¿Cuál es el sitio web?

Festigual

Festival das Artes pola Inclusión e a Diversidade

06/10/2026

🎨 Hoxe achegámonos ao estudo de Héctor Francesch para ver como vai collendo forma Arte con Impacto.

Héctor está a traballar xunto a un grupo de APEM nun proceso de creación compartida que acabará formando parte da exposición 10 anos de FESTIGUAL.

💜 Durante a visita, Nereida Canosa, concelleira de Benestar Social, Participación e Igualdade e vicepresidenta da Fundación Emalcsa, puido coñecer de preto o traballo que están a desenvolver xuntas.

APEM é unha asociación que traballa para mellorar a calidade de vida das persoas con problemas de saúde mental e das súas familias.

✨ O resultado poderá verse a partir do 5 de novembro no Fórum Metropolitano.

FESTIGUAL, o festival de todas.

06/10/2026

✨ Así é a imaxe de FESTIGUAL 2026

Do 4 ao 19 de novembro, A Coruña celebra dez anos de cultura, inclusión e diversidade. Música, teatro, danza, cinema, artes visuais e novas experiencias nun festival feito para todas.

Gústavos o cartel? 👀

📅 4—19 NOV
📍 A Coruña
📲 Programación completa en festigual.gal

FESTIGUAL, o festival de todas.

05/10/2026

10 anos crecendo xuntas 💜✨

Lara Pintos é unha das artistas que este ano forma parte de Arte con Impacto 🎨, unha iniciativa de FESTIGUAL que conecta artistas da cidade con entidades sociais para desenvolver proxectos de creación participativa.

👀 O resultado destes encontros poderá verse na exposición 10 anos de FESTIGUAL, a partir do 5 de novembro no Fórum Metropolitano.

🤝 Nesta edición, Arte con Impacto** conta co apoio de Reale Foundation - -, que se incorpora como entidade colaboradora do festival.

💜 Grazas, Lara, por formar parte destes 10 anos.

FESTIGUAL, o festival de todas.

24/09/2026

📣 FESTIGUAL cumpre 10 anos!

💚 FESTIGUAL chega á súa décima edición celebrando unha historia colectiva construída arredor da cultura, a diversidade e a inclusión. Hoxe presentamos no Concello da Coruña a programación deste aniversario tan especial.

🔟 Unha década que deixa máis de 160 actividades e espectáculos, arredor de 1.000 artistas, 126 entidades e profesionais implicados e máis de 14.000 participantes.

Na presentación participaron:

🔹 Nereida Canosa, vicepresidenta da Fundación Emalcsa e concelleira de Benestar Social, Participación e Igualdade - Concello da Coruña Coruna Social Fundación Emalcsa -

🔹 M.ª Arantzazu Escalada Sarabia, directora de Sostenibilidad, Relaciones Institucionales y Reale Foundation España - Reale Foundation España -

🔹 Belén Rey, directora de Relacións Institucionais da Fundación María José Jove e responsable do programa Cultura Accesible e Inclusiva e FESTIGUAL na FMJJ - Fundación María José Jove -

🔹 Ricardo Castro Santa Cruz, director de RSE e Calidade de Vegalsa-Eroski - Vegalsa-Eroski -

🔹 Sol Agra Tuñas, deputada de Igualdade, Lingua e Dereitos Civís da Deputación da Coruña - Deputación da Coruña -

🎭 Do 4 ao 19 de novembro, FESTIGUAL volverá encher A Coruña de teatro, música, danza, artes visuais e propostas para todos os públicos, reunindo artistas, compañías e entidades sociais e culturais.

Celebramos dez anos facendo da cultura un lugar para todas. Xa podedes comezar a descubrir a programación desta edición en festigual.gal, a nosa web renovada 😉

🗓️ Do 4 ao 19 de novembro
📍 A Coruña
📱 Todas as novidades a través do hastag

FESTIGUAL, o festival de todas.

🟩 O Festigual – Festival das Artes Inclusivas da Fundación Emalcsa é posible grazas á colaboración entre o Concello da Coruña, a Vegalsa-Eroski, a Fundación María José Jove, Reale Foundation e a Deputación da Coruña. Xestiona Culturactiva S. Coop.

