Abdullah Rashad - عبدالله رشاد

Abdullah Rashad - عبدالله رشاد Automotive engineer https://instagram.com/abdullahrashad1?utm_medium=copy_link

زيادة اسعار البنزين بدءا من اليوم الخميس
02/03/2023

زيادة اسعار البنزين بدءا من اليوم الخميس

‎اسعار جميع السيارات بتاريخ ٦/٥/٢٠٢٢
06/05/2022

‎اسعار جميع السيارات بتاريخ ٦/٥/٢٠٢٢

ايام ما كانت العربية بتمن فردة كاوتش
06/10/2021

ايام ما كانت العربية بتمن فردة كاوتش

لما تبقي ظابط و متخانق مع مراتك
05/10/2021

لما تبقي ظابط و متخانق مع مراتك

جواز سفرك و تذكرة الطيران لو سمحت 👮🏽‍♀️😂
29/09/2021

جواز سفرك و تذكرة الطيران لو سمحت 👮🏽‍♀️😂

ضبط ٧٣٠٠ لتر زيت مغشوش بأحد المصانع بدمنهورالتابعه لمحافظة البحيرةوآلاف العبوات الفارغه والمعباة والاستيكرات لتقليد العل...
24/08/2021

ضبط ٧٣٠٠ لتر زيت مغشوش بأحد المصانع بدمنهور
التابعه لمحافظة البحيرة
وآلاف العبوات الفارغه والمعباة والاستيكرات لتقليد
العلامات التجاريه

خدو بالكم و متغيروش زيت غير في اماكن مضمونة

اسعار جميع السيارات بتاريخ ٢٢/٧/٢٠٢١
22/07/2021

اسعار جميع السيارات بتاريخ ٢٢/٧/٢٠٢١

لما اشوف حد من بتوع بحب الصيف اوي ..
04/07/2021

لما اشوف حد من بتوع بحب الصيف اوي ..

انهارده كان مؤتمر اطلاق السيارة الكهربائية نصر E70 بعد شهر تقريبا من قرار وقف استيراد السيارات الكهربائية المستعملةطبعا ...
16/06/2021

انهارده كان مؤتمر اطلاق السيارة الكهربائية نصر E70 بعد شهر تقريبا من قرار وقف استيراد السيارات الكهربائية المستعملة

طبعا قرار