Melos love truth

28/02/2026

ሰበር ዜና: አሜሪካ እና እስራኤል በኢራን ላይ ጥቃት ሲፈፅሙ በቴህራን በርካታ ፍንዳታዎች ደረሱ

ዩናይትድ ስቴትስ እና እስራኤል በጋራ በመሆን ኢራን ላይ ጥቃት ፈጽመዋል፣በቴህራን ዙሪያ በርካታ ፍንዳታዎች ተሰምተዋል። በርካታ ሚሳኤሎች በቴህራን ዩኒቨርሲቲ ጎዳና እና ጆምሁሪ አካባቢን መምታታቸውን የፋርስ የዜና ወኪል ዘግቧል። በከተማዋ ውስጥ ጭስ እየጨመረ ሲወጣ ታይቷል።

የእስራኤል የመከላከያ ሚንስትር ኢዝራኤል ካትስ እስራኤል የሚሳኤል ጥቃቱን የከፈተችው "በእስራኤል መንግስት ላይ የሚደርሰውን ስጋት ለማስወገድ" ነው ብለዋል። የዩናይትድ ስቴትስ ባለስልጣን ለአልጀዚራ እንደተናገሩት ጥቃቱ የተፈፀመው በእስራኤል እና በአሜሪካ መካከል በተደረገው የጋራ ወታደራዊ ዘመቻ ኢራንን በኒውክሌር መርሃ ግብር ስምምነት ላይ እንድትደርስ ጫና ለመፍጠር በቀጣናው በርካታ ተዋጊ ጄቶች እና የጦር መርከቦችን በማሰባሰብ ነው ሲሉ ተደምጠዋል።

አሶሼትድ ፕሬስ የዜና ወኪል እንደዘገበው በኢራን ዋና ከተማ ጥቃቱ የተፈፀመው በጠቅላይ መሪ አያቶላ አሊ ካሚኒ ቢሮዎች አቅራቢያ ነው። ሮይተርስ በበኩሉ እንደዘገበው ካሜኔ ቴህራን ውስጥ የሉም እናም ደህንነቱ የተጠበቀ ቦታ አቅንተዋል ብሏል። የኢራን ከፊል ይፋዊ የዜና ወኪል ታስኒም እንደዘገበው በቴህራን ሰሜናዊ ሴይድ ካንዳን አካባቢ ፍንዳታዎችም ተከስተዋል።

የኢራንን የአፀፋ እርምጃ በመስጋት የእስራኤል ኤርፖርቶች ባለስልጣን የአየር ክልል ለሁሉም ሲቪል በረራዎች መዘጋቱን እና ህዝቡ ወደ አየር ማረፊያው እንዳይመጣ አሳስቧል። ይህ በእንዲህ እንዳለ፣ በኳታር የሚገኘው የዩናይትድ ስቴትስ ኤምባሲ ለሁሉም ሰራተኞች የመጠለያ ቦታን ተግባራዊ አድርጓል፣ ይህም ሁሉም ዜጎቹ ተጨማሪ ማሳወቂያ እስኪደርሳቸው ድረስ ተመሳሳይ ነገር እንዲያደርጉ መክሯል።

ሮይተርስ የእስራኤል የመከላከያ ባለስልጣንን ጠቅሶ እንደዘገበው ጥቃቱ ለወራት ታቅዶ እንደነበር እና የሚጀመርበት ቀን ከሳምንታት በፊት ተወስኗል ብሏል።

24/02/2026

በሜክሲኮ እጅግ ተፈላጊው ግለሰብ እና "ጃሊስኮ ኒው ጄነሬሽን" የተሰኘው አስፈሪ የዕፅ ቡድን መሪ ነሜሲዮ ኦሴጌራ ሴርቫንቴስ ወይም በቅጽል ስሙ "ኤል ሜንቾ" በወታደራዊ ዘመቻ መገደሉን የአገሪቱ መገናኛ ብዙኃን ዘግበዋል። ግድያው የተፈጸመው እሁድ ንጋት ላይ በሜክሲኮ መካከለኛው ምዕራብ በሚገኘው የጃሊስኮ ግዛት ውስጥ በተካሄደ ልዩ የደህንነት ኦፕሬሽን እንደሆነ ታውቋል።

