Gospel Messengers International Ministry GMIM

Gospel Messengers International Ministry GMIM !!
!!

He is jesus
22/04/2026

He is jesus

ሕዝብን የፈወሰው ባለሙያ፦ የዶክተር ቶማስ ላምቢ ታሪክና አሻራወንጌል እጅና እግር ሊኖረው ይገባል።የትውልድ ዘመን፦ 1885 – 1954 ዓ.ም የትውልድ ቦታ፦ ፒትስበርግ ፔንሲልቬኒያ በ1920...
22/04/2026

ሕዝብን የፈወሰው ባለሙያ፦ የዶክተር ቶማስ ላምቢ ታሪክና አሻራ
ወንጌል እጅና እግር ሊኖረው ይገባል።
የትውልድ ዘመን፦ 1885 – 1954 ዓ.ም
የትውልድ ቦታ፦ ፒትስበርግ ፔንሲልቬኒያ
በ1920ዎቹ መጀመሪያ ላይ ዶክተር ቶማስ ላምቢ የተባሉ ሰው የኢትዮጵያን ምድር ሲረግጡ፣ ጥቁር የህክምና ቦርሳ የያዙ ሀኪም ብቻ አልነበሩም። ይልቁንም የሀገሪቱን መንፈሳዊና ቁሳዊ ገጽታ ለዘላለም የሚቀይር ራዕይ ሰንቀው የመጡ ሰው ነበሩ። ታሪካቸው የደረቁ ቀኖችን የሚዘረዝር ሳይሆን፣ በራስን ዝቅ አድርጎ የማገልገል ጥበብ (the ministry of the basin and the towel) የተሞላ ዘመናዊ ተጋድሎ ነው፤ ይህም ለኢትዮጵያ ሕዝብ ባላቸው ጥልቅ ፍቅርና በቁርጠኝነት የተገለጸ ሕይወት ነው።
የፈውስ መግቢያ
የላምቢ ጉዞ ወደ ኢትዮጵያ ልብ ያመራው ለለውጥ በነበራቸው ጥልቅ ጥማት ነበር። በሱዳን እያገለገሉ ሳለ፣ በወቅቱ ከፍተኛ የኢትዮጵያ ባለስልጣን በነበሩት በራስ ናደው ግብዣ በምዕራብ ኢትዮጵያ ተከስቶ የነበረውን አስከፊ የጉንፋን ወረርሽኝ ለመከላከልና የህክምና እርዳታ ለመስጠት መጡ። ላምቢ ታካሚዎችን ብቻ ሳይሆን ያዩት፣ እጅግ ውብና ገና ያልተነካ መንፈሳዊ አቅም ያላትን ሀገር ነበር።
በዚያ ዘመን ዘመናዊ ህክምና ብርቅ በነበረበት ወቅት፣ ለትውልድ ቤተሰቦችን ሲያሰቃዩ የነበሩ በሽታዎችን በማከም ያሳዩት ብቃት ለተልእኳቸው ትልቅ በር ከፈተላቸው። ለሕዝቡ እርሳቸው እንግዳ አልነበሩም፤ ይልቁንም አብሯቸው ለመቆየት የወሰነና የሚገደላቸው ባለሙያ እንጂ።
