اغتيال مشاعر

18/03/2026

* ازيك يا محمد عامل أى دلوقتي طمني عليك
- الحمد لله يا دكتور
* احسن يعني ولا لسه زي مانتا
- احسن .. هبقا احسن ازاى وانا كل يوم بحس اني مبقتش اقدر إدارى التعب والكسره اللي انا فيها
* طب واي اللي يخليك تدارى وتخبي عن الناس وعن اللي حواليك وعن اللي بتحبهم مش ممكن يبقا دا اللي مخليك كدا
- انتا بجد بتسال ومش عارف ؟
انتا عايز الناس تدعي علي اكتر حد حبيته او يقولو كلمه تضيقني عليها انتا عارف يادكتور انا خبيت حبي ليها بسبه 50٪ عشان مبنش ضعيف ومكسور قدام اي حد مش خوف واللهي غير من انهم هيقوله اي مخليك تكمل وبتعمل في نفسك كدا ليه والكلام دا انا لو كنت حسيت بنسبه 1٪ حب ليا كنت عرفت الكوكب كله اصل انا عمري محبيت حاجه وفضلت معايا تعرف زمان مكنتش بحكي لحد خالص وكنت زي الجبل اللي محدش يعرف يهده بدات اقرب لوالدي واحكيله ماات
كانت صدمه كبيره لياا انا اه كنت بحبه اوووى بس قبل ميموت بحاولي سنه او سنه ونص قربت اكتر وقبل ميموت تسمع من الدكتور
مبقاش في وقت كلها كام شهر
وبعدها قفلت تاني علي نفسي لحد مظهرت هي من اول مره شفتها وانا حبيتها من غير كلام ولا اي حاجه حبيتها كدا من قبل معرفها وبعدها بدات اروح اسلم علي صحبي اللي اعد فى المجموعة اللي هي فيهم مره في التانيه بدات اقرب واتشد اكتر اصل الحب دا مش بأيدينا ولا عليه سلطان دا حاجه زي النبته الشيطاني بس دى بقا نبته حلوه بتتزرع قى قلبك ومع الوقت بتكون زى النبته اللي بتطلع محصول وهنا او زى الزينه بتفضل تسقيها ومفيش فايده بس هي برضوا مش كدا هي احلي حاجه ظهرت في حياتي وهفضل اقول كدا لغايه مموت وعمري ما هبطل احبها
* انتا شكلك اتجننت علي الاخر
- ليه بتقول كدا يا دكتور دا اصدق واعقل كلام هتسمعه مني واللهي
* اعقلها ازاي اكتر واحده سبب فى اللي انتا فيه دا ومبتسالش عليك ولا معاك ولسه بتقول عليها كدا
- اقولك يا دكتور بص زي مانتا مش فاهم كلامي دلوقتي هي برضوا مفهمتش ساعتها
* يبقا العيب في مين بقا احنا ولا انتا مين المجنون ومين العاقل
- هحكيلك وهتفهمني بس قوم بقا اطلبلنا اتنين قهوه كدا من السكرتاريه
* حاضر
اتنين قهوه بعد اذنك يا سمر واحده مظبوط انتا زياده صح
- لا بقيت اشربها ساده
* اى دا ماشي ياسمر وواحده ساده
اتفضل ياعم احكي
- بص بقا يا دكتاره انا بعد مقربت واحبتها اكتر محبيت نفسي واني مقتنع مليون فى الميه اني عمري محبيت ولا هحب زيها تاني حصلت شويه حاجات اولها اني مبتصدقنيش مع اني واللهي مكنت اصدق مع حد فى الدنيا غير معاها بس انا برضوا غبي فى حاجه اصل ساعات بقول حاجات مينفعش تتقال هي بتتحس بس طبعا عشان هي محبتنيش مينفعش اقولها كنت لازم اقول كلام عاقل مسطره واني اوصف الكلام بادق تفصيله
* وطب هي كانت بتتكلم برسميه
- لا عشان مكنتش محتاجه اصلا
انا كنت ببرر الكلام واحلف عشان تصدقنى وعمرى مصدقتني هي بقا مكنتش محتاجه تطلع مبررات عشان انا كنت بطلعلها مبررات افضل مليون مره من اللي هتقولها
* طب مهو من الاول اهو كانت باينه
- يادكتور انا قولتلك اللي بيحب مبيحتجش بشرح كلامه انا كنت اللي بحب وهي اللي محبتنيش فهمت
* اممم كمل
- وبعدها مره مع التانيه خلافات كترت وطبعا عشان مبتفهمنش ولا بتضدقنى المشاكل كترت وانا طبعا السبب فى كبرها برضوا عشان كل ميبقا في المشكلة كنت بحاول افهمها انها تصدقنى وتفهمني وبحاول ابرر لنفسي وللمشكله اللي حصل اصل انا ميهمنيش مين غلطان قد مهي لازم تعرف اني اصدق واحد فى الدنيا معاها واني بتكلم بطبيعتي واني عمري محبيت حد قدها واني مبحبش المقارنات
وفضلنا كدا فترات اعدنا حوالي 3 سنين علي دا الحال وانا عمري كله يادكتور معاها كنت نفسي اعرف اطمنها وافهمها واخليها تصدقنى
* خد منديل
كمل
- لغايه ما جه اليوم اللي سمعت فى اكتر الم واكتر جرح فى حياتي الجبل اللي عمره متهز جاله قرار إزالة
سمعت يودني تشبيهي واني اوحش من فلان
وبعدها بفتره سمعت تاني تشبيهي بس المرادي اختلفت شويه اني عمري مهبقا زي فلان واني فلان دا احسن مني مليون مره ....

