https://www.facebook.com/1662526414054469/

علي حربي Ali Harby, مصر الجديده, Cairo (2026)

27/09/2025

ﺭﺟﻞ ﻛﺎﻥ ﻳﻌﻄﻲ متسولاً
ﻛـﻞ ﺷـﻬﺮ 1000 جنيه
ﻇﻞ ﺍﻟﺮﺟﻞ ﻋﻠﻰ ﻫﺬﻩ ﺍﻟﺤـﺎﻝ
ﻟﻤﺪﺓ ﻋﺎﻡ ﻭﻓﻲ ﻳﻮﻡ ﻣﻦ ﺍﻷﻳﺎﻡ
ﺃﻋﻄﻰ المتسـول 750 ﻓﻘﻂ
اﺳﺘﻐﺮﺏ ﺍﻟﻤﺘﺴـﻮﻝ منه ذلك
ﻭلكنه ﻗﺎﻝ ﻟﻨﻔﺴﻪ 750 جنيه
أفضل ﻣﻦ ﻻ ﺷﻲﺀ .. وانصرف
ﻭﺑﻌﺪ ﺷﻬﺮ أعطى الرجـل
المتسول 500 جنيه ﻓﻘﻂ
ﺗﻌﺠﺐ ﺍﻟﻤﺘﺴﻮﻝ !
ﻭﻗﺎﻝ ﻟﻠﺮﺟـﻞ ﻛﻨﺖ ﺗﻌﻄﻴﻨﻲ 1000
ﺛﻢ ﻧﻘﺼﺖ وﺻﺎﺭﺕ 750 والآن 500
ﻟﻤﺎﺫﺍ ؟ وهل لي أن أعرف السبب ؟

ﺭﺩ ﺍﻟﺮﺟﻞ :

ﻓﻲ ﺍﻟﺴــﺎﺑﻖ ﻛﺎﻥ كـل ﺃﻭﻻﺩﻱ ﺻـﻐﺎﺭاً
ﻭﻛﻨﺖ ﻣﻴﺴﻮﺭ ﺍﻟﺤﺎﻝ فأعطيك ١٠٠٠
ثم كبرت ابنتي .. وﺩﺧﻠﺖ ﺍﻟﺠــﺎمعة
ﻭﻣﺼﺎﺭﻳﻒ ﺍﻟﺠﺎمعة كثيرة فأصبحت
أعطيك ٧٥٠ ..
ﻭالآن ﺩﺧﻞ ﻭﻟﺪﻱ ﺍﻟﺜﺎﻧﻲ ﺍﻟﺠـﺎمعة
ﻭﺯﺍﺩﺕ ﺍﻟﻤﺼﺎﺭﻳﻒ فأعطيتك ٥٠٠

فسـأله ﺍﻟﻤﺘﺴﻮﻝ :
ﻭﻛﻢ ﻋﺪﺩ ﺃﺑﻨﺎﺋﻚ ؟

ﻗﺎﻝ ﺍﻟﺮﺟﻞ : ﺃﺭبعة .

