Kedamay dance art's group

26/05/2026

10/04/2026

የጋሞ ዞን ባህልና ስፖርት መምሪያ ሀላፊ አቶ ማዜ ሸቀኔ ለስቅለትና ትንሳኤ በዓል የእንኳን አደረሳችሁ መልእክት አስተላለፉ።

አርባ ምንጭ ሚያዝያ 02/2018 ዓ/ም (የጋሞ ዞን ባህልና ስፖርት መምሪያ )

በክርስትና እምነት ተከታዮች ዘንድ ትልቅ ስፍራ የሚሰጠው ወረሀ አብይ ጾም ምእመኑ በጾምና ጸሎት ተወስኖ የቆየበትና ይበልጥ ወደ አምላኩ የሚያቀርቡ በጎ ተግባራት በመከወን ያሳለፈበት መሆኑን ገልጸው ይህ ተግባር የሁልጊዜ ልምምድ ሊሆን ይገባል ብለዋል።

በዓሉን ስናከብር እንደ እምነቱ አስተምሮ አቅም የሌላቸውንና ጧሪ አልባ የሆኑ ወገኖቻችንን በመርዳት ና በመደጋገፍ ባህል መሆን እንዳለበት አስታውቀዋል።

በመጨረሻም ለመላው የክርስትና እምነት ተከታዮችና ለመላው የዞናችን ነዋሪዎች እንኳን ለስቅለትና ትንሳኤ በዓል በሰላም አደረሳችሁ ያሉ ሲሆን በዓሉ የሠለም የጤና የፍቅር እንዲሆን ተመኝተዋል።

02/03/2026

የጋሞ ዞን ዋና አስተዳዳሪ ዶ/ር ደምሴ አድማሱ ለ130ኛው የዐድዋ ድል በዓል የእንኳን አደረሳችሁ መልዕክት አስተላለፉ

​የዓድዋ ድል ኢትዮጵያውያን በልዩነት ውስጥ ሆነው ለአንድ የጋራ ዓላማ ለሀገር ሉዓላዊነትና ክብር በአንድነት የቆሙበት የታሪክ አሻራ ነው።

ይህ ድል ዛሬ ላይ ለምንሠራው የልማት ሥራ ትልቅ ስንቅና ትምህርት የሚሰጠን ነው። የዓድዋ ጀግኖች በጦር ሜዳ የነበራቸውን ጽኑ ዐቅምና አሸናፊነት እኛ ዛሬ በልማት ሜዳ ልንደግመው ይገባል።

​በጋሞ ዞናችን የሚታየውን ሰፊ የልማት እንቅስቃሴ ከዓድዋ ድል መንፈስ ጋር በማስተሳሰር በዓድዋ ወቅት የታየው የማይበገረው የኢትዮጵያውያን ዐቅም፣ ዛሬ በዞናችን የግብርና ምርታማነትን በማሳደግ፣ በቱሪዝም መስህቦቻችንን በማልማትና በኢንዱስትሪ ክፍለ ኢኮኖሚ ውስጥ በተግባር ሊገለጥ ይገባል።

​ የዓድዋ ጀግኖች ልዩነታቸውን ትተው ለሀገር እንደቆሙት ሁሉ፣ እኛም በዞናችን ያለውን የሰላምና የአንድነት እሴት ተጠቅመን የጀመርናቸውን ታላላቅ የመሠረተ ልማት ግንባታዎች ዳር ማድረስ ይኖርብናል።

ዐርበኝነት ማለት ከግል ጥቅም ይልቅ የሀገርንና የሕዝብን ክብር ማስቀደም፣ ለጋራ ብልጽግናም መሰለፍ ነው። በመሆኑም በዞናችን የተጀመረው የልማት ጉዞ ዳር እንዲደርስ፣ ለሰላማችን መታወክና ለዕድገታችን እንቅፋት የሚሆኑ ጉዳዮችን በጋራ በመምከር ልንታገላቸው ይገባል።

ጋሞ ዞንን የብልጽግና ተምሳሌት ለማድረግ ያለንን የተፈጥሮ ጸጋና የሰው ኃይል ዐቅም አቀናጅተን በመጠቀም፣ የዓድዋን ድል በኢኮኖሚ ድል ልንደግመው ይገባል።

​በመጨረሻም የአመራሩና የብርቱ የሕዝባችን ተሳትፎ ተደምሮ ዞናችንን ወደላቀ ከፍታ እንደሚያሸጋግራት ሙሉ እምነቴ ነው።

ዶ/ር ደምሴ አድማሱ
የጋሞ ዞን ዋና አስተዳዳሪ

ጋሞ ዞን መ/ኮሙኒኬሽን አገልግሎት የካቲት 22/2018 ዓ.ም

25/02/2026

‎የ2018 ዓ.ም የጋሞ ዞን እግር ኳስ ክለቦች ሻምፒዮና ውድድር በሁለቱም ፆታ ሚያዚያ ወር አጋማሽ ላይ የሚካሄድ በመሆኑ ከወዲሁ ቅድመ-ዝግጅት እንድታደርጉ ስለማሳወቅ ይሆናል።