የተቋማት ግንባታ መሃንዲስ
የዶክተር ላምቢ ተፅዕኖ በይበልጥ የሚታየው ትተውት በሄዱት ተቋማት ነው፤ እነዚህም እምነት በተግባር መገለጥ አለበት ለሚለው እምነታቸው ምስክሮች ናቸው። ትልቁ ስኬታቸው በኢትዮጵያ የሱዳን ኢንተሪየር ሚሽን (SIM) መመስረታቸውና በአዲስ አበባ የሱዳን ኢንተሪየር ሚሽን ሆስፒታልን (አሁን ALERT ተብሎ የሚጠራው) ማቋቋማቸው ነው።
ለሆስፒታሉ የሚሆን መሬት ማግኘት ትልቅ ዲፕሎማሲያዊ ብቃትና መለኮታዊ ዕድል የሚጠይቅ ነበር። በነበራቸው ተከታታይ ትጋትና የህክምና ጥበብ የወደፊቱን ንጉሠ ነገሥት ቀዳማዊ ኃይለ ሥላሴን ሞገስ ማግኘት ችለዋል። ይህንን ሆስፒታል በመመስረት፣ የሰውነት ፈውስና የነፍስ ሰላም ተነጣጥለው የማይታዩበትን ሁለንተናዊ የህክምና አገልግሎት ሞዴል አስተዋውቀዋል።
ከህክምናው ባሻገር፦ መንፈሳዊ መነቃቃት
የህክምና አስተዋጽኦቸው ከፍተኛ ቢሆንም፣ የላምቢ ልብ የሚመታው ግን ወንጌል ላልደረሳቸው ወገኖች ነበር። ዛሬ በኢትዮጵያ ካሉ ትላልቅ የወንጌላውያን አብያተ ክርስቲያናት አንዱ ለሆነው ለየኢትዮጵያ ቃለ ሕይወት ቤተ ክርስቲያን ፈር ቀዳጅ ነበሩ። ዶክተር ቶማስ ላምቢ በኢትዮጵያ በነበራቸው የወንጌል አገልግሎት፣ መንፈሳዊ ተልእኮን ከሰብአዊ እርዳታና ከአገር በቀል አቅም ግንባታ ጋር በማስተሳሰር ረገድ ፈር ቀዳጅ ነበሩ። በተለይም በወቅቱ የነበረውን የሱዳን ኢንተሪየር ሚሽን (SIM) በማስተባበር ወንጌል ባልደረሰባቸው የሀገሪቱ ክፍሎች የምስራቹን በማድረስ፣ መጽሐፍ ቅዱስን ወደ አገር ውስጥ ቋንቋዎች በመተርጎምና የአካባቢው ማህበረሰብ በራሱ ቋንቋና ባህል እግዚአብሔርን እንዲያመልክ በማበረታታት ትልቅ አሻራ ጥለዋል። የእሳቸው አገልግሎት የሕክምና ጥበብን እንደ ድልድይ በመጠቀም የሰዎችን ሥጋዊ ሕመም መፈወስ ብቻ ሳይሆን፣ ለዛሬው የኢትዮጵያ ቃለ ሕይወት ቤተ ክርስቲያን መመስረትና መስፋፋት መሠረት የሆነውን የወንጌል ዘር በመዝራት፣ ኢትዮጵያውያን መሪዎችን ለተልእኮ በማብቃትና ለክርስቶስ ፍቅር ሲሉ ዜግነታቸውን እስከመቀየር የደረሰ ጥልቅ መንፈሳዊ ቁርጠኝነት የታየበት ነበር።
