Sheka TV

Sheka TV This is the official Sheka TV page - where you can get all the latest news in Amharic, Sheki Noono, Majang.

ጠቅላይ ሚኒስትር ዐቢይ (ዶ/ር) ለሁለት አመራሮች ሹመት ሰጡጠቅላይ ሚኒስትር ዐቢይ አሕመድ (ዶ/ር) በዛሬው ዕለት ለሁለት አመራሮች ሹመት ሰጥተዋል።በዚህም መሰረት፦1. አብዱልዋሳ አብዱላሂ ...
11/10/2026

ጠቅላይ ሚኒስትር ዐቢይ (ዶ/ር) ለሁለት አመራሮች ሹመት ሰጡ

ጠቅላይ ሚኒስትር ዐቢይ አሕመድ (ዶ/ር) በዛሬው ዕለት ለሁለት አመራሮች ሹመት ሰጥተዋል።

በዚህም መሰረት፦

1. አብዱልዋሳ አብዱላሂ (ዶ/ር) - የኢትዮጵያ የውጭ ጉዳይ ኢንስቲትዩት (IFA) ዋና ዳይሬክተር

2. ካፒተን ተፈራ ካሳ - የኢትዮጵያ የባሕር ትራንስፓርት እና ሎጂስቲክስ ዋና ስራ አስፈጻሚ

የካይሮ እና አስመራ የውክልና ደባ ቢኖርም ኢትዮጵያ የማይበገር የመከላከል አቅሟን በመጠቀም የቀይ ባሕር ጂኦ-ፖለቲካዊ ሉዓላዊነቷንና ሀገራዊ ከፍታዋን ታረጋግጣለችኢትዮጵያ በታሪኳ ሁሉ የነጻነ...
10/10/2026

የካይሮ እና አስመራ የውክልና ደባ ቢኖርም ኢትዮጵያ የማይበገር የመከላከል አቅሟን በመጠቀም የቀይ ባሕር ጂኦ-ፖለቲካዊ ሉዓላዊነቷንና ሀገራዊ ከፍታዋን ታረጋግጣለች

ኢትዮጵያ በታሪኳ ሁሉ የነጻነትና የሉዓላዊነት ተምሳሌት ሆና የኖረች ታላቅ ሀገር ናት። ይሁን እንጂ የዓባይ ወንዝ ባለቤትነቷና ጂኦ-ስትራቴጂካዊ አቀማመጧ ለዘመናት የውጭና የውስጥ የጥፋት ኃይሎች ኢላማ እንድትሆን አድርጓታል።

ከእነዚህም መካከል ግብፅ በግንባር ቀደምትነት የምትሰለፍ ሲሆን፣ በታሪክ አፄ አምደ ጽዮን እና አፄ ዘርዓያዕቆብ የውሃውን ስትራቴጂካዊ አቅም በመጠቀም የካይሮን ሴራ መክተውታል። በ19ኛው ክፍለ ዘመን ደግሞ የግብፅ ወረራ በጉንደትና በጉራዕ ጦርነቶች አሳፋሪ ሽንፈት አስተናግዷል።

እነዚህ ተከታታይ ውርደቶች ግብፅን በቀጥታ ጦርነት ኢትዮጵያን ማሸነፍ እንደማይቻል ስላስተማሯት፣ ስትራቴጂዋን ሙሉ በሙሉ ወደ ውክልና ጦርነት ቀይራለች።

በዚህ የካይሮ የውክልና ጦርነት ውስጥ በስልጣን ላይ ያለው የኤርትራ የሻዕቢያ አስተዳደር ዋነኛ የጥፋት ጉዳይ አስፈጻሚ ሆኖ ሲያገለግል ቆይቷል።

በጆን ሚርሻይመር የአጥቂነት እውነታ (Offensive Realism) ንድፈ-ሃሳብ መሠረት፣ ግብፅ የኢትዮጵያን መነሳት እንደ ህልውና ሥጋት የምትቆጥር በመሆኗ የባሕር በር አልባ ለማድረግና የውስጥ ትርምስ ለመፍጠር ከሻዕቢያ ጋር የጥፋት ህብረት ፈጥራለች።

ይህ የውጭ ሴራ ስኬታማ የሚሆነው ደግሞ የብሔራዊ ጥቅም ምስጢርን አሳልፎ በመስጠትና ሀገር በማፍረስ ታሪክ ባለው በቆሞ ቀሩ ህወሃት የውስጥ በር ከፋችነት ነው።

