დაიმსახურა.

საღამოს კულმინაციად, სცენაზე თავად ნანი ბრეგვაძის მიერ შესრულებული მუსიკალურ ნაწარმოებები გახლდათ.

ფესტივალი საქართველოს კულტურის სამინისტროს, სსიპ „შემოქმედებითი საქართველოსა“ და ქალაქ ბათუმის მინიციპალიტეტის მერიის მხარდაჭერით განხორციელდა.
Nika Nikvashvili

17/06/2026

პირდაპირი ჩართვა, თბილისის ოპერისა და ბალეტის თეატრიდან, სადაც, მუსიკის საერთაშორისო ფესტივალის ფარგლებში, 1 და 2 ივნისს, პოლონეთის ფრიდერიკ შოპენის სახელობის ბალტიის ფილარმონიის ორკესტრის კონცერტი გაიმართა.
ფესტივალის სამხატვრო ხელმძღვანელი და ორგანიზატორი ნიკა ნიკვაშვილი პირდაპირ ეთერში საუბრობს აღნიშნული ღონისძიებების ჩატარების მნიშვნელობაზე.
#მუსიკა
#შოპენი
#პოლონეთი
#ფესტივალი
Nika Nikvashvili Bidzina Kvernadze International Music Festival

10/06/2026

🎭 13 ივნისს ბათუმის ილია ჭავჭავაძის სახელობის პროფესიულ სახელმწიფო დრამატულ თეატრში მიუზიკლ „კინტოს“ საპრემიერო ჩვენება ბათუმში
✨ მიუზიკლი შექმნილია აკაკი წერეთლის პიესის მიხედვით და მაყურებელს მე-19 საუკუნის თბილისის კულტურულ გარემოს აცნობს
🎫 TKT.GE/MusicalKinto
Nika Nikvashvili ბათუმის დრამატული თეატრი • Batumi Drama Theatre

09/06/2026

13 ივნისი, საპრემიერო ჩვენება ბათუმში!
მიუზიკლი "კინტო"

08/06/2026

მუსიკის საერთაშორისო ფესტივალის ფარგლებში,
13 ივნისს, ბათუმში, ბათუმის ილია ჭავჭავაძის სახელობის პროფესიულ სახელმწიფო დრამატულ თეატრში ფესტივალის ერთ-ერთი უმთავრესი მოვლენა - მიუზიკლ „კინტოს“ საპრემიერო ჩვენება გაიმართება.
აკაკი წერეთლის პიესის მიხედვით შექმნილი მიუზიკლი მაყურებელს მე-19 საუკუნის თბილისის კულტურულ გარემოს აცნობს და ძველ, კოლორიტულ ისტორიებში ამოგზაურებს.
სპექტაკლში მთავარ როლს მომღერალი თამარ გვერდწითელი ასრულებს.
მიუზიკლის მუსიკის ავტორია კომპოზიტორი ნუნუ გაბუნია, ხოლო სპექტაკლის მუსიკალური ხელმძღვანელი, თანამედროვე ვერსიების შემქმნელი და შემსრულებელი ნიკა ნიკვაშვილი.
მასშტაბურ დადგმაზე მუშაობდა შემოქმედებითი გუნდი:
დამდგმელი რეჟისორი: გოჩა კაპანაძე
ლიბრეტოს თანამედროვე ვერსიის ავტორი: ბასა ჯანიკაშვილი
მხატვარი: ლომგულ მურუსიძე
კოსტიუმების მხატვრები: ეკა ჯავახიშვილი, ქეთი ციციშვილი
ქორეოგრაფი: ბაჩანა ჭანტურია
მონაწილეობენ მსახიობები: ლაშა რამიშვილი, მარინა კახიანი (რუსთაველის ეროვნული თეატრის მსახიობი), ნანული სარაჯიშვილი, დავით კვირცხალია (რუსთაველის ეროვნული თეატრის mსახიობი), ნიკო ნანიტაშვილი, კახა კუპატაძე (რუსთაველის ეროვნული თეატრის მსახიობი), ეკა მინდიაშვილი (რუსთაველის ეროვნული თეატრის მსახიობი), იური ფოფხაძე, ბადრი ჩიხიაშვილი, ნინუცა ბედიაშვილი.
მუსიკალური და ქორეოგრაფიული კოლექტივები: ფესტივალის ორკესტრი,
კვინტეტი „სერენადა“ და ქორეოგრაფიული ანსამბლი „აფხაზეთი“.
ფესტივალი საქართველოს კულტურის სამინისტროს, სსიპ „შემოქმედებითი საქართველოსა“ და ქალაქ ბათუმის მერიის მხარდაჭერით იმართება.
Nika Nikvashvili Bidzina Kvernadze International Music Festival ბათუმის დრამატული თეატრი • Batumi Drama Theatre

