¿Qué es el sitio web?

https://www.facebook.com/107178175745876/

Itxas Soinua Nazioarteko Musikaldia

Casa
España
Lekeitio
Itxas Soinua Nazioarteko Musikaldia

Lekeitio

19/06/2026

MUSIKALDIKO PRODUKTUAK ESKURRAGARRI

TOTEBAG: 12€
SHOPPING BAG: 20€

Musikaldian zehar leihatilan eta aurrez mailez kontaktatuz: [email protected]

17/06/2026

UZTAILAK 17 JULIO
20:00 Ikusgarri Zinema Aretoan

La Quinta Planta jazz latinoan eta jazz afrokubatarrean oinarritutako proiektu musikal berezi eta aberatsa da, tradizioa eta sormen garaikidea uztartzen dituena. Taldearen gidaritza Iker Figueroa-ren esku d**o, eta haren ikuspegi artistikoari esker, Euskal Herriko zein estatuko hainbat musikari biltzea lortu du, estilo eta ibilbide ezberdinetako artistak elkartuz proiektu koherente eta nortasun handiko bat sortzeko.

Taldearen errepertorioa Figueroaren konposizio propioetan eta moldaketetan oinarritzen da nagusiki. Pieza hauek jazzaren hizkuntza harmoniko eta inprobisatiboan sustraituta dauden arren, erritmo afrokubatarrek eta Latinoamerikako tradizioek indar handia hartzen dute. Ondorioz, entzuleak Kubako musika estiloen aniztasunean murgiltzen dira: son, timba, rumba edota latin jazzaren ñabardura desberdinak modu naturalean nahasten dira, kolore eta dinamika aberatsak sortuz.

Inspirazio iturri nagusien artean, gaur egungo kubatar musikaren erreferente handiak aurki daitezke, hala nola Alain Pérez, El Comité, Havana D’Primera edo Pedrito Martínez. Artista eta talde hauek funtsezkoak izan dira kubatar musika bere mugetatik harago zabaltzeko, mundu mailako eszenan kokatuz eta generoaren berrikuntza bultzatuz. La Quinta Plantak ildo horri jarraitzen dio, bere ikuspegi propioa gehituz eta tokiko eszenarekin konektatuz.

Azken batean, La Quinta Planta ez da soilik jazz edo musika afrokubatarra jotzen duen taldea; kultura, erritmo eta sentsibilitate desberdinen topagune bat da. Bere musikaren bidez, tradizioaren eta modernitatearen arteko zubi bat eraikitzen du, entzuleari esperientzia bizi, dantzagarri eta emozionalki aberatsa eskainiz.

16/06/2026

UZTAILAK 16 JULIO
20:00 Ikusgarri Zinema Aretoan

Chiara Pelloni (Bologna, Italia) eta Irati Bilbaok, Musikene Euskal Herriko goi mailako ikastegian ezagutu zuten elkar jazz kantuko ikasketak egiten zituztenean eta beraien artean berehala laguntasun eta mirespen handia sortu zen. Azken urteetan bakoitzak bere herrialdean ibilbide musikal propioa garatu du baina beti izan dute buruan elkarrekin proiektu bat egitea, eta azkenik iritsi da aukera. Proposamen honetan bi jazz abeslari hauek beraien diskoetako errepertorioak batuko dituzte bata bestearen konposaketak elkarrekin abestuz. Emakume konpositore, letrista eta taldeko liderrak dira biak, ikuspegi ezberdindunak baina abesti intimistek, inprobisazioak eta originaltasunak batzen dituena. Bi perspektiba ezberdin tradizio eta modernitatea, iragana eta orainari buruz hizketan.

15/06/2026

UZTAILAK 12 JULIO
20:00 Andra Mariaren Zeruratzea Basilikan

1991n sortu zenetik, Landarbaso Abesbatza, abesbatza-musikaren munduan ezinbesteko erreferente gisa finkatu da, gazteek egindako musika nazioarteko agertoki ospetsuenetara eramanez. Iñaki Tolaretxipiren zuzendaritza artistikopean, elkarteak 170 ahots biltzen ditu gaur egun lau taldetan banatuta (MusikART, Kontari, Dizdizka eta Landarbaso). 600 emanaldi baino gehiagoko ibilbidearekin, Landarbaso musika-eskola bat baino gehiago da: gure kulturaren enbaxadore bikaina da.