የላምቢ ስልታዊ አካሄድ ለዚያ ዘመን አብዮታዊ ነበር፤ እርሱም አገር በቀልነት (indigenization) ይባላል። "ምዕራባዊ" ቤተ ክርስቲያንን መገንባት ሳይሆን፣ ኢትዮጵያውያን የራሳቸውን መንፈሳዊ ጉዞ እንዲመሩ አቅም መፍጠር ይፈልጉ ነበር። ትኩረታቸውም በሚከተሉት ላይ ነበር፦
• መሰረተ ትምህርትና ትርጉም፦ ሕዝቡ ቅዱሳት መጻሕፍትን በገዛ ቋንቋው ማንበብ እንዲችል ማድረግ።
• የመሪነት ስልጠና፦ የአገር ውስጥ መሪዎችን በማሰልጠን የተልእኮውን ኃላፊነት እንዲረከቡ ማገዝ።
• ንቅናቄ፦ ወጣቶች የተስፋውን የምስራች እስከ ሀገሪቱ ዳርቻ እንዲያደርሱ ማበረታታት።
ታላቁ መስዋዕትነት
የዶክተር ላምቢ ቁርጠኝነት እጅግ ጥልቅ ከመሆኑ የተነሳ እስከ መጨረሻው የግል መስዋዕትነት አድርሷቸዋል። በ1934 ዓ.ም. በወቅቱ ብዙዎችን ባስገረመ ውሳኔ፣ የአሜሪካ ዜግነታቸውን ትተው የኢትዮጵያን ዜግነት ወሰዱ። ይህን ያደረጉት ለተልእኮው የሚሆን መሬት ለማግኘት ብቻ ሳይሆን፣ ለሕዝቡና ለመግሥቱ እርሳቸው ከውጭ የሚመለከቱ እንግዳ ሳይሆኑ ከጎናቸው የቆሙ ወንድም መሆናቸውን ለማሳየት ነበር። በሁሉም ረገድ የኢትዮጵያ ልጅ ሆኑ።
ሕያው ተፅዕኖ
ዛሬ ላምቢ የተከሏቸው ዘሮች ወደ ትልቅ ጫካነት አድገዋል። እርሳቸው ያለሟቸው ሆስፒታሎች በሚሊዮን የሚቆጠሩ ሰዎችን ሕይወት ታድገዋል፤ የጀመሯቸው አብያተ ክርስቲያናትም ለኢትዮጵያ ማህበረሰብ በትምህርት፣ በማህበራዊ ድጋፍና በመንፈሳዊ መመሪያ ረገድ እንደ ትልቅ ምሰሶ ሆነው እያገለገሉ ይገኛሉ።
ዶክተር ቶማስ ላምቢ ታሪካቸውን የጻፉት በቃላት ብቻ ሳይሆን፣ በፈወሷቸው ሰዎችና አቅም በፈጠሩላቸው መሪዎች ሕይወት ውስጥ ነው። የእሳቸው ታሪክ እንደ ህክምና ያለ ሙያዊ ብቃት፣ ካልተሰለቸ የንቅናቄ መንፈስ ጋር ሲጣመር ምን ያህል ጥልቅ ተፅዕኖ መፍጠር እንደሚችል ማሳያ ነው። ላምቢ በኢትዮጵያ ታሪክ ውስጥ በትልቅነታቸው የሚታወሱ ሰው ናቸው፦ በሙያቸው ሀኪም፣ በሁኔታዎች አስገዳጅነት ግንቢ፣ በምርጫቸው ደግሞ ኢትዮጵያዊ ነበሩ።

