17/09/2026
“መንግስት የምፈልገውን ቦታ ከሰጠኝ፣ 10-Star ሆቴል ለመገንባት ዝግጁ ነኝ!” ሼይኽ ሙሀመድ አሊ አላሙዲ
ሼይኽ ሙሀመድ አሊ አላሙዲ በኢትዮጵያ ከሚገኘው ሚድሮክ ኢንቨስትመንት ግሩፕ ሰራተኞች ጋር በቅርቡ ባደረጉት የጋራ ስብሰባ ባለ 10-ኮከብ ሆቴል ለመገንባት ያላቸውን ሀሳብ ገልጸዋል።
ሼይኹ እንደገለጹት፣ ኢትዮጵያ የዓለም ትልልቅ ሀብታሞችና የG20 ሀገራት ተሳታፊ የሚሆኑባቸውን ዓለም አቀፍ ስብሰባዎች ለማስተናገድ የሚመጥን ከፍተኛ ደረጃ ያለው ሆቴል ሊኖራት ይገባል።
“ሆቴሎች አሉ፤ ነገር ግን እነዚህን እንግዶች የሚመጥን ሆቴል ያስፈልጋል” በማለት ሀሳባቸውን ያብራሩት ሼይኹ፣ የሚመሯቸው ኢንጂነሮች እንዳሉና የ10-Star ሆቴል ግንባታውን ለማከናወን ዝግጁ መሆናቸውን ተናግረዋል።
በተጨማሪም፣ መንግስት የሚፈልጉትን ቦታ ከሰጣቸው ፕሮጀክቱን ለመፈጸም ዝግጁ መሆናቸውን ገልጸው፣ መንግስትም ሀሳቡን እንዲያጤነው ጥሪ አቅርበዋል።
“ህልምና ምኞት አይከለከልም” ሲሉም ኢትዮጵያዊዉ ባለፀጋ አላሙዲ ራዕያቸውን ገልጸዋል።
