23/10/2025
📣📢📢 Non queda nada para a mellor ruta ghaiteira... o PASABODEGHAS! Aquí tedes o programa de actividades, mostras, xogos populares, espectáculos infantís, tapas e horarios de toda a ruta do día 25.
A maiores da adega de Claudino, Pepe da Pedreira, Carmela, González, Bouzón, Pegito, Casimiro, Fondal e Picanes este ano súmase a Adega vella de Pereiras.🌰🌰
⛔ Recordamos que !!!ESE DÍA NON SE VENDERÁN PACKS¡¡¡¡. Só se venderán os packs infantís para menores de 12 anos. (Que terán que ir acompañados dunha persoa adulta)
⛔Tedes o modelo de autorización de entrada para os menores que non vaian acompañados, que terán que levar cuberto e firmado. O modelo podédelo descargar da nosa páxina web https://pasabodeghas.gal/, así como toda a información referente ao pasabodeghas.
❣️ É moi importante que sepades que “o Pasabodeghas” é unha festa na que a nosa veciñanza abre as portas das súas casas para acollernos toda unha tarde de festa. É de vital importancia devolverlle ese acto de xenerosidade respetando os seus espazos e ser responsables cos residuos que xeneremos. ❣️
Ás 17:00h. os grupos da ruta ghaiteira partirán dende o CAMPO DA FESTA cara ás diferentes adegas. En cada adega poderás degustar o viño novo, unha deliciosa tapa que nos fai a veciñanza con todo o seu agarimo, e tamén, desfrutar de diferentes actividades como exposicións temáticas, xogos tradicionais, artesanía, etc. Á noitiña, farase a subida ghaiteira ás 21:30h para voltar ao campo da festa e dar comezo á noite de concertos ás 22:30. 🎉
Xa non queda millo por apañar!!🌽