ﻗﺎﻝ ﺍﻟﻤﺘﺴﻮﻝ :
ﻭﺇﻥ ﺷﺎﺀ ﺍﻟﻠﻪ ﻧﺎﻭﻱ
تعلمهم ﻛﻠﻬﻢ ﻋﻠﻰ ﺣﺴــﺎﺑﻲ ؟

احيانا الجميل والمعروف يحسبه الاخرين حق لهم مش كرم منك 😃

27/09/2025

«العالم يقف مع غزة».. الرئيس الكولومبي يقود تظاهرة داعمة لـ فلسطين 🇵🇸

27/09/2025

بنتي من ذوي الهمم وواحد شايب عنده ٧٠ سنة اعتـ.دى عليها، ومن يومها واحنا عايشين في جحيم.😭
المتهم طلع من السجن، طب حق بنتي يروح فين؟
حق خلود بنتك فين يا سيادة الريس، حضرتك متبنيهم وابوهم؟💔
خلود ضايعة في المجتمع ومحدش بيسأل فينا.
أنا عايزة حقي من المدعو "خليل"، البلد كلها عارفة أن سمعته وحشة، رجل متحرش.
ولاده ماشين بيزغرطوا وبيوزعوا كانز!😢
بنتي من يوم الواقعة مبتبطلش عياط وصريخ، وبتاخد علاج نفسي.🥹
احنا في حالنا وأسرة بسيطة جدًا والله… ليه الغلابة يضيعوا في البلد ده؟💔
ضحك عليها واستدرجها بكيكة وكيس عصير، وعمل فيها فعل فاحش في بيته ٤ أيام متتالية، وهددها بالقتـ.ل.😓
بقولها: مقولتليش ليه؟
تقولي: خايفة يا ماما، بيقولي هدبحك.💔
علشان ما وكلتش محامي، الجاني طلع براءة.
مبقاش في أمان في الدنيا خلاص بعد اللي تعمل في بنتي.😰
يارب خدني ومعتش أشوف حاجة وحشة في عيالي تاني😔.. أنا بستغيث بيكم اعتبروا خلود بنتكم أو أختكم واقفوا معي لوجه الله، قلبي محروق ياناس💔😭
ادعوا لخلود ربنا يشفيها ويوقف لها ولاد الحلال يرجعوا لها حقها🤲

08/04/2025

الصبح ربيع
الضهر صيف
المغرب خريف
بليل شتا
السنه كلها في يوم واحد

03/04/2025

صوره معبره قول رايك

20/11/2024

بسرعة قبل ماياخد باله يالاه

الرسمة تتحدث عن الخلع بدون علم الزوج في مصر..المخالف للشرع ..بل وأحياناً تعيش معه وتأكل وتشرب وتتعامل معه وهي رافعة قضية خلع بدون علمه .. قمة كفر العشير والإحسان
واذا كان هناك محامي يشترك في مثل هذا وهو يعلم فهو عليه وزر ويأثم
ان الحكم الا لله يقص الحق وهو خير الفاصلين

17/11/2024

جميع الذنوب مغفورة
الا لؤم الفلاحين

06/04/2024

الإتحاد الياباني لكرة القدم يقيل المدرب مورياسو بعد الخروج من ربع نهائي كأس آسيا أمام ايران في أول منافسة رسمية له كمدرب!
نتائج منتخب اليابان منذ تولي مورياسو العارضة الفنية:
اليابان 0/6 السلفادور ✅
اليابان 1/4 بيرو ✅
اليابان 1/4 ألمانيا ✅
اليابان 2/4 تركيا ✅
اليابان 1/6 كندا ✅
اليابان 0/2 تونس ✅
اليابان 0/5 ميانمار ✅
اليابان 0/5 سوريا ✅
اليابان 0/5 تايلاند ✅
اليابان 1/6 الأردن ✅
اليابان 2/4 فيتنام ✅
اليابان 1/3 اندونيسيا ✅
اليابان 1/3 البحرين ✅
اليابان 2/1 العراق ❌
اليابان 2/1 ايران ❌
اقالة !

