Cyhoeddiadau'r Stamp

Cyhoeddiadau'r Stamp Rhoi ein stamp ein hunain ar greadigrwydd Cymraeg a Chymreig.

Mae cadair hardd Rhiannon Williams (dulunydd) a Sion Edwards (gwneuthurwr) ar gyfer Eisteddfod yr Urdd Ynys Môn 2026 yn ...
14/05/2026

Mae cadair hardd Rhiannon Williams (dulunydd) a Sion Edwards (gwneuthurwr) ar gyfer Eisteddfod yr Urdd Ynys Môn 2026 yn aros am saer geiriau i'w hawlio.

Bydd defod y cadeirio am 2pm ar dydd Iau, 28 Mai, ym Mhafiliwn Gwyn yr Eisteddfod ac yn fyw ar S4C.

Os bydd teilyngdod, bydd pamffled Cyhoeddiadau'r Stamp o farddoniaeth fuddugol y gystadleuaeth ar werth ar y maes (gan yr Urdd a stondin siop Awen Menai) y munud y cyhoeddir enw'r enillydd o'r llwyfan.

Cofiwch hefyd y gallwch chi DANYSGRIFIO i fod ymhlith y cyntaf i dderbyn copi yn y post – a chael copi digidol ar ebost ar ddiwrnod y cadeirio. Yr holl fanylion i'w cael ar ein gwefan trwy fynd i ystamp.cymru/stampxurdd

Maldwyn 2024: 'Gwrthryfela' gan Lois Medi
Dur a Môr 2025: 'Tywod' gan Elain Roberts
Ynys Môn 2026: *pending*

Ffotograffau:
Cloriau'r pamffledi blaenorol: /

Mae ein cartrefyn y gwasgarwchac yn y golau hwnrwy'n caru'r oll.GNE gan Morgan Owen yn cyrraedd eich siopau stampus lleo...
11/05/2026

Mae ein cartref
yn y gwasgarwch
ac yn y golau hwn
rwy'n caru'r oll.

GNE gan Morgan Owen yn cyrraedd eich siopau stampus lleol yn nes ymlaen yr wythnos hon. Mynnwch gopi! 🌱

Fory (dydd Sul 10/5) yn Aberystwyth!Elinor Gwynn yn holi Meleri Davies, Steff ap Carys a Jo Heyde am eu cerddi yn y Bank...
09/05/2026

Fory (dydd Sul 10/5) yn Aberystwyth!

Elinor Gwynn yn holi Meleri Davies, Steff ap Carys a Jo Heyde am eu cerddi yn y Bank Vault am hanner dydd fel rhan o Ŵyl Farddoniaeth a Llenyddiaeth Aberystwyth.

Ac os fwynhewch chi be glywch chi, piciwch heibio i'r Bookshop by the Sea (sy'n trefnu'r ŵyl), neu bobl stampus Siop Inc, i fachu copi o'u gwaith wedyn 📚

arlliw sy'n ysbrydoli ...Adlais hyfryd rhwng casgliad cyntaf a chasgliad diweddaraf Morgan Owen trwy Gyhoeddiadau'r Stam...
29/04/2026

arlliw sy'n ysbrydoli ...

Adlais hyfryd rhwng casgliad cyntaf a chasgliad diweddaraf Morgan Owen trwy Gyhoeddiadau'r Stamp – 'hanner awr ehöeg' (moroedd/dŵr, 2019) ac 'Ehöeg' (Gne, 2026).

Mae'r pamffled newydd bellach ar ei ffordd at bawb sydd wedi rhagarchebu, wedi mymryn o oedi – gallwch chithau archebu eich copi o'n gwefan, ac fe fydd y pamffled yn dechrau cyrraedd eich siopau stampus lleol wythnos nesa.

Cofiwch hefyd am y cynnig arbennig am bris gostyngedig ar gasgliad cyflawn Morgan Owen x Cyhoeddiadau'r Stamp sydd ar gael o'n gwefan ☀️

clawr moroedd/dŵr: Timna Cox
clawr Gne: Manon Dafydd

cyfrol gyntaf 2026 wedi llithro o'r peiriannau argraffu, ac yn postio at ragarchebwyr *ddydd Mercher yma* – archebwch he...
21/04/2026

cyfrol gyntaf 2026 wedi llithro o'r peiriannau argraffu, ac yn postio at ragarchebwyr *ddydd Mercher yma* – archebwch heddiw neu fory felly, i fod ymhlith y cyntaf i dderbyn copi o 'Gne', y pedwerydd casgliad o farddoniaeth gan Morgan Owen 🌱

https://www.ystamp.cymru/newyddion/cyhoeddiad-gne-morgan-owen

---

Casgliad o gerddi celfydd am yr hyn sydd rhwng pethau eraill pan fo ymylon yn cwrdd a chydgymysgu ydi 'Gne'. Dyma waith sy'n herio'r syniadau rhy gadarn am ble mae pethau yn dechrau ac yn gorffen; ac fel y gall darllenwyr ei ddisgwyl gan y bardd hwn bellach, mae’r ysgrifennu am fyd natur a lle mor gywrain ag erioed.

£7.50 / darluniau gan Manon Dafydd

12/04/2026

O'r nodyn cyntaf un plygodd y dderwen
yn sisial o ddail ifainc a hen bren ...

Dyma Morgan Owen i gyflwyno 'Gell', un o gerddi ei gasgliad newydd, Gne, fydd allan yn y mannau arferol ar seithfed dydd ar hugain y mis hwn.

Ond os hoffech dderbyn eich copi ychydig yn gynt na hynny, a thrwy wneud gefnogi gwasg fechan annibynnol, wirfoddol a chydweithredol yn y gwaith o'i gyhoeddi – rhagarchebwch heddiw!