የሜክሲኮ መከላከያ ሚኒስቴርን ጠቅሶ ሮይተርስ እንደዘገበው፣ ኤል ሜንቾ በወታደራዊ ዘመቻው ወቅት በደረሰበት ጉዳት ምክንያት በአየር ትራንስፖርት ላይ እያለ ሕይወቱ አልፏል። ግለሰቡ የሚመራው CJNG የተሰኘው ካርቴል ከመነሻው የጃሊስኮ ግዛት አልፎ በአሁኑ ወቅት በመላው ሜክሲኮ ሰፊ መዋቅርና ተጽዕኖ ያለው ድርጅት ሆኖ መቆየቱ ይነገራል።

የቡድኑ መሪ መገደል መሪውን ተከትሎ ዛሬ እሁድበጃሊስኮ እና በተለያዩ አካባቢዎች መኪኖች ሲቃጠሉ እና የታጠቁ ታጣቂዎች በጎዳናዎች ላይ ሲታዩ እንደነበር ያልተረጋገጡ ሪፖርቶች አመልክተዋል። ግጭቶች ሊቀሰቀሱ ይችላሉ የሚል ስጋትም አድሯል።

አሜሪካ ለኤል ሜንቾ መያዣ የሚሆን የ15 ሚሊዮን ዶላር ሽልማት ከዚህ ቀደም አውጥታ የነበረ ሲሆን፣ ግድያውን ተከትሎ የአሜሪካ የውጭ ጉዳይ መሥሪያ ቤት በጃሊስኮ፣ ታማውሊፓስ፣ ሚቾአካን፣ ጌሬሮ እና ኑዌቮ ሌዮን ግዛቶች ውስጥ የሚገኙ ዜጎቿ ካሉበት ቦታ እንዳይንቀሳቀሱ ጥብቅ ማስጠንቀቂያ አስተላልፏል።

01/01/2026

Inbox አለም ሁሉይስማው፡ በቆላድባ ከተማ የታየው አስደናቂ ተአምር!

ታህሳስ 22 ቀን 2018 ዓ.ም : ምስራቅ ደንቢያ
በዛሬው ዕለት በምስራቅ ደንቢያ ወረዳ ቆላድባ ከተማ የከተማው እንብርት" ተብሎ በሚጠራው አካባቢ፣ በአንድ ግዙፍ ዋርካ ዛፍ ላይ የቅድስት ኪዳነ ምህረት ድንቅ ተአምራዊ ምስል መታየቱ ተሰማ።

ክስተቱን ለየት የሚያደርገውና የብዙዎችን ትኩረት የሳበው ቀደም ብሎ የነበረው ሁኔታ ነው። በከተማው እየተከናወነ ባለው የኮሪደር ልማት ምክንያት፣ በአስፓልቱ ዳር የሚገኘው ይህ ዋርካ እንዲቆረጥ ታቅዶ ነበር።

ሆኖም ግን፦

* በቀን ስራው ተጀምሮ ዋርካውን ለመቁረጥ ሙከራ ቢደረግም፣ ለመቁረጫነት የሚያገለግሉ ቁሳቁሶች በተደጋጋሚ እየተሰበሩ ስራውን ማከናወን አልተቻለም።

* ሰራተኞቹ "ነገሩ አልሆን አለ" በማለት ትተውት በሄዱበት ጥቂት ሰዓታት ሳይሞላ፣ አመሻሽ ላይ በዋርካው አካል ላይ የኪዳነ ምህረት ድንቅ ምስል ተገልጦ ታይቷል።

በአሁኑ ሰዓት የከተማው ህዝብና ከአካባቢው የመጡ ምዕመናን በቦታው ተገኝተው ይህንን ድንቅ ተአምር እየተመለከቱ ይገኛሉ።

ይህ የእግዚአብሔር ስራ እንጂ የሰው አይደለም" በሚል ምስክርነታቸውን እየሰጡ ነው።

"ዛፉ ሊቆረጥ ሲል መሳሪያው አልሰራ ማለቱ የነገሩን ድንቅነት ያሳያል፤ አሁን ደግሞ ይኸው እናታችን ተገለጠች" የሚሉ የቆላድባ ከተማ ነዋሪዎች በርክተዋል

ይህንን ድንቅ ምስክርነት

28/12/2025

የአፍሪካ ህብረት እና የተባበሩት መንግስታት የጸጥታ ምክር ቤቶች፣ በሶማሊያ የሚገኘውን የአፍሪካ ህብረት የድጋፍ እና የማረጋጋት ተልዕኮ (AUSSOM) የስራ ጊዜ ለአንድ ተጨማሪ ዓመት ለማራዘም ወሰኑ። በዚህም መሰረት ተልዕኮው እስከ ታኅሣሥ 2019 ዓ.ም. (December 2026) የሚቆይ ሲሆን፣ ኢትዮጵያም ወታደሮቿን በስፍራው ለማቆየት መስማማቷ ተገልጿል።