06/04/2024

_ هناء يا بنتي، أنا عندي ليكي خبر حلو وخبر وحش

= قولي الحلو الأول يا ماما

_ الزمالك خد الدوري

= فرحتيني يا ماما

_ و جوزك اتجوز عليكي

= شرمتيني يا ماما

_ قليل الأصل الوlطي

= اللي صبرت عليه أكتر ما الأهلي صبر على حسين الشحات

_ واديتيله فرص اكتر ما موسيماني ادا لبواليا

= هسيبله البيت وامشي

_ السـ ـت اللي تسيب جوزها لضرتها زي الفريق اللي ينسحب من الدوري

= طب ما عادي احنا عملناها كتير

_ بس احنا خلاص دوقنا طعم الدرع

= عندك خطة ؟

_ متخرش الماية

= قسمي يا ماما

_ احنا هنستدرجه لنص ملعبنا، هتعملي نفسك مغـ ـفلة

= طب ما انا already مغـ ـفلة

_ هتتغـ ـفلي اكتر

= هبطل اهـlجم ومش هسأله كنت فين وبتعمل ايه

_ العبي دفاع وحطي نفسك في دور الضحية

= هيلاقي الملعب مفتوح قدامه فهيبرطع براحته

_ تستغلي الثغرة الدفاعية اللي اتفتحت في جبهته وتلعبي عالهجمة المرتدة

= ازاي ؟

_ تزرعي جواه الإحساس بالذنب

= وبعدين اعرفه اني كشفته على حقيقته

_ متشوطيش من برا ال 18 يا حمـlرة ، انتي مش مجدي قفشة

= أعمل ايه ؟

_ اقفي عالكورة

= طب ولو فست ؟

_ هنفخها وهنفخك

= كملي يا ام الكباتن

_ هتغيري طريقة لعبك معاه، عامليه بحنية واهتمام

= فيحس بالفرق بيني وبين غريمتي

_ تقومي انتي تسـ ـرقي منها الاستحواذ

= ما انا معرفش بتشيله فين

_ هو ايه ؟

= الاستحواذ

_ همسـ ـح بكرامة أبوكي الملعب، ركزي معايه

= معاكي يا كوتش

_ زوديله جرعة الاهتمام والحنية

= الطاق طاقين

_ زوديله جرعة الدلع والملاغية

= اتنين في اتنين

_ تلعبي على النقلات السريعة

= من رجل لرجل ؟

_ مرة تسهريه لحد الفجر، فيروح عند التانية ينام

= ومرة احطله شربة ملح في الاكل فيقضي اليوم في الحمام

_ ومرة تعملي نفسك عيانة فتلطشي منها الاهتمام

= لحد ما ضرتي تيأس وتفوتلي ماتشات زي الاسماعيلي

_ تصعدي انتي وتاخدي الصدارة

= يتخانقوا مع بعض خناقات ياما

_ وتبقى حياتهم دوامة

= إن جالي وهو مصدع ؟

_ تكونيله برشامه

= واذا شاف نفسه عمر الشريف ؟

_ تبقي انتي فاتن حمامة

= التانية هتزهق منه وتقوله مع السلامة

_ تقوليله جددلي عقدي يا إما هروح بيراميدز

= يكتبلي الشقة بإسمي، ما هو لسه دايخ من الصدمة

_ والبت التانية أكيد مرجعتش الساعات

= حارس مرماه متشتت، ألعب عالركنيات

_ وان فكر يتجوز عليكي تاني ؟

= دا يبقى أكيد حمـ ـار

_ لإنك ساعتها هتطالبي بالرجوع للڤار

= الشقة هتبقى بإسمي، وهكون قصقصت ريشه

_ احنا مش ناس وحشين، احنا بنحميه من طيشه

= لو بص لواحدة غيري، دا هيبقى غبـ ـي غبـ ـاااااء

_ هو اللي هيرفع شعار سنظل أوفياء

= العو آهو آهو

_ العو آهو آهو

06/04/2024

_ ما تتحرك بقى يا اسطى ورانا شغل

= لسه العربية ناقصة نفر ، تدفعه انت ونتحرك ؟

_ وادفعه انا ليه ، أدفع أجرة واحد مركبش العربية اصلا ، احاسب على كرسي فاضي ؟

= بلاش تحسبها بالطريقة دي ؟ اعتبر انك بتشتري وقتك

_ وايه اللي هيحصلك انت لو طلعت ناقص نفر

= عادةً الطرف اللي بيقدم تنازلات بيكون الطرف الأضعف والأكتر احتياجا للطرف التاني

_ طب ما انت فعلا محتاجني

= وانت كمان محتاجني ، الاحتياج متبادل لكنه غير متكافئ

_ وازاي بقى نقدر نحسب مين فينا محتاج التاني أكتر

= معدل الاحتياج بيتناسب بشكل عكسي مع معدل الاستغناء ، انا اقدر انزلك من العربية دلوقتي بنفس الطريقة اللي احمد زاهر سرب بيها بنت محمد رمضان في مسلسل البرنس

_ طب ما انت ساعتها هتخسر الأجرة اللي كنت هدفعهالك

= مش صحيح ، انت هتنزل وفيه زبون غيرك هيركب مكانك وانا ميفرقش معايه الأشخاص ، انا اصلا مش بشوفكم بني آدمين

