ViØLENŒ: Act II

ViØLENŒ: Act II Piltovian Reboot 🇪🇬

مش ممكن عالإبداع والكيراتيفيتي يا رايوت 🙂
09/06/2026

مش ممكن عالإبداع والكيراتيفيتي يا رايوت 🙂

اتكلمنا المرة اللي فاتت عن تصريحات Doinb وUzi بخصوص السيرفر الكلاسيكي وإن احتمال رايوت تعلن عنه بجانب مشروع League Next ...
08/06/2026

اتكلمنا المرة اللي فاتت عن تصريحات Doinb وUzi بخصوص السيرفر الكلاسيكي وإن احتمال رايوت تعلن عنه بجانب مشروع League Next ف حدث الـ MSI. واتكلمنا ف نفس البوست إن رايوت اتكلمت عن السيرفر الكلاسيكي من حوالي 9 سنين وقالت إنه "مش هينفع" لأسباب تقنية ومقارنة التكلفة بالعائد بعيد المدى.
https://www.facebook.com/share/p/1T261dMEqZ/

في نفس السنة اللي رايوت اصدرت فيه التصريح دة على لسان مدير التطوير الابداعي السابق، مجموعة من الشباب عملوا اللي شركة بحجم رايوت مش قادرة تعمله، دون مجهود يُذكر، قدروا يعملوا السيرفر الكلاسيكي على طريقتهم!

الحكاية بتبدأ مع شخص اسمه Lothendran، لما فكر هو ومجموعة من صحابه المطورين وقالوا "دلوقت النسخ الكلاسيكية من الألعاب ليها شعبية أكتر من الاصدارات الحالية، ورايوت معندهاش النية تخش ف السكة دي، يبقى أحنا لية منعملش نسختنا الكلاسيكية بنفسنا؟"

وقد كان، بدأوا مشروعهم المعروف باسم Chronoshift "واللي بالمناسبة دة اسم الألت بتاعت زيليان"، واللي هيكون مبني على باتش V1.0.0.126 اللي نزل ف أكتوبر 2011 "بالتحديد ما بين نهاية سيزون 1 وسيزون 2".

لكن السؤال، إزاي جابوا الباتش وإحنا بنتكلم ف سنة 2017؟ يعني المفروض يكون اتعمله إحلال Depreciation، هنا تكمن الترِكاية.

المطورين قدروا يوصلوا لشبكة المحتوى CDN الخاصة برايوت، وسريعًا الـ CDN عبارة عن سيرفرات هدفها تسرع تحميل المحتوى، مثلًا أنت عايز تفتح يوتيوب، الطبيعي إنك تـ Connect على سيرفرات يوتيوب "اللي غالبًا ف أمريكا"، ف يقوم باعتك لأقرب سيرفر ليك، ف يقلل الـ Latency والفيديو يحمل معاك أسرع.

الفكرة بقى إن كل باتشات ليج كانت موجودة على سيرفرات الـ CDN بتاعة رايوت، بالتالي كل ما يخص الإصدارات القديمة موجودة هناك وسهل الوصول ليها، بنفس الآلية قسم الـ Wiki بيجيب الـ Patch Notes والـ Assets، كمان الـ Modders بيجيبوا الـ Models عشان الـ Custom Skins.

طيب، عرفنا جابوا اللعبة إزاي، بالنسبة للسيرفر؟ الحاجة اللي المفروض تشغل الكلام دة كله؟ دة كان التحدي بالنسبة للفريق، واللي اضطروا إنهم يبنوا السيرفر من الصفر! عملية معقدة خدت منهم وقت عشان يضبطوا مشاكل الاتصال والأداء.

إلى أن جت سنة 2020، لما أعلن الفريق عن مشروعهم على منصة ريديت، وإن مشروعهم يهدف لتشغيل إصدارات ليج القديمة مع دعم بعض إصدارات الكلاينت، خلال وقت الإعلان كان إصدار 2010 بس اللي مدعوم "زي ما ذكرنا ف الأول".

بالرغم إنهم استعجلوا ف إصدار المشروع، إلا إنه لقى صخب ورواج وسط مجتمع ليج ومجتمع الموبا بشكل عام، وللأمانة معذورين برضه، مش ضامنين رايوت هل هتسيبهم ف حالهم ولا لأ، خصوصًا وإن المشروع كان فيه حاجات مش مكتملة زي نظام الرونز والماستري، الأداء بشكل عام، ونظام الـ Path Finding "برمجة الخريطة والحركة"، بس نرجع ونقول دة مجهود فردي واللي قدروا يوصلوا له إنجاز.

