Cyhoeddiadau'r Stamp

Cyhoeddiadau'r Stamp Rhoi ein stamp ein hunain ar greadigrwydd Cymraeg a Chymreig.

beth am yrru eich cerddi agos-ati neu bell-ohoni i chwilio am gartref clyd rhwng cloriau rhifyn nesa ?ein galwad agored...
16/08/2026

beth am yrru eich cerddi agos-ati neu bell-ohoni i chwilio am gartref clyd rhwng cloriau rhifyn nesa ?

ein galwad agored cyfredol yn fyw tan hanner nos, nos Sul 23 Awst – Dafydd Owain ydi'r golygydd gwadd ac mae'r holl fanylion draw ar ein gwefan ⚛️

Diolch, Eisteddfod y Garreg Las!Cofiwch fod ein cyfrolau ar gael o'r stondinau llyfrau ac ambell le arall ar y maes hefy...
05/08/2026

Diolch, Eisteddfod y Garreg Las!

Cofiwch fod ein cyfrolau ar gael o'r stondinau llyfrau ac ambell le arall ar y maes hefyd. Mwynhewch weddill yr wythnos 🌤

bore heddiw – digwyddiad olaf rhaglen Cyhoeddiadau'r Stamp yn Eisteddfod y Garreg Las 🪨Y bardd lleol, Steff ap Carys, fy...
05/08/2026

bore heddiw – digwyddiad olaf rhaglen Cyhoeddiadau'r Stamp yn Eisteddfod y Garreg Las 🪨

Y bardd lleol, Steff ap Carys, fydd yn sgwrsio â Meleri Davies am Sgwâr, ei bamffled o gerddi a gyhoeddwyd y llynedd. Cyfle hefyd i brynu argraffiad newydd arbennig a chyfyngedig (50) o'r casgliad.

📍Llwyfan Llyfrau, Y Pentref Llên / 11:30

mae pysmelyn – sy'n gymeriadau ymylol o fath yn y ddrama – yn dweud wrthoch chi i gyd am fynd draw i Gaffi Maes B erbyn ...
04/08/2026

mae pysmelyn – sy'n gymeriadau ymylol o fath yn y ddrama – yn dweud wrthoch chi i gyd am fynd draw i Gaffi Maes B erbyn 12:30 heddiw (dydd Mawrth) i glywed Glain Llwyd a Gwion Ifan yn perfformio Tishe Plant?, sef y gwaith a enillodd i Glain Fedal Ddrama Eisteddfod yr Urdd Ynys Môn 2026 🏅

"Mae hon yn ddrama sydd angen ei llwyfannu, mi fasa hi’n wych – ac mi faswn i’n mynd yn un swydd i weld y ddrama yma, dim ots lle fasa hi, oherwydd ma’ ’na gymaint yndi hi." (Esyllt Maelor, Radio Cymru)

Cyfle i brynu copi o'r sgript (a'r pamffledi eraill yn y gyfres) hefyd!

yn ogystal ag ar stondinau llyfrau, mae casgliad pamffledi llenyddol Eisteddfod yr Urdd 2026 hefyd ar gael eleni o Gaffi...
02/08/2026

yn ogystal ag ar stondinau llyfrau, mae casgliad pamffledi llenyddol Eisteddfod yr Urdd 2026 hefyd ar gael eleni o Gaffi Maes B*! 🎪

Ac yn y fan honno ar ddydd Mawrth (4 Awst), bydd darlleniad sgript mewn llaw arbennig o TISHE PLANT?, gwaith buddugol y Fedal Ddrama gan Glain Llwyd – gyda Glain ei hun yn chwarae rhan Martha, a Gwion Ifan fel Efan.

Heidiwch draw am 12:30! 🎭

*cyfrolau unigol £5 / casgliad cyflawn £12

mae argraffiad newydd cyfyngedig o SGWÂR gan Steff ap Carys wedi cyrraedd y maes!Dim ond 50 copi [wedi'u rhifo] sydd yn ...
01/08/2026

mae argraffiad newydd cyfyngedig o SGWÂR gan Steff ap Carys wedi cyrraedd y maes!

Dim ond 50 copi [wedi'u rhifo] sydd yn y byd o'r gyfrol yn y lliwiau newydd, i nodi ymweliad yr Eisteddfod â bro'r bardd.