በአዲሱ የጊዜ ሰሌዳ መሰረት፣ ኢትዮጵያ እና ግብፅን ጨምሮ ወታደር አዋጪ ሀገራት፣ 11,826 ወታደሮችን እና 680 የፖሊስ አባላትን እስከተጠቀሰው ጊዜ ድረስ በሶማሊያ ማቆየት ይጠበቅባቸዋል። ይህ ውሳኔ የተላለፈው አል-ሸባብን ለመዋጋት እና የቀጠናውን ሰላም ለማረጋገጥ አስፈላጊ በመሆኑ ነው።

የአፍሪካ ህብረት የሰላምና ጸጥታ ምክር ቤት፣ ግብፅ ወታደሮቿን በሶማሊያ ለማሰማራት ያሳየችውን ዝግጁነት በበጎ ተቀብሎታል። የግብፅ ጦር ቦታውን ተረክቦ እስኪሰማራ ድረስ የደህንነት ክፍተት እንዳይፈጠር፣ የቡሩንዲ፣ ጋና እና ሴራሊዮን ወታደሮች በቦታቸው እንዲቆዩ ጥሪ ቀርቧል።

ከዚህም በተጨማሪ፣ ኢትዮጵያ እና ዩጋንዳ ከአፍሪካ ህብረት ተልዕኮ ውጪ፣ በሁለትዮሽ ስምምነት ተጨማሪ ወታደሮችን ማሰማራታቸው እና መስዋዕትነት እየከፈሉ መሆኑ ተጠቅሷል። ቀደም ሲል በሶማሊላንድ የመግባቢያ ስምምነት ምክንያት ሞቃዲሾ የኢትዮጵያ ወታደሮች ከአውሶም እንዲወጡ ዛቻ ሰንዝራ የነበረ ቢሆንም፣ አሁን ግን የኢትዮጵያ ጦር በቦታው እንደሚቀጥል ተረጋግጧል።

የተልዕኮው መራዘም በዋናነት የመጣው በበጀት እጥረት ምክንያት እንደሆነ የተገለጸ ሲሆን፣ የአፍሪካ ህብረት ኮሚሽን ከሰላም ፈንዱ 20 ሚሊዮን ዶላር ቢመድብም ገንዘቡ ገና አልተለቀቀም። ቻይና፣ አሜሪካ እና ሌሎች ለጋሽ ሀገራት በተልዕኮው የፋይናንስ ጉዳይ ላይ አሳሳቢነታቸውን ገልጸዋል።

በሌላ በኩል፣ ሶማሊያ በታኅሣሥ 2026 "አንድ ሰው አንድ ድምፅ" የሚርህ ምርጫ ለማካሄድ እቅድ መያዟ በአፍሪካ ህብረት ተወድሷል።

26/12/2025

የአልሸባብ የሽብር ቡድን ለሶማሊያና ለቀጠናው ሀገራት ትልቁ አሁናዊ የደህንነት ስጋት ሆኖ መቀጠሉን የተባበሩት መንግሥታት የባለሙያዎች ቡድን አስታወቀ

የአልሸባብ የሽብር ቡድን ለሶማሊያና ለቀጠናው ሀገራት ትልቁ አሁናዊ የደህንነት ስጋት ሆኖ መቀጠሉን የተባበሩት መንግሥታት ድርጅት ባሙያዎች ቡድን ከትናንትና ወዲያ ረቡእ ዕለት ባወጣው ሪፖርት ላይ ገልጿል።

በዚህም አልሸባብ በቀጠናው ደህንነት ላይ፤ በተለይም ደግሞ በኬንያ ደህንነት ላይ ትልቅ አሁናዊ ስጋትን የደገነ መሆኑን ሪፖርቱ አመልክቷል።

ምክንያቱ ደግሞ ቡድኑ ራሱ ያመረታቸውን ተቀጣጣይና ተተኳሾች ጭምር በመጠቀም በኬንያ ላይ ተደጋጋሚ ጥቃቶችን እየፈጸመ የሚገኝ በመሆኑ ነው።