Taldearen palmaresa txundigarria da: nazioarteko 27 sarik bermatzen dute haien bikaintasuna, eta horien artean 2023an lortutako Asiako Grand Prix prestigiotsua nabarmentzen da. Kalitate tekniko horri eta berrikuntzaren aldeko apustu irmoari esker, 70 estreinaldi absolutu baino gehiago egin dituzte eta hiru kontinentetan zehar bidaiatu dute, Europa osotik hasi eta Estatu Batuak, Txina edo Japoniaraino.

Landarbasoren kontzertu batera joatea musika koralaz gozatzea baino askoz gehiago da; esperientzia hunkigarri, original eta maila artistiko bikainekoa bizi izatea da. Urtero 50 kontzertu baino gehiago eskaintzen dituzte, eta Maddalen Dorronsoro bezalako adituek gidatutako prestakuntza bokal zainduari esker, saio bakoitza aukera paregabea da gaur egungo talde saritu eta dinamikoenetako batekin dardara egiteko.

14/06/2026

UZTAILAK 11 JULIO
20:00 Andra Mariaren Zeruratzea Basilikan

Ahaire Eho laukoteak “Música Maestras” aurkezten du, musika eta poesia elkartzen dituen 50 minutuko emanaldi murgiltzailea, emakumeen ondarea aldarrikatzeko. Nagore Larriónek, Nerea Goñik, Natalia Sánchezek eta Irene Ruizek —Europako kontserbatorio onenetan trebatu eta kultur bitartekaritzan adituak diren txirulajoleek— zortzi emakume sortzailen entzutetsurenren ahotsak uztartzen dituen bidaia bat proposatzen dute, azken ehun urteotan emakumeen ahotsak hartu duen indarra azpimarratzeko.

Egitarauan Cecile Chaminade edo Sofia Gubaidulina bezalako konpositoreen piezak entzungo dira, eta baita Eva Ugalderen Flowting obraren estreinaldia ere. Partitura hauek lotura estua dute Juana de Ibarbourou, Raquel Lanseros, Patti Smith edo Amanda Gorman bezalako poeten bertsoekin; horrela, hausnarketarako gune bat sortzen dute, ikusleak musika bere emozioekin eta inguratzen gaituen munduarekin lotu dezan.

MUSAE ziklo nazionalerako hautatuak eta ESAS (Emakume Sortzaile eta Artisten Sarea) elkarteko kideak, Ahaire Ehok kontzertu bat baino gehiago eskaintzen du: esperientzia eraldatzaile bat. Zehar-txirula laukote honen bidez, artistek musika eta bizitza lotzen dituzten istorioen katalizatzaile gisa jokatzen dute, artea mundua sentikortasunetik ulertzeko eta bizitzeko funtsezko tresna dela erakutsiz.

13/06/2026

UZTAILAK 10 JULIO
20:00 Andra Mariaren Zeruratzea Basilika

Garikoitz Mendizabal eta Gorka Hermosak “Sustraien Matxinada” proiektu berria aurkezten dute. Tradizioa eta modernidadea batzen dituzte proposamen honetan: euskal kulturaren XXI. menderako ikuspegi berri bat. Folklorea, jazza eta musika klasikoaren ekidistantzia neurtu bat mantenduz, Euskal Herriko eta Iberiar penintsulako folklorearen erritmo eta melodiak, jazzaren askatasuna eta musika klasikoaren prozesu konpositiboak fusionatzen dituzte.

Elkar-ek argitaratua 2023eko udazkenean aurkeztu zuten diska Carles Benavent eta Tino di Geraldo mitoekin grabatua, Paco de Lucía eta Camaron-en diska garrantzitsuenetan baxu eta bateria jotako musikariak, flamenkoa bezelako musika tradizional baten historia aldatuz eta gerora Miles Davis edo Chick Corea munduko jazz izar handienekin diska eta birak egindakoak: euskal kulturarentzat neurtezinezko luxua da diska honetan mito hauek euskal musika jo izana.

