Hossam Barakat

25/06/2026

يا قلبي قول وريحني
هتنسى ولا هتجرحني؟
هتبكّيني وترجع تبكي
على حب جرّك وجرحني

يا قلبي قول وريحني

تعالى يا قلبي ننساها
ونقول عليها كانت غلطة
يومين وما خسرناش حاجة
مكتوب، وبيه لازم نرضى

تعالى يا قلبي سيبك منها
دي آخرها زي أولها
أيام من عمرنا ضاعوا
تعالى يلا نشوف غيرها

يا قلبي قول وريحني
لو غالي عليك ما تجرحني

قول إنك مش هتفكرني
ولا تاني بعدها هتقولّي
نشوفها من بعيد لبعيد
ولا تاني هتحن يا قلبي
لو رجعت من جديد

تعالى يا قلبي ننساها
ونقول عليها كانت غلطة
يومين وما خسرناش حاجة
مكتوب، وبيه لازم نرضى...

16/06/2026

مش عارف أحبك
ولا أسيبك
ولا أكمل عمري معاك
مش عارف قلبك حاسس بيا
ولا ناسينى
ولا انا ايه يا شاغلنى هواك

ما تقولّي حبيبى وريحني
عجبك كده حالى ما ترحمني

هتجنن منك يا تعبنّي
حبه معايا وحبه سايبني
وانا ذنبى ايه ؟؟ما تفهمني

هتجنن منك ياناسيني
حبه معايا وحبه ناسيني

ماتقولى حبيبى رَسّيني
على بر معاك ياناسيني
هتكمل جنبى وهتيجيني
ولا هتمشي .. ولا هتمشي
وتفوت ايامى وسنينيّ

مش عارف كدب ده ولا حقيقه
ولا مكمل عمرى معاك
مش عارف قلبك حاسس بيا
ولا ناسينى
ولا انا ايه ياشاغلنى هواك ؟

Send a message to learn more

28/03/2026

ظلموه...
ورموه بالباطل كام تهمة
وفي عين الناس
أصبح ديما وصمة وعار
علشان فكر ياخد تار
من قاتل شرير جبار
ظلموه فعلًا قالوا عليه
ملعون من أهل النار...

مع إنه من أهل الفجر
عمره ما فرّط يوم في الوتر
عمره ما فكر حتى في أكل
ولا كان عايز يبقى حمار
كان شاطر زي الشطار
كان عارف أن المشوار
هيكون صعب وذل مرار

ظلموه آه…
وفي نص السكة
طلعوا عليه
ضربوه بالنار

27/03/2026

هنا يرسم هنا يشغبط
ويضحك ضحك هستيرى
ويبكى فى نفس ذات الوقت
يكلم روحه ويفكر

21/03/2026

هما عايزينك كده
مربوط فى ساقيه
ليل نهار
هما عايزينك حمار
يخدوك يمين
يجيبوك شمال
من غير ماتسألهم سؤال
وحتى لو فكرت تسال
مش هتسألهم فى حاجه
اكتر من قوت العيال

20/03/2026

ياللى هان عليكوا عيشنا وملحنا
كنا معاكوا ولاد اصول
أما إنتوا يعلم ربنا

20/03/2026

المكان استاد بورسعيد
الزمان من قريب مش بعيد
ماتش كوره عادي جدا
بس النتيجه 74 شهيد

#الاهلي #74شهيد

20/03/2026

يا الف اه ياجدع
ع الاوله وأهين
لسه نزيف الجرح
سايل على الخدين
‏
‏وابن الاصول لو ذل
‏الذل يصبح شين
‏تاكله كلاب السكك
‏ولا تلاقيه معين