الراوي أبو بكر الصنقري

18/06/2026

حته من الخواطر

#الــــــــــراوي

17/06/2026

مي إمصدقه لا والي ،

إيقولولها باعك تقول الغالي ،
ما إيديرها .. !

مي إمصدقه حد كنها ،
و كنها إرماح الغدر ما إقدعنها ،

علي بيعته ما من دلايل جنها ،
إلها و هي ابناره في الخيال إتخالي ،

حجايج أصحاب الصوب ما صادنها ،
إيقولولها خاين إتقول إهلالي ،

إعروق المحنه و الوفا خلّنها ،
قليلة هنا كيف الطليب الجالي ،

تمشي إموالفه و إتدير دار و منها ،
إتجي حالفه ما عد جديد إتغالي ،

مي إمصدقه لا والي ،
إيقولولها باعك تقول الغالي ،
ما إيديريها .. !

17/06/2026

17/06/2026

من خوف المواجع يقتلن لمودَّه ،
خذيت لاورا خطوه أنريد مسافه .
مُوش ساهله تكره إنسان إتودَّه ،
اللي تشكره يصعب عليك إتعافه .
#الراوي

17/06/2026

عرفت اطروحك..طيب وكلك حن داير روحك..
العب ع غيري عرفت اطباعك.
مانريد منك شي قلبي باعك..
ايام غفلته فالصوب ياما طاعك..
يفرح لفرحك ينتكس ف نوحك..
وليوم حتي لو اتزيد اوجاعك..
لا عاد يشقي بيك لا بجروحك..
شقيتني ومايوم قلبي لاعك..
لاني مسامح ولا انريد اسموحك..
ولا همني لاشي يوم وداعك..
لاجل ميوحي موش كيف ميوحك..
#الراوي

17/06/2026

الذيل راه لا ينفع اولا يسما
ولا يقدرك لا يعرف التقدير

لجواد ديمه هم اللي فالقمه
وانكان لمتم كل ماتريد ايسير

ولنذال راهم كي امراض الحمه
وجيعة اعظام ودروخا وسطير

الله يربحك لا ادير فيهم رمه
راه الزواق مع الزمان ايطير

ذيل العرب فالناس ويش ايهمه
مايريد يقضي مصلحه للغير

جميع مايطول ايحطها في فمه
وعلي قرعت اللي غافلين ايغير

وبأرخص اثمان ايبيعلك بن عمه
المهم طرطش قمح فوق حصير

ورا الماده معاد يبرد سمه
ولاعاد ايجيبه لوم لا تدبير

وبانى البيت ايبيع دونك دمه
وينما اضابح فالسما قزير

الراحل : ادريس الشيخي رحمة الله عليه
#الراوي

17/06/2026

"الشاعر رويعي موسي الفاخري".
ايقول

غالي غير ماتشرط علي
من هالوقت مانوعد بشي

وغالي زاد غالي
غالي غلو مانك كيف والي

موش امغير نين العين مالي
مالي ملو وازيادة اشوي

كونك صدت بالي صدت بالي
تلمس في فالحس الخفي

وكونه فيه غيرك ماايوالي
غيرك ماايوالي شي في

وانت كنت حالك كيف حالي
حالك راه عن حالي غني

وايش اتريد تضمن من مقالي
والمفروض ماعنك خفي

في اتكون ناضر ياغزالي
كي مافيك ننظر فيه لي

بي اتحس من ردت افعالي
كي مانحس وين اتحس بي

نسمع فيه ردك عن اسوالي
كي هالوقت في قولك بري

لاياضي عيني يادلالي
راك اتعطي عين الشك ضي

#الراوي