Amany Fawzy - Sculpture, Visual Art, Ceramic

23/09/2026

🎯 C O M I N G S O O N !

18/08/2026

الفن_وسنينه
دار حوار بيني وبين فنانين نحاتين شباب بيبدأوا حياتهم الفنية ، وهنا باكتب مخلص اللي اتكلمنا فيه:
مش كل منحوتة حلوة تبقى عمل فني عظيم..ومش كل عمل محدش عجبه يبقى فاشل.
دي حاجة لسه بتعلمها لحد دلوقتي، وكنت أتمنى حد يقولهالي وأنا بادئة.
في الأول كنت فاكرة إن أهم حاجة إني أعرف أشكّل الخامة كويس. بعدين اكتشفت إن الموضوع أكبر من كده بكتير، وإني لسه بتعلم. مش بس تعرف تنحت، لازم كمان تتعلم ازاي تشوف.
محدش قالي إن الخامة نفسها ممكن تغيّر فكرتي وأنا شغالة. تفتكر نفسك ماسك رؤية واضحة، وفجأة بتاخدك لمكان تاني خالص.
ومحدش قالي إن إيدي هتغلط كتير، وإن ده مش معناه إني مش شاطرة أو فنانة، الحقيقة اني لسه بحس بيها في كل مرة.
قعدت شهور على شغل نحت، وفي الآخر حسيت إنها مش رايحة في الاتجاه الصح، وكان لازم أسيبها. وده كان بيضايقني، ولسه بيضايقني أحيانا.
بس من أهم اللي اتعلمته إن النحت مش دايما إضافة. في مرات كتير بتضطر تشيل جزء كنت متعلقة بيه، عشان الشغل يقدر يتنفس.
وبتعلم كمان إني مش هقدر أرضي الكل، وده صعب أتقبله لحد دلوقتي. لو فضلت أسأل نفسي "هيعجبهم؟" أو "هيفهموا أنا قصدي إيه؟" ، " العمل ده يصلح لسوق الفن والبيع والشراء المقتنين وغيرهم؟" ، بلاقي نفسي نسيت أنا أصلًا كنت عايزة أقول إيه.

ومع الوقت بقيت أبص للعمل النحتي بشكل مختلف شوية. مش بشوف الشكل بس. بشوف أثر إيدي، الأماكن اللي هسابها هادية، والأماكن اللي هاركز على تفاصيلها.
بشوف الصراع بيني وبين الخامة، والقرارات الصغيرة اللي محدش هيشوفها غيري.
وعشان كده لما باشوف مقتني واقف قدام شغل، باحس إنه مش بيشتري "حاجة حلوة" وخلاص. هو بيتفاعل مع إحساس، أو ذكرى، أو حاجة مش قادر يسميها. وأنا لسه بحاول أفهم السر ده بنفسي.
يمكن ده أحد أسرار النحت إنك تاخدي خامة صامتة وتخليها تقول حاجة إحنا نفسنا صعب نعبّر عنها بالكلام.
لو رجعت لبداية طريقي، كنت هحب حد يقولي " مش مطلوب تكوني فنانة كاملة. بس كملي، وشوفي أكتر، واسمعي الخامة بتقولك ايه ، وهتعبري عن أفكاري بيها ازاي ، وهتلاقي صوتك بيتكون لوحده مع الوقت".
دروس كتيرة اتعلمتها بطريقة صعبة.
معرفش إذا كنت انا لوحدي اللي عندي المشاعر والتجارب دي!
ياريت أسمع تجاربكم، لسه في حاجات محتاجة اعرفها.

30/05/2026

❤️🌹🌿 شكرا جزيلا
Women of Egypt - سيدات مصر
وزارة الاتصالات وتكنولوجيا المعلومات-مصر

كيف يمكن لأستاذة جامعية متخصصة في الخزف والنحت أن تقف على منصة تكريم في فعالية للتحول الرقمي والابتكار؟

سؤال سمعته كثيرا خلال الأيام الماضية.

أنا أستاذة جامعية، وفنانة تشكيلية، نحاتة وخزافة، واستشاري علاج بالفن، أعمل مع الأخصائيين والباحثين، وأشارك بمحاضرات في مؤتمرات الطب النفسي، وأؤمن أن الفن ليس رفاهية، بل أداة للتعليم والعلاج والتنمية وصناعة الإنسان.

قد تبدو هذه المجالات متباعدة للوهلة الأولى، لكن رحلتي علمتني أن الإبداع هو اللغة المشتركة بينها جميعا.

ففي قاعة المحاضرات أساعد طلابي على التفكير والابتكار.

وفي المرسم أصنع أفكارا تتحول إلى أعمال فنية.

وفي العلاج بالفن أرى كيف يمكن للإبداع أن يكون مساحة للشفاء والتعبير.

وفي ريادة الأعمال أؤمن بأن المعرفة والفن يمكن أن يتحولا إلى فرص حقيقية للتنمية والتمكين.

لهذا كان اختياري ضمن 15 سيدة ملهمة على مستوى جمهورية مصر العربية لعام 2025، وتكريمي في مبادرة «مستقبل تمكين المرأة في عصر التحول الرقمي 2026»، لحظة مؤثرة أحملها بكل فخر وامتنان.

