Hagora the bunny

Hagora the bunny bunny

لإحياء سنة النبي عليه أفضل الصلاة والسلام و لأن النظافة من الإيمانو لأني دورت سنييين علي حاجه تنضف أسناني و تخلي ريحة بو...
15/09/2025

لإحياء سنة النبي عليه أفضل الصلاة والسلام
و لأن النظافة من الإيمان

و لأني دورت سنييين علي حاجه تنضف أسناني و تخلي ريحة بوقي حلوة لما أصحي و كل التجارب فشلت، إشتريت أفضل معاجين الأسنان و فرش أسنان غالية و بالفحم و إلكترونية و خيوط الأسنان و غرغرة للفم و بتاعة بتنضف اللسان و مباكلش قبل النوم و بغسل أسناني مرتين كويس و برضو بنام بصحي ريحة بوقي مش حلوة :) ساعات والله كنت بصحي من نومي أتمضمض و أنام تاني.

و الحل الوحيد اللي نفع معايا هو ✨️ السواك ✨️

أنا جبت أكتر من نوع و كانوا خشنين و ريحتهم وحشة وقوية و أنا عندي جيوب أنفية مكنتش بستحمل و كانت ريحة مسك كدة و بتلزق في بوقي 🤢
كل الأنواع رميتها ماعدا دة إسمه الفلاح
أختي جابتهولي
صورتلكم شكله من الوش و الضهر و عملت سيرش لقيته موجود علي أمازون و نون و جوميا و ٥٥ج و بيقعد شهووووووررررر
بجد سحر ❤️🙂‍↔️⭐️

مارفيس معجون الأسنان التريند أبو 1500ج دة ميجيش حاجه جنب السواك عموما.أجمد حاجه هتستخدميها لأسنانك بجد. ⭐️سهل و بسيط و ر...
12/09/2025

مارفيس معجون الأسنان التريند أبو 1500ج دة ميجيش حاجه جنب السواك عموما.

أجمد حاجه هتستخدميها لأسنانك بجد. ⭐️
سهل و بسيط و رخيص و متوفر و جمدان بقي لما بكون راجعة من برا متدشملة ومش قادرة ويبقي في الكومودينو جنبي و أعمل أسناني و أنام.

عمري ما صحيت وكانت ريحة بوقي وحشة و دة سر أنا مش فهماه .. مهما استخدمت فرشة ومعجون و خيط و غرغرة برضو بصحي ريحة بوقي مش لطيفة.
لكن السواك لأ!

تحفة تحفة تحفة .. لازم تدوه فرصة ❤️🙌.

نصيحة دي هتغير حياتك 180° كنت أتمني حد يقولهالي من زمان.⭐️ العلاقات العامة هي كل حاجه في الدنيا بعد ربنا.طيب أنا معنديش ...
31/08/2025

نصيحة دي هتغير حياتك 180° كنت أتمني حد يقولهالي من زمان.

⭐️ العلاقات العامة هي كل حاجه في الدنيا بعد ربنا.
طيب أنا معنديش علاقات عامة أعمل إيه؟
تعمل علاقات عامة 🤷‍♀️
إزاي ⁉️
لينكدإن طبعا.
هتعمل أكونت بروفيشنال محترم، وبعدين تسيرش علي شركات كبيرة في مجال شغلك ك مثال مثلًا براند "أديداس " هتدخل علي ( الناس اللي شغالين في المكان دة في القاهرة ) و هتضيف الناس دي 🤷‍♀️.
بالترقيم اللي بالأحمر عالصورة دة للتوضيح ●
و مش شرط في مجال عملك بس لأ أي شركة كبيرة إنت بتحبها حول العالم إعمل نفس الموضوع، و مسموح ليك كل إسبوع باين تضيف 500 شخص ف أقعد ضيف لحد ما توصل لل limit...> عملت كدة في شركة لوريال و دلوقتي مدير هناك بقي صديق مقرب جدًا ليا و باخد منتجات for free 🤣🤭

