موقع الابيض

23/05/2026

انا حقيقي مستغرب الراجل ده !

الراجل ده كسب دوري انجليزي و دوري اسباني و دوري ايطالي ، يعني كسب اكبر 3 دوريات في اوروبا ، زود عليهم 5 دوري ابطال اوروبا و هو هداف البطولة التاريخي كمان ، يعني مقفل اللعبه من ساسها ل راسها مع الانديه !

ايه اللي يخليه يحمس جمهور النصر النهاردة مع كل دقيقه بتمر ، ايه اللي يخليه يبكي بعد ما سجل هدفين حسم بيهم الدوري السعودي و هو عنده 41 سنة ، منين الطاقه و الشغف اللي يخلوه مكمل لعب كورة و بيعافر لمده 3 سنين عشان يكسب بطولة في اسيا بعد ما كسب كل حاجة في اوروبا !

ده انسان متعودتش يقف عند الهزيمه ، اتعود يصحي من نومه عشان يجتهد طول اليوم لحد ما يرجع لنومه تاني ، انسان في كل مرة بيعيش لحظه النجاح كإنها اول مرة ، انسان مدرك تمن المعاناه لانه عاشها من و هو في بطن امه لانه في الاساس مكنش هييجي الدنيا !

حكاية رونالدو دي تستاهل تخلص ب كاس عالم و 1000 هدف لانه قرر ميستسلمش لانتخه سن الاربعين عشان يخلص حكايته و هو في كمال السعي و كمال الوصول ❤️

23/05/2026

وحشني الصيف و البحر...
أنا فالبحر🙂:

10/08/2024

الوظيفة الأمان والاستقرار والأحلام المؤجلة
جاك نيكلسون : و هو منتج و مخرج و ممثل سينمائي بيقول : انا فاكر لما كنت شغال في وظيفة و المدير بتاعي جاب عربية جديدة و موديل حديث جداً فقلتله مبروك العربية الجديدة
رد عليه و قاله " لو انت اشتغلت اكتر و حطيت كل وقتك و مجهودك في الشغل هشتري عربية احدث السنة الجاية " طبعاً بعدها ساب الوظيفة و دور علي انه يبني لنفسه

نجيب ساويرس:المذيعة بتسأله و بتقوله انت ليه مشتغلتش موظف فحياتك...!

قالها : حياة الموظف حياة روتينية جدا اللي بينام فيه بيصحا فيه مرتبو كل شهر عارف بيبقي كام لو كنت
فكرت بنفس تفكير كل البشر مكنتش هبقي قاعد
قدامك دلوقتي و محدش كان هيعرفني...
قالتله طب ازاي وصلت ل ثروة 3،9 مليار دولار ...

قالها بدأت بمشروع ب 5000 الاف جنيه و بدأت اكبرو و العمل الخاص او البيزنيس مهما كان صغير هيجي عليه يوم و يكبر لكن الوظيفة انت عارف انت هتاخد منها كام بتوقف سقف احلامك لمرحلة معينة الوظيفة بتحميك من الفقر و بتمنعك من الغني...👌

إيلون ماسك : و هو صاحب شركة بايبال و تسلا موتورز و سبيس اكس لتكنولوجيا الفضاء

بيقول “انا وصلت امريكا و انا عندي ١٧ سنة ب ٢٠٠٠ دولار بس و دلوقتي انا بيليونير “

و لما اتسأل عن الوظيفة قال " سن التقاعد : ٦٧
متوسط ​​العمر المتوقع للإنسان : ٧٨
انك تشتغل ٥٠ سنة عشان تبقي حر ١١ سنة بس
هل دي حاجه منطقية او عادلة !! "

قال برضه : " انا مدخلتش هارفرد اللي هي احسن جامعة في العالم بس الناس اللي شغالين عندي دخلوا هارفرد "

جاك ما : رائد الأعمال الصيني و مؤسس موقع علي بابا

لما سألوه عن الوظيفة قال " لو حطيت موز و فلوس قدام قرد اكيد القرد هيختار الموز لان القرد ميعرفش ان الفلوس ممكن تشتري موز اكتر

