Helenalemayehu

14/08/2025

🌀🌀ሰው እኮ!🌀🌀

✅ ካላገባህ ለምን አታገባም ?
✅ ካገባህ ምነው እስካሁን ሳትወልዱ ?
✅ ሁለት ልጆች ካሉህ ለምን ሶስተኛ አትጨምሩም ?
✅ ከሚስትህ ጋር ከተጋጫቹ ፍቺ እያለ ምን አሰቃየህ ?
✅ ተጫዋች ስትሆን ወረኛ ያደርጉሃል
✅ ዝምተኛ ስትሆን ውስጥህ ነገር እንደያዘ ነገር ያስቡሃል
✅ አንዳንዴ ተጫዋች አንዳንዴ ዝምተኛ ስትሆን እሱ እኮ እንዲህ ነው
አይጨበጥም ይሉሃል!

✴ኮስታራ ከሆንክ እሱኮ ፊቱ አይፈታም
✴ባጋጣሚ ሰላም ሳትል ካለፍክ ኩራተኛ ነው ብለው ያስወሩብሃል
በቃ ማውራት ነው !!

💠 ስትወፍር ያወራሉ
💠 ስትከሳ ያወራሉ
💠 ጎበዝ ከሆንክ ያወራሉ
💠 ደደብ ከሆንክ ያወራሉ
💠 ፀሀይ ሲሆን ሙቀቱ!
💠 ዝናብ ሲሆን ውይ ብርዱ!
💠 ስትናገር ተናጋሮ አናጋሪ ያደርጉሃል
💠 ግልፅ ስትሆን ይጠሉሃል
💠 ስትቀርባቸው ለጥቅም እንደሆነ ያስባሉ
💠 ስትርቃቸው ይፈልጉሃል
💠 ቀለል ብለህ ስትቀርባቸው ያረክሱሃል
💠 ስራ ከፈታህ ይንቁሃል
💠 ስራ ስተሰራ ያሙሃል
💠 ገንዘብ ካለህ ይንሰፈሰፉልሃል
💠 ካማረበህ ይቀናሉ
💠 ካስጠላብህ ያሽሟጣሉ
💠 ፀዳ ስትል ያፈጡብሃል
💠 ስትቆሽሽ ሊያዩህም አይፈልጉም

🧿🧿🧿🧿🧿🧿🧿🧿🧿🧿🧿🧿🧿🧿

ይገርማል…!!
✴ ሰው ሲሞት ከንፈር መምጠጥ
✴ በሰው ውድቀት ማላገጥ
✴ ሰው ሲያልፍለት መቅናት
✴ ሰው ሲሰራ ማማት
✴ ካለህ ሰዎች ያውቁሃል
✴ ከሌለህ ሰዎችን ታውቃለህ
✴ ካለህ ሰዎች ያውቁሃል
✴ ከሌለህ ሰዎች ይንቁሃል

🧿🧿🧿🧿🧿🧿🧿🧿🧿🧿🧿🧿🧿🧿

አሁንም እንገረም...!!
✳ ጥቅም እንጂ ፍቅር የለም!
✳ እኔ እንጂ እኛ የለም
✳ የላይ እንጂ የውስጥ የለም
✳ ከአፍ እንጂ ከልብ የለም
✳ ምላስ እንጂ ተግባር የለም
✳ ትምህርት እንጂ ዕውቀት የለም
✳ ስደት እንጂ ገንዘብ የለም

🧿🧿🧿🧿🧿🧿🧿🧿🧿🧿🧿🧿🧿🧿

ድንቅ ነው...!!
✅ ነጋዴው ይዋሻል
✅ ተማሪው ያላግጣል
✅ ዶክተሩ በእውቀቱ ይነግዳል
✅ ሃብታም ለድሃው አያዝንም
✅ በሽታና ሞት ቢበዛም የሚመከር ጥቂት እንጂ ብዙ የለም
✅ ብዙዎች በአለማዊ ጉዳይ ቢዚህ ሆነው
✅ መንፈሳዊውን ህይወታቸውን ረስተው
✅ ዓለማችን በጥፋት ተበከለች
✅ ክቡር ህይወት ርካሽ ሆነች

ምርጥ መጣጥፍ ሆኖ ካገኙት ላይክ፣ሼር ያድርጉ
ምርጥ መጣጥፎች

11/08/2025

✅🚺 🚺✅

✴ ከሚያናግርሽ ወንድ ሁሉ ጋር አትሳቂ! አንዳንዴ መኮሳተር ጥሩ ነዉ! ድንበር የሌለዉ ፈገግታና ሳቅ ከመንገድሽ ያዘገይሻል!

✴ በወንጌል ጉዳይ አትደራደሪ! ምክንያቱም, ክርስቶስ ስለአንቺ መከራን ሲቀበል አልተደራደረብሽም! ሞቶልሻል!

✴ ጠራ ኮራ ብለሽ ሂጂ! ባለሽ ዘንጪ! ኩርምት አትበይ! ግን ከባህልሽና ከእምነትሽ ያፈነገጠ አለባበስንና እስታይልን ቻዉ በይ! ክርስቲያን ሰማያዊ እንጂ ዘመናዊ አይደለም!

✴ ዝሙትንና መዳራትን ከሚጋብዙ ዘፈኖችና እንቅስቃሴዎች, ማሬ ነግሬሻለሁ ባለሽ አቅም ሁሉ ሽሺ!

✴ በቦርሳሽ ዉስጥ ኮስሞቲክስና መስታዉት ብቻ ይዘሽ አትዙሪ! መፅሀፍ ቅዱስሽንም መያዙን አትርሺ! ቦርሳሽ ዉበት የሚኖራት ያኔ
ነዉ!