السؤال الأهم، إزاي الناس دي تقبلني أصلًا؟
الطبيعة البشرية في التعارف إن الشخص دة هيقبلك لما تكون ( هتضيف ليه حاجه ) .. ف نعمل دة إزاي؟
أكونت بروفيشنال رايق يخليه يقبلك.
● صورة شخصية واضحة.
● بيانات شخصية كاملة زي إسمك و سنك و كلية وجامعة إيه و مهاراتك و خبرات الشغل السابقة، كورسات خدتها .. إلخ.
⭐️● أهم نقطة ذهبية؟ لازم يكون الحساب بتاعك متفاعل، يعني تنزل بوستات مفيدة، حاجات تحفيزية، إقتباس عن حاجه في الشغل، مش عارف تعمل أي حاجه من دة؟ سهلة
ضيف إنت ناس بتعمل دة و تفاعل معاهم ب ريأكت أو كومنت أو ريبوست و كل دة هيظهر للناس حتي لو عملت لايك بيظهر ف هيحسوا إنك بتوريهم معلومات وحاجات مفيدة ف هيقبلك و عادي واحدة واحدة هتتكلموا و الدنيا هتتطور في سياقها الطبيعي 🩷✨️.

29/08/2025

#اقتباسات #تحفيز #ايجابية #حزن #تيكتوك #فيديو

أكبر سر لشعري؟ ✨الشعر زي البشرة بالظبط.. محتاج ترطيب يومي خصوصًا في الحر والرطوبة .. لو رطبتيه بس بعد الشاور هيكون جاف و...
29/08/2025

أكبر سر لشعري؟ ✨
الشعر زي البشرة بالظبط.. محتاج ترطيب يومي خصوصًا في الحر والرطوبة .. لو رطبتيه بس بعد الشاور هيكون جاف و مقصف و باهت و تالف.

أنا عندي night routine كل يوم قبل ما أنام.. وده أحلى Sleeping Mask جربته في حياتي 🌱

⭐️خفيف أوي على الشعر، مش بيلزق ولا يسيب إحساس دهني و بيرطب حلو جدًا و بصحي شعري حرير.

البني دة هو اللي بحطه قبل النوم كل يوم💆‍♀️ .. الأخضر دة هير ماسك في الشاور 🛀🧴🫧

دلوقتي عاملين عرض في سيتي سنتر ألماظة 2+1 free .. أنا جبت الـ3 بـ 1640ج 💚
أنا لو هختار براند واحدة للشعر أستخدمها لحد ما أموت هتبقي إيف روشيه Yves Rocher Egypt 🇪🇬

أنا جربت كل أدوات Styling الشعر في العالم تقريبًا من مصر و برا مصر و دفعت كتير أوي بجد و في الآخر رمياهم كلهم في الدولاب...
23/08/2025

أنا جربت كل أدوات Styling الشعر في العالم تقريبًا من مصر و برا مصر و دفعت كتير أوي بجد و في الآخر رمياهم كلهم في الدولاب و بقولك أحلي Styling شعر هتاخديه في حياتك لما تستحمي و شعرك يكون مبلول و تحطي السيروم و تعملي شعرك ضفيرة و تنامي و تسيبيها يوم كامل و تفكيه 🤗🩷.

نفس الشئ لو كاوية شعري بكويه و بلفه ضفيرة و بسيبه يوم كامل و بفكه، بيديني تمويجه للشعر تحفة و بيبان كثيف أكتر و بتحسوا كأنه شكله طبيعي مش مكوي ✌️.

⭐️ لو عايزة ويفز واسعة إعملي ضفيرة واحدة بس.
⭐️ لو عايزة ويفز ضيقة إعملي شعرك ضفيرتين .. أكتر من كدة مش بيكون شكله حلو.