30/03/2026

🟩🔷🟣 Comezamos cos preparativos do décimo aniversario do Festigual!

Esta mañá presentouse no Concello da Coruña o ciclo TRC Danza 2026, que levará ao Teatro Rosalía de Castro catorce espectáculos de danza contemporánea entre abril e decembro, con compañías galegas, nacionais e internacionais.

Na súa programación de outono, o ciclo volverá contar coa participación do Festigual. Será o 8 de novembro, coa peza Ngoma, de La Guajira.

O ciclo foi presentado polo concelleiro de Cultura e Turismo, Gonzalo Castro, xunto ao director do teatro, Paulo Rodríguez, Laura Seoane do IMCE e a directora e xerente da Fundación Emalcsa, Bettina Kohlhaas.

Ngoma, de La Guajira no Festigual 2026! Vai reservando a data!

📍 Teatro Rosalía de Castro
🗓️ 8 de novembro
🕰️ 20:30 h
🎟️ Entradas á venda no despacho de billetes da Praza de Ourense, Ataquilla e no teatro o día da función
Festigual, o festival de todas.

👉 Segue as últimas novidades a través do hashtag

🟩 O Festigual – Festival das Artes Inclusivas da Fundación Emalcsa é posible grazas á colaboración do Concello da Coruña, Vegalsa-Eroski, Fundación María José Jove e Deputación da Coruña.

02/03/2026

🟩🔷🟣 a Gala Música Baixo as Estrelas 2025.

Como imaxinades o décimo aniversario do ?
Nós xa estamos traballando para facelo realidade💜

Temos moitas sorpresas preparadas!

⏳⌛

🟩 O Festigual – Festival das Artes Inclusivas da Fundación Emalcsa é posible grazas á colaboración do Concello da Coruña, Fundación Vegalsa, Fundación María José Jove e Deputación da Coruña.

05/12/2025

🟩🔷🟣 Grazas, A Coruña. Grazas, público. Grazas a todos os espazos que nos abrístes as portas.

O Festigual 2025 chega ao final despois dun mes no que a cidade enteira se converteu nun mapa de cultura accesible: máis de trinta actividades, unha decena de espazos, case dúas mil persoas participando e un tecido inmenso de entidades, artistas e colectivos que fixeron posible unha edición chea de vida.

Este ano chegamos a teatros, salas, hospitais, centros penitenciarios, colexios… porque a cultura tamén é isto: estar onde non sempre chega. Apostamos máis ca nunca pola educación, pola arteterapia, polo cinema como ferramenta de sensibilidade e por espectáculos que integran a accesibilidade desde a propia creación. E isto só funciona porque vós —o público— respondedes, apoiades e facédesno sentir que este camiño ten sentido.
Tamén queremos agradecer ás compañías e artistas que empuxaron connosco: demostrades que a accesibilidade non é un “extra”, é unha maneira contemporánea e poderosa de facer arte.

E aos espazos culturais da cidade: grazas por permitirnos transformar rutinas, abrir itinerarios inclusivos e facer que as medidas de accesibilidade sexan unha práctica natural.
Este ano tamén levamos a inclusión á comunicación, superando o medio centenar de impactos en prensa e cunha campaña dixital que xa achega a comunidade do Festigual a milleiros de persoas. Cada unha desas miradas suma.

En 2026 cumpriremos 10 anos. Unha década aprendendo, escoitando e construíndo xuntos unha idea sinxela pero radical: todas as persoas teñen dereito á cultura, sen excepcións.

Seguimos. Grazas por acompañarnos e por facer do Festigual, o festival de todas.

🟩 O Festigual – Festival das Artes Inclusivas da Fundación Emalcsa é posible grazas á colaboración do Concello da Coruña, Fundación Vegalsa, Fundación María José Jove e Deputación da Coruña.

Dirección

A Coruña
15006

Página web

http://www.festigual.com/

Notificaciones

Sea el primero en enterarse: le enviaremos un correo electrónico cuando Festigual publique novedades y promociones. Su dirección de correo electrónico no se utilizará para ningún otro fin y puede darse de baja en cualquier momento.