በዚህ ዓመት ብቻ አልሸባብ የሶማሊያ አዋሳኝ በሆኑት ማንዴራና ላሙ የተባሉ የኬንያ ግዛቶች ላይ በአማካኝ በወር ስድስት ጥቃቶችን ፈጽሟል።

“በመሆኑም አልሸባብ በኬንያ የደህንነት ኃይሎች ላይ ያነጣጠሩ ጥቃትቶችን በመፈጸም፣ መሰረተ ልማቶችን በማውደም፣ ከብቶችን በመስረቅ፣ ሴቶችን አፍኖ በመውሰድና በመድፈር ለኬንያ ትልቅ የደህንነት ስጋት ሆኗል” ሲል የተባበሩት መንግስታት የባለሙያዎች ቡድን በሪፖርቱ ገልጿል።

የአልሸባብ የሽብር ቡድን በቀጠናው ላይ የሚፈጥረው የደህንነት ስጋት የሚመነጨው በዋና ከተማዋ ሞቃዲሾ በሀገሪቱ ፕሬዚዳንት ላይ ግድያ እስከመሞከር የዘለቀ ጥቃት የመፈጸም አቅሙ ብቻ ሳይሆን የቡድኑ ከፍተኛ የሆነ ፕሮፓጋንዳ የመስራት አቅም፣ የተራቀቀ የዝርፊየና ገንዘብ የማግኛ ስልቱ እንዲሁም አደገኛ የአስገድዶ ምልመላ ስልቱ ጭምር መሆኑንም የመንግስታቱ ድርጅት የባለሙያዎች ቡድን አመልክቷል።

የተባበሩት መንግስታት ደርጅት የባለሙያዎች ቡድን ሪፖርት ይህንን ይበል እንጂ የሶማሊያ መንግስት በአልሸባብ ላይ የሚያካሂደውን ጥቃት አጠናክሮ መቀጠሉንና ድልም እየተቀዳጀ መሆኑን ፕሬዚዳንት ሀሰን ሸክ መሀመድ በተደጋገሚ ሲገልጹ መሰማታቸው አይዘነጋም።

ባለፈው ጥቅምት ወር ላይ የሶማሊያ ብሔራዊ ጦርና አጋሮቹ በማዕከላዊ ጁባ ቡአሊ ከተማ ባካሄዱት ዘመቻ የአልሸባብን ተባባሪ መስራችና የቡድኑ የደህንነት መሪ የነበረውን መሀመድ አብዲ ሀሙድ ወይንም በቅፅል ስሙ ጃክፋር ጉሬይ የሚባለውን የአልሸባብ ዋነኛ ሰው መገደሉን መግለጻቸው ይታወሳል።

ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦

#ዜና #ኢትዮጵያ አዲስ ማለዳ ወቅታዊ የኢትዮጵያን ጉዳዮች በስፋትና በጥልቀት የምትተነትን፣ እንዲሁም የተረጋገጡና የትም ያልተሰሙ ዜናዎች የሚቀርቡባት የ....

23/12/2025

ታሪክ ተሰራ! በ24 ሰዓት ውስጥ 11 ሚሊዮን ብር! 🇪🇹❤️👏

አምናችሁ ትቀበላላችሁ? ከ24 ሰዓት ባልሞላ ጊዜ ውስጥ 11,000,000 (አስራ አንድ ሚሊዮን) ብር ተሰበሰበ!

የዓመቱ ምርጥ TikToker አዶናይ ለሕፃፅ ወገኖቻችን በጀመረው ፣ ኢትዮጵያውያን ለወገናቸው ያላቸውን ፍቅር እና ርህራሄ በተግባር አሳይተዋል።

ይህ የህዝብ ማዕበል ነው! እያንዳንዷ የተሰጠች 100 ብር ተጠራቅማ ዛሬ ለወገን እምባ አባሽ ሆናለች።

ክብር ለኢትዮጵያ ህዝብ! ይህ ድል የሁላችንም ነው!