⭕️ጋለሞታ የምትባለው ማናት?🛑‎‎በ1 ቆሮንቶስ 6:15-20 ላይ የተጻፈው ቃል የሰውነትን ክብርና የዝሙትን አስከፊነት በግልጽ ያስረዳል። ይህንን ሐሳብ በሦስት ዋና ዋና ነጥቦች እንከፍለዋለን...
24/03/2026

⭕️ጋለሞታ የምትባለው ማናት?🛑
‎
‎በ1 ቆሮንቶስ 6:15-20 ላይ የተጻፈው ቃል የሰውነትን ክብርና የዝሙትን አስከፊነት በግልጽ ያስረዳል። ይህንን ሐሳብ በሦስት ዋና ዋና ነጥቦች እንከፍለዋለን፦
‎1. ጋለሞታ_ማለት_ማን_ናት?
‎በመንፈሳዊ ትርጉሙ "ጋለሞታ" ማለት የሥጋ ዝሙትን የምትፈጽም ሴተኛ አዳሪ ብቻ አይደለችም። ከጋብቻ ውጪ በሥጋዊ ስሜት የምትገናኛት ማንኛዋም ሴት (Girlfriend) ወይም የምትገናኚው ማንኛውም ወንድ (Boyfriend) በዚህ ጥቅስ ውስጥ "እንደ ጋለሞታ" ይቆጠራሉ።
‎
‎➥ ምክንያቱም፦ የሥጋ ግንኙነት "ሁለቱ አንድ ሥጋ ይሆናሉ" የተባለለት የቃል ኪዳን (የጋብቻ) በረከት ነው። ይህ በረከት ያለ ቃል ኪዳን ሲፈጸም "ዝሙት" ወይም "ጋለሞታነት" ይሆናል።
‎
‎2. "የመንፈሳዊ_ድልድይ" አደጋ (The Spiritual Connection):- ዝሙት ከሌሎች ኃጢአቶች የሚለየው "በገዛ አካል ላይ" የሚሠራ በመሆኑ ነው። በዝሙት ጊዜ አካላዊ ግንኙነት ብቻ ሳይሆን "የመንፈስና የነፍስ መተላለፍ" ይከናወናል።
‎
‎➥ አስደንጋጩ_እውነታ፦ አንተ ከሴት ጓደኛህ ጋር ግንኙነት ስታደርግ፣ ከእሷ ጋር ብቻ ሳይሆን እሷ ቀድሞ ግንኙነት ካደረገችባቸው "ሁሉም ሰዎች" ጋር አንድ አካል እየሆንክ ነው።
‎
‎➥ ምሳሌ፦ እንደ "የኢንተርኔት ኔትወርክ" አስበው። አንተ ከአንድ ኮምፒውተር ጋር በኬብል ስትገናኝ፣ ያ ኮምፒውተር ቀድሞ ከተገናኘባቸው ድረ-ገጾችና ቫይረሶች ጋር ሁሉ ትገናኛለህ። ዝሙትም እንዲህ ነው፤ የአጋርህን መንፈሳዊ ሸክም፣ ርኩሰትና መርገም ሁሉ ወደ ራስህ የምትቀዳበት "የመንፈሳዊ ድልድይ" ነው።
‎
‎3.የክርስቶስን_አካል_ለዝሙት_መስጠት?
‎ክርስቲያን ከሆንክ አካልህ ያንተ አይደለም፤ በዋጋ (በክርስቶስ ደም) የተገዛህ የእግዚአብሔር ቤተ መቅደስ ነህ።
‎
‎➥ ጥያቄው፦ ቤተ መቅደስ ውስጥ ዝሙት ይፈጸማል? ክርስቶስ ባለበት አካል ውስጥ ሌላ ሰው በዝሙት እንዲገባ መፍቀድ ጌታን መስደብ ነው።
‎
‎➥ ምሳሌ፦ አንድ ሰው ለንጉሥ የተዘጋጀን "ወርቅ ጽዋ" ወስዶ ለቆሻሻ ማጠራቀሚያነት ቢጠቀምበት ምን ያህል ያስቀጣል? አንተም ለክርስቶስ ክብር የተፈጠርከውን አካልህን ለዝሙት ስትሰጠው፣ የከበረውን ጽዋ እያረከስክ ነው።
‎
‎💡 የዝሙት_ውጤቶች (ምን ታጣለህ?)
‎ዝሙት ጊዜያዊ እርካታ ሰጥቶ ዘላለማዊ በረከቶችን ይሰርቅሃል፦
‎
‎🔑ተስፋህንና ራእይህን፦ መንፈሳዊ ጥንካሬህ ስለሚሰረቅ ለነገ ያለህ ጉጉት ይሞታል።
‎🔑ከእግዚአብሔር ጋር ያለህን ግንኙነት፦ በውስጥህ ባለው የመርከስ ስሜት ምክንያት ጸሎትና ቤተክርስቲያን ይከብዱሃል።
‎🔑የአእምሮ ሰላምን፦ በጸጸትና በውጥረት ትሞላለህ።
‎
‎🚀 መፍትሔው፦ "ሽሹ!"
‎መጽሐፍ ቅዱስ ዝሙትን "ተቃወሙት" ሳይሆን "ሽሹ" ነው የሚለው። ከእሳት እንደሚሸሽ ሰው ሮጠህ ውጣ!
‎
‎➥ከሚያነሳሱ ቦታዎች ሽሽ፤
‎➥ከማይሆኑ ጓደኞች ሽሽ፤
‎➥ራስህን ለጌታ ቅድስና ለይ።
‎
‎🔑 ማጠቃለያ፦ሰውነትህ የመንፈስ ቅዱስ ማደሪያ እንጂ የዝሙት መጫወቻ አይደለም። በዋጋ ተገዝተሃልና አትረክስ!