---

Gne: casgliad o gerddi celfydd am yr hyn sydd rhwng pethau eraill pan fo ymylon yn cwrdd a chydgymysgu. Dyma waith sy'n herio'r syniadau rhy gadarn am ble mae pethau yn dechrau ac yn gorffen; ac fel y gall darllenwyr ei ddisgwyl gan y bardd hwn bellach, mae’r ysgrifennu am fyd natur a lle mor gywrain ag erioed.

£7.50 ~ celf y clawr a'r darluniau gan Manon Dafydd

Rydym yn falch o gyhoeddi mai Chloe Swinburn yw'r artist sydd wedi derbyn ein comisiwn i greu gwaith celf ar gyfer y pam...
09/04/2026

Rydym yn falch o gyhoeddi mai Chloe Swinburn yw'r artist sydd wedi derbyn ein comisiwn i greu gwaith celf ar gyfer y pamffledi o waith prif enillwyr llenyddol Eisteddfod yr Urdd Ynys Môn eleni – Chloe oedd enillydd Ysgoloriaeth Artist Ifanc Eisteddfod yr Urdd Dur a Môr y llynedd. Os bydd teilyngdod, bydd Chloe felly yn ymateb yn weledol i ddarnau buddugol cystadlaethau'r Fedal Ddrama, y Goron a'r Gadair.

Mae'r artist 23 oed o Wrecsam ar hyn o bryd yn astudio Darlunio gydag Animeiddio ym Mhrifysgol Metropolitaidd Manceinion. Yn gyn-fyfyriwr yng Ngholeg Cambria, arweiniodd ennill yr ysgoloriaeth y llynedd at gomisiwn gan yr Eisteddfod Genedlaethol i greu darluniau i gyd-fynd â chyfres o gerddi. Mae'i harfer creadigol yn canoli ar dirluniau arddulliedig, wedi'u dylanwadu gan ei phrofiad o dyfu i fyny yng ngogledd Cymru. Mae'n cyfuno dulliau printio traddodiadol gyda darlunio digidol er mwyn creu gwaith gweledol yn llawn mynegiant a deinameg.

Cofiwch fod modd tanysgrifio i'r gyfres bamffledi ar ein gwefan, gan ein helpu i sicrhau ei pharhad!

Llun 2: casgliad Ysgoloriaeth Artist Ifanc 2025; printiadau yn seiliedig ar 'Aberdaron' gan Cynan.

*ARGRAFFIAD NEWYDD*gallwn eich sicrhau *nad* jôc ffŵl ebrill ydi rhannu y bydd Crocodeil yn Berwi Tegell, y pamffled cyn...
01/04/2026

*ARGRAFFIAD NEWYDD*

gallwn eich sicrhau *nad* jôc ffŵl ebrill ydi rhannu y bydd Crocodeil yn Berwi Tegell, y pamffled cyntaf o gerddi amrwd a dirdynnol Non Prys Ifans, yn cael ei ailargraffu fis Ebrill mewn lliw newydd sbon.

Llongyfarchiadau, Non – a chofiwch fod y pamffled ar gael o'n gwefan ac o'ch siopau stampus lleol. Mi fyddwn ni hefyd yn cynnal dathliad i'r pamffled a'i argraffiad newydd fis Mai – cadwch lygad am fanylion y digwyddiad hwnnw! 🐊☕️

🎣 Diweddariad bach! 🎣
01/04/2026

🎣 Diweddariad bach! 🎣

Ychydig o newyddion ... 💫💫💫
01/04/2026

Ychydig o newyddion ... 💫💫💫

ffasiynol o hwyr ond dyma ni fel yr arfer yn rhannu tabl incwm a gwariant syml ar gyfer blwyddyn ariannol 2024-25, sydd ...
27/03/2026

ffasiynol o hwyr ond dyma ni fel yr arfer yn rhannu tabl incwm a gwariant syml ar gyfer blwyddyn ariannol 2024-25, sydd newydd fynd at y cyfrifwyr. Dan ni'n gwneud hyn fel egwyddor er mwyn bod yn hollol dryloyw ein gweithrediadau, ac hefyd er mwyn dangos sut beth ydi rhedeg gwasg fechan iawn ar gyllideb dynn.

Ambell nodyn: fel yr arfer, costau papur ac inc sydd ar frig ein gwariant unwaith eto – mae'n debyg mai hwn fydd yn parhau fel yr her fwyaf o flwyddyn i flwyddyn; balch nodi fod bron i ¼ ein gwariant ni ar freindal a thâl awduron, artistiaid, golygyddion a phrawfddarllenwyr; siopau llyfrau sy'n parhau i ddod â'r gwerthiant uchaf i ni ❤️; ac mi sylwch mai blwyddyn gyda cholled ariannol oedd hi yn y pendraw – dim byd i boeni ormod yn ei gylch fel mudiad dielw, ond yn amlwg ddim yn rhywbeth rydan ni am ei weld yn troi'n duedd chwaith.

O ran hynny, dyma'r gri flynyddol arferol hefyd am rywun fyddai'n fodlon cynnig gwasanaeth cyfrifo gwirfoddol i ni – byddai tynnu bil y cyfrifwyr o'n costau yn mynd yn o bell at ganslo'r golled a wnaed yn y flwyddyn ariannol dan sylw. Cysylltwch!

Cofiwch fod incwm a gwariant pob blwyddyn ar gael ar ein gwefan trwy fynd i ystamp.cymru/ariannol

Address

Cardiff

Website

Alerts

Be the first to know and let us send you an email when Cyhoeddiadau'r Stamp posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Cyhoeddiadau'r Stamp:

Shortcuts

Share