23/12/2025

ኢትዮጵያና አሜሪካ ከ2026 እስከ 2030 ለሚዘልቅ የአምስት ዓመታት የጤና ትብብር ማዕቀፍ የ1.6 ቢሊዮን ዶላር ስምምነት ተፈራረሙ። ስምምነቱ በዋናነት በኤች አይ ቪ/ኤድስ፣ በሳንባ ነቀርሳና በወባ በሽታዎች መከላከል እንዲሁም በእናቶችና ሕፃናት ጤና ላይ ያተኮረ ነው።

የገንዘብ ድልድሉን በተመለከተ፣ የአሜሪካ መንግሥት 1.16 ቢሊዮን ዶላር የሚለግስ ሲሆን፣ ቀሪው 440 ሚሊዮን ዶላርበኢትዮጵያ መንግሥት የሀገር ውስጥ የጤና ፋይናንስ ዕቅድ የሚሸፈን ይሆናል። ይህ ስምምነት ካለፉት ሁለት አሥርተ ዓመታት ወዲህ በሁለቱ ሀገራት መካከል ያለውን የጤና ትብብር ወደ ላቀ ደረጃ ያሸጋግረዋል ተብሏል።

የጤና ማዕቀፉ ከበሽታዎች ቁጥጥር ባለፈ የኢትዮጵያን የጤና ሥርዓት ለማጠናከር የሚረዱ ወሳኝ ነጥቦችን አካቷል፤ ከእነዚህም መካከል፦

▪️ የጤና ባለሙያዎችን አቅም ማሳደግ፣
▪️ የሀገር ውስጥ የመድኃኒት ምርትንና አቅርቦትን ማጠናከር፣
▪️ የወረርሽኝ መከላከልና ምላሽ አሰጣጥ ብቃትን ማሳደግ የሚሉት ይገኙበታል።

በአዲስ አበባ በተካሄደው የፊርማ ሥነ-ሥርዓት ላይ የአሜሪካው አምባሳደር ኤርቪን ማሲንጋ፣ የገንዘብ ሚኒስትሩ አቶ አህመድ ሽዴ እና የጤና ሚኒስትሯ ዶክተር መቅደስ ዳባ ስምምነቱን አጽድቀዋል። አምባሳደር ማሲንጋ በወቅቱ እንደገለጹት፣ ስምምነቱ የአሜሪካ መንግሥት ለኢትዮጵያ የጤና ሥርዓት መሻሻል ያለውን ጽኑ ቁርጠኝነት የሚያሳይ ነው።

05/12/2025

በአንድ ወቅት የኢትዮጵያ ፖለቲካ ዋነኛ ተዋናይና የጠቅላይ ሚኒስትር ዐቢይ አህመድ የቅርብ አጋር የነበሩት አቶ ታዬ ደንደአ፣ ዛሬ በፌደራሉ ከፍተኛ ፍርድ ቤት የልደታ ምድብ ችሎት ፊት ቀርበው የመጨረሻው ቃል ተላልፎባቸዋል። ችሎቱ በቀድሞው ሚኒስትር ዴኤታ ላይ የሰባት ዓመት ከሁለት ወራት ጽኑ እስራት እና የአምስት ሺህ ብር የገንዘብ መቀጮ ወስኖባቸዋል።

ይህ የቅጣት ውሳኔ የተላለፈው፣ አቶ ታዬ ከዚህ ቀደም ጥፋተኛ በተባሉበት “የጸና ፈቃድ የሌለው የጦር መሣሪያ ይዞ መገኘት” በተሰኘው የክስ ጭብጥ ነው።

ነገሩ ወዲህ ነው። አቶ ታዬ ከሁለት ዓመት በፊት በመንግሥት ላይ ያቀረቡትን የሰላ ትችት ተከትሎ ከሥልጣን ሲነሱና ለእስር ሲዳረጉ፣ አብረው የተመሰረቱባቸው ከባድ የክስ መዝገቦች ነበሩ። ባለፈው ህዳር 3 ቀን 2018 ዓ.ም በነበረው የፍርድ ቤት ውሎ ግን፣ ከተከሰሱባቸው አበይት ወንጀሎች ነጻ ተብለው ነበር። እነዚህም "ከጠላት ጋር ማበር" እና "የሀገር መከላከያን ለመምታት ግዙፋዊ ዝግጅት ማድረግ" የሚሉ በወንጀል ሕጉ አንቀጽ 251 ስር የሚወድቁ ከባድ ክሶች ናቸው። ጠበቃቸው አቶ አበራ ንጉስ ለፍርድ ቤቱ ካቀረቧቸው 13 የቅጣት ማቅለያ ነጥቦች ውስጥ አስራ ሁለቱ ተቀባይነት አግኝተው እንደነበርም ይታወሳል።

