مختل عقليآ

17/06/2026

جوز كريمة اتحكم عليه بالسجن 15 سنة ...

كريمة عروس المنوفية اللي جوزها وحماتها عدموها العافية طول الليل وهي حامل ، وحماتها متكسفتش تورينا الأطباق في الحوض بتاعها إنها متعشية كفتة قبل ما تموت ، وتفتح تلاجتها اللي مفيهاش غير ميه وعيش وتقول مليانة فراخ ولحمة ، وتعايرها بالشيبسي والاندومي اللي العجل ابنها كان بيجيبهم لها.

والدة كريمة مستحملتش الحكم وأغمى عليها ... لا اعتراض على أحكام القضاء بس انا قلبي واجعني عليها أوي وعارفة إن ده شغل محامي قلب القضية لضرب أفضى لموت ونجح في نفي الاصرار والترصد .

كريمة راحت هي وجنينها ، وجوزها هيخرج في نص المده إذا كان حسن السير والسلوك داخل السجن ، ويتجوز كريمة تانية تموت برضو على ايده لما ترفض تعاشره علشان الحمل تاعبها

الله يرحمك يا كريمة انتي وجنينك ويعوض شبابك في الجنة .

17/06/2026

مختل عقليآ

17/06/2026

الراجل خلاهم دخلوه المسجد وبيصلوا عليه وراح واقف قدام المصليين كلهم ، قال يارب إنت عالم بصدق اللي بقوله
أمنته على مالي 177 ألف جنيه من 8 تمن سنوات كانوا شقايا في بلاد الله وكان صاحبي وقالي هندخل مشروع شراكة مع بعض وكلهم عليا .....
يارب بحق كل يوم إتكسرت فيه بسببه قدام عيالي
بحق شقايا اللي راح قدام عيني
بحق المرض اللي ركبني من الحزن
بحق كل حاجة كان نفسي فيها وماقدرتش أعملها
بحق تعبي وكسرتي وإبني بيقولي عاوز الحاجة الفولانية ووطيت في الأرض من الذل
بحق كل عيد دخل عليا أنا وبيتي كأنه ميتم
بحق تعب مراتي ومرضها النفسي من الحاجة وحوجتنا للي يسوى واللي مايسواش
بحق ما أنا واقف دلوقتي و دموعي سابقة كلامي من الذل والغضب والغيظ برد قلبي فيه
يارب إجعل قبره جحيم إجعل مسكنه جهنم ، إجعل كل لحظة تعب عشتها آلاف من السنين يقضيها في أسوأ العذاب
أنا مش هاخد فلوسي لو هيطوقوها ليا عشرأضعاف
مش مسامحه يارب فوعزتك وجلالتك ماتكسر قلبي وتسامحه
وراح طالع من المسجد الناس تحاول تشد فيه تعرف إيه الدور ليه عمل كدا ...طب فلوسك كام وتعالى نقعد ونشوف ولاده وإخواته ....قال روحتلهم كلهم في حياته محدش عبرني ....ودلوقتي والله لوهيدوني أعمارهم مش مالهم ماتلزمني
هو عند الحكم العادل دلوقتي وأنا حقي يفصل فيه ربنا
ومشي الراجل يبكي وسط محاولات من الناس إنه يسامحه لدرجة واحد عرض المبلغ وقتي ولكنه رفض ومشي وقال جملةغريبة
" قال رفعت الجلسة ومنتظر حكم القاضي خلاص خلصت "
سؤالي هنا
إيه حياتك كلها باللي فيها قصاد عملة سودة زي دي
إيه اللي كسبته
إيه اللي عاد عليك
ياسواد ليلك ويا نهايتك الطين
والله ياجماعة حلوا مشاكلكم في الدنيا لأن الحل في الآخرة مرعب
وماتعتمدش على اللي وراك أصلاً يسدوا عنك
لأن في الغالب محدش هيسد عنك
ولو حد قلبه رق وحب يسد عنك ممكن اللي ليه مايسامحش أصلاً
دي رقبتك إنت حررها قبل ماتموت
اللي يوصل واحد إنه يعمل كدا أكيد شاف ذل محدش شافه
اللهم آن نسألك حسن الخاتمه
وأن تسد عنا ديننا