الدنيا جميلة، الناس مبسوطة، نوستالجيا تعم الأرجاء، التوازن ف الليمون، إلى أن جاء هادم اللذات ومفرق الجماعات...

لما تم الإعلان عن مشروع Chronoshift في مارس 2020، واحد من موظفين رايوت باسم Riot Gene بعت رسالة للفريق مفادها "ياريت تقروا سياسات التطوير بتاعتنا ومتقلقوش هي سهلة خالص ومش معقدة، من فضلكم لموا الدور".

عشان تكونوا ف الصورة، رايوت عندها نص رسمي يُجرم استخدام أصول الشركة ممثلة في: العناوين، مظاهر الشخصيات، القدرات، الخرائط، الأيقونات، إلخ... واستخدامها في مشاريع أخرى "ألعاب، تطبيقات"، حاجات كانت المفروض تخلي لِعب زي Mobile Legends متشوفش النور تاني، بس عالأقل دول كانوا بيعملوا Replica، إنما دول خدوا محتوى مملوك حتى ولو معموله إحلال.

ومع ذلك، الفريق كرف للرسالة زي ما حضرتك بتكرف لإيميلات الشغل وجروب الدفعة، والدنيا فضلت جميلة لحد سنة 2021، السنة اللي هيتم فيها كتابة السطر الأخير في المشروع...

يوم 20 إبريل 2021، رايوت عملت حركة عمرها ما هتتنسي أبدًا ولا زال الكل بيحكي ويتحاكى عنها لحد النهاردة، لما بعتت رسالة لفريق التطوير ممثلة في موظف باسم Riot Zed مفادها "مسا، معاك زيد من قسم الأمن. سكة ودغري أنت عارف أنا جايلك ف إيه، مستنيك ف الديسكورد."

والمحادثة دارت كالتالي "بص يا زميل، أنت مشروعك طرش بس الشؤون القانونية عندنا مش عاجبها الكلام دة، أسهل حاجة النيابة والمحاكم، بس إحنا عايزين نحل ودي. بالمناسبة عجبتني حركة إنك مسحت الـ Channels بتاعت السيرفر، حبيت أقولك إني خدت نسخة من كل حاجة، ما تمسع الـ Private Channels بالمرة؟ ولو إن دة مش هيفيدك بحاجة برضه، أنا صعبان عليا المجهود الطرش ف المشروع اللي هيتجاب أجله دة."

بعد ما Lothendran فضي له كمل زيد وقال "تسلم يا ذوق على وقتك، بس خلينا نكون صرحاء مع بعض، رايوت لو عايزة تخوفكم مكانوش هيبعتوني ليكم ولا كان زمانك بتتكلم معايا دلوقت، ف من سكات تسلمني الموقع الإلكتروني بتاعكم، الكود المصدري، وأي حاجة ليها علاقة بالمشروع، وتوريني إزاي كنسلته ووقفته. سلمنا المطلوب يا إما نتقابل ف أول جلسة، خلصانة؟"

بعدها نزل فريق Chronoshift بيان بيتكلم فيه عن الحركة اللي عملتها رايوت وإن الفريق متعداش على سياسات الشركة كون المشروع ملهوش أي علاقة بالإصدار الأساسي وإن الغرض الأساسي منه هو عمل ما أشبه بـ "كبسولة زمنية" يقدر الكل يتفاعل معاها ف أي وقت وف أي مكان.

الدنيا اتقلبت وسط الـ Community بعد ما نزل الشات بتاع الديسكورد وإن إزاي شركة بحجم ووضع رايوت تعمل حركة "شوارعية" زي دي؟ حرفيًا دة مش موظف ف شركة ألعاب، دة موظف ف شركة تحصيل أموال جاي يلم ديون من متعثرين! "هسيبلكم المحادثة كاملة ف الكومنتات"

لحد ما تقرر رايوت إنها تقفل الـ CDN بتاعها عشان يتم قتل المشروع كليًا، من غير الـ CDN، مفيش وصول للملفات، بالتالي مفيش لعبة من الأساس، حتى بالرغم من وجود Backups إلا إن محاولة إعادة تشغيل المشروع بقى شيء مستحيل، خصوصًا وإنه Closed-Source، يعني أي فكرة لإحياء المشروع بقت درب من الخيال.

