Amir Abaza

Amir Abaza تِلت شَاعر .. تلت ميت .. تلت بيحاول يعيش

16/10/2021

قوليلي يعني هو صحيح \ في منك كتير يعني ؟
ولا التركيبه دي نادره .. يا أول حد دلعني
يا أول بوسة جات عافية .. يا أول حضن بالنظرات
يا سحرالي
وعملالي
حصار وليا أنا بالذات
يا أكتر حد غيرت عليه
ومجنون بيه
ودايب قلبي أنا فـ معاليه
قوليلي ليه ؟
تدوبي لما بتعصب .. وتفرحي لما أغير وأغضب
ومش دا بس لا اكتر .. لما أقولك "وحشتيني"
يا روحي وقلبي وسنيني
يا ضحكة بتيجي وسط الليل \ يطل نهار
خلاص يا حبيبتي صدقتي \ فـ بعدك إن أنا بنهار ؟
موافق إني لو حاضنك \ نخش النار

14/10/2021

(بـ)صيتي فـ لاقتني .. مشيتي فـ نسيتني .. دأنا قولت (حـ)بتني
و (بـ) دأت إني أفوق
بين القوسين في (خازوق)

14/10/2021

الغشّ مَلى كوكبي .. والكدب مش مذهبي .. أسترنا لجل النبي/ من عين ولاد الكلب
الدعوة دي م القلب

13/10/2021

بحبك قولتهالك حَق
عشقتك قولتهالك حَق
لمستك شُفت كل الحَق
وسيبتك قولتهالك زيف .. بعيد عنك حياتي خريف
حياتك إية بعيد عني ..

10/10/2021

لحسن الحظ أو سؤه .. مسير المر هندوقة .. لقيتة فاتحلي صندوقة / وقالي أختار
سبت الجنة ورا ضهري / وخدت النار

09/10/2021

مّيت بيّوزع ع العايشين أيام تتعاش ... !!

07/10/2021

بكون مبسوط .. بـ ألم وأشوط .. وجوه باموت \ ونار قايدة
هانرجع لية مافيش فايدة

06/10/2021

يارب نفسي فـ طلب \ لو يعني بس تقيل
"أنا نفسي أنام بالليل"

05/10/2021

بجد زهقت دي النوبة
من أترجاكي وأشتاقلك
من أنساكي ف بفتكرك
في إيه تاني هيثبتلك ؟
بإني بحب معاليكي
سقوني السم ف عنيكي
حصان طروادة كان إنتي
وكسبوا الحرب بإديكي
لعل هزيمتي تهديكي
وبدّعي وأخاف
دعايا يصيب ويجي فيكي
ولسة بخاف
حروفي أكتبها تأذيكي
في إيه تاني

05/10/2021

بكتبلك من جوه الأوضة
وباعلق سيرتك ف دولابي
أنا حبك خسرني أحبابي
مش هاكتب عنك ولا منك
ولا أبين دمعي قصاد ننك
ولا هاشطب أسمك م الحيطة
مش قادر أسمع م الزيطة

بكتبلك من جوا حروفي
من جوه القلب اللي ف جوفي
من جوه مشاكلي مع ظروفي
من جوه الركن اللي بأسمك
بكتبلك وأكتبلك وأمسك
دمعاتي لتغدر وتخوني
بكتبلك وأنا بكتب عني
وبروح من روحي لروح مني
بهرب من عيني ألقى النني
بيعيط برضه وبيعاند
بكتبلك وأنا لسة بعاند
وأشبطلي كلام هيسيء مني
بكتبلك وحروفي تألمني
بكتبلك ف ألقاني بكتبني ؟
ف أشطبني وأنام

ليه هاه ليه
03/10/2021

ليه هاه ليه

01/10/2021

خلينا نتكلم بجد
الموت طريق.. ولقاك طريق
والحظ ماينجيش غريق
وأنا طبعي شيء وحظي شيء
ومهما كان جنبي الوسع / حاسس بضييق
بالمختصر ، مطلوب صديق

Address

Cairo

Telephone

+201013530423

Website

Alerts

Be the first to know and let us send you an email when Amir Abaza posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Amir Abaza:

Shortcuts

Share

Category