በሌላ በኩል የቀይ ባሕርና የባብ ኤል-ማንደብ መስመር ለዓለም አቀፍ ንግድ ወሳኝ ቢሆንም፣ በየጊዜው በሚከሰቱ ግጭቶች ምክንያት ትልቅ ሥጋት ውስጥ ይገኛል።

ኢትዮጵያ ከ95 በመቶ በላይ የንግድ እንቅስቃሴዋን በአንድ መስመር ላይ መሠረት ማድረጓ ለኢኮኖሚና ደኅንነት መዋዠቅ ስለሚዳርጋት፣ የባሕር በር ማግኘት የልማትና የሕልውና ጉዳይ ነው።

ይህንን ጥያቄ በሰላማዊ መንገድና በሰጥቶ-መቀበል መርህ ለመፍታት የምትጥር ሲሆን የቀይ ባሕርን ደኅንነት በተወሰኑ የባሕር ዳርቻ ሀገራት ብቻ ለመወሰን የሚደረጉ ሙከራዎች ግን አሳታፊ ስላልሆኑ የቀጣናውን ሥጋት አይፈቱም።

ኢትዮጵያ የጋራ ተጠቃሚነትን ያቀነቀነ የዳበረ የዲፕሎማሲ ተሞክሮ ያላት ቢሆንም ይህ ትዕግስቷ እንደ ፍርሃት ከተቆጠረ ሉዓላዊነቷን ለማስከበር ወደ ኋላ አትልም።

በአሁኑ ወቅት በመደመር እሳቤ የታነፀው የሀገር መከላከያ ሠራዊት በዘመናዊ ቴክኖሎጂ፣ በሳይበር ደኅንነትና በላቀ የአየር ኃይል ልዕልና የተደራጀ በመሆኑ የብሔራዊ ደኅንነት ጽኑ ዋስትና ሆኗል።

ሰንቃ ወደፊት የምትገሰግሰው ኢትዮጵያ በቀጣይም የቀጣናው የሰላም ዘብ ሆና የምትቀጥል ሲሆን የግብፅና የኤርትራ የጥፋት ትስስር እንዲሁም የህገ ወጡ ህወሃት የባንዳነት ታሪክ በኢትዮጵያ የድል ጉዞ ውስጥ የተናቁ ትዝታዎች ከመሆን አያልፉም።

የደን ወረራንና ውድመትን ለማስቆም የተቀናጀ አሠራርና ሕግ የማስከበር ሥራ ሊጠናከር እንደሚገባ ተገለጸ​የሸካ ዞን ግብርና፣ ደን፣ አካባቢ ጥበቃና ህብረት ሥራ መምሪያ ከሬዲ ፕላስ (REDD+)...
10/10/2026

የደን ወረራንና ውድመትን ለማስቆም የተቀናጀ አሠራርና ሕግ የማስከበር ሥራ ሊጠናከር እንደሚገባ ተገለጸ

​የሸካ ዞን ግብርና፣ ደን፣ አካባቢ ጥበቃና ህብረት ሥራ መምሪያ ከሬዲ ፕላስ (REDD+) ፕሮግራም ጋር በመተባበር በቴፒ ከተማ የደን ልማትና ጥበቃ ኮንፈረንስ አካሂዷል።

​በኮንፈረንሱ ላይ የደን ሕግን በተግባር ማስፈጸም፣ የደን ወረራና ውድመትን መከላከል፣ እንዲሁም የደን ሀብትን ለቀጣይ ትውልድ በዘላቂነት ለማስተላለፍ በተቀናጀ አሠራር መሥራት እንደሚያስፈልግ ተመላክቷል።

የመድረኩ ተሳታፊዎች በደን ወረራ ላይ በሚሳተፉ አካላት ላይ የሚወሰደው ሕጋዊ እርምጃ ተጠናክሮ እንዲቀጥልና የደን ሀብትን ከውድመት ለመጠበቅ የባለድርሻ አካላት ቅንጅት ሊጎለብት እንደሚገባ ጠይቀዋል።