24/03/2026

መንፈስ ቅዱስ ይጠብቃችሁ!!

ታሪካዊው የ #ዋራቤቴል 2018 ጉባኤ በበዓለ ሃምሳ ዕለት በኢየሱስ ስም ከተጠመቁት በአራት እጥፍ ከ12 ሺህ በላይ ነፍሳት በኢየሱስ ስም በማስጠመቅ ተጠናቀቀለአራት ተከታታይ ቀናት በሲዳማ ...
15/03/2026

ታሪካዊው የ #ዋራቤቴል 2018 ጉባኤ በበዓለ ሃምሳ ዕለት በኢየሱስ ስም ከተጠመቁት በአራት እጥፍ ከ12 ሺህ በላይ ነፍሳት በኢየሱስ ስም በማስጠመቅ ተጠናቀቀ
ለአራት ተከታታይ ቀናት በሲዳማ ክልል ዋራ ሜዳ ላይ ከአንድ ሚሊዮን በላይ ምዕመናን ሲሳተፉበት የነበረው 35ኛው የአለም አቀፍ ሐዋሪያዊት ቤተክርስቲያን ታላቅ ዓመታዊ ኮንፈረንስ ( #ዋራቤቴል) በዛሬው ዕለት በታላቅ መንፈሳዊ ስኬትና በሰላም ተጠናቋል።
ከባለፈው ሐሙስ ጀምሮ እስከ ዛሬው የማጠቃለያ ዕለት ድረስ በነበረው መንፈሳዊ አገልግሎት፣ 12,296 (አሥራ ሁለት ሺህ ሁለት መቶ ዘጠና ስድስት) ነፍሳት ብቻውን አምላክ የሆነውን ኢየሱስ ክርስቶስን በማመንና ለኃጢአታቸው ስርየት በጌታ በኢየሱስ ክርስቶስ ስም መጠመቃቸው ታውቋል።
ይህ ቁጥር በመጽሐፍ ቅዱስ በሐዋርያት ሥራ ምዕራፍ ሁለት ላይ፣ በበዓለ ሃምሳ ዕለት በኢየሱስ ስም ከተጠመቁት ሦስት ሺህ ሰዎች በላይ በመሆኑ፣ ጉባኤው በዘመናችን የታየ ታላቅ ተአምርና መንፈሳዊ መነቃቃት ተደርጎ ተወስዷል።
በዋራ ሜዳ ላይ የተከናወነውን ይህን ታላቅ መንፈሳዊ ድልና ተአምራት ተከትሎ፣ ከአንድ ሚሊዮን በላይ የሚቆጠሩ ምዕመናን ለፈጣሪያቸው ታላቅ ምስጋና አቅርበዋል።
በደዌና በአጋንንት እስራት የነበሩ መፈታታቸውንና በንስሐ ወደ አምላካቸው የተመለሱት ቁጥር እጅግ ከፍተኛ መሆኑ ጉባኤውን ልዩ ያደርገዋል።
ይህ ጉባኤ በኢትዮጵያም ሆነ በዓለም ደረጃ ይህን ያህል ቁጥር ያለው ሕዝብ ያለ ምንም የዘርና የነገድ ልዩነት ከየአቅጣጫው በአንድነት የሚሰበሰብበት ብቸኛ ቦታ ነው ማለት ይቻላል።
ያለ ምንም የዘርና የነገድ ልዩነት ከዓለም ዙሪያ የመጡ በሚሊዮን የሚቆጠሩ ሰዎች በአንድ ልብ አምላካቸውን ያመሰገኑበት ይህ ጉባኤ፣ ለሲዳማ ክልልም ሆነ ለኢትዮጵያ የሰላምና የመቻቻል ትልቅ ማሳያ ሆኖ አልፏል።
ከሃይማኖታዊ ፋይዳው ባሻገር፣ ክልሉን ለዓለም በማስተዋወቅና የቱሪዝም አቅምን በማሳደግ ረገድም ጉልህ ሚና ተጫውቷል።
የአለም አቀፍ ሐዋሪያዊት ቤተክርስቲያን አመታዊ ኮንፈረንስ በዛሬው ዕለት በሰላም መጠናቀቁን ተከትሎ፣ ምዕመናን ወደየመጡበት አካባቢ በመመለስ ላይ ይገኛሉ።

