27/10/2025
Faleceu Ricardo Pazo, do dúo Johnny & Ricardo. A parella musical alcanzou altísimas cotas de popularidade tanto localmente coma a nivel nacional nos anos sesenta do pasado século, acadando un Premio Ondas en 1962. Tras debutar na música coa rondalla Los Gandules na década de 1940, Pazo cultivou o estilo de canción hispanoamericana co conxunto Los Gladiadores, gañadores do Desfile de Estrellas en 1960. Este cuarteto xa contaba co portorriqueño Johnny Lastra nas súas filas, quen fora un dos primeiros introdutores da música do Caribe en Galicia. A disolución dos Gladiadores deu paso á creación do afamado Trío Los Bardos, e do dúo que Ricardo Pazo formara con Johnny Rosario, outro estudante portorriqueño co que espallaron os ritmos tropicais e latinos por festivais e emisoras de radio e televisión.
Johnny Rosario e Ricardo Pazo posando para Emilio Lavandeira.