​በመድረኩ የተገኙት የሸካ ዞን ም/ል አስተዳዳሪና የውሃ፣ ማዕድንና ኢነርጂ መምሪያ ኃላፊ አቶ በላቸው ጋራ፣ የደን ወረራንና ውድመትን በዘላቂነት ለማስቆም ሕግ የማስከበር ሥራዎች ላይ በትኩረት መሥራት እንደሚገባ አሳስበዋል።

በደን ጥበቃ ረገድ የሚታዩ ችግሮችን ለመፍታት የዘርፉ ባለሙያዎችና አመራሮች የደን ሕግን በተግባር ለማስፈጸም በትጋት መስራት እንዳለባቸው አስገንዝበዋል ።

አክለውም የሸካ ዞን በዩኔስኮ የተመዘገበ ደን የሚገኝበት አካባቢ በመሆኑ፣ የደን ወረራንና ውድመትን በአፋጣኝ ለማስቆም የፖለቲካና የፀጥታ አመራሮች የበኩላቸውን ድርሻ መወጣት እንዳለባቸው ገልጸዋል።

​የሸካ ዞን ግብርና፣ ደን፣ አካባቢ ጥበቃና ህብረት ሥራ መምሪያ ኃላፊ አቶ አይምሮ ደሳልኝ በበኩላቸው፣ የደን ጥበቃ ሥርዓቱ ውስብስብ ሁኔታ ውስጥ እንደሚገኝና የደን ወረራውም እየጨመረ መምጣቱን ጠቁመዋል።

ችግሩን ለመቅረፍም ከቀድሞው በተለየ መንገድ በተቀናጀና ውጤታማ በሆነ አሠራር መንቀሳቀስ እንደሚያስፈልግ አመላክተዋል።

​ደን ለቀጣይ ትውልድ የሚተላለፍ የተፈጥሮ ሀብት ከመሆኑም በላይ ለማኅበረሰቡና ለአርሶ አደሩ የሚያበረክተው ኢኮኖሚያዊ ጥቅም ከፍተኛ መሆኑን ገልጸዋል ።

የደን ሀብትን በዘላቂነት መጠበቅ የሁሉም አካላት ኃላፊነት መሆኑንና ሕግ የማስከበር ሥራን፣ የተቋማትን ቅንጅትና የማኅበረሰቡን ተሳትፎ በማጠናከር በቁርጠኝነት መሥራት እንደሚገባ ተሳታፊዎች አጽንኦት ሰጥተውበታል።

​በኮንፈረንሱ የሸካ ዞን መንግሥት ዋና ተጠሪ አቶ አለማየሁ አለሙን ጨምሮ የዘርፉ አመራሮችና ባለድርሻ አካላት ተሳትፈዋል። ዘገባው የዞኑ መ/ኮ ነው።

ኢንጂነር ነጋሽ ዋጌሾ (ዶ/ር) የኢፌዴሪ መስኖ እና ቆላማ አካባቢ ሚኒስትር ድኤታ በመሆን ተሾሙ ።‎‎ጠቅላይ ሚኒስትር ዐቢይ አሕመድ (ዶ/ር) በዛሬው ዕለት በርካታ አመራሮች በሚኒስትር ዴዔታ...
10/10/2026

ኢንጂነር ነጋሽ ዋጌሾ (ዶ/ር) የኢፌዴሪ መስኖ እና ቆላማ አካባቢ ሚኒስትር ድኤታ በመሆን ተሾሙ ።
‎
‎ጠቅላይ ሚኒስትር ዐቢይ አሕመድ (ዶ/ር) በዛሬው ዕለት በርካታ አመራሮች በሚኒስትር ዴዔታነት ሾመዋል።
‎
‎በዚህ መሠረት ጠቅላይ ሚኒስትር ዐቢይ አሕመድ (ዶ/ር) የቀድሞ የደቡብ ምዕራብ ኢትዮጵያ ህዝቦች ክልል ርዕሰ መስተዳድር ኢንጂነር ነጋሽ ዋጌሾ (ዶ/ር)ን የኢፌዴሪ መስኖ እና ቆላማ አካባቢ ሚኒስትር ድኤታ አድርገው ሾመዋል።
‎
‎በተጨማሪም ጠቅላይ ሚኒስትሩ ወ/ሮ ሄለን ደበበን የሴቶችና ማህበራዊ ጉዳይ ሚኒስትር ድኤታ እንዲሁም አቶ ሰለሞን አየለን የኢፌዴሪ ባህልና ቱሪዝም ሚኒስትር ድኤታ አድርገው ሹመዋል።
‎

