اهل مصر

26/08/2025

السلام عليكم يا جماعة
أنا فاتح جنب راجل كبير محترم جدًا ف إمبابة من حوالي شهرين. من يوم ما فتحت وأنا بشوفه كل يوم من الصبح لحد بالليل قاعد قدام محله، وعمري ما شوفت زبون عنده.
محله فيه كام جردل بوية، لكن لا بينزل بضاعة ولا بيبيع، وبنته هي اللي بتجيبه الصبح
ولما سألت عنه لقيت إنه عنده بنات على وش جواز ويستحق دعمه
الراجل ده يستاهل نقف جنبه ونساعده بأي شكل.
مكانه في محافظة الجيزة
إمبابة – شارع المطار.

متفرع من القدس الشريف
اسمه الحج محمد سيد
رقمه
٠١٢٢٩٨٣٨٥٢٧
ادعموه وربنا يفرجها عليه وعليكم

12/08/2025

شهاب عبد العزيز فرد أمن بسيط يقيم في منطقة المنيب بالجيزة ، متزوج وأب لثلاثة أطفال، كان عائدًا من عمله حين شاهد طفلة لم يعرفها من قبل، تحاول النجاة من حريق شبّ في شقتها بالطابق الحادي عشر

الطفلة، التي لم تجد طريقًا للهروب، اختارت القفز من النافذة لتنجو من ألسنة اللهب. وبينما اكتفى بعض الحاضرين بالمشاهدة أو التصوير بالهواتف، اندفع شهاب و استعان بغطاء سيارة بمساعدة اثنين من الشباب في محاولة لالتقاط الطفلة، لكن سقوطها ارتطم أولًا بمنشر غسيل فغيّر مسارها، ما جعلها تهوي خارج نطاق الغطاء

في لحظة حاسمة، اندفع شهاب بجسده ليكون الدرع الذي يحميها من الاصطدام بالأرض، فنجت الطفلة بأعجوبة، بينما أصيب هو بإصابات بالغة شملت كسورًا في الفك والساقين، وارتجاجًا في المخ، وإصابات في العينين والرأس، نُقل على إثرها إلى العناية المركزة بين الحياة والموت.

اليوم، يطالب أهالي المنطقة وأسرة الطفلة بتكريم هذا البطل، وتوفير العلاج له على نفقة الدولة، ودعمه من قِبل رجال الأعمال، تقديرًا لتضحيته النبيلة. فشهاب قد لا يتمكن من العودة لعمله أو إعالة أسرته كما كان..
شهاب مثال للشهامة والجدعنة شهاب نمبر وان بجد..

03/08/2025

💥 العالم على حافة الجنون.. و"اليد الميتة" جاهزة للانتقام! ومصر والخليج متورطون!

إحنا حاليا بنعيش أكتر لحظة مجنونة في تاريخ البشرية… لحظة فيها غواصات نووية بتتحرك من غير إنذار، وصواريخ فرط صوتية لا تصد بتدخل الخدمة، ونظام اسمه "اليد الميتة" مستني اللحظة اللي مفهاش رجوع!

⏱️ البداية كانت "مهلة" من ترامب لبوتين
يوم 28 يوليو، ترامب أعلن من اسكتلندا إنه بيدي روسيا 10 أيام توقف الحرب في أوكرانيا، وإلا… عقوبات قاصمة، مش بس على روسيا، على أي حد بيتعامل معاها!
يعني باختصار: يا بوتين… يا تبطل، يا إما كل اللي حواليك يتحرق معاك!

بوتين مردش… لكن ديمتري ميدفيديف – نائب رئيس مجلس الأمن القومي الروسي – دخل بقنبلة:

"كل مهلة جديدة بتقربنا من حرب… احنا مش إيران ولا إسرائيل عشان تدينا مهلة .. احنا هنشغل اليد الميتة"

🤖 إيه هو نظام "اليد الميتة"؟ (اللي العالم بيتجنبه من 40 سنة)
ده مش مجرد زرار نووي… ده وحش نووي آلي!

اسمه الرسمي في روسيا هو "بيريميتر"، وهو نظام سوفيتي قديم اتطور في التمانينات، والهدف منه بسيط… بس مرعب:

حتى لو القيادة الروسية كلها اتضربت وماتشافتش الشمس… روسيا ترد بضربة نووية شاملة تلقائيًا!

إزاي؟

أول ما القيادة الروسية تحس إن فيه تهديد وجودي، بيفعلوا النظام يدويًا.

النظام بيراقب إشارات كتير: الزلازل، الضغط الجوي، موجات إشعاع، انقطاع الاتصالات العسكرية.

لو فعلاً حصل هجوم نووي على روسيا ومفيش أوامر جايه من فوق… النظام بيطلق "صواريخ قيادة" بتمر فوق روسيا وتبعت إشارات لكل منصات الإطلاق.