عارف يادكتور لما تكون معاك جوهره وتفضل تاخد بالك منها وتفضل مهتم بيها القشره بتعتها بتتهلك من الاهتمام بتاعك دا وبتبوظ انا عملت كدا اكتر حد حبيته واكتر حد كنت عايزه معايا من كتر اهتمامي بيه وخوفي عليه اللي مش مطلوب منها زهقت واتخنقت مني
اصل مش بايديها الحب عمره مكان بايدينا
* طب دلوقتي هي عارفه اللي انتا في دا
- مهو دا اكتر حاجه تعباني
عارف يادكتور قولتلها زمان اليوم اللي مبتكونيش في معايا بيبقا اسوء يوم فى حياتي م بالك بقا لما نكون متحنقين هبقا عامل ازاى
* لا انا عايز اعرف هي عرفه اللي انتا فيه دا
- اه يادكتور عارفه وكلمتها اخر مره وقولتلها محتاجك
انا عارف انتا عايز تقول اي بس احب اقولك هي يتزعل وبتضايق بسرعه وفكراني بمثل عليها انا متاكدا لو عرفت ان دا حقيقي هتيجي علي طول وهتجري معايا كمان علي الاشاعات والتحاليل
* للدرجادي مش مصدقالك وللدرجادي بدافع عنها
- دا مش دفاع عنها دي حقيقه انا فعلا عرفها وحبيتها من قلبي
عارف يادكتور انا كنت لسه بقولك كنت جبل وعمره متهز انا قدمها راجل وعيل وطفل قى حبي ليها انا متعلق بيها عارف انا عمري مبكيت قدام حد ويوم مبكيت قدام حد كانت هي
هي بس اللي اقدر ابان قدمها علي طبيعتي وابين ضعفى وخوفي
* مهي مبتصدقش كدا كدا
- الصدق فى محبتي ليها دا كل املى انها ممكن تيجي فى يوم وتحاول تفهمني وتصدقنى ساعتها هكون اسعد واحد فى الدنيا دي
* شوف انا اول مره اشوف حالتك دي ومستغرب اووي ومش عارف ليه مصدقك كدا ممكن عشان دا انتا نفس الشخص اللي مولع الدنيا ومقضيها مع كل البنات فى الاول يتقلب ويبقا مع بنت واحده وهو اللي عايزها وهي اللي مش عايزه
- يادكتور مسمعاش كدا بعد اذنك اسمعها حبتها وهي محبتنيش
* ضيقتك اووي يعني مهي دي اسخن ليك
- ميهمش شكلى المهم هي
عارف بقى يادكتور انتا مش لوحدك علي فكرة اللي صدقت فى ناس قربت مني وصدقتني وفى ناس تانيه حفظاني وعرفاني واستغربت اوووي مني
* طب وتحب تقولها اي لو هي قدامك
- لا دا ليها ظرف وصيه مني يادكتور كلام مينفعش اقوله هدهولك وصيه لما اموت تدوهولها
* وانا هعرف اوصلها ازاي
- لما يجي الوقت هتعرف كل حاجه
* يالا بينا نخش نكمل الاشاعات والتحاليل
- بقولك اي صح يادكتور ليه قولتلي اكمل مع اني كدا كدا ميت
* ...... هقولك... مش ممكن تصدقك وتجيلك وتقولك حقك عليا اني سيبتك لوحدك كل دا
- ..... عندك حق ... ممكن