#ዋራቤቴል #ኢትዮጵያ

11/02/2026

ከህይወታችሁ የሞት አዋጅ ተመቷል!!

04/02/2026

JESUS IS LORD!!

በቆጎታ ወረዳ የ2018 ዓ.ም የኢየሱስ ክርስቶስ ልደት በዓል በወንጌል አማኞች ሕብረት በድምቀት እየተከበረ ይገኛል።ኤዞ ታህሳስ 29/2018 ዓ.ም (ቆጎታ ወረዳ መንግስት ኮሚዪኒኬሽንበቆጎታ ...
07/01/2026

በቆጎታ ወረዳ የ2018 ዓ.ም የኢየሱስ ክርስቶስ ልደት በዓል በወንጌል አማኞች ሕብረት በድምቀት እየተከበረ ይገኛል።

ኤዞ ታህሳስ 29/2018 ዓ.ም (ቆጎታ ወረዳ መንግስት ኮሚዪኒኬሽን

በቆጎታ ወረዳ የ2018 ዓ.ም የኢየሱስ ክርስቶስ ልደት በዓል በወንጌል አማኞች ሕብረት በድምቀት እየተከበረ ነው።

በዓሉ በጸሎት ፣በእግዚአብሔር ቃልና ትምህርት እንድሁም ከተለያዩ አጥቢያ በመጡ መዘምራን ዝማሬ በዶርቦ ሜዳ በድምቀት እየተከበረ ይገኛል።

የኢየሱስ ክርስቶስ ልደት መታሰቢያ በዓል በጨንቻ ከተማ ስታዲየም በድምቀት ተከብሯል።የጨንቻ ከተማ ወንጌል አማኞች አቢያተ ክርስቲያናት ካውንስል ያዘጋጀው የ2018 ዓ.ም የኢየሱስ ክርስቶስ ል...
07/01/2026

የኢየሱስ ክርስቶስ ልደት መታሰቢያ በዓል በጨንቻ ከተማ ስታዲየም በድምቀት ተከብሯል።

የጨንቻ ከተማ ወንጌል አማኞች አቢያተ ክርስቲያናት ካውንስል ያዘጋጀው የ2018 ዓ.ም የኢየሱስ ክርስቶስ ልደት በዓል መታሰቢያ በጨንቻ ከተማ ስታዲየም በተለያዩ መንፈሳዊ መርሃግብሮች በድምቀት ተከብሯል።

የኢየሱስ ክርስቶስ ልደት መታሰቢያ በዓልን ምክንያት በማድረግ በተዘጋጀው ልዩ ፕሮግራም የጨንቻ ከተማ ከንቲባ ዶ/ር ብርሃኑ ገመዳ፣ የጋሞ ዞን ወንጌል አማኞች አቢያተ ክርስቲያናት ካውንስል ሰብሳቢ ቄስ ኢሳያስ ኢማኔ
፣ የጨንቻ ከተማ ወንጌል አማኞች አብያተ ክርስቲያናት ካውንስል ሰብሳቢ አገልጋይ ወርቁ ወልዴ፣ የወንጌል አርበኛ አባቶችና እናቶ፣ በቁጥር የበዙ የወንጌል አማኞች ታድመዋል።