عشان بعد 6 سنين من الخناقة دي، ينتشر خبر إن رايوت هتعمل "سيرفر كلاسيكي" يتم اختباره حاليًا من قِبل أقدم المحترفين "اللي نعرف منهم حاليًا هما Doinb وUzi"، لو قلت لحد الكلام دة من 6 سنين غالبًا هيخبط كف بكف ويطلع صوت من مناخيره، رايوت؟ سيرفر كلاسيكي؟ يا عم مش لما يصلحوا الكلاينت اللي بيقع كل ما البلو شوب ينزل؟ لكن هكذا تُدار الأمور.

تخيل إن الناس دلوقت منقسمين ما بين مؤيدين للسيرفر الكلاسيكي ومتحمسين لتجربة ليج القديمة، وما بين ناس مش مستوعبة الفكرة وشايفاها "تضييع وقت"، إذا كنا بنعاني مع ليج الحالية ما بالك بالقديمة؟ شامبيونات مش موزونة ولا أيتمات ولا حتى رونز؟ قولي هنتعامل مع العبث دة إزاي؟ ثم أصلًا مين هيضيع وقته عالسيرفر الكلاسيكي؟ أراهنك هما يومين والناس هتزهق.

ولو إن دة شيء متوقع "حتى من 9 سنين"، لكن في النهاية رايوت ليها وجهة نظرها، وبغض النظر عن إيه هي، ف كدة موقف إضافي بنشوف فيه رايوت بترضخ لمجتمع اللاعبين بعد سلسلة من القرارات غير المنطقية، وإنها جربت يعني إيه تعبث مع الجمهور.

السؤال بقى، هل رايوت هتنزل السيرفر الكلاسيكي زي ما هو؟ بعيوبه بسلطاته ببابا غنوجه؟ ولا هتعمل تحسينات بسيطة على مستوى الأداء والرسوميات بحيث إنها تبقى Playable مع الاحتفاظ بالرونق؟ هل السيرفر هيكون منفصل ولا مدمج مع اللعبة الأصلية؟ والأهم، الوصول للسيرفر الكلاسيكي هيكون مجاني ولا بمقابل مادي؟ اسئلة مُعلقة ف الفراغ هنعرفها خلال الـ MSI إن شاء الله.

وبس كدا، حبيت أعمل لكم بوست دسم للناس اللي بتحب التاريخ والقصص وأرجع أثير الجدل بالحصريات والمواضيع السخنة أم سمسم، أشوفكم بخير ❤️🖤

مساء الخير، عاملين إيه؟ يا رب تكونوا بخير ❤️🖤حبيت ألحقكوا النهاردة بخبر حصري ومثير للجدل زي كل مرة "أتمنى ملاقيش شاهين ب...
05/06/2026

مساء الخير، عاملين إيه؟ يا رب تكونوا بخير ❤️🖤

حبيت ألحقكوا النهاردة بخبر حصري ومثير للجدل زي كل مرة "أتمنى ملاقيش شاهين بيكتب عن الخبر دة ف نفس الوقت 🙂"، مثير للجدل لإنه متعلق بحاجة أغلب اللاعبين القدامى مستنينها.

انتشر مؤخرًا مقطع لكلًا من Doinb وUzi من ستريم ليهم بيتكلموا عن الـ "السيرفر الكلاسيكي" وإن رايوت احتمال تنزله الشهر الجاي.

ف الآول كنت فاكر إن قصدهم بالكلاسيكي هو ليج بتاعت دلوقت بعد مشروع League Next، خصوصًا وإن الـ MSI هتكون ف آخر يونيو "الوقت اللي هتعلن فيه رايوت عن المشروع"، لكن لما لاقيت فيه كلام عن "اللاعبين القدامى" أدركت إن أكيد قصدهم من كلامهم هو ليج الكلاسيكية.

لحد دلوقت مفيش بيانات/تصريحات زيادة من Doinb وUzi عن الموضوع غير اللي قالوه، وحتى رايوت كمان مأعلنتش عن الموضوع بشكل رسمي، واللي يخلي من المعلومة خبر غير رسمي مش إشاعة هو إن أغلب الحسابات الإخبارية بتاعت ليج اتكلمت عن الموضوع دة.