08/06/2026

მუსიკის საერთაშორისო ფესტივალი ბათუმში გადაინაცვლებს და მაყურებელს მიუზიკლ „კინტოს“ საპრემიერო ჩვენებას წარუდგენს

მუსიკის საერთაშორისო ფესტივალი წარმატებით გრძელდება და მრავალფეროვანი პროგრამით ქართველ და უცხოელ მაყურებელს კვლავ განსაკუთრებულ კულტურულ გამოცდილებას სთავაზობს.

13 ივნისს, ბათუმში, ბათუმის ილია ჭავჭავაძის სახელობის პროფესიულ სახელმწიფო დრამატულ თეატრში ფესტივალის ერთ-ერთი უმთავრესი მოვლენა - მიუზიკლ „კინტოს“ საპრემიერო ჩვენება გაიმართება.

აკაკი წერეთლის პიესის მიხედვით შექმნილი მიუზიკლი მაყურებელს მე-19 საუკუნის თბილისის კულტურულ გარემოს აცნობს და ძველ, კოლორიტულ ისტორიებში ამოგზაურებს.

სპექტაკლში მთავარ როლს მომღერალი თამარ გვერდწითელი ასრულებს.
მიუზიკლის მუსიკის ავტორია კომპოზიტორი ნუნუ გაბუნია, ხოლო სპექტაკლის მუსიკალური ხელმძღვანელი, თანამედროვე ვერსიების შემქმნელი და შემსრულებელი ნიკა ნიკვაშვილი.

მასშტაბურ დადგმაზე მუშაობდა შემოქმედებითი გუნდი:

დამდგმელი რეჟისორი: გოჩა კაპანაძე
ლიბრეტოს თანამედროვე ვერსიის ავტორი: ბასა ჯანიკაშვილი
მხატვარი: ლომგულ მურუსიძე
კოსტიუმების მხატვრები: ეკა ჯავახიშვილი, ქეთი ციციშვილი
ქორეოგრაფი: ბაჩანა ჭანტურია

მონაწილეობენ მსახიობები: ლაშა რამიშვილი, მარინა კახიანი (რუსთაველის ეროვნული თეატრის მსახიობი), ნანული სარაჯიშვილი, დავით კვირცხალია (რუსთაველის ეროვნული თეატრის mსახიობი), ნიკო ნანიტაშვილი, კახა კუპატაძე (რუსთაველის ეროვნული თეატრის მსახიობი), ეკა მინდიაშვილი (რუსთაველის ეროვნული თეატრის მსახიობი), იური ფოფხაძე, ბადრი ჩიხიაშვილი, ნინუცა ბედიაშვილი.
მუსიკალური და ქორეოგრაფიული კოლექტივები: ფესტივალის ორკესტრი,
კვინტეტი „სერენადა“ და ქორეოგრაფიული ანსამბლი „აფხაზეთი“.
ფესტივალი საქართველოს კულტურის სამინისტროს, სსიპ „შემოქმედებითი საქართველოსა“ და ქალაქ ბათუმის მერიის მხარდაჭერით იმართება.
ბილეთები იყიდება: https://tkt.ge/event/503604/miuzikli-kinto
Nika Nikvashvili ბათუმის დრამატული თეატრი • Batumi Drama Theatre Bidzina Kvernadze International Music Festival

06/06/2026

06/06/2026

თბილისში საორღანო მუსიკის საღამო გაიმართა - მსოფლიო დონის ვირტუოზი რომან პერუცკი კონსერვატორიის დიდ დარბაზში წარდგა

მუსიკის საერთაშორისო ფესტივალი, 31 მაისს, თბილისის სახელმწიფო კონსერვატორიის დიდმა დარბაზში საორღანო მუსიკის გამორჩეული საღამოთი გახსნა, სადაც ჩვენი საზოგადოების წინაშე თანამედროვეობის ერთ-ერთი ყველაზე აღიარებული ვირტუოზი ორღანისტი, მაესტრო რომან პერუცკი წარდგა. რომან პერუცკის ასისტენტობა გაუწია თბილისის სახელმწიფო კონსერვატორიის საორღანო კათედრის ხელმძღვანელმა ლია ბაიდოშვილმა.