لو لاروش سيكابلاست ليه ١٠٠ محب ف أنا واحدة منهم،ولو ليه محب واحد ف أنا المحب ده،ولو ملوش محبين يبقى أنا مت،ولو العالم كل...
13/08/2025

لو لاروش سيكابلاست ليه ١٠٠ محب ف أنا واحدة منهم،
ولو ليه محب واحد ف أنا المحب ده،
ولو ملوش محبين يبقى أنا مت،
ولو العالم كله ضد حب لاروش سيكابلاست ف أنا ضد العالم 🩷

🚿 💧 منتج سحري لشعري ومبحبش أتكلم عنه أحسن يغلي 😂بلسم The Hair Addict 🩷🇪🇬أنا خلصت منه 10 علب ودايمًا بجيبه قبل ما يخلص…قو...
04/08/2025

🚿 💧 منتج سحري لشعري ومبحبش أتكلم عنه أحسن يغلي 😂

بلسم The Hair Addict 🩷🇪🇬
أنا خلصت منه 10 علب ودايمًا بجيبه قبل ما يخلص…
قوامه خفيف، بيمتص بسرعه، بحس شعري ناعم من وأنا في الشاور
وسعره؟ 170 جنيه بس لـ250 مل! 🤯🤑💸✨️

✨

🧴🫧من غير بروتين – مناسب للشعر اللي بيتخنق من البلسم التقيل أو عنده بروتين أوفر أو مسامية منخفضة .. الشعر اللي بيحب الحاجات الخفيفة ل متوسطة في القوام
---

🧪🌿 أهم 5 مكونات فعالة:

⭐️1. Macadamia Oil – بيرطّب وبيغذي الشعر من غير ما يثقله

⭐️2. Panthenol (Pro-Vitamin B5) – بيدّي نعومة وقوة ويقلل الهيشان

⭐️3. Behentrimonium Methosulfate – منعم بيفك التشابك بسلاسة

⭐️4. Papaya Extract – مرطب تحفة للشعر

⭐️5. Polyquaternium-11 – بيحافظ على الترطيب من غير طبقة خانقة
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱

✅ مميزاته:

❌ خالي من البروتين

✅ مثالي للشعر منخفض المسامية أو المتعب من البروتين

✅ خفيف، سريع الامتصاص، مش بيسيب أثر دهني

✅ بيستخدم على الشعر فقط (مش على الفروة)

✅️ سعر قليل

✅️ حجم كبير

✅️ متوفر في كل حتة حتي السوبرماركت الكبار زي كارفور

#بلسم

#ترطيب

#مسامية

25/07/2025

بوست هيجيبلي شتايم دلوقتي 😂.

❗في الصيف والحرارة والتعرق و الرطوبة العالية، استخدام واقي شمس غير مقاوم للعرق والماء بيكون فعاليته محدودة جدًا، لأنه ببساطة بيبدأ يسيح ويفقد تأثيره على البشرة 😮‍💨💧.

آني آسف😂😂😂.

حوالي 90% من واقيات الشمس الكورية المنتشرة هنا مش مقاومة للعرق أو الماء، وده بيخليها غير مناسبة للأجواء الحارة بتاعتنا في مصر 🥵🌞.

متأسف😂😂😂.

ف بتدفعوا الـ1300ج عالصن سكرين الكوري في الفاضي 💸😬.

⭐️ لو بتتعرضي للشمس لفترات طويلة أو بتعرقي كتير أو زي دلوقتي في الصيف كدة، اختاري دايمًا:
"Water Resistant Sunscreen"
عشان تضمني حماية حقيقية من الأشعة فوق البنفسجية 🌞🛡️✨.

الشعر زيه زي البشرة... محتاج ترطيب كل يوم!مفاجأة مش كده؟ 😲 إحنا في بيئة صعبة في مصر:رطوبة شديدة 💦🌬، حر وعرق ⛅️ وشعرنا أغ...
25/07/2025

الشعر زيه زي البشرة... محتاج ترطيب كل يوم!
مفاجأة مش كده؟ 😲
إحنا في بيئة صعبة في مصر:
رطوبة شديدة 💦🌬، حر وعرق ⛅️ وشعرنا أغلبه جاف ومجهد 🪢
فـ؟
⭐️ قبل النوم كل يوم (على الأطراف فقط)
حطوا أي زيت نقي
بقَسِّم شعري ٣ أجزاء وبحط نقطتين على أطراف كل جزء 💧💧
ليه بقسم شعري؟ عشان أتأكد إني حطيت علي كله.
نقطتين فقط، لو زودتي زيت هتصحي شعرك مقشة.
( نوع زيت واحد فقط، متخلطوش الزيوت )

🔍 أنهي زيت؟ أي زيت نقي شعرك بيحبه.