✳ ድንግልናሽን ጠብቂዉ! ለምታገቢዉ ብቻ አስቀምጪ!
እግዚአብሔር ቅዱስ ነዉና! በክርስቶስ ሲቀድስሽ የቅድስናን ሕይወት እንድትኖሪ ነዉ!

✳ በእግዚአብሔር ዘንድ ከወንድ እኩል ተቀባይነት እንዳለሽ አትርሺ!
ክርስቶስም በስጋ ከሴት(ከድንግል ማርያም) ነዉ የተወለደዉ!
ስለዚህ እግዚአብሔር በክርስቶስ ተቀብሎሻለ! ማን ይቃወምሻል?!

✳ አንቺኮ ምርጥ ነሽ! ወንድ ሁሉ ይፈልግሻል! ያሚያገባሽ እንዴት ታድሏል! ተፈላጊ መሆንሽን አትርሺ! ግን ለሚያገባሽ እንጂ ለሚፈልግሽ ሁሉ አትገኚ!

✳ ዘጠነኛዉ ይሄ ፈገግ የሚያደርግ ነዉ ግን የግሞ ትክክል ነዉ!
"ወንድ ከልቡ አፍቅሮሽ ሲያለቅስ, ዝም ብለሽዉ ሮጠሽ አትለፊ!" ቢያንስ እንባዉን እስኪጠርግ ቆመሽ ተመልከቺ! አትመፃደቂ!

✳ የመጨረሻዉ መልዕክቴ "ክርስቶስን ባገኘሽዉ አጋጣሚ ሁሉ ስበኪ! ያኔ ዉበትሽ ይደምቃል! ፀጋ ይብዛላችሁ! መልዕክቱ አስተማሪ ሆኖ ካገኛችሁት ሼርርርር

ምርጥ መጣጥፍ

09/12/2023

07/10/2023

21/09/2023

♦ልብ በሉ የሰው ልጅ ብቸኛ ነው የሚባለው ከፈጣሪ ሲርቅ ብቻ ነው ...

✳ በዙሪያህ ሰው ያጣህ ቀን ራስህን ወዳጅ የሌለው ብቸኛ ሰው አርገህ በፍፁም እንዳትጨነቅ ፤ ሰው ብቸኛ ነው የሚባለው ከፈጣሪው ሲርቅ ነውና ፤

ወዳጄ አንተ እንደ መፃጉ ሰው የለኝም ብለህ ተስፋ ቆርጠህ ይሆናል ግን አስተውል " አንተን ተስፋ የሚያደርጉ አያፍሩም" ተብሎ ተፅፏል ።

ትናንት አጃቢ የበዛልህ ሰው ነበርክ ዛሬ ግን ብቻህን ቁመህ ይሆናል በዚህም ብዙ አትደነቅ ከክርስቶስ እጅ እንጀራ እና አሳ በበረከት ሲበሉ የነበሩ ሰዎች መች በመከራው ጊዜ በቀራንዮ አደባባይ ከርእሱ ጋር ቆሙ ታዲያ ሕይወት ለሰጣቸውና ምግበ ነብስ ምግበ ሥጋ ለሆነላቸው ለክርስቶስ ያልሆኑ ሰወች እንዴት ለእኔ አልሆኑም ብለህ ትገረማለህ ?

አይንህን ገልጠህ ልብህን ከፍተህ አስተውል #ሰው ማለት ሸንበቆ ነው ከተደገፍከው ይሰበራል ተሰብሮ እንኳ አይተውህም ስለተደገፍከኝ ነው የተሰበርኩት ብሎ ስባሪውን አሹሎ ውስጥህ ድረስ ይወጋሀል ፤ እናም ወዳጄ በጆሮህ ሳይሆን በልብህ ስማኝ ዘመድ ወይም ታማኝ ጓደኛ ላይኖርህ ይችላል ግን ከሁሉ በላይ ሆኖ ሁሉን የሚገዛ ኋለኛው እና መጨረሻው እኔ ነኝ ያለው አንተን ከፍ አርጎ የሚሾምህ ፈጣሪ ስላለህ ወዳጅ አዝማድ ስለማጣትህ በፍፁም እንዳትጨነቅ ዮሴፍን ወንድሞቹ በግፍ ሸጠውት ወደ ግብፅ ሲወርድ ማንም ሰው አልነበረውም #ፈጣሪ ግን በጲጥፋራ ቤት በባዕድ ሀገር ገዥ አድርጎ ሾሞታል ።

በዚ እኔና አንተም ባለንበት ዘመንም ዛሬም ድረስ በሰዎች ተንኮል ብዙዎች ይሸጣሉ ፣ ይገፋሉ ፣ ይሰደዳሉ ፈጣሪ ደግሞ በፍቅሩ ገዝቶ መገፋትህን ገፍቶ በምድሩ ይሰበስብሀል እናም ወዳጄ ጊዜን አይቶ የማይከዳ ዘመን የማይለውጠው ምንጊዜም ሰው ለሌላቸው ቀድሞ የሚደርስና ስላንተ ካንተና ከሰወች በላይ የሚጨነቅልህ የነብስህ ጌታ የሆነው ዘላለማዊው ፈጣሪ አለህና ስጋህን አይተው ለሚቀርቡህና ለሚርቁህ ስጋ ለባሽ ፈራሽ ሰወች ስለማጣትህ በጭራሽ የሰናፍጯን ቅንጣት ታክል ጭንቀት እንዳይገባህ በሱ በፈጠረህ ብቻ የሰናፍጯን ቅንጣት ታክል እመን ያኔ ብቻህን ሆነህ እልፍ ትሆናለህና ።

ሼርርርር።።።።። ላይክ በማድርግ ቤተሰብ ይሁኑ

ከደራሲያን አለም ፔጅ