ጠቅላይ ሚኒስትር ዐቢይ አሕመድ (ዶ/ር) በዛሬው ዕለት የሚከተሉትን አመራሮች በሚኒስትር ዴዔታነት ሾመዋል፦
10/10/2026

ጠቅላይ ሚኒስትር ዐቢይ አሕመድ (ዶ/ር) በዛሬው ዕለት የሚከተሉትን አመራሮች በሚኒስትር ዴዔታነት ሾመዋል፦

ወርቃማው የኢኮኖሚ ህዳሴ፤ የማዕድን ዘርፍ ኢትዮጵያ የማዕድን ዘርፉን እምቅ አቅም በመረዳት አንዱ የኢኮኖሚ ምሰሶዋ አድርጋ አስቀምጣለች፡፡ ይህም የተፈጥሮ ሀብትን ለመጠቀም ትኩረት ሰጥታ መ...
10/10/2026

ወርቃማው የኢኮኖሚ ህዳሴ፤ የማዕድን ዘርፍ

ኢትዮጵያ የማዕድን ዘርፉን እምቅ አቅም በመረዳት አንዱ የኢኮኖሚ ምሰሶዋ አድርጋ አስቀምጣለች፡፡ ይህም የተፈጥሮ ሀብትን ለመጠቀም ትኩረት ሰጥታ መጓዟን የሚያሳይ ነው፡፡

ሀገሪቱ ያላትን የማዕድን ሀብት በአግባቡ ለመጠቀም የሚያስችሉ ስትራቴጂዎችና የህግ ማዕቀፎች ተቀርጸዋል፡፡

በተጨማሪም የኮንትሮባንድ እንቅስቃሴን የሚቆጣጠርና የህገወጥ ንግድን የሚገቱ ፖሊሲና የህግ ማስከበር ርምጃዎችን እየተገበረች ትገኛለች፡፡ ይህም ዘርፉን ወደ ላቀ ደረጃ ያሸጋገረ መንገድ ነው፡፡

ዛሬ ላይ ኢትዮጵያ ዘመናዊ ቴክኖሎጂን ከቀጥታ የውጭ ኢንቨስትመንት ጋር በማቀናጀት፣ የምርምር እንዲሁም ማዕድን የማውጣት ስራዎችን እየሰራች ትገኛለች።

ኢትዮጵያ ከውጪ የሚገቡ ሲሚንቶን ጨምሮ ሌሎች ለኢንዱስትሪ የሚያገለግሉ ግብዓቶችን፣ የከሰል ምርትንም በሀገር ውስጥ የመተካትና የማቀናጀት ስራዎች ተሰርተዋል፡፡

ይህም በማዕድን ዘርፉ የታየ ተጨባጭ ተግባር የኢንዱስትዎችን ምርታማነት ከማሳደግ በላቀ የውጪ ምንዛሬን ገቢን በማሳደግ ረገድ ትልቅ ድርሻ አለው፡፡

መንግሥት ዜጎች በማዕድን ማውጣት ስራዎች ላይ እንዲሰማሩ በማድረጉ የስራ እድል በመፍጠር እንዲሁም የኑሮ መሻሻል በረከትን ይዞ የመጣ ነው፡፡

ጠቅላይ ሚኒስትር ዐቢይ (ዶ/ር) በኢትዮጵያ ኢንቨስትመንት ሆልዲንግስ እና በሳም ፕሬሺየስ ሜታልስ መካከል በተደረገ አጋርነት በቦሌ ለሚ ልዩ የኢኮኖሚ ቀጣና የተገነባውን ብሔራዊ የውድ ማዕድናት ማጣሪያ ፋብሪካ በዛሬው ዕለት ስራ አስጀምረዋል፡፡

ማጣሪያ ፋብሪካው ከ600 ቶን በላይ ውድ ማዕድናትን የማጣራት አቅም ያለው፣ የወርቅ ጥራትን ለመለካት፣ ለማንጠር እና ለውጭ ገበያ ዝግጁ ወደሆኑ ንጹህ ወርቆች ለመቀየር፣ እንዲሁም በተለያዩ የጥራት ደረጃዎች የተሰናዱ የወርቅና የብር ጡቦች ለማምረት የሚያስችል ነው፡፡