⁉️💬 يعني إيه زيت نقي؟
مستخلص 100% من مصدره الطبيعي (زي ثمرة الأرجان، بذور الجوجوبا، بذور العنب ..)
من غير إضافات صناعية: لا سيليكون، لا عطور، لا كحول، لا مواد حافظة
✅ مكتوب عليه "100% Pure" أو "Cold Pressed".

🛒 نجيبه منين؟
نفرتاري 👑
نفرتاري أفضل زيوت نقية موجودة في مصر بدون نقاش 🇪🇬✨
Nefertari 100% Natural Body Care Products 🩷
🤔 أعرف منين نوع الزيت المناسب ليا؟
ChatGPt
كلميه وقوليله وصف شعرك ( هكتبلكم وصف شعري أنا خدوه كوبي بيست و اكتبوا زيه بالظبط بس عنكم )

شعري جاف جدا و متقصف و تالف
بيتعرض للحرارة كتير
مش محجبة وبنزل بيه في الشمس
فروة راسي دهنية وفيها قشرة
بستخدم الزيت على الأطراف فقط مش علي الفروة
شعري بيحب الحاجات الخفيفة
مساميته منخفضة
و البروتين فيه عالي
رشحلي أنهي زيوت من نفرتاري مناسبة و رتبهم من الأفضل للأقل
ولو في أي تفاصيل أكتر محتاجها مني لترشيح أدق إسألني عليها عشان لو رشحتلي حاجه وطلعت وحشه هزعلك.😂
🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱🌱

💡⭐️ نصيحة ذهبية:
نامي والشعر ملموم بتوكة ستان ✨🎀
و نامي على سكارف ستان أو بونيه ستان✅️ ، مش مخدة ستان ❌

لو انت لسه متخرج وتايه ومش عارف تبدأ منين؟ تعالى هنا 👋📢 في منحة مجانية Offline في القاهرة من منظمة Education For Employm...
25/07/2025

لو انت لسه متخرج وتايه ومش عارف تبدأ منين؟ تعالى هنا 👋

📢 في منحة مجانية Offline في القاهرة من منظمة
Education For Employment-Egypt

دة مش كورس ممل يصدّعك لأ.
📍 دي محاكاة واقعية لبيئة العمل لمدة شهر كامل.

يعني بتصحى كل يوم من 9 الصبح لـ 5 العصر، لبس فورمال، مواعيد، شغل حقيقي وتحضير... كأنك نازل شغل بجد.

📌 هتتعلم إيه؟ كتير أوي... يلا نبدأ:

🔹 1- الـ Business English
– إزاي تتكلم إنجليزي وتكسر الخوف؟
– هتعمل إنترفيو بالإنجليزي قدام 20 واحد
– تغني إنجليزي كمان 🎤
– جرامر، كلمات، نطق، وكل دا من غير أي كلمة عربي في السيشن لمدة 4 ساعات ممنوع.

> الممارسة هي سر إنك تتعلم صح 💖

---

🔹 2- الـ Soft Skills
– مهارات التواصل والتعامل
– تنظيم الوقت ⏰
– الذكاء العاطفي والاجتماعي
– حل المشكلات وتحمل المسؤولية .. إلخ.
💡 كل ده مش كلام، لأ دا بيطبقوه عملي.
إزاي؟ يعني مثلًا لو عايز أقيس ال Team work؟ .. طول المنحة في ملاحظات بتتحط علي شخصياتكم وطريقة تعاملكم و بيقسموكم مجموعات ( شخصيات صعب تتعامل مع بعض ) و بيدوكم Task تعملوه و بيراقبوا تصرفاتكم و بعدين بيتحط تقييم علي أداء كل واحد و بيساعدوك تطور أي نقط ضعيفة عندك.