ሆኖም ከከባዶቹ ክሶች ነጻ ቢወጡም፣ በህገ-ወጥ የጦር መሳሪያ ይዞታ ክሱ ግን አላመለጡም። ጠበቃቸው አቶ አበራ ለፈረንሳይ ዜና አገልግሎት በሰጡት ምላሽ፣ ደንበኛቸው የጦር መሳሪያውን የታጠቁት በትግራይ ጦርነት ወቅት ዒላማ ስለነበሩና ራሳቸውን ለመከላከል እንደነበር ተከራክረዋል። አክለውም ዛሬ የተላለፈው የጥፋተኝነትና የቅጣት ውሳኔ የህግ የበላይነትን የተከተለ ሳይሆን "እርሳቸውን ዝም ለማሰኘት የተደረገ የፖለቲካ ሴራ ነው" ሲሉ ቅሬታቸውን አሰምተዋል።

ከስልጣን መባረር ተከትሎ የመጣው የእስር ጉዞ፣ እነሆ ዛሬ በሰባት ዓመታት የጽኑ እስራት ፍርድ ተደምድሟል።

03/12/2025

በፌደራል ከፍተኛ ፍርድ ቤት 1ኛ ልዩ ልዩ ወንጀል ችሎት ሲታይ የነበረው የነ ዮሃንስ ዳንኤል (ጆን ዳንኤል) የክስ ጉዳይ፣ ዛሬ ረቡዕ ኅዳር 24፣ 2018 ዓ.ም. እልባት ማግኘቱን የዘ-ሐበሻ የችሎት ዘገቢዎች አስታውቀዋል።

ፍርድ ቤቱ ከቀናት በፊት በአምስት ተከሳሾች ላይ የጥፋተኝነት ውሳኔ ማስተላለፉ የሚታወስ ሲሆን፣ አንደኛ ተከሳሽ (ሴት) የቀረበባት ክስ በበቂ ሁኔታ በመከላከሏ በነፃ መሰናበቷ ይታወቃል።

🔴 የቅጣት ውሳኔው ዝርዝር

ዘ-ሐበሻ የተከታተለው ፍርድ ቤቱ በዛሬው ውሎው፣ በዐቃቤ ሕግ በኩል የቀረቡ የቅጣት ማክበጃ ነጥቦችን ውድቅ በማድረግ፣ የተከሳሾችን የቅጣት ማቅለያ ተቀብሏል። በዚህም ለእያንዳንዳቸው ሦስት ሦስት የቅጣት ማቅለያዎች እንደተያዘላቸው ችሎቱ ገልጿል።
በዚሁ መሠረት፡-
* 1ኛ ተከሳሽ (ዮሃንስ ዳንኤል)፡ በሁለቱም ክሶች የ1 ዓመት ከ4 ወር እስራት፣
* 4ኛ ተከሳሽ (ዳዊት ድሪባ)፡ የ10 ወር እስራት፣
* 2ኛ፣ 3ኛ እና 6ኛ ተከሳሾች፡ እያንዳንዳቸው የ8 ወር እስራት ተወስኖባቸዋል።

🔴 የእስር አፈታት ትዕዛዝ

ፍርድ ቤቱ ከአንደኛ ተከሳሽ (ዮሃንስ ዳንኤል) ውጪ ያሉት አራቱ ተከሳሾች፣ በእስር ቤት የቆዩበት ጊዜ ከተፈረደባቸው የቅጣት ጊዜ በላይ መሆኑን ከግምት በማስገባት፣ በሌላ ወንጀል የማይፈለጉ ከሆነ ዛሬውኑ ከእስር እንዲፈቱ ወስኗል።

በሌላ በኩል፣ ዮሃንስ ዳንኤል ያቀረበውን "ቅጣቱ በገደብ ይታገድልኝ" (የይቅርታ) ጥያቄ፣ ፍርድ ቤቱ "ተከሳሹን ለማረምና ሌሎችን ለማስተማር ሲባል" በሚል ሳይቀበለው ቀርቷል። በመሆኑም ዮሃንስ የተፈረደበትን 1 ዓመት ከ4 ወር እስራት ጨርሶ እንዲወጣ ተወስኗል። ይሁን እንጂ፣ ዮሃንስ በእስር ከቆየበት ጊዜ አንጻር ፍርዱን አጠናቆ ለመውጣት የቀረው 17 ቀናት ብቻ መሆኑ ታውቋል። ማረሚያ ቤቱ፣ ቲክቶከሩ በእስሩ ወቅት ጥሩ ጸባይ አሳይቷል ብሎ ካሰበ 17 ቀናቱን ሳይጨርስ ሊለቀው እንደሚችል የዘ-ሐበሻ ምንጮች ይጠብቃሉ።

