Festival Mar de Mares

21/07/2026

Nos próximos días, actos relacionados coas expedicións de Juan Sebastián Elcano e García Jofre de Loaísa

14/07/2026

O Foro Azul deu este ano un paso máis.

Máis que falar do mar, tratouse de pensar que facemos con todo o que nos dá: industria, talento, pesca, innovación, produto local, cidade e futuro.

Unha mañá viva e dinámica para seguir facendo medrar a economía azul desde Galicia. 🌊

06/07/2026

💙 O que non vemos tamén conta.

Na Gran Limpeza de Fondos Mariños mergulladores, voluntariado e entidades colaboradoras retiraron case dúas toneladas de lixo mariño da Dársena da Mariña.

Neste recordo do festival, e lembran algo esencial: coidar o mar non vai só de falar del. Tamén vai de baixar ao fondo, mirar de fronte o que hai e actuar.

Grazas a todas as persoas que se mollaron. 🌊

23/06/2026

Xa está aquí o aftermovie de Mar de Mares 2026.

Durante uns días, A Coruña volveu mirar ao mar doutro xeito. Entramos en espazos que normalmente non se ven. Escoitamos historias que veñen de lonxe. Tocamos, limpamos, probamos, preguntamos e volvemos lembrar que o océano non é fondo de pantalla: forma parte do que somos.

Isto foi Mar de Mares 2026.
E si, apetécenos velo outra vez. 🌊

19/06/2026

Grazas por facer medrar Mar de Mares.

Pechamos a XIII edición cun balance que nos emociona: 32 actividades, 33 relatores, case 2 toneladas de lixo retiradas do mar e máis de 45.000 asistentes estimados ata o peche da exposición “O mar que nos habita”.

Grazas ao público, artistas, relatores, entidades, voluntariado, patrocinadores e colaboradores por acompañarnos nesta edición.

O mar segue aí. Nós tamén. 🌊

13/06/2026

Paseo pola cidade-barco con Xurxo Souto : as pedras do Mar da Torre

Mañá saímos a camiñar arredor da Torre para descubrir as pedras que rodean este mar: O Redondo, o Cabalo, as Longuiñas, Rabaleira, Xanrei, Gaivouteiro, Xogadoiro, Macallás…

Un paseo para mirar A Coruña desde outro lugar. Coas súas historias, nomes e memoria.

📍 Adormideras
🕚 11:00 h
🎟️ Actividade gratuíta con inscrición previa. Enlace na bio.

13/06/2026

Vas perder a oportunidade de escoitar a Xurxo Souto falar da relacion que une a Coruña co seu mar? Un plan perfecto para un a mañá do domingo: un paseo con nome propio pola contorna de dáa Torre de Hércules.

Achegarémonos ás pedras que custodian a Torre —O Redondo, Xanrei, Macallás...— para descubrir os seus nomes e as súas fascinantes historias. Será un percorrido cheo de simbolismo, memoria mariñeira e beleza natural que acabará nas porta do Aquarium Finisterrae.

Quedan moi poucas prazas libres para vivir esta experiencia coa enerxía e a maxia que só Xurxo sabe dar ás nosas raíces.

Reserva as túas entradas aquí 👇

Un paseo con nome propio polas pedras mariñas da Torre de Hércules: historia, eufonía e mar, da man de Xurxo Souto.

11/06/2026

Hoxe no IV Foro Azul falouse do mar que xa está cambiando.

Da IA aplicada ao sector marítimo. Da dixitalización das lonxas. Da acuicultura como oportunidade internacional. Do talento que falta. Do produto local. Das algas. Dos portos que se abren á cidade.

E fíxose cun nivelazo de poñentes, pero tamén cun ton dinámico, próximo e moi vivo. Un foro para aprender, si. Pero tamén para escoitar, preguntar e pasalo ben falando do futuro do mar.

Grazas a todas as persoas que participaron e fixeron posible unha xornada tan boa!

09/06/2026

Unha torre, moitas historias e A Coruña desde as nubes.

Na visita á Torre de Control Marítimo descubrimos como funciona por dentro, algúns segredos da súa construción e arquitectura, e esa parte imposible de superar: mirar a cidade, o porto e o Atlántico desde arriba de todo 👌

09/06/2026

O IV Foro Azul Mar de Mares reunirá voces da ciencia, a innovación, a economía azul, a gastronomía, o patrimonio e a sustentabilidade para falar do futuro do océano e da relación de Galicia con el.

Intelixencia artificial aplicada ao océano, industria naval, acuicultura sostible, produto local, turismo, benestar litoral e novas formas de abrir a cidade ao mar.

Unha xornada para escoitar, conectar ideas e mirar o océano non só como paisaxe, senón como motor de futuro.

📍 Espazo Avenida ABANCA · A Coruña
📅 Xoves 11 de xuño
🌊 Mar de Mares 2026

Consulta a programación completa en festivalmardemares.org