Garikoitz Mendizabalen txistuak sustrai sakoneko soinua dakar errepertorio honetara. Interprete honek bere instrumentua irauli du bere soinu noblearekin (tresna honentzat hain harrigarria) eta bere birtuosismo lotsagabearekin. Bere azken bakarkako lana Euskadiko Orkestrarekin grabatu du, bereziki berarentzako konposatutako musikarekin.

Dudarik gabe, bi artista handi hauek heuren instrumentuak erreboluzionatu dituzte azken urte hauetan, txistu eta akordeoiaren nazioarteko erreferentzi bihurtuz. Honez gain, Iholdi Beristainen ahots harrigarria sentitzeak ekitaldi hau ikuslearentzat kontzertura gerturatzeko arrazoi politta egingo dute.

07/06/2026

46. Itxas Soinua Nazioarteko Musikaldiko Programa, behar duzun informazioarekin!!!

📆 Datak
🕗 Ordutegiak
📌 Aretoak
🎟️ Sarrerak eta Abonoak

Ez ezazu galdu musikarik onena, Uztailaren 10etik 17ra Lekeition. Lortu zure sarrera edo abonoa orain!!!

Informazio guztia: itxasoinua.com

/////

Programa del 46. Itxas Soinua Nazioarteko Musikaldia, con todo lo que tienes que saber!!!!

📆 Fechas
🕗 Horarios
📌 Recintos
🎟️ Entradas y Abonos

No te pierdas la mejor música, del 10 al 17 de Julio en Lekeitio. Consigue tu entrada o abono hoy mismo!!!

Toda la información en: itxasoinua.com

05/06/2026

Badator Lekeitioko 46. Itxas Soinua Nazioarteko Musikaldia, uztailaren 10etik 17ra! Euskal Herriko musikaririk onenak eta Italiako errepresentazio internazionala ere izango ditugu!

Aurten Garikoitz Mendizabal & Gorka Hermosa (U10), Ahaire Ensemble (U11) eta Landarbaso Abesbatza (U12) gau klasikoetan, eliza nagusian, eta Irati Bilbao & Chiara Pelloni (U16) eta La Quinta Planta (U17) gau modernoetan, Ikusgarri Zinema Aretoan.

Eskuratu sarrerak eta abonoak prezio onenean:

🎟️ Sarrerak: itxasoinua.com / Lekeitioko Turismo Bulegoan
🧾 Abonoak + Gazte Abonoa: itxasoinua.com

Informazio guztia: itxasoinua.com-en!!!!

///////////////////////////

Ya está aquí el festival de música 46. Itxas Soinua Nazioarteko Musikaldia de Lekeitio, del 10 al 17 de julio! La mejor música de km0 y con representación internacional de Italia en nuestra casa!

Este año contamos con Garikoitz Mendizabal & Gorka Hermosa (10J), Ahaire Ensemble (11J) y Landarbaso Abesbatza (12J) para las noches clásicas, en la Basílica de la Asunción de Ntra. Sra., además de Irati Bilbao & Chiara Pelloni (16J) y La Quinta Planta (17J) para las noches de música moderna en la Sala de Cine Ikusgarri.

Consigue tus entradas y abonos al mejor precio:

🎟️ Entradas: itxasoinua.com / Oficina de Turismo de Lekeitio.
🧾 Abonos + Abono Jóven: itxasoinua.com

Toda la información en: itxasoinua.com !!!

28/07/2025

Itsas Soinua nazioarteko musikaldiak 45. edizioa itxi du asteburu honetan, gau modernoen bigarren atalarekin. Bi bloketan banatutako zikloak azken akordeak […]

28/07/2025

45. ITXAS SOINUA
NAZIOARTEKO MUSIKALDIA

Uztailak 18-19-20 & 24-25

Dirección

Lekeitio
48280

Teléfono

+34617731140

Página web

facebook.com

Notificaciones

Sé el primero en enterarse y déjanos enviarle un correo electrónico cuando Itxas Soinua Nazioarteko Musikaldia publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.