በመሆኑም ኢትዮጵያ ግብርናን ብቻ ከተመረኮዘ የኢኮኖሚ ጥገኝነት ወጥታ ወደ ብልጽግና ለምታደርገው ጉዞ ወሳኝ ሚናን ይጫወታል፡፡



ሸካ ቴቪ ማሻ 05/10/2018
ተጨማሪ መረጃዎችን ለማገኘት
YouTube
https://www.youtube.com/-y7q
Telegram
https://t.me/D02MpvQ_owNDE0
Instagram
t.me/D02MpvQ_owNDE0
Tiktok
tiktok.com/
Facebook
https://www.facebook.com/profile.php?id=61574375731590

ሀገር በቀል እውቀቶች እና ዘመናዊ አስተዳደር፡፤ የጥበባዊ ውህደት በመደመር እሳቤጠቅላይ ሚኒስትር ዐቢይ አሕመድ (ዶ/ር) በመንግሥት ምስረታ ወቅት በተወካዮች ምክር ቤት ባደረጉት ንግግር እን...
10/10/2026

ሀገር በቀል እውቀቶች እና ዘመናዊ አስተዳደር፡፤ የጥበባዊ ውህደት በመደመር እሳቤ

ጠቅላይ ሚኒስትር ዐቢይ አሕመድ (ዶ/ር) በመንግሥት ምስረታ ወቅት በተወካዮች ምክር ቤት ባደረጉት ንግግር እንደገለጹት፤ ታላላቅ የዓለም ስልጣኔዎች ሊበለጽጉ የቻሉት የራሳቸውን ታሪካዊና ባህላዊ መሠረት አጽንተው በመያዛቸው ነው።

ለአብነት ያህል፣ የአውሮፓ ስልጣኔና የፖለቲካ ሥርዓት የተገነባው የግሪክን ፍልስፍናዊ አስተሳሰብ እና የሮማውያንን የመንግሥት አስተዳደር መዋቅር ከራሱ ተጨባጭ ሁኔታ ጋር አጣጥሞና አዋህዶ በመውሰድ ነው።

ሮማውያን በጥንታዊቷ ግሪክ የተወለዱትን የፍልስፍና እና የመንግሥት አመራር አስተሳሰቦች በተግባር ሊተረጎሙ በሚችሉ ተቋማትና ሕጎች ለውጠዋቸዋል።

የሮማውያን የጽሑፍ ሕግ ሥርዓት (Roman Law)፣ የሕግ የበላይነት፣ የውልና የዜግነት መብቶች እንዲሁም የፍርድ ቤት አደረጃጀት ለዛሬዎቹ የአውሮፓ ሀገራት ሕግጋትና የፍትሕ ሥርዓት ዋና መሠረት ሆኗል።

በተጨማሪም የሮማውያን የሪፐብሊክ ሥርዓት፣ የሴኔት አደረጃጀት እና የሲቪል አስተዳደር መዋቅር አውሮፓውያን ዘመናዊ የመንግሥት ቢሮክራሲን እና የፓርላማ ሥርዓትን ለመገንባት እንደ ትልቅ አብነት አገልግለዋቸዋል።

ታዲያ አውሮፓውያን ከሌሎች ስልጣኔዎች እውቀትና ልምድ ሲወስዱ እንደወረደ ሳይሆን፣ ከራሳቸው ፍላጎት፣ ባህልና እሴት ጋር መጣጣሙንና መስማማቱን እርግጠኛ ከሆነ በኋላ ብቻ ነበር።

ኢትዮጵያ በውስጧ በርካታ ብሔሮች፣ ብሔረሰቦችና ሕዝቦች ለዘመናት ጠብቀው ያቆዩዋቸው የበለጸጉ ሃይማኖታዊ፣ ባህላዊ፣ ማህበራዊና አስተዳደራዊ ሥርዓቶች ባለቤት ናት።

በዚህም ሽማግሌን ማክበር ወደ ሸንጎ ሲመጡ አክብሮት የሚሰጥበት፣ ትክክለኛው ፍርድ ተሰጥቶ በዳይ ለተበዳይ የሚክስበት፣ በየትኛውም ሃይማኖት ውስጥ ያሉ የሃይማኖት አባቶች አስታራቂ ሆነው ለፍርድ የመጣን አካል የሚያስታርቁበት ጥበብ አለ።