تابعوني هنا
مختل عقليآ

17/06/2026

كل واحده بخيله على نفسها عشان تحوش القرش عالقرش اقرى واتعلمى
كنت قاعدة أنا وصديقتي في قاعدة روقان قامت حكت لي حكاية جنان 😯😯
وقالت لي على رأي المثل اللي قال
(كُدِّي يا ام عباس واعمل لك القبر نحاس)
قلت يا سلام باين عليها حكاية عاوزة فنجان قهوة☕
بصى بقى يا بنت الحلال كان فيه واحدة اسمها عنايات عندها 5 أولاد وكبيرهم اسمه عباس
عايشة في فقر سنين وسنين علشان تحوش في القرشين
تقدح وتكدح وتوفر علشان راجلها يقدر
وفى يوم من الأيام دخلت عليها جارتها انعام
قالت لها يخيبك يا ام عباس مال وشك كله تراب وجلابيتك مليانه هباب ؟!
قالت لها وايه يعني يا اختي يا إنعام ده الراجل ما يهمهوش الهندام
ده حتى وعدني وقال ( كُدِّي يا ام عباس واعمل لك القبر نحاس)
قالت لها وانتي صدقتيه !! قالت أومال ده جوزي💑 وأبو العيال 👭👬
قالت لها يا عبيطة ده الراجل ما يحبش غير الست الأليطة💅
الحلوة والطعمة وعاملة في البيت زيطة 💕💓
قالت لها أم عباس فشر ....ده جوزي غير باقي البشر
قالت لها إنعام واللي يثبت لك صدق الكلام 😈😈
أم عباس قالت لها ازاي؟ 👀👀
قالت لها الأول جوزك فين ؟
قالت لها مسافر وهيرجع كمان يومين
قالت لها يبقى تمام نبدأ الخطة أوام في الحال 👿
تعالي معايا ع الكوافير تصلحلك شعرك💇 ووشك👸
وبعدها نطلع نشتريلك فستانين مهشتكين
ونتفق مع دكتور الحتة💉💊 على باقي الخطة
عدى يومين ورجع أبو عباس لقى بيته مليان ع الآخر ناس
كله لابس سواد وستات بيسكتوا في الولاد 😢😢
اتخض وقال ايه اللي حصل 😲
قالوا أم عباس تعيش انت يا بطل
قال ازاي؟ دي كانت صحتها عال !
قالوا له اسأل دكتور الحتة يقولك جات لها سكتة ماتت فى الحال
فبكى وقال خسارتك يا أم العيال
ودخل لقى عليها الكفن وقبل ما يخرج بيها للمدفن
لقى وراه قمره منورة 😍
بتعيط وتقول مُتي بدري يا صغيرة
قال لها إنتي مين؟ قالت له صاحبتها من سنين
قال لها يادي الهنا يادي المُنى تتجوزيني يا سكرة؟
قالت له يا راجل مراتك لسه ما طلعتش بدفنتها
قال لها مالكيش دعوة هدفنها وارجع أكمل الفرحة
فسألته سؤال : ألا قولي يا سيد الرجال؟
إنت قلت لأم عباس هعملك القبر نحاس
عملتهولها ؟؟؟؟
قال لها : اعمل لمين نحاس ده انا كنت نسيت اتجوزت ليه من الأساس
ودي ولية ما كانتش من صنف الستات كشرية وعكرة ولسانها لتات 🤪🤪
قالت له يا لهوى 😬😬بقى ده كل فيا 😱 يا اللي ما يتمرش فيك العشرة
وانا صابرة وأقول هيهنيني بكرة
قال لها ميييييين ؟!!
قالت له أنا ام عباس اللي قلت لها هعملك القبر نحاس والله لانا ضرباك بالمداس 👠👠 ومخلياك عبرة لكل الناس الخُساس😤😤

هنا خلصت الحكاية
قلت لصديقتي تعرفي إن الراجل مهما حب الست اللي تدبر وتوفر بس
عمره ما يحبها زى مايحبها تاخد بالها من نفسها وشياكتها في كلامها ولبسها
دي طبيعة الراجل وفطرته اللي ربنا فطره عليها وده مش عيب فيه
أما فكرة الست الأصيلة مش معناه تكون على نفسها بخيلة
وتحوش القرش ع القرش على حساب اهتمامها بجمالها وصحتها
لغاية ما شعرها يبيض ويتكرمش الوش 😏😏🤗

تابعوني هنا
مختل عقليآ

17/06/2026

حد غيري لاحظ ان الرقاصة في فرح سنية هي نفسها
الست اللي اتجوزها نبيل بعد ما طلق سنية 😂😂 ولا
انا مش شايف كويس 🧐🧐

تابعوني هنا
مختل عقليآ

16/06/2026

16/06/2026

الذكرى الـ ٢٨ لرحيل الشيخ الشعراوى إمام الدعاة
ممكن تدعيلو برحمه

16/06/2026

مع ولا ضد
مختل عقليآ

15/06/2026

كنت راكب ميكروباص النهارده وقاعده جمبي واحده قالتلي لو سمحت افتح الشباك عشان الدنيا حر ، جاي بفتح الشباك مرضاش يتفتح ف قولت ل السواق هو الشباك مابيتفتحش يسطا قالي لا بيتفتح ف حولت تاني والشباك مش راضي يتفتح ، راحت الست قالتلي بعد اذنك انت وأول ماحطت ايدها علي الشباك اتفتح راحت بصالي بقرف وقعدت تمصمص شفايفها ال هو ياحسره ع الرجاله طبعا انا اتحرجت جدا ف قعدت ابررلها اني ايدي كانت عرقانه ف عشان كدا معرفتش افتحه ، راحت قالتلي يعني انا لو قفلته دلوقتي تعرف تفتحه قولتلها طبعا ، راحت قافله الشباك جيت بفتحه معرفتش افتحه تاني راحت قالتلي قوم ياموكوس من جمبي ربنا يعينها ال هتتبلي بيك ، من الاحراج كنت دافع 20 جنيه ل السواق نزلت من غير مااخاد الباقي !
مختل عقليآ