بعدها، بيبدأ إطلاق الصواريخ النووية على أهداف محددة مسبقًا… من غير تدخل بشري.

يعني لو أمريكا شالت موسكو من على الخريطة… في أقل من 10 دقايق، الصواريخ الروسية هتشيل نيويورك وواشنطن!

🇺🇸 أمريكا ترد بغواصات الموت
ترامب ما سكتش. يوم 1 أغسطس، أعلن إنه حرك غواصتين نوويتين قرب المياه الروسية.
وده مش تهديد عادي، دي رسالة صريحة: "إحنا جاهزين للضربة الأولى".

الغواصات دي من طراز "أوهايو"، كل واحدة فيها حوالي 24 صاروخ باليستي من نوع Trident II D5، وكل صاروخ فيهم قادر يشيل 8 رؤوس نووية… يعني غواصة واحدة تقدر تمسح دولة كاملة من على الخريطة!

والخطير إن تحركات الغواصات دي بتتم في سرية، ومكانها بيبقى دايمًا مجهول للعدو.
بس لما أمريكا تعلن إنها قريبة من روسيا، فده معناها إنها بتقول: "لو اتجننتوا… الرد هيكون فوري."

🧨 بوتين يعلن أورشينك… أقوى صاروخ في التاريخ الروسي
رد بوتين جه سريع جدًا… أعلن إن الصاروخ الاستراتيجي "أوريشنيك" دخل الخدمة العسكرية!
وده مش صاروخ عادي، ده سلاح فرط صوتي سرعته 10 ماخ (يعني 10 أضعاف سرعة الصوت)،
وبيقدر يغير مساره في الجو، ويدخل الأراضي المعادية من زوايا مستحيلة على أي نظام دفاعي إنه يعترضه!

اللي أخطر من كده… إن بوتين أعلن إن الصاروخ هيتنشر في بيلاروسيا،
يعني على بعد دقايق من برلين ووارسو وباريس.

وده معناه: وقت الإنذار لأي ضربة بقى أقل من 5 دقايق… مفيش وقت للتفكير ولا للرد.

وبكده، المعادلة بقت:

غواصات نووية أمريكية قرب روسيا

صواريخ فرط صوتية روسية قرب أوروبا

و"اليد الميتة" مستنية لحظة اختفاء القيادة عشان تضرب العالم كله!

🇮🇳 وسط ده كله… الهند بتدفع تمن النفط!
الهند لقت نفسها متورطة لما ترامب فرض عليها جمارك 25% بسبب شرائها الضخم للنفط الروسي (كانت بتشتري 40% من احتياجاتها من موسكو).

فبدأت تقلل وارداتها من روسيا، وتزود وارداتها من الخليج وأمريكا.
والمعادلة بقت: الهند بتحاول ترضي أمريكا… من غير ما تزعل روسيا!

لكن النتيجة؟ خلل كبير في سوق الطاقة العالمي.

🛢️ والخليج كسبان… بس برضه قلقان
لما الهند تقلل شرا من روسيا، لازم تعوّض من مكان تاني… والمكان ده هو الخليج:
السعودية، الإمارات، العراق رجعوا يشوفوا طلب ضخم فجأة.

ده شيء حلو… لكن لو الأسعار فلتت ووصلت 100–120 دولار للبرميل،
ده هيبدأ يضغط على الاقتصاد العالمي، ويعمل ركود… والخليج نفسه يتضرر على المدى الطويل.

🇪🇬 ومصر؟ واقفة في النص… وبتنزف!
مصر بتدفع التمن من 3 جهات:

البترول: كل دولار زيادة في سعر البرميل بيكلفنا 4.5 مليار جنيه إضافي في الموازنة.

الغاز: الإنتاج قل… والاستهلاك زاد… فاضطرينا نستورد غاز لأول مرة بالشكل ده، وبأسعار خرافية.

قناة السويس: بسبب ضربات الحوثيين في البحر الأحمر، السفن بدأت تغير مسارها لرأس الرجاء الصالح… وعدد السفن المارة في القناة انخفض 17%، والدخل الدولاري نزل.

واللي حصل ده بيوصلنا لنقطة خطيرة:

إحنا بندفع تمن لعبة إحنا مش طرف فيها!
بس أي خلل في معادلة الطاقة أو التجارة أو الأمن… بيرجع علينا بضربة في الموازنة، في سعر الكهرباء، في الجنيه، في التمويل.

🟥 في النهاية:
اللي بيحصل مش استعراض عضلات… ده ردع نووي حيّ!

بوتين بيقول: حتى لو موتوني… الصواريخ هتنتقم.

وترامب بيقول: أنا جاهز أضرب الأول.

والعالم كله، من واشنطن لموسكو، ومن نيودلهي لباريس… بقى واقف على حافة الزرار النووي.