🔴 የመፈቻ ወረቀት መዘግየት እና የተሳሳቱ መረጃዎች

ይህ በእንዲህ እንዳለ፣ በተለያዩ የማህበራዊ ሚዲያዎች ላይ "እነ ዮሃንስ ዳንኤል እና ሌሎች ተከሳሾች ከእስር ተፈተው ከቤተሰብ ተቀላቀሉ" የሚሉ ዘገባዎች በስፋት ሲሰራጩ ቢቆዩም፣ መረጃው የተሳሳተ መሆኑ ተረጋግጧል።

ከማረሚያ ቤት እና ከቤተሰብ ምንጮች ዘ-ሐበሻ ማረጋገጥ እንደቻለው፣ ፍርድ ቤቱ እስረኞቹ የሚፈቱበትን የመፈቻ ትዕዛዝ ጽፎ ወደ ማረሚያ ቤት ባለመላኩ ምክንያት፣ የእስር ጊዜያቸውን ያጠናቀቁት እስረኞችም ጭምር እስከ ዛሬ ምሽት ድረስ ከእስር አልተለቀቁም።

29/11/2025

የመኪናው አሸናፊ ታወቀ!
የ2025 የቲክቶክ ክሬቲቭ አዋርድ የአመቱ ምርጥ ቲክቶከር አሸናፊ አዶናይ

29/11/2025

ምሽቱ የአዶናይ ብቻ ሆኗል'' ለ3ኛ ጊዜ አዶናይ የኢትዮጵያ የፈጠራ ሽልማት 2025 (Creative Awards Ethiopia 2025) አዶናይ G-Power Award ና 400 ሺህ ብር የገንዘብ ሽልማት ተበርክቶለታል።

በ2025 ዓ.ም. እየተካሄደ በሚገኘው የኢትዮጵያ የፈጠራ ሽልማት (Creative Awards Ethiopia 2025) "G-Power Award" አዶናይ አሸንፏል ::

ይህ ታላቅ ሽልማት ለፈጠራ ብቃቱ እና ልዩ አስተዋፅኦው እውቅና በመስጠት፣ አሸናፊው 400,000 (አራት መቶ ሺህ) የኢትዮጵያ ብር ተቀብሏል።

እንኳን ደስ ያለህ በድጋሜ 🙏

20/11/2025

ሴት ተማሪዎች የጥፍር፣ የፀጉርና የከንፈር ቀለም መቀባት፣ ቅንድብ መቀንደብና መኳኳል፣ አላስፈላጊ ጌጣ ጌጦችን አድርጎ ወደ ትምህርት ቤት መሄድ የሚከለክል መመሪያ ትምህርት ሚኒስቴር አዘጋጀ፡፡

ትምህርት ሚኒስቴር የተማሪዎችን ሥነ ምግባር ለመቆጣጠር ያዘጋጀው ረቂቅ መመሪያ ማንኛውም ተማሪዎች ከተፈጥሮ ጸጉራቸው በስተቀር አርቴፊሻል ፀጉር መቀጠል አይችሉም ተብሏል፡፡

ከዚህ ባለፈም በትምህርት ቤት ውስጥ አላስፈላጊ የሆኑ የኢትዮጵያዊነት ባህልን የማይገልፁ በዓላት በተለይም እንደ ክሬዚ ዴይ፣ ኦልድ ዴይ፣ ቤቢ ዴይ፣ ቶማቶ ዴይ፣ ከለር ዴይ፣ ቫላንታይን ዴይ እና ሌሎችም የበዓል ቀናቶች ተብለው የሚከበሩ በዓላት ማክበር በመመሪያው ተከልክሏል፡፡

በትምህርት ቤት የደንብ ልብስ በተገቢ መንገድ መልሰብ ሲል ባወጣው መመሪያ ስር ሴቶች ጉርድ ቀሚስ ከባት በታች የሆነ ቁመት ያለው ለብሶ መገኘት አለባቸው ተብሏል፡፡

ከደንብ ልብስ ውጪ ቢሆን ከአካባቢው ባህል ጋር የማይቃረን አለባበስ መልበስ ይጠበቅባቸዋል ይላል ረቂቅ መመሪያው፡፡

ትምህርት ቤት ውስጥ መፈፀም የተከለከሉ ድርጊቶች ብሎ ከዘረዘራቸው መካከል ደግሞ የትምህርት ቤቱን መምህራን፣ የትምህርት አመራር፣ ሠራተኞችና ሌሎች የትምህርት ማህበረሰብ አካላትን መዝለፍ፣ መስደብ፣ ማንቋሸሽና አካላዊ ጥቃት መፈጸም ቅጣት የሚያስከትል ተግባር ነው ተብሏል፡፡