በመርሃግብሩ ለጨንቻ ከተማ ፀሎት ተደርጓል፣ የዝማሬ አገልግሎት አምልኮ መሪዎችና በኳይር ቀርቧል፣ የእግዚአብሔር ቃል በቄስ ኢሳያስ ኢማኔ ተሰብኳል።

በበዓሉ ላይ የተገኙት የጨንቻ ከተማ ከንቲባ ዶ/ር ብርሃኑ ገመዳ በዓሉ የሚከበረው እንደሃገር ታላቁን የሕዳሴ ግድብ በስኬት አጠናቀን ባስመረቅንበት ማግስት፣ እንዲሁም የጨንቻ ከተማ በልማት እየተነቃቃች በሆነችበት መሆኑንበማውሳት የእንኳን አደረሳችሁ መልክት አስተላልፈዋል።

የወንጌል አማኞች ሰላምን፣ አንድነትንና መያያዝን በማብሰር ተምሳሌት በመሆን፣ ለአካባቢው ልማት ሊተጉ ይገባል ሲሉም ዶ/ር ብርሃኑ መልዕክት አስተላልፈዋል።

በጨንቻ ከተማ የተከበረው የ2018 ዓ.ም የኢየሱስ ክርስቶስ ልደት መታሰቢያ በዓል አባቶች ለሃገርና ለትውልድ ፀሎት ካደረጉ በኋላ ተጠናቋል።

“እግዚአብሔር ግን እንደ ኃያልና እንደ ጨካኝ ከእኔ ጋር ነው፤ ስለዚህ አሳዳጆቼ ይሰናከላሉ አያሸንፉም፤ አይከናወንላቸውምና በጽኑ እፍረት ያፍራሉ፥ ለዘላለምም በማይረሳ ጕስቍልና ይጐሰቍላሉ።”...
06/01/2026

“እግዚአብሔር ግን እንደ ኃያልና እንደ ጨካኝ ከእኔ ጋር ነው፤ ስለዚህ አሳዳጆቼ ይሰናከላሉ አያሸንፉም፤ አይከናወንላቸውምና በጽኑ እፍረት ያፍራሉ፥ ለዘላለምም በማይረሳ ጕስቍልና ይጐሰቍላሉ።”
— ኤርምያስ 20፥11

ፓስተር ማቴዎስ ግንዳው አርፏል😭በወላይታ ሶዶ ከተማ የጎላ አጥቢያ ቃለ ሕይወት ቤተክርስቲያን ፓስተር ማቴዎስ ግንዳው በትላትና ዕለት በ11:30 ላይ ከቤተክርስቲያን አምልኮ መልስ በድንገተኛ ...
06/01/2026

ፓስተር ማቴዎስ ግንዳው አርፏል😭

በወላይታ ሶዶ ከተማ የጎላ አጥቢያ ቃለ ሕይወት ቤተክርስቲያን ፓስተር ማቴዎስ ግንዳው በትላትና ዕለት በ11:30 ላይ ከቤተክርስቲያን አምልኮ መልስ በድንገተኛ ሞተር ሳይክል በተፈጠረው ግጭት አደጋ ከዚህ አለም ድካም አረፈው ወደ አገለገሉበት እና ወደ ሚወዱት ጌታ ተጠርተዋል።

ለመላ ቤተሰቦቹ፣ ወዳጅ ዘመዶቹ እንድሁም ለቤተክርስቲያኑ ታላቅ መጽናናትን እንመኛለን!

ነፍስህ በሰላም ትረፍ😭

!!
06/01/2026

!!

Address

Adis Abeba
London

Website

Alerts

Be the first to know and let us send you an email when Gospel Messengers International Ministry GMIM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category