وإحنا؟
في النص… بندفع تمن الزلازل وهم لسه في مرحلة التهديد بس!

فما بالك لو الزرار اتداس فعلاً؟

22/07/2025

21/07/2025

يا من تظنون أنكم انتصرتم بقتل الأطفال،
أنتم لا تواجهون مقاومة… أنتم تواجهون لعنة شعب لا يركع.
دماء غزة مش بس بتغرق أرضها…
دي بتكتب أسماءكم في كتاب الهلاك.

كل طفل قتلتموه…
هو جندي ينتظركم في ساعة الحقيقة.
كل صاروخ نزل على بيت…
هيدق باب بيوتكم في يوم ما، ولكن من غير إنذار.

تحسبون أنكم آمنون خلف جدرانكم؟
والله… ستنهار جدرانكم كما انهارت أجساد الأطفال!
تحسبون أنكم فوق العقاب؟
والله… العقاب قادم، يمشي إليكم ببطء ولكنه واثق.
سيأتيكم الردّ من حيث لا تحتسبون،
ليس من الأرض فقط، بل من السماء، من تحت التراب، من داخل صدور لا تعرف الخوف.

أنتم الآن في قمة جبروتكم،
لكن تذكّروا: كل من صعد فوق الدم… نُكِس رايته على نفس الدم.
وغزة؟
غزة لا تبكي طويلًا،
غزة تثأر… وإن تأخرت.

09/07/2025

تفتكر هتلاقي اخوك جمبك فعلا ؟

08/07/2025

📌
بوابتك الرسمية لمتابعة مستجدات الدولة المصرية 🇪🇬
🌐 www.sis.gov.eg

08/07/2025

عرفت ليه اتصرف المليارات على مركز البيانات الاستراتيجي للدولة و مركز التحكم في الشبكة الإستراتيجية للدولة ومركز التحكم في شبكة الاتصالات ومراكز البيانات والحوسبة السحابية فى العاصمه الاداريه الجديده .. لو معرفتش خليك نايم ،
بس خليني اقولك مصر مش مربوطة كلها بسنترال واحد زي ما الغلمان عاوزين يقنعوك
خليني أقولك كمان اللي فشل في اختراق شبكات الإتصالات المصرية هو نفسه المتسبب في حادث أمس
الخسائر المادية الحمدلله مش كبيرة كما كان مستهدف
لكن للاسف في 4 شهداء وعدد كبير من المصابين
حق الناس دي لازم يرجع والخاين لازم يبقى عبرة

08/07/2025

بيان رقم ٢:

في إطار متابعة الجهاز القومي لتنظيم الاتصالات للتعطل المؤقت في خدمات الاتصالات نتيجة الحريق الذي حدث اليوم في سنترال رمسيس للشركة المصرية للاتصالات، يؤكد الجهاز بأنه قد تمت السيطرة على الحريق وجاري إجراء عمليات التبريد اللازمة، كما يوضح بأنه قد تم نقل حركة الإنترنت الثابت بالكامل على مركز الحركة التبادلي بسنترال الروضة.

كما يوضح الجهاز بأن خدمات الإنترنت الثابت وخدمات المحمول (صوت/ نقل بيانات) قد تأثرت لدى شركات المحمول الثلاث نسبيًا نتيجة تعطل بعض دوائر الربط بسبب الحريق وجاري التنسيق بين الفرق الفنية بالشركة المصرية للاتصالات وشركات المحمول لاستعادة دوائر الربط المتأثرة بحريق سنترال رمسيس واستبدالها على اتجاهات أخرى على باقي سنترالات الشركة المصرية للاتصالات ومن المتوقع استعادة دوائر الربط خلال الأربع والعشرين ساعة القادمة.

ويؤكد الجهاز أن جميع خدمات الطوارئ تعمل بشكلٍ جيد وأن تأثير الحريق محدود على الخدمات، كما تم توفير أرقام اتصال بديلة للأماكن المتأثرة.

ويوضح الجهاز وجود تأثير بسيط على خدمات التليفون الأرضي والمحمول بمحيط منطقة سنترال رمسيس ويؤكد على عودة الخدمة بشكلٍ تدريجي، وسوف يقوم بإصدار بيانات تبعًا لتطور الموقف.

هذا ويعتذر الجهاز القومي لتنظيم الاتصالات عن تأثر بعض الخدمات ويؤكد على قيامه بتعويض العملاء المتضررين طبقًا للوائح التنظيمية.

08/07/2025

في عز ما احنا قاعدين في البيوت و قالبين الموضوع هزار و كوميكس الراجل دة و زمايله اللي معاه كلهم بيحاولوا يسيطروا ع الحريق من الصبح لحد دلوقتي فياريت ندعي ربنا يقويهم و يحفظهم ♥️🤲🏻