09/01/2026

سمعت بودكاست بيتكلم عن احتياجات الشخص عشان يحس بالأمان في العلاقة :
بدأ بجملة لدكتور أحمد خالد توفيق لخصت كل حاجة "لا تختارنى لأننى الشخص المُناسب أو لأننى الخيار الأفضل، أريد أن أكون الشخص الذى تُصر عليه رغم كل السوء الذى تراه فيه"
وفضلت افكر وملقتش غير تفسّير واحد وهو:
‏"عشان الشخص يحس بالأمان لازم يحس إنك حبيته بكل حالاته مش حبيته لمجرد إنك مُنبهر به فترة وبس، عشان يحس بالأمان خليه يحب نفسه ويشوفها دايمًا حلوة حتى في الوقت اللي هو مش طايق نفسه فيه ..
متستهونش بزعله ولا تركنه على الرف حسسه دايمًا إن هو الإختيار الأول والأخير الإختيار اللي بتتمناه بقالك كتير وخلاص لقيته وقتها بس بيحس إنه نفسه يفرد جناحاته ويطير من فرحته ..
عشان تحسس اللي قدامك بالأمان خليك حنيّن معاه .. حنين فى خصامك وزعلك وكلامك بلاش تقسى مهما حصل، القسوة بتخوّف وبتبني حواجز جواه بتخليه يرجع كل خطوة خدها هو مطمّن .. عشان يحس بالأمان متسبوش لدماغه وأفكاره مهما حصل". ♥️

29/03/2025

15/03/2025

الحُزن بيغيّر الملامح بيغير الطباع وقادر يخليك تتصرف عكس طبيعتك وشخصيتك وتبان شخص تاني خالص، مُمكن تبان عصبي رغم إن مَفيش أهدى منك، ممكن تبان قاسي وإنت جوّاك حنية الدُنيا كُلها، تبان مُندفع ومتهوّر وإنت الرزانة والعقل كُله، للأسف الحُزن بيحوّلك حرفيًا لشخص تاني مجهول بالنسبه للجميع، وفي الوقت دا مُعظم الناس هتبعد عنك ومش هتتحملك، ومش هَيُقف جنبك غير اللي بيحبك ومؤمن بيك وعارف إن اللي إنتَ فيه دا مش بإيديك وغصب عنك.
اشمعنا انت اللي بتحزن وكل الناس حواليك فرحانه ؟
عشان ياصديقي كلنا بنظهر فرحنا وسعادتنا وبنداري خيبتنا .. كلنا وشوش بتضحك من بره ومن جوه الحزن ماليها .. الفتره دي بتحصلك عشان تقويك وتعرف فيها كل المنافقين حواليك ..

‏ فلما تلاقي نفسك وقعت ..حاول تقنع نفسك ان دي كانت غلطه وقوم وانساها ، لان ده أمر طبيعي بيحصل لكل البشر ..
ولكن الغير الطبيعي هو الاستمرار في الوهم دا اللي هيدمرك حرفيا ..
اجمع شتاتك وقوم اقف علي رجلك زي الجندي فالمعركه ياينتصر يايقابل رب كريم .. الجاي أجمل ، وأنت أقوى مما تعتقد بكتيرر جدا وافتكر ديما انك مريت بالاسوا من كدا وتجاوزته الحمدلله