جدير بالذكر إن رايوت اتكلمت عن ليج الكلاسيكية أو Classic Mode من خلال تصريح يرجع لسنة 2017 قدمه Greg "Ghostcrawler" Street، رئيس قسم التطوير الإبداعي السابق، قال فيه إن صعب برمجيًا تشغيل البيانات القديمة على المحرك الحالي، وحتى لو خلينا المطورين يحاكوا البيانات دي ويعملولها remake ف الموضوع هياخد وقت وتكلفة الأولى إنها تتصرف على خصائص وميزات أهم، دة غير إن الموضوع غير مُجدي كونه هيبقى ممتع على المدى القصير فقط ومحدش هيتم له بعد كدا.
https://nexus.leagueoflegends.com/en-us/2017/05/ask-riot-classic-mode/

وبس كدا، حبيت ألحقكم بخبر طازة والدنيا هس هس، لو أنتوا من الجيل القديم من ليج احكولنا تجربتكم وقصصكم مع اللعبة، وبتتمنوا تشوفوا إيه مرة تانية ف السيرفر الكلاسيكي؟ ❤️🖤

POV: اللي مستنيك بكرة
31/05/2026

POV: اللي مستنيك بكرة

Daddy's Home
27/05/2026

Daddy's Home

يعم كل سنة وأنت طيب 🙂
26/05/2026

يعم كل سنة وأنت طيب 🙂

وكأن التاريخ يعيد نفسه
24/05/2026

وكأن التاريخ يعيد نفسه

*قاعد ف الشات بغني أغنية "الواد قماح" وكسبانين الماتش*-أكشان وgp بلا أي سياق:
23/05/2026

*قاعد ف الشات بغني أغنية "الواد قماح" وكسبانين الماتش*

-أكشان وgp بلا أي سياق:

عن تعديل شين جاو وباف كوين ⚜️الواحد بقاله كتير متكلمش عن Patch Notes لكن المرادي الموضوع مثير للاهتمام، كواحد بيحاول يخر...
20/05/2026

عن تعديل شين جاو وباف كوين ⚜️

الواحد بقاله كتير متكلمش عن Patch Notes لكن المرادي الموضوع مثير للاهتمام، كواحد بيحاول يخرج من مرحلة الـ Hardstuck بأي شكل 🙂

المهم، بداية من شين جاو، التعديل الجديد ممكن نعتبره باف أكتر منه نرف لسبب واحد: الضرر الإضافي بتاع الباسف لما تجيب الـ 3rd Auto Attack بقى بيـ Scale مع الـ AP والـ AD بدل الـ AD بس، ودة كويس مع الـ AP Build وهتستفاد من نسبة الـ AP ف الضرر والـ Heal.

خلاصة التعديل، هما قللوا الـ AP Healing حاجة بسيطة عشان يضيفوا الـ AP Ratio على الـ 3rd AA Passive، وفي احتمال إن شين ياخد تعديل أو نرف تاني لو نتائج التعديل دة بقت مبالغ فيها.

نيجي بقى لـ كوين...

بصراحة مكنتش أتوقع إن الباف الجديد هيكون له علاقة بالجانجل، ف كلا الحالتين a buff is a buff، وعلى قد منا سعيد بدخول كوين للجانجل كون الـ Kit بتاعتها مؤهلة لكدا، لكنّي بشعر بالأسى كون الباف دة مجاش ف السيزون اللي فات، كانت هتستفاد من الـ Upgraded Boots واللي كانت هتخدم الـ Build سواء سرعة زيادة أو Recall أسرع.

حاليًا كوين الـ Clear بتاعها مش أحسن حاجة، على ما الـ Scuttler يظهر أنت هتكون جبت الـ 2nd Buff وفاضلك وحش واحد، أتمنى الباف الجديد يحسن الـ Clear بتاعها، عدا ذلك، هي كويسة كـ Invade وLane Abuse لكن هتحتاج Frontline.

وبس كدا، دة كان بوست خفيف حبيت أقول فيه رأيي بخصوص الباتش الجديد، أشوفكم بخير ❤️🖤

Address

Cairo

Website

Alerts

Be the first to know and let us send you an email when ViØLENŒ: Act II posts news and promotions. Your email address will not be used for any other purpose, and you can unsubscribe at any time.

Shortcuts

Share

Category