እነዚህ ከሀገራችን አልፈው በዓለም አቀፍ ደረጃም የማይዳሰሱ ቅርሶች በመሆን እውቅና ያገኙ የሰላም ግንባታና የፍትሕ ሥርዓቶች ናቸው። እነዚህ እሴቶች ያሉባት ሀገር ለዘመናት ተመካክራ፣ ተስማምታ፣ በአንድነትና በወንድማማችነት ተደጋግፋ ለመኖር መሠረት እንደሚሆናት አያጠራጥርም።

የመደመር እሳቤ ዋና ዓላማ እነዚህ ሀገር በቀል እሴቶች የሀገራችን የማንነት መሠረቶች በመሆናቸው፣ ማንኛውም ዘመናዊ አስተዳደርና የፖለቲካ ግንባታ የነዚህን እውቀቶች ጥንካሬ መሠረት ማድረግ እንዳለበት ያመላክታል።

ከሌሎች ሀገራት ዘመናዊ እውቀቶችንና ተሞክሮዎችን መውሰድ አስፈላጊ ቢሆንም፣ የሌሎችን ሥርዓት ሳያመዛዝኑ መቅዳት ዘላቂ ሀገራዊ መፍትሔ ሊሆን አይችልም።

ስለሆነም የመደመር እሳቤ ኢትዮጵያ ጠብቃ ያቆየችውን ሀገር በቀል ሥርዓቶች መሠረት በማድረግ፣ ከውጭ የምንቀስማቸውን መልካም ልምዶች ከራሳችን ተጨባጭ ሁኔታዎች ጋር ማጣጣምን ይጠይቃል። ያሉንን ሀብቶች እና እውቀቶች ከዘመናዊ የዓለም አስተሳሰቦች ጋር አዋህዶና ደምሮ በመተግበር ጠንካራና ዘላቂ ሀገር መገንባት ይቻላል።



ሸካ ቴቪ ማሻ 05/10/2018
ተጨማሪ መረጃዎችን ለማገኘት
YouTube
https://www.youtube.com/-y7q
Telegram
https://t.me/D02MpvQ_owNDE0
Instagram
t.me/D02MpvQ_owNDE0
Tiktok
tiktok.com/
Facebook
https://www.facebook.com/profile.php?id=61574375731590

#ጠቅላይ ሚኒስትር ዐቢይ አሕመድ (ዶ/ር)‎የሕንድ የውጭ ጉዳይ ሚኒስትር ዶ/ር ሱብራህማንያም ጃይሻንካር እና ልዑካቸውን ዛሬ አግኝቻለሁ።‎በቆይታችን በኢትዮጵያ እና በሕንድ መካከል ያለውን ...
09/10/2026

#ጠቅላይ ሚኒስትር ዐቢይ አሕመድ (ዶ/ር)

‎የሕንድ የውጭ ጉዳይ ሚኒስትር ዶ/ር ሱብራህማንያም ጃይሻንካር እና ልዑካቸውን ዛሬ አግኝቻለሁ።

‎በቆይታችን በኢትዮጵያ እና በሕንድ መካከል ያለውን ጠንካራና የቆየ ወዳጅነት በድጋሚ ያረጋገጠ ሲሆን፤ ከሰሞኑ በሕንድ ካደረግኩት ጉብኝት እና ከጠቅላይ ሚኒስትር ናሬንድራ ሞዲ ጋር ከነበረኝ ቆይታ ተከትሎ በተጠናከረ ትብብርና በስትራቴጂካዊ አጋርነት ላይ የተመሰረተ ወዳጅነታችንን ይበልጥ ማሳደግ በሚቻልባቸው ዕድሎች ላይ ተነጋግረናል።

የመደመር መንግሥት ምስረታ እንደቀጠለ ሲሆን፣ በዛሬው ዕለት፣ ጠቅላይ ሚኒስትር ዐቢይ አሕመድ (ዶ/ር) የሚከተሉትን ሹመቶች ሰጥተዋል፦1. ክቡር ዳንኤል ክብረት - በጠቅላይ ሚኒስትር ጽሕፈት ...
09/10/2026

የመደመር መንግሥት ምስረታ እንደቀጠለ ሲሆን፣ በዛሬው ዕለት፣ ጠቅላይ ሚኒስትር ዐቢይ አሕመድ (ዶ/ር) የሚከተሉትን ሹመቶች ሰጥተዋል፦