19/02/2025

انتي صعبة
زي شعور واحد مارقصش بقاله سنين
وبيحضر اول حصة رقص
زي سؤال خارج من أي كاشير
في Starbucks

سهلة
زي انه يجرب يرقص صح
ويجرّب من غير ماندينُه
زي انه يقرر مايردش على اسئلته
ويكرر طلبه " كابتشينو "

متشائمة
زي انك تبقى هدف قناص
من يوم تعيينه وهو بيضرب مابيغلطش
زي شعور لاعب سنغالي
طلعتله فرنسا ف أول ماتش

متفائلة
زي لأول مرة ومن غير أسباب
يطلع نظر القناص مهزوز
زي شعور نفس اللاعب ٢٠٠٢
بعد السنغال ما تفوز

شكاكة
زي غزالة بتتعرف على سبع ف ساحة كبيرة
زي احتمالات السُكْر لشاب لوحده
قدام ترابيزه عليها خمستاشر بيرة

واثقة
زي انها تمشي بجبروت
عشان السبع اللي قصدها حنين
زي ان خمستاشر بيرة هيعملوا ايه
اذا كان الشاب ده متديّن

مجنونة
زي اللي بيطلع ف دماغه يسافر يوم امتحانات
زي اللي بتتعرف على دانيال دي لويس ف الشات

عاقلة
زي انه يقرر يمنع سفره
ويروح الجامعه وبكره يسافر متطمّن
زي انها تبعت وف بالها يقين واضح
ان الشخص اللي بيكتب مش دانيال وانه الادمن

حزينة
كإنك بتشوفي رسالة
جاتلك مني وكنت بسبِّك

مبسوطة
كإنك عارفه ان شتيمتي
ضِل
( بحبِك )

16/02/2025

ويظل الرجل يخْرج للدنيا بدرْعه وسيفه ولا يهْتز لمصَائب الدنيا وضرباتها، حتى يُظَن أنه صخر لا قلب له !

حتى يلقاها - هي دون سَواها - فيلقى أسلحته ويخلع درعه فترى جراحه..

هي فقط .. من يأتمنها على جراحه.

07/02/2025

عندما نضجت، أدركت أن الحب يحتل المرتبة الأخيرة في أولويات الزواج، وليس ذلك مجازًا بل حقيقة. هناك أمور كثيرة تأتي قبله وتُعدّ أساسًا لأي علاقة ناجحة ومستدامة:
• التفاهم: القدرة على استيعاب الآخر والتواصل معه دون صدام أو سوء فهم.
• الاحتواء: أن يجد كل طرف في الآخر ملاذًا آمنًا يخفف عنه ثقل الحياة ومصاعبها.
• الانجذاب: وهو أهم بكثير من الحب نفسه، أن تشعر بأن الشخص يلفت نظرك ويرضيك نفسيًا وعقليًا وجسديًا.
• الونس: الشعور بالراحة مع الآخر، مهما طال الزمن أو كثرت الأحاديث، دون ملل أو ضجر.
• الثقة: أن تأمن للشخص في أضعف حالتك، على أسرارك، مخاوفك، وحتى على رحيله المفاجئ الذي قد يُهدمك.
• الانتماء: أن تشعر بأنك جزء من الآخر، وأن بينكما رابطة متينة أقرب إلى صلة القرابة والدم.
• السند: أن يكون كل طرف داعمًا للآخر، يشجعه على التقدم والتطور، ويتمنى له الخير والنجاح دائمًا.
• الطمأنينة: أن تجد في الآخر ملجأ يهدئ مخاوفك، لا أن يزيد من قلقك وتوترك.

أما العيوب، فمن المهم أن يتعامل الطرفان معها بوعي ونضج، لا أن يغضّا الطرف عنها حتى تتفجر بعد الزواج وتتحول إلى مصدر للخلاف والمشاحنات.

برأيي، هذه الأمور تفوق أهمية الحب العاطفي الساذج بملايين المرات، ذلك الحب الذي قد يجذبك نحو شخص لا يتوافق معك اجتماعيًا، أخلاقيًا، ماديًا، أو فكريًا. الزواج أعمق وأثمن من مجرد مشاعر عابرة.🌹