23/12/2024
სტუდენტებმა აუცილებლად წაიკითხეთ! 🙌✊
22 დეკემბერს, ათასობით სერბი შეიკრიბა დედაქალაქ ბელგრადში, რათა გაეპროტესტებინა პრეზიდენტ ალექსანდრ ვუჩიჩისა და სერბეთის პროგრესული პარტიის (SNS) მმართველობა. პროტესტი გამოწვეული იყო გასულ თვეში მომხდარი შემთხვევის გამო: ჩამოინგრა რკინიგზის სადგურის, რამაც 15 ადამიანის სიცოცხლე შეიწირა.
აქცია, რომელიც ბოლო წლებში ერთ-ერთი ყველაზე მასშტაბური იყო, გაიმართა კვირას და ორგანიზებული იყო უნივერსიტეტის სტუდენტებისა და ფერმერთა კავშირის მიერ. შეკრება ბელგრადის სლავიას მოედანზე შედგა.
გთავაზობთ სერბი სტუდენტების წერილს უცვლელად: fdu
სტუდენტებისთვის მთელ მსოფლიოში
ეს წერილი სასწრაფო მოწოდებაა მოქმედებისთვის!
ამჟამად, სერბეთში სტუდენტებს სრული კონტროლი აქვთ 80 ფაკულტეტიდან 62-ზე. ეს არის ჩვენი რეგიონის უდიდესი სტუდენტური პროტესტი 1968 წლის შემდეგ. ეს გამოძახილია იმ ტრაგიკული მოვლენებისა, რომელიც გამოწვეული იყო ათწლეულების განმავლობაში მმართველი რეჟიმის მიერ განხორციელებული რეპრესიებით, კორუფციითა და ძალადობით. ოპოზიციამ თავისი მეთოდებით აქამდე არაკომპეტენტურობა აჩვენა, რის გამოც ჩვენ, სტუდენტებმა, ავიღეთ სადავეები ხელში.
ლექციები შევაჩერეთ, ყველა წარმომადგენლობითი სტუდენტური ორგანო გავაუქმეთ, თვითორგანიზებული პლენუმები გავმართეთ, მოთხოვნები დავაყენეთ, სამუშაო ჯგუფები შევქმენით და დავიწყეთ ზეწოლა. ფაკულტეტების შენობებში გადავინაცვლეთ და ისინი ყოველდღიური ცხოვრებისათვის მოვაწყვეთ. შევქმენით სამზარეულოები, საერთო საცხოვრებლები, აფთიაქები, სახელოსნოები, კინოთეატრები და კლასები თვითგანათლებისთვის. მხოლოდ სამ კვირაში, სერბეთის თითქმის ყველა საუნივერსიტეტო შენობა გახდა 24-საათიანი პოლიტიკური თვითორგანიზების ცენტრი. გვაქვს ჩვენი თანამოქალაქეების სრული მხარდაჭერა, ვარსებობთ მათი შემოწირულებებით, და ყოველდღიურად ბრძოლაში სხვადასხვა მოწყვლადი სოციალური ჯგუფები გვიერთდებიან.
ფაკულტეტების ბლოკირება სტუდენტური თვითორგანიზების ყველაზე რადიკალური ფორმაა. ბლოკირება გულისხმობს ლექციებისა და გამოცდების ვალდებულებების შეჩერებას და პროფესორებისა და ადმინისტრაციის მხარდაჭერის გარეშე მოქმედებს. თქვენ გაქვთ უფლება თვითორგანიზდეთ ამ ფორმით და უნივერსიტეტის ავტონომიის წყალობით, დაცულნი ხართ პოლიციის პირდაპირი ჩარევისგან. ფაკულტეტები ბლოკირებულია, სანამ მოთხოვნები არ დაკმაყოფილდება. ფაკულტეტის საქმიანობის შეჩერება თავად წარმოადგენს ზეწოლის ფორმას სახელმწიფო ინსტიტუტებზე. რაც მუშებისთვის არის გაფიცვა, სტუდენტებისთვის არის ბლოკირება. ისტორიულად, ფაკულტეტების ბლოკირება წარმატებული იყო განათლების ხელმისაწვდომობისთვის ბრძოლაში, მაგრამ დღეს ეს უნდა გამოვიყენოთ საზოგადოებრივი ფართო პრობლემების გადასაჭრელად.
ბლოკირებებს ვაორგანიზებთ სამუშაო ჯგუფების მეშვეობით. სამუშაო ჯგუფები ღიაა ყველა მსურველისთვის და ფოკუსირებულია სტრატეგიაზე, საჯარო აქტივობებზე, მედიაზე, უსაფრთხოებაზე და ბლოკირებულ ფაკულტეტში მიმდინარე საქმიანობაზე. სამუშაო ჯგუფები თავიანთ იდეებსა და წინადადებებს პლენუმზე წარადგენენ. პლენუმი არის ღია ფორუმი ფაკულტეტის ყველა სტუდენტისთვის. პლენუმის სესიების მეშვეობით ხორციელდება პირდაპირი დემოკრატია. ყველას აქვს თანაბარი ხმა და გადაწყვეტილების მიღების უფლება პროტესტის შესახებ.
სამყარო ნგრევის ზღვარზეა, წარმომადგენლობითი დემოკრატია მარცხდება, და ჩვენი მომავალი საფრთხის ქვეშაა. ეს არის ერთადერთი გზა, რომ ვაიძულოთ ცვლილება და მსოფლიო კურსი შევცვალოთ. ბლოკირების უამრავი მიზეზი არსებობს, და თქვენ ყველაზე უკეთ იცით, რა არის თქვენი.
თარგმნეთ და გააზიარეთ ეს წერილი!
თვითორგანიზდით და დაიწყეთ პირდაპირი დემოკრატიის პრაქტიკა ახლავე!
სტუდენტებო, მთელ მსოფლიოში, შემოუერთდით ბლოკირებას!