_ أمال بتشوفنا ايه ؟

= كل واحد من زبايني هو بالنسبالي مجرد أربعة جنيه مرميين على الأرض

_ هي دي بالظبط نظرة الرأسمالية العالمية للمواطن ، مجرد مستهلك مش إنسان

= من غير حساسيات يا عزيزي ، انت كمان بتشوفني مجرد قفا

_ قفا ؟

= فور شور ، انت بتشوف مني قفايا بس وعمرك ما هتهتم تشوف وشي ، مع إن أول أساسيات التواصل الإنساني ان الناس تبص في وش بعض

_ اللي انت بتقوله دا ميديلكش الحق تستغلني

= انت بتسميه استغلال وانا بسميه استثمار فرص

_ دا لوي دراع

= قانون الندرة النسبية بيقول ان السلع الأقل توافرا أكبر سعرا

_ بس انا اقدر انزل واخد تاكسي

= وبدل الأربعة جنيه اللي مش عايز تدفعهم هتدفع 40 جنيه ، أبقى انا كسبت وانت خسرت

_ مش هركب تاكسي ، هركب ميكروباص تاني ، هو يعني مفيش غيرك في الموقف ؟

= لا طبعا فيه ، بس انا اللي عليا الدور ، لو ركبت ميكروباص تاني مش هتخسر فلوس فعلا

_ بالظبط

= بس هتعيد الجيم من الاول ، هتقعد تستنى الميكروباص لما يحمل ، وهتخسر وقتك وهتتأخر على شغلك وهيتخصملك وهتتهزأ من مديرك ، يعني خساير بالجملة

_ مش مهم ، بس هخوض معركتي معاك للآخر ، مش هسيب سواق زيك يستغلني ويلوي دراعي

= لما تدخل معركة لازم تحسب كويس أوي انت هتخسر إيه وخصمك هيخسر ايه

_ هخسر وقت وفلوس ومديري هيهزأني يعني هخسر كرامتي كمان

= عظيم ، وخصمك بقى هيخسر إيه

_ .......

= سكّت يعني ، عشان مش هخسر حاجة ، انت بتحارب نفسك يا صديقي مش بتحاربني انا

_ متفرحش أوي كدا ، انا في اللعبة الجاية دي هقلب عليك الترابيزة وههزمك هزيمة ساحقة

= أحب اشوف

_ يا جماااااعة ، احنا ازاي نسمح لواحد زي دا يستغلنا ويلوي دراعنا ويأخرنا عن أشغالنا ، اللي بيحترم نفسه وعنده كرامة ينزل من الميكروباص دا دلوقتي ونركب مع سواق تاني

= بتهيج عليا الجماهير ، لأ صايع ، بس للأسف انت بتلعب على الوعي الجمعي ودا تغييره بيحتاج عشرات السنين ، علشان كدا مش هتلاقي تفاعل كبير مع تحريضك

_ بالعكس ، فيه اتنين نزلوا من العربية بالفعل ، وهسخن الباقيين عليك

= انت بتعمل حركة ثورية غير واعية ، كل الثورات الشعبية اللي حصلت في العالم خضعت لسيناريو واحد

_ ايه هو ؟

= محرض زي حضرتك كدا ، قلة بتستجيب ليه ، زي الاتنين اللي نزلوا من العربية ، وأغلبية قاعدة بتتفرج ومستنية تعرف مصير الثورة ، لو حست انها هتنجح بتنضم ليها ولو العكس بتفضل قاعدة في مكانها

_ وبعدين

= زي ما انت شايف الاتنين اللي نزلوا مش لاقيين مواصلات عشان انا كنت اخر واحد في الموقف وهيفضلوا واقفين الوقفة دي لحد ما ميكروباص من اللي راحوا يرجع تاني ..

_ فا ؟

= بقوا عبرة لبقية الركاب ومحدش هينزل ، وحضرتك بدل ما كنت هتشيل كرسيين ب 8 جنيه هتشيل اربع كراسي ب 16 جنيه

_ طب خد 20 وابعت أربعة جنيه وبسرعة ، انا ما بسيبش حقي يا حبيبي

علي حربي Ali Harby

27/09/2025

27/09/2025

27/09/2025

08/04/2025

03/04/2025

20/11/2024

17/11/2024

06/04/2024

06/04/2024

06/04/2024

Address

Telephone

Website

Alerts

Contact The Establishment

Shortcuts

Share