Bachwch gopi o stondin Awen Teifi, a chofiwch am y sesiwn arbennig yma fore Mercher:

11:30 / Llwyfan Llyfrau, y Pentref Llên
Meleri Davies yn sgwrsio â Steff ap Carys am gerddi 'Sgwâr' 🟦

*HEDDIW* (dydd Sadwrn)13:00 / Llwyfan y Pentref Llên Eisteddfod ~ Morgan Owen yn cyflwyno cerddi o'i gasgliad diweddaraf...
01/08/2026

*HEDDIW* (dydd Sadwrn)

13:00 / Llwyfan y Pentref Llên Eisteddfod
~ Morgan Owen yn cyflwyno cerddi o'i gasgliad diweddaraf, 'Gne'.

"Casgliad o gerddi celfydd am yr hyn sydd rhwng pethau eraill pan fo ymylon yn cwrdd a chydgymysgu. Dyma waith sy'n herio'r syniadau rhy gadarn am ble mae pethau yn dechrau ac yn gorffen; ac fel y gall darllenwyr ei ddisgwyl gan y bardd hwn bellach, mae’r ysgrifennu am fyd natur a lle mor gywrain ag erioed." 🌱

*noder – sesiwn bnawn fory hefo clare e. potter wedi'i ganslo yn anffodus; ond cyfle i glywed Diffwys Criafol yn trafod draw yn Mas ar y Maes am 1!

*GALWAD AGORED*Mae'n bryd i ni agor y llifddorau a'ch gwahodd i yrru cerddi atom i'w hystyried gan y golygydd gwadd, Daf...
27/07/2026

*GALWAD AGORED*

Mae'n bryd i ni agor y llifddorau a'ch gwahodd i yrru cerddi atom i'w hystyried gan y golygydd gwadd, Dafydd Owain, ar gyfer rhifyn nesaf .

Gallwch gyflwyno hyd at 3 cerdd unigol neu ddilyniant o hyd at 3 cerdd, yn ôl yr arfer, ac mae'r holl ofynion cyflwyno i'w cael ar ein gwefan trwy'r ddolen isod. Darllenwch rhain yn ofalus cyn gyrru eich gwaith – gallwch wneud hynny dros e-bost neu'r post traddodiadol 📨

https://www.ystamp.cymru/newyddion/galwad-agored-ffosfforws-9

Dyddiad cau: HANNER NOS, NOS SUL 23 AWST

---

'canfod y ffosfforedd hwnnw, y golau oddi mewn: dyna athrylith barddoniaeth' (Emily Dickinson)

sylw i gynnyrch adran farddoniaeth Eisteddfod yr Urdd Ynys Môn yn rhifyn diweddaraf cylchgrawn Barddas.Bu mwy o adolygia...
26/07/2026

sylw i gynnyrch adran farddoniaeth Eisteddfod yr Urdd Ynys Môn yn rhifyn diweddaraf cylchgrawn Barddas.

Bu mwy o adolygiadau a sylw beirniadol i waddol llenyddol yr Urdd eleni nag a fu ers blynyddoedd lawer; arwydd, gobeithio, fod rhoi'r cyfle i'r gwaith ymddangos mewn cyfrolau unigol fel hyn yn dechrau cael effaith! 🤞

⚛️NEWYDDION⚛️Pleser yw cyhoeddi mai golygydd gwadd rhifyn nesaf Ffosfforws, ein cyfnodolyn barddoniaeth gyfoes, fydd Daf...
22/07/2026

⚛️NEWYDDION⚛️

Pleser yw cyhoeddi mai golygydd gwadd rhifyn nesaf Ffosfforws, ein cyfnodolyn barddoniaeth gyfoes, fydd Dafydd Owain – yr artist o Gaernarfon sy'n prysur sefydlu ei hun fel un o leisiau cerddorol mwyaf cyffrous Cymru.

Mae 'Ymarfer Byw' wedi'i disgrifio gan Nation.Cymru fel un o'r albymau 'pwysicaf i ddod allan o Gymru yn y degawd hwn'.

Wrth iddo droi ei law at guradu casgliad nesaf Cyhoeddiadau'r Stamp o 15 cerdd gan 15 bardd, gofynnwyd i Dafydd am argraff o'r hyn y mae'n chwilio amdano mewn sgwennu da ... ac wele'i ymateb >>

Bydd galwad agored Ffosfforws 9 yn fyw ddydd Llun nesa, 27 Gorffennaf. Yn y cyfamser, ewch draw i'n gwefan i ddarllen mwy (a beth am fachu copi o un o'r ôl-rifynnau, i gael syniad o'r vibe cyn gyrru gwaith atom?).

https://www.ystamp.cymru/newyddion/newyddion-dafydd-owain-golygydd-gwadd-ffosfforws-9

Llun: Dion Jones

Address

Cardiff

Website

Alerts

Be the first to know and let us send you an email when Cyhoeddiadau'r Stamp posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Cyhoeddiadau'r Stamp:

Shortcuts

Share