Warraaqsi aartii kalessaa aartii har’aa utubee, hegeree aartii keenyaaf dungoo yoomuu hin dhaamne ibsee addunyaaf ifa haaraa uuma. Afaan fi aadaa ufii guddisuun, akkasuma seenaa ufii baranii-barsiisuun waan itti wol eeganii miti. “Kan waan harkaa qabu darbate sodaattuu hin jedhamu,” akkuma jedhamu anis gama kiyyaan, waan argee-dhagayee fi baradhee-hubadhee irraa fiilmii Afaan Oromoo tokko argaa-dhageettii keessaniin gayuun, guddinna fi dagaaginna afaanii fi aartii Oromoo irraa qooda kiyyaa gumaacheera. Fiilmii kun seenaa dhugaa kan jiruu fi jireenna ummata Oromoo ibsu ta’uu irra darbee, kan tokko-tokkoon dhala Oromoo akka daawitiitti keessatti uf-laalu jedhee amana. Fiilmiin Afaan Oromoo MIJUU HAQAA kunooti … Qalbiin Daawwadhaa! Fiilmiin MIJUU HAQAA, akkuma maqaa isaa, haqaa fi mijuu ilmaa namaa golgamee jiru ifatti baasuuf, akkasuma gaddaa, gadadoo fi gaaga’ama ummanni keessa jiru sirnaan qoratee … taatota/qoodattoota biyya alaatii fi biyya keessaa kan hirmaachisee fi seenaan isaa biyya keessaa ka’ee, biyya Noorweetti kan xumurame dha.