რომან პერუცკი გდანსკის მუსიკალური აკადემიის პროფესორი, ოლივას საკათედრო ტაძრის მთავარი ორღანისტი და პოლონეთის ბალტიის ფილარმონიის დირექტორია. მის შთამბეჭდავ შემოქმედებით ბიოგრაფიაში მსოფლიოს წამყვან სცენებზე გამართული 2,700-ზე მეტი კონცერტი ირიცხება. აღსანიშნავია, რომ მაესტრო გახლავთ ვატიკანის უმაღლესი ჯილდოს მფლობელი და არაერთი პრესტიჟული საერთაშორისო კონკურსის ჟიურის წევრი.

თბილისური საორღანო საღამოს მრავალფეროვანი საკონცერტო პროგრამა ორ ნაწილად იყო წარმოდგენილი და მასში როგორც ბაროკოსა და რომანტიზმის ეპოქის შედევრები, ისე პოლონური საორღანო სკოლის იშვიათი ნიმუშები გაჟღერდა.

პირველ ნაწილში მსმენელმა იოჰან სებასტიან ბახის პრელუდიასა და ფუგას, ასევე ფელიქს მენდელსონის სონატას (№1) მოუსმინა. მეორე ნაწილი კი მთლიანად დაეთმო ისეთი გამოჩენილი კომპოზიტორების შემოქმედებას, როგორებიც არიან ფელიქს ბოროვსკი, მიჩისლავ სუჟინსკი და იულიუშ ლუციუკი.

კონცერტმა უდიდესი შთაბეჭდილება მოახდინა დამსწრე საზოგადოებაზე. მაყურებელი სრულიად აღფრთოვანდა შესრულებით და მაესტროს ოვაციებითა და ხანგრძლივი ტაშით მადლობა გადაუხადა. ეს იყო გამორჩეული შესაძლებლობა, რათა ქართველ მსმენელს ახლოს აღმოეჩინა ორღანის განსაკუთრებული ჟღერადობა და შეხვედროდა არტისტს, რომელიც მუსიკის მეშვეობით სრულიად განსხვავებულ ემოციურ სამყაროს ქმნის.

ფესტივალი საქართველოს კულტურის სამინისტროს, სსიპ „შემოქმედებითი საქართველოს“ და ქალაქ თბილისი მუნიციპალიტეტის მერიის მხარდაჭერით გაიმართა.
Polska Filharmonia Bałtycka Nika Nikvashvili Bidzina Kvernadze International Music Festival

#ორღანი
#მუსიკა
#შემოქმედება
#კონსერვატორია

05/06/2026

მუსიკის საერთაშორისო ფესტივალი წარმატებით გრძელდება და მრავალფეროვანი პროგრამით ქართველ და უცხოელ მაყურებელს კვლავ განსაკუთრებულ კულტურულ გამოცდილებას სთავაზობს.

ფესტივალი ახლა ქალაქ ბათუმში გადაინაცვლებს და 11 ივნისს, 19:30 საათზე, ბათუმის დრამატულ თეატრში
ფესტივალის ერთ-ერთი მთავარი მოვლენა ქართველი ლეგენდარული მომღერლის, ნანი ბრეგვაძის იუბილესადმი მიძღვნილი კონცერტი გაიმართება. სცენაზე ნანი ბრეგვაძესთან ერთად წარდგებიან ეკა მამალაძე, ნატალია ქუთათელაძე, სოფო ხალვაში, ანსამბლი „შვიდკაცა“, ნიკოლოზ წულუკიძე, ასევე ფესტივალის ორკესტრი და ბენდი ნიკა ნიკვაშვილის ხელმძღვანელობით.

მუსიკის საერთაშორისო ფესტივალი აგრძელებს საქართველოს კულტურული ცხოვრების გამდიდრებას, აერთიანებს სხვადასხვა თაობის გამორჩეულ ხელოვანებს და ქმნის სივრცეს, სადაც ქართული და საერთაშორისო კულტურა ერთმანეთს ხვდება.

ფესტივალი საქართველოს კულტურის სამინიტროს, სსიპ შემოქმედებითი საქართველოს და ქალაქ ბათუმის მერიის მხარდაჭერით იმართება.
Nika Nikvashvili
#მუსიკა
#ნანი
#კონცერტი