يمكنك أن تكوني أكاديمية وفنانة.
باحثة ومبتكرة.
معلمة ورائدة أعمال.
وأن تصنعي أثرا حقيقيا في أكثر من مجال عندما تؤمنين بشغفك وتسعين إليه بإخلاص.

أهدي هذا التكريم لكل فتاة أو امرأة قيل لها يوما إن أحلامها كثيرة أو مختلفة أو غير مألوفة.

أحيانا تكون الاختلافات التي يراها الآخرون غريبة... هي بالضبط ما يجعل رحلتك استثنائية.

— ا.د أماني فوزي عبد العزيز
استاذ الخزف كلية التربية الفنية جامعة العاصمة "حلوان سابقاً"

30/05/2026

شكرا جزيلا Women of Egypt - سيدات مصر 🙏♥️

فى ضوء الشمس | عمل فنى لفنانة النحت أمانى فوزى

هناك لحظات لا تحتاج إلى ملامح واضحة كي تُروى، ولا إلى كلمات كثيرة كي تُفهم...

في هذا العمل النحتي حاولت أن ألتقط إحساسًا إنسانيًا خالصًا؛ لحظة دفء وسكينة عندما يلامس الضوء أرواحنا قبل أن يلامس أجسادنا.
الجسد هنا ليس مجرد هيئة، بل حالة من الانفتاح على الحياة، واستقبال للنور بكل ما يحمله من أمل وقوة وطمأنينة.

كأن الشخصية تجلس في صمت، تترك للشمس أن تداوي ما لا يُقال، وأن تملأ الفراغات الداخلية بالسلام.

اخترت البرونز ليحمل هذا الحوار بين الضوء والكتلة، وبين الصلابة والرقة، وبين ما نراه وما نشعر به.

أؤمن أن الفن لا يجيب عن الأسئلة بقدر ما يوقظها داخلنا...

عندما تنظر إلى هذا العمل، ماذا ترى؟
هل ترى شخصًا يستقبل الشمس؟ أم روحًا تتحرر من أثقالها؟ أم تجد فيه إحساسًا آخر يخصك وحدك؟

— أمانى فوزى

"في ضوء الشمس" تمثال من البرونز
40 × 40 × 30 سم

20/05/2026

شرفت أمس بتكريم أعتز به وكان من اللحظات المؤثرة والملهمة في رحلتي في دعم الفكر المستنير والدمج بين المستقبل الأكاديمي والريادي والتطور التكنولوجي، وذلك خلال احتفالية النسخة السادسة من مبادرة «مستقبل تمكين المرأة في عصر التحول الرقمي 2026» تحت شعار «بناء متكامل لريادة مستدامة»، تحت رعاية وزارة الاتصالات وتكنولوجيا المعلومات ومبادرة قدوة. تك Qodwa.Tech

وكان لي عظيم الشرف أن أتسلم هذا التكريم من المهندس/ رأفت هندي وزير الاتصالات وتكنولوجيا المعلومات، تقديرا للإسهام الفاعل في دعم جهود التنمية المجتمعية الرقمية، واختياري ضمن 15 سيدة على مستوى جمهورية مصر العربية كنماذج نسائية ملهمة لعام 2025.

هذا الحدث لم يكن مجرد احتفالية، بل مساحة حقيقية للأمل، والإيمان بقدرة المرأة المصرية على التأثير وصناعة التغيير، خاصة في ظل مشاركة نخبة كبيرة من القيادات والخبراء ورواد الأعمال وشركاء التنمية، وفي مقدمتهم برنامج الأمم المتحدة الإنمائي بقيادة السيدة/ تشيتوسي نوجوتشي، والمهندسة/ هدى دحروج، والدكتورة/ هالة الصادق، إلى جانب عدد كبير من المؤسسات الداعمة لتمكين المرأة وريادة الأعمال.

وكان من أبرز ما أسعدني خلال الفعالية الإعلان عن إطلاق «حاضنة الأعمال الرقمية لتمكين المرأة المصرية» بالتعاون مع برنامج الأمم المتحدة الإنمائي وشركة جابكو، لدعم السيدات صاحبات المشروعات والحرفيات، وفتح آفاق جديدة لتمكينهن اقتصاديا ورقميا.

أشعر بامتنان كبير لكل خطوة، ولكل شخص آمن بما أقدمه، ولكل امرأة تحاول كل يوم أن تصنع أثرا حقيقيا رغم التحديات.
هذا التكريم مسؤولية قبل أن يكون تقديرا… ودافع أكبر للاستمرار، والتأثير، وصناعة فرص جديدة للنساء والفتيات من خلال الفن، والتعليم، وريادة الأعمال، والتنمية المجتمعية.

كل الشكر والتقدير للقائمين على هذا الحدث الملهم،وفريق عمل المبادرة، ولكل سيدة مصرية تلهم العالم بقوتها وشغفها وقدرتها على البناء والتغيير 🤍
Amira Arafa
Nagla Seddeek
Elsadek
hindy


#رئاسة

02/05/2026

Announce!
My artistic nickname is (Amunzie)
All my artworks will be signed with both names to not have any similarities.
Wish me luck ☺️