Academia Galega de Teatro

27/04/2026

A Academia Galega de Teatro vén de conceder o Premio de Honra 2026 a Antonio Simón, un dos pioneiros da profesionalización do teatro na Galiza e unha voz clave na consolidación das artes escénicas no país.

Ao longo de décadas de traxectoria, Simón desenvolveu un labor esencial como director, xestor e impulsor de proxectos teatrais, contribuíndo a crear estruturas sólidas para o sector. O seu compromiso co teatro galego foi constante, apostando sempre por unha escena con identidade propia e vocación de futuro.

Este recoñecemento pon en valor non só unha carreira extensa, senón tamén unha forma de entender a cultura como ferramenta de país. Antonio Simón é, sen dúbida, parte da historia viva do teatro galego.

👏 Parabéns por unha longa e produtiva traxectoria.

26/04/2026

No próximo mes de maio, como cada ano, terán lugar as Xornadas de Mariñán da Academia Galega de Teatro, sendo esta a IV edición.
Baixo o lema 2000-2025 SUMANDO PRIMAVERAS entre o 14 e o 16 de maio un grupo de profesionais nos reuniremos no Pazo de Mariñán grazas á colaboración da Deputación da Coruña e a Axencia Galega das Industrias Culturais

26/04/2026

No próximo mes de maio, como cada ano, terán lugar as Xornadas de Mariñán da Academia Galega de Teatro, sendo esta a IV edición.
Baixo o lema 2000-2025 SUMANDO PRIMAVERAS entre o 14 e o 16 de maio un grupo de profesionais nos reuniremos no Pazo de Mariñán grazas á colaboración da e a

03/04/2026

A dramaturga e directora fala do seu texto “Maseira”, gañador do VIII Premio Laudamuco de textos teatrais no que colaboramos co e

29/03/2026

María Peinado Casal é a autora do texto “Maseira”, recoñecido co VIII Premio Laudamuco, convocado polo Concello de Brión, a Academia Galega de Teatro e Edicións Positivas.

O xurado, formado por Ánxeles Cuña, Cristina Domínguez, María Torres, Roberto Pascual e Manuel Xestoso, salientou na súa acta “a frescura e orixinalidade da obra”, así como “o uso dun humor tendente ao absurdo, que define un estilo propio e envolvente”. Ademais, destacou “o seu carácter antibelicista, tratado dunha maneira non dogmática, que permite unha lectura crítica e aberta”.

O premio está dotado con 7.000 euros e a publicación da obra por Edicións Positivas. A gañadora tamén recibirá un trofeo coa figura de "Laudamuco, señor de ningures", obra do artista plástico Xosé Vizoso. Será o vindeiro 16 de maio na Sala Municipal de Exposicións (Casa da Cultura) en Brión.

29/03/2026

https://www.concellodebrion.gal/gl/novas/maria-peinado-faise-co-viii-premio-laudamuco-para-textos-teatrais

É un concello galego (A Coruña), atopase a uns 13 km de Santaigo de Compostela. Ten 74.9 km² distribuidos en 106 aldeas, repartidas en 9 parroquias.

14/01/2026

Constituiuse a Asociación Casa Museo Xosé Manuel Pazos en Cangas, coa participación da Academia Galega de Teatro

Casa Museo

16/12/2025

Ao abeiro dun convenio de colaboración para actuacións en materia de
normalización lingüística entre a Consellería de Cultura, Educación e Universidade
e a Universidade da Coruña, en 2022 iniciouse un proceso masivo de enquisas ás
persoas que integran os diferentes sectores envolvidos na creación, distribución e
recepción da produción espectacular galega. Dos cinco sectores inicialmente
estabelecidos -dramaturg@s, intérpretes, director@s, programador@s e público-, unicamente puideron ser inquiridos os catro primeiros, visto que non resultou factíbel a recolla da opinións das e dos espectadores cos medios do Grupo ILLA da UDC e a Academia Galega de Teatro.
Este ambicioso inquérito estendeuse até inicios do ano 2024 e foi realizado maioritariamente por vía telefónica -se ben tamén se recolleu información por correo electrónico. Esta función foi asumida polas bolseiras Fátima Novo Díaz, Marta Torrado Carollo e Romina Pereira Trillo, ás que se sumou o tamén bolseiro Óscar Pérez Vila -quen se encargou do deseño da aplicación de procesado dos resultados. Elas propias coadxuvaron no deseño das preguntas, nun proceso supervisado polo coordinador e o asesor de contidos do Observatorio -respectivamente, Carlos-Caetano Biscainho-Fernandes e Francisco Oti Ríos.

Enlace para a consulta: https://ruc.udc.es/entities/publication/c8de6fbc-2b6b-431c-9d1e-ccd9a68da150

03/12/2025

Foi elixida por Asemblea Xeneral unha nova Xunta Directiva da Academia Galega de Teatro.

Con data 01/10/2025 celebrouse no edificio CINC da Cidade da Cultura en Santiago de Compostela a Asemblea Xeral Extraordinaria para a elección de nova Xunta Directiva desta Academia, resultando: Presidente: Miguel Pernas Cora. Vicepresidenta: María Barcala Porto. Secretaria: Sara Rey Seoane. Tesoureiro: Carlos Caetano Biscainho Fernandes. Vogais: Neves Lema Vilariño, Carlos Lorenzo Pérez, Manuel Xestoso González, María Pilar Pérez López, Xoana Balado Fernández e Xavier Castiñeira Blanco.

03/12/2025

Estamos moi contentas polo 🏆 VII Premio Luísa Villalta da Deputación da Coruña a proxecto pola igualdade por 🎥🧶 𝑵𝒐𝒏 𝒅𝒂𝒎𝒐𝒔 𝒑𝒖𝒏𝒕𝒂𝒅𝒂 𝒔𝒆𝒏 𝒇𝒊́𝒐​​​​​, a nosa proposta documental.

Desexando contarvos máis sobre este proxecto proximamente!

💡🎬 Equipo Chiripa
▪️Dirección e produción: Eva Alonso
▪️Realización, fotografía, montaxe: César Seijas
▪️Axudante de produción: Mel Regueira

Teatro Do Noroeste - Clara Gayo - Iolanda Muiños - Susana Sampedro - Raquel Espada

🌐 Cultura da Deputación da Coruña

03/12/2025

Avisamos por aquí que xa nos podedes encontrar tamén en Tiktok🎶
Inauguramos a nosa conta cun pequeno fragmento de inicio do documental “Memoria do teatro galego na transición”, dirixido polo noso académico e que se xestou grazas ao .
Os catro capítulos do documental, así como todo o material de entrevistas (horas e horas de historia) pódense consultar no Consello da Cultura Galega.

Seguídenos na outra rede social para mais contido!