ተንቀሳቃሽ ስልክ ወይም ሞባይል እና የሙዚቃ ማዳመጫ መሣሪያዎችን ትምህርት ቤት ቅጥር ግቢ ውስጥ ይዞ መገኘት ረቂቅ መመሪያው ከልክሏል፡፡

በቃል፣ በምልክትም ሆነ በጽሑፍ ፀያፍ ነገሮችን መግለፅ፤ ጨዋነት የጎደላቸውን እንዲሁም ሐይማኖታዊና ፖለቲካዊ ይዘት ያላቸውን ምስሎችና ጽሑፎች በትምህርት ቤት ውስጥ ይዞ መገኘትና ማሰራጨት አይፈቀድም፡፡

በትምህርት ቤት ግቢ ውስጥ የማንኛውንም ዓይነት የኃይማኖት አምልኮ ሥርዓትና የፖለቲካ እንቅስቃሴዎችን ማካሄድ ይከለክላል፡፡

ማንኛውም ተማሪ አገራዊ እሴት ያልሆኑና መጤ የሆኑ ነገሮችን በሰውነት ላይ ምልክት ማድረግ፤ ከአገራዊ እሴት ጋር የሚቃረኑ አሉታዊ መጤ ምልክቶችን በሰውነት ላይ መነቀስ፣ ማሳየት፣ ማድረግ፣ መጠቀም ፍፁም የተከለከለ ነው ብሏል ረቂቅ መመሪያው፡፡

ከ9 እስከ 12ተኛ ክፍል ላሉ ተማሪዎች አንድ ተማሪ በሥነ-ምግባር ጉድለት እጅ ከፍንጅ ከተያዘና የመማር ማስተማሩን ሂደት የሚያውክ ሆኖ ከተገኘ ውሳኔ እስኪሰጠው ከትምህርት ቤት ሊታገድ እንደሚችልም በመመሪያው ሰፍሯል፡፡

ተማሪዎች ተደጋጋሚ ጥፋት አጥፍተው ሲገኙ በተለይም ከ7 እስከ 12ተኛ ክፍል ያሉ ተማሪዎች እስከ 1 ዓመት ድረስ እንደ ጥፋቱ መጠን ታይቶ ከትምህርት ሊታገዱ ይችላልም ሲል ረቂቅ መመርያው አስቀምጧል፡፡

በሌላ በኩል በትምህርት ቤቶችና አካባቢ የትምህርት አዋኪ ጉዳዮችን ለመከላከል እና ለመቆጣጠር ለሚኒስትሮች ምክር ቤት የቀረበ ረቂቅ ደንብ ተሰናድቷል፡፡

በዚህ ረቂቅ ደንብ ትምባሆ(ሲጋራ፣ ሺሻ)፣ ጫት፣ አልኮል የናርኮቲክ እና ሳይኮትሮፒክ ዝርያ ያላቸው አደገኛ ህገ ወጥ መድኃኒቶች እና ሱስ አስያዥ ዕፆች ትምህርት ቤት አካባቢ መሸጥም ሆነ ይዞ መገኘትን ይከለክላል።

የአልኮል መሸጫ እና ማከፋፈያ ቤቶች፣ የሲጋራ መሻጫ ሱቆች፣ ሺሻ ቤቶች፣ ጫት መሸጫና መቃሚያ ቤቶች፣ ጭፈራ ቤቶች፤ ቁማር ቤቶች፤ የእንግዳ ማረፊያ ቤቶች እና የሰውነት መታሻ ወይም ማሳጅ ቤቶች በትምህርት ቤቶች በ500 ሜትር ርቀት ውስጥ መክፈት አይቻልም፡፡

ፊልም ማጫዎቻ ቤቶች፣ ፕሌይ ስቴሽን ቤቶች፣ ዲ.ኤስ.ቲቪ ቤቶች፣ ከረንቡላ፣ ፑል፣ ጆተኒ፣ ቢንጎ እና የስፖርት ቁማር መጫወቻ ቤቶችም በትምህርት ቤት አቅራቢያ መክፈትን ከልክሏል።