---

🔹 3- ال Microsoft Office
– Excel، Word، PowerPoint 💻
– كل واحد ليه جهاز خاص بيه وبتطبق بنفسك عملي علي كل حاجه بتتشرح.
– وفي امتحان تطبيقي في آخر المنحة بيديلك ورقة فيها أسئلة كتير و بتعمل كل دة علشان تتأكد إنك تمام عارف تطبق مش كلام بتحشيه في دماغك وخلاص.

---

🔹 4- ال Career Direction أهم قسم بالنسبالي.
– إزاي تعمل LinkedIn & CV؟ ✍️
– بتبعتله CV بتاعك و يشرحلكم تعدلوا إيه وكل يوم تبعتله التعديل و بيتعرض كل السيفيهات و أكونتات LinkedIn علي شاشة قدامكم كل يوم لحد ما تبقي تمام و يقولك إنت كدة done ✔️.
– إزاي تعمل إنترفيو؟ تتكلم إزاي؟ تلبس إيه؟ تجاوب إزاي علي الأسئلة الرخمة؟ .. إلخ وكل دة عملي إنت بتطلع تعمل إنترفيو مع المـُحاضر قدام الناس كلها.
– إزاي تختار الوظيفة المناسبة ليك؟ فين تقدم؟ وإزاي؟
_ قانون العمل في مصر و إزاي تعرف حقوقك؟
– بيجيبوا HRs حقيقيين وتعمل معاهم Mock Interviews، وكل نفس بتتنفسه بيتقيم رقميًا 😅 وبعدها تاخد Feedback دقيق جدًا و ترجع للشخص المـُحاضر و يديلكم تقييم شامل عن أدائكم و إيه محتاج يتغير و إزاي؟

---

🔹 5- ال Digital Marketing
– تسويق نفسك وظهورك أونلاين 📱
– بناء Personal Brand قوي يخلي الشركات تلاحظك

---

🎓 مشروع تخرج بتعملوه و بيعملولكم حفلة تخرج.

تاني أهم حاجه بالنسبالي مش هما خلاص جهزوك ل سوق العمل؟ الوظايف بقي!
فيه فعليًا حفلة كبيرة بتتعمل في فندق، بيدعوا فيها 21 شركة تقيلة في السوق، كل شركة معاها وظائف حقيقية (أكتر من 💯 وظيفة مختلفة)
وتعمل إنترفيو حقيقي... ولو لقطوك، تدخل Interview تاني في مقر الشركة معاهم وتشتغل فورًا.
---

🎁 بعد ما المنحة تخلص؟
– أكونت على منصة Udemy مفتوح ليك بالكامل لـ 3 أو 6 شهور
– كورسات عالمية + شهادات معتمدة
– أكونت Premium على وظف
– كل شوية بيكلموك يشوفوك اشتغلت ولا لأ
– كل شهر حفلة جديدة في فندق وشركات جديدة تقدم فيها لحد ما تلاقي شغلك

---

💡 شروط التقديم:
_ تكون مصري ✅
– خريج ✅
– لو ولد، لازم تكون مخلص جيش ✅
– تكون فاضي تلتزم بالحضور يوميًا من الحد للخميس من 9 لـ 5 في مقرهم بالدقي لمدة شهر كامل ✅
_ لابس فورمال (بدلة) ✅
_ سنك ميعديش ال 30 ✅
_ تواصل معاهم علي الصفحة الرسمية هيبعتولك form تملاها

---

المنحة دي غيّرت حياة ناس كتير أنا أولهم و إشتغلت بفضلها بعد فضل ربنا... يمكن تكون أنت الدور الجاي!
لو تعرف حد تايه بعد التخرج، مينفعش تفوّته الفرصة دي ✨
شيرله البوست، أو قدمله بنفسك 👇



#الخريجين
#التوظيف

Address

Cairo

Website

Alerts

Be the first to know and let us send you an email when Hagora the bunny posts news and promotions. Your email address will not be used for any other purpose, and you can unsubscribe at any time.

Shortcuts

Share