01/07/2026
﴿وَلَئِنْ سَأَلْتَهُمْ لَيَقُولُنَّ إِنَّمَا كُنَّا نَخُوضُ وَنَلْعَبُ قُلْ أَبِاللَّهِ وَآيَاتِهِ وَرَسُولِهِ كُنْتُمْ تَسْتَهْزِئُونَ (٦٥) لَا تَعْتَذِرُوا قَدْ كَفَرْتُمْ بَعْدَ إِيمَانِكُمْ إِنْ نَعْفُ عَنْ طَائِفَةٍ مِنْكُمْ نُعَذِّبْ طَائِفَةً بِأَنَّهُمْ كَانُوا مُجْرِمِينَ﴾
سبب نزول الاية ان كان في ناس بيتريقوا على قُراء القرآن والكلام وصل للرسول فلما قابلوه قالوله احنا كنا بنهزر فالطريق مش قصدنا حاجة فنزلت الاية دي .. وشرح الموقف فالكومنتات.. بيتريقوا على قُراء القرآن.. مش القرآن ومش الرسول ومش ربنا .. وفي حديث صحيح تاني للرسول صلى الله عليه وسلم عن أبو هريرة
إنَّ العَبدَ لَيَتَكَلَّمُ بالكَلِمةِ مِن رِضوانِ اللهِ، لا يُلقي لها بالًا، يَرفَعُه اللهُ بها دَرَجاتٍ، وإنَّ العَبدَ لَيَتَكَلَّمُ بالكَلِمةِ مِن سَخَطِ اللهِ، لا يُلقي لها بالًا، يَهوي بها في جَهَنَّمَ.
كلمة لا يلقي لها بالًا.. والاية الاولى نزلت بسبب هزار فالطريق.. مش كلام مكتوب ومتصور ومتمنتج ومتوافق عليه بوعي كامل عشان يطلع للناس
يعني ان مكانش هو فيلم ابن ستين كلب مخصي زي اللي فيه هل حبكت انك متهزرش غير فالمقدسات بتاعتك.. يعني هي اسمها اكيد مقدسات لسبب.. لما انت نفسك تتريق على مقدساتك عشان تضحك يبقى إنت من أدنى أنواع البشر
واللي بيدافع عن الفيلم وبيقول لا مفيهاش حاجة هو إنت عايزه يقول ايه اكتر من كدة.. هل التريقة على الجنة وجهنم والتوبة وواحد يقول لواحدة انتي لو كنتي ايام الكفار كان نزلك سورة زي ابو لهب.. شايف كل ده اخف من التريقة على قُراء القرآن؟ وان مكانش في نيتهم يتريقوا ((مع ان ده خطأ اكبر انك تدي لناس زي دي مهمة الفن اللي دوره زيادة وعي الناس)) وكان قصدهم يضحكوا بس.. هل احتمالية 1% ان الكلام ده حرام يستاهل المخاطرة بدخول جهنم زي ما الحديث بيقول حتى لو الأرض كلها ضحكت عليكوا 100 سنة قدام؟ وهل انت مستعد تتجاهل كلام ربنا والرسول عشان تدافع عن ناس زي دي ؟