1. ክቡር ዳንኤል ክብረት - በጠቅላይ ሚኒስትር ጽሕፈት ቤት በሚኒስትር ማዕረግ - የዴሊቨሪ ክትትል ዘርፍ ኃላፊ

2. ክብርት አምባሳደር ናሲሴ ጫሊ - በጠቅላይ ሚኒስትር ጽሕፈት ቤት በሚኒስትር ማዕረግ - የENFI ክትትል ዘርፍ ኃላፊ

3. ዶ/ር ቢቂላ ሁሪሳ - በሚኒስትር ማዕረግ የዴሞክራሲ ሥርዓት ግንባታ አስተባባሪ

4. አቶ ፍሰሃ ደሳለኝ - በሚኒስትር ማዕረግ የዴሞክራሲ ሥርዓት ግንባታ አስተባባሪ

5. ዶ/ር ደረጀ ድጉማ - በሚኒስትር ማዕረግ የዴሞክራሲ ሥርዓት ግንባታ አስተባባሪ

6. አቶ ተስፋሁን ጎበዛይ - በሚኒስትር ማዕረግ የዴሞክራሲ ሥርዓት ግንባታ አስተባባሪ

7. አቶ ሀብታሙ ሲሳይ - በሚኒስትር ማዕረግ የዴሞክራሲ ሥርዓት ግንባታ አስተባባሪ ሆነው መሾማቸውን ከጠቅላይ ሚኒስትር ጽሕፈት ቤት የተገኘ መረጃ አመላክቷል።

በተያዘው የበጀት ዓመት በሌማት ትሩፋት የተደራጁ መንደሮችን ውጤታማ ለማድረግ በትኩረት እንደሚሰራ የክልሉ ግብርና ቢሮ አስታወቀ።በደቡብ ምዕራብ ኢትዮጵያ ህዝቦች ክልል መንግስት ግብርና ቢሮ ...
09/10/2026

በተያዘው የበጀት ዓመት በሌማት ትሩፋት የተደራጁ መንደሮችን ውጤታማ ለማድረግ በትኩረት እንደሚሰራ የክልሉ ግብርና ቢሮ አስታወቀ።

በደቡብ ምዕራብ ኢትዮጵያ ህዝቦች ክልል መንግስት ግብርና ቢሮ የእንስሳትና ዓሳ ሀብት ልማት ዘርፍ ከምግብ ስርዓት ማጠናከሪያ ኘሮግራም ጋር በመተባበር በሌማት ትሩፋት ፓኬጅ ላይ ከካፋ ዞን ለተውጣጡ የግብርና ባለሙያዎች በቦንጋ ከተማ ለተከታታይ ሁለት ቀናት ሲሰጥ የነበረው ስልጠና ተጠናቋል።

ስልጠናው በሌማት ትሩፋት ፓኬጅ አተገባበር፣ በወተት፣ በዶሮ፣ በማር፣ በዓሳ፣ በእንሰሳት ሀብት ልማት የተዘጋጁ ሰነዶች ዙሪያ በቢሮው ከፍተኛ የዘርፉ ባለሙያዎች ተሰጥቷል።

በመድረኩ ማጠቃለያ የክልሉ ግብርና ቢሮ ምክትል እና የእንስሳትና ዓሳ ሀብት ልማት ዘርፍ ኃላፊ አቶ ታመነ በቀለ እንደተናገሩት፣ ስልጠናው ለዘርፉ ባለሙያዎች በሌማት ትሩፋት ፓኬጅ አተገባበር ላይ የተሻለ ግንዛቤ ለማስጨበጥና ሞዴል መንደሮችን በሚፈለገው ጥራት ለመፍጠር የሚያግዝ መሆኑን ተናግረዋል። በክልሉ የሌማት ትሩፋት መንደሮችን ለማደራጀት የተያዘውን ዕቅድ ሙሉ በሙሉ ማሳካት መቻሉን ጠቅሰው በቀጣይ የተደራጁ መንደሮችን ውጤታማነት በማረጋገጥና በሞዴልነት ለማስመረቅ እንዲቻል ባለድርሻ አካላትን በማቀናጀትና የአመራር ንቅናቄ በመፍጠር በትኩረት እንደሚሰራም ገልጸዋል።

ሀገራዊ የሌማት ትሩፋት ኢንሼቲቪ ተቀርጾ በክልላችን በባለፉት አራት አመታት ሲተገበር መቆየቱን ጠቁመው በዚህም በስራ ዕድል ፈጠራ፣ከውጭ የሚገባውን ምርት የመተካት፣ የኤክስፖርት ምርት በማምረት፣ ምርትና ምርታማነትን በመጨመር የምግብ ዋስትናን የማረጋገጥ ተግባር ላይ ክልሉ ከፍተኛ አስተዋጽኦ እያበረከተ እንደሚገኝም አቶ ታመነ በቀለ አክለዋል።

በክልሉ የእንስሳት መኖ አቅርቦት፣ በማር ምርት፣ በወተት ምርታማነት፣ በዶሮ ልማት፣ በዓሳ ልማት፣ በእንስሳት ዝሪያ ማሻሻያ እና እርባታ እንዲሁም በሌሎች ኢኒሼቲቮች ላይ ውጤታማ ተግባራትን ማከናወን መቻሉንና በተያዘው የበጀት ዓመት ከዚህ በበለጠ መልኩ በጥራት ለማምረት በቁርጠኝነት እንደሚሰራም አረጋግጠዋል።

ከስልጠና ተሳታፊዎችም መካከል በሺሾንዴ ወረዳ ግብርና ልማት ፅ/ቤት የእንስሳት ዝሪያ ማሻሻያ ቡድን መሪ አቶ አሸናፊ ገ/መድህን፣ በወረዳው 154 የሌማት ትሩፋት መንደሮችን ለማደራጀት መቻሉንና ከዚህም ውስጥ የማር፣ የዓሳ እና በዶሮ ሀብት ልማት ስምንት ሞዴል መንደሮችን ማስመረቅ መቻሉን ተናግረዋል። ከዚህ በተጨማሪም አስራ ስድስት ሞዴል መንደሮችን በአጭር ጊዜ ውስጥ ለማስመረቅ በቅንጅት እየተሰራ እንደሚገኝ አስረድተዋል።

የጊንቦ ወረዳ ግብርና ልማት ፅ/ቤት የእንስሳትና ዓሳ ሀብት ልማት ዘርፍ ስራ ሂደት አስተባባሪ አቶ አለማየሁ ደፋር፣ የሌማት ትሩፋት ኢኒሼቲቭ ስራው ከተጀመረ ወዲህ በሁሉም ዘርፎች ላይ የተሳካ ተግባር መከናወኑን ገልፀው በተለይ በማር እና በዶሮ ሞዴል መንደሮችን በማረጋገጥ ማስመረቅ እንደተቻለም ጠቅሰዋል።

የተለያዩ የውሃ አማራጮችን በመጠቀም በዓሳ ልማት የተሻለ አፈፃፀም ማስመዝገብ መቻሉንና ጥራቱን የጠበቀ ምርት በማምረት የህብረተሰቡን ተጠቃሚነት ለማሻሻል እየተሰራ እንደሚገኝ የተናገሩት በገዋታ ወረዳ ግብርና ልማት ፅ/ቤት የእንስሳት ዝሪያ ማሻሻያ ቡድን መሪ አቶ በድሩ አባጀበል ናቸው። ሌሎች የስልጠናው ተሳታፊ ባለሙያዎችም በሰጡት አስተያየት፣ ስልጠናው ያለብንን የእውቀትና ክህሎት ክፍተቶች የሚሞላ እና የቀጣይ ዕቅዱን በሙሉ አቅም ተግባራዊ ለማድረግ የሚያግዝ እንደሆነም ገልጸዋል፡፡ ዘገባው የክልሉ መ/ኮ ነው።

ሸካ ቴቪ ማሻ 05/10/2018
ተጨማሪ መረጃዎችን ለማገኘት
YouTube
https://www.youtube.com/-y7q
Telegram
https://t.me/D02MpvQ_owNDE0
Instagram
t.me/D02MpvQ_owNDE0
Tiktok
tiktok.com/
Facebook
https://www.facebook.com/profile.php?id=61574375731590

Address

Sheka Zone
Masha
0000

Website

Alerts

Be the first to know and let us send you an email when Sheka TV posts news and promotions. Your email address will not be used for any other purpose, and you can unsubscribe at any time.

Shortcuts

Share

Category