Ahmed shadali

13/05/2026

الجامعة الإسلامية في جكجكا - islamic University of Jigjiga waxay timid wakhti loo baahnaa, iyadoo dabooshay baahi weyn oo loo qabay barashada cilmiga sharciga ah.

waxaa qof kasta saaran waajib ah in uuna ka gaabin dhismaheeda, iyadoo tabarucaad kasta oo aad ku bixiso ay kuu tahay sadaqo jaariyah ah iyo maalgalin aakhiro. Ha yaraysan wixii aad awoodo si aynu u wada dhammaystirno gurigan aqooneed.

12/05/2026

Col ku qaadyee maxay wiil xabbadi dartaa u qaadday !

06/05/2026

Waligaa Jir makugu dulqaaday?

Ilaahow Nimcadaada noo siyaadi.

05/05/2026

إنا لله وإنا إليه راجعون

Waxaa hadda la ii soo sheegay geerida Awowgay Axmed Cusmaan Nuur oo ku geeriyooday magaalada Gol-janno (Galaalshe).

Waxaan Ilaahay uga baryayaa inuu jannadii Firdowsa ka waraabiyo,

اللَّهُمَّ أْجُرْنَا فِي مُصِيبَتِنَا وَأَخْلِفْنَا خَيْرًا مِنْهَا

02/05/2026

29/04/2026

23/04/2026

Is weydii labadan su’aalood kahor inta aadan codkaaga bixin.

1. Yaad dooranaysaan? (Qof noocee ah?)

2. Maxaad u dooranaysaan? (Maxaad ka rabtaan?

Geedka aad codkaaga dhigato ayaad hadhsan doontaa dhowr sano. Ka fiirso.

17/04/2026

إنا لله وإنا إليه راجعون

Geeridu waa xaq, qof kastana waa la kulmi.
Waxaa la xaqiijiyay geerida Sheekh Cabdinaasir Xuseen Cusmaan, oo ahaa caalim weyn, mufasir caan ah,

Sheekhu wuxuu noloshiisa u huray barashada iyo baridda diinta Islaamka, gaar ahaan cilmiga tafsiirka oo uu aqoon dheeraad ah u lahaa. Dad badan ayaa ka aflaxay cilmigiisa.
Sheekhu Muddo ayuu xanuunsanaa, hase yeeshee samir iyo iimaan ayuu ku sugnaa illaa uu Alle oofsaday.

Waxaan tacsi tiiraanyo leh u dirayaa ehelkii, asxaabtii, ardaydii iyo dhammaan ummadda Muslimiinta ee uu ka baxay. Waxaan Alle uga baryayaa inuu naxariistiisa janno ka waraabiyo, qabrigiisana u waasiciyo, kana dhigo kuwii Jannatul Firdowsa ku hoyda.

16/04/2026

Waxaan rajaynayaa in muuqaalkan uu gaadho madaxda taraafikada iyo hay’adaha ilaaliya sharciga jidadka.

Intii u dhaxaysay Degmada Haroorays iyo Manaariyaaga Jigjiga, gaarigan taarikadiisu tahay koodh 3 ah ayaa si ula kac ah u xanibay haadka muddo ka badan 20 daqiiqo, isaga oo diiday inuu jidka baneeyo.

Arrintan waxay si toos ah u saameysay rakaabkii saarnaa gaadhiga lambarkiisu yahay 14 ee Shirkadda Barako, kuwaas oo ka badnaa 16 qof. Aniguna waxaan ahaa mid ka mid ah rakaabka, aniga ayaana duubay muuqaalkan.

Waa masuuliyad darro aad u weyn in dad intaas le’eg bilaa sabab lagu xanibo, laguna keeno dib u dhac iyo halis amni.

Falkan wuxuu si cad uga hor imaanayaa shuruucda iyo anshaxa waddooyinka.

Waxaan ugu baaqayaa hay’adaha ay khusayso:
• In arrintan si degdeg ah loo baaro
• In tallaabo sharci ah laga qaado darawalka falka sameeyay
• In la adkeeyo kormeerka iyo fulinta sharciga si looga hortago falalkan mustaqbalka

Muuqaalkan waa caddeyn muujinaysa wixii dhacay.

Daawade muuqaalka gudbi.

14/04/2026

WAR FIICAN!

Waxaa jirtay hooyo Afar carruur oo agoomo ah haysatay_mid kamid ahna laba cisho kahor ka dhintay. Carrurta ayaa ahaa kuwo Naafo ah oo suuxa. Midka ugu wayna isagoo inuu suuxay la moodayo ayaa laga warhelay inuu dhintay. Carrurtan agoomaha ah oo Deeganka wakhti dheer kaga maqnaa barakac, ayaa Qoordheere oo magaalada ka durugsan kuri kiro ah ka deganaa.

Walaal muxsin ah oo dadka nagu taxan kamid ah ayaa qoyskaas siiyay meel ay ka degaan Jigjiga. Waa boos dhinaca garronka garaad wiilwaal ah, waa dhul Master-Plan-kiina ka baxay, kaas oo ku yaalla meel muhiima oo magaaladu u korreyso. Berrito ayaa dhulka lagu warreejin doona..

Waxaa loo baahan yahay lacagtii loogu dhisi lahaa laba qol, Suuli iyo Jiko. Hadii ganacsade walba wax un qaato way fududdaan. Qof Jiingad qaata, mid suuliga qaata, mid haanta Biyaha qaata iyo mid Injiner ah oo muruqiisa sadaqaysta.

Lacag dhisme lagu dhiso lambarkan hoose galiya. Boqol ama laba boqol isku dar-dara.

Lambarka gurmadka: 0908889746
Magaca: Shugri Faarax Cali.

Qof walbaw qoraalkan faafi, k**a duwana adigoo sadaqo la baxay.