و في الحقيقة لو حطيت وظيفة او بيزنس قدام الناس هيختاروا الوظيفة لان اغلب الناس متعرفش ان البيزنس ممكن يجيب فلوس اكتر من المرتب

الربح من البيزنس احسن من المرتب - المرتب ممكن يعيشك لكن الربح هيعملك ثروة “

جيت لي : الممثل الصيني قال عن الوظيفة " انت بتموت نفسك عشان وظيفة ممكن يبدلوك بحد تاني في اقل من اسبوع لو حصلك حاجه او مت ، خد بالك من نفسك "

ملخص الكلام في الوظيفة : الوظيفة حلوة لو بتعيشك مرتاح
الوظيفة حلوة لو بتلاقي مقابل مش بتعمل منك إنسان ضعيف و بتخلي واحد تاني ثري ثراء فاحش

وطبعاً طبعاً
حد هيرد ويقول ظروف البلد وهخسر فلوسي
اه انتا هتخسر عشان خواف والخوف بيقتل صاحبه
من عشرات السنين نفس الردود
ونفس الخوف

وعن تجربة شخصية معظم المصريين مستحيل يخاطروا المعظم بيدور علي الاسهل وكتير كمان منتظر ضربة حظ
بالعموم الفلوس اتعملت عشان نجرب ونخاطر
ولو خسرت يبقا بتتعلم واخدت حبرة واكيد المرة الي بعدها هتتلافي الخطأ وان شاء الله هتنجح
خلي عندكم شغف بالنجاح
اعمل بصمة بحياتك

و أهل العلم ( بيقولوا تسعة اعشار الرزق في التجارة )
فخد الخطوة اللي هتقدر عليها و اعرف ان كل الكلام اللي فوق ده كان محتاج مخاطرة و ده الفرق بين خطر البيزنس و أمان الوظيفة و مش عيب انك تكون موظف خالص كل حاجه ليها ناسها
فتوكل علي ربنا و اعرف انك مش هتنجح من اول مره و ده عادي بس كمل وربنا هيكرمك ويبارك

03/08/2024

ماتستغربش لما تلاقي حد مش بيحبك..
وانت ماعملتلوش اي حاجة وحشه ..
ولا تستغرب كمان اما تعمل الخير مع حد ..
و يردهولك في النهاية بالأذية ..
لازم تبقي مقتنع بحاجه مهمة اوي من جواك ..
إنك مش هاتتحب من كل الناس ، حتي لو كنت أحسن إنسان في الدنيا ..
ولا هيحبولك و يتمنولك الخير برضو ..
مهما قدمتلهم كل حاجه حلوه ..
النفس من طبعها أمارة بالسوء ، ونفوس الناس اصلاً مش زي بعضها ،
و حوالينا قلوب كتير ماليها الحِقد و الغِل ، و عيون وحشه بصالك بتكره دايماً الاحسن منها ..
فا بلاش بقا تتصدم و تزعل و تاخد علي خاطرك ، و انت اللي بتتعب في النهاية ..
اهدا .. و انزل لأرض الواقع ،
انت مش عايش في المدينة الفاضلة ..
عيش بطبيعتك و ماتخدش الامور علي اعصابك و إعمل الخير و اللي انت شايفه صح و مريحك ،
و ماتستناش لا مقابل من حد ، ولا تقف عند موقف او نقطة معينة ، ولا تبص وراك ابداً مهما حصل .

21/07/2024

https://al-byd.blogspot.com/2024/07/blog-post_39.html

موقع الابيض يهتم بكل ما هو جديد فى تقنيات واخبار وتطبيقات و العاب الموبايل

21/07/2024

أداة برمجية شاملة مصممة للمسوقين المحترفين على فيسبوك.

موقع الابيض يهتم بكل ما هو جديد فى تقنيات واخبار وتطبيقات و العاب الموبايل

21/07/2024

عندي خبرة أكثر من الشخص دا،

موقع الابيض يهتم بكل ما هو جديد فى تقنيات واخبار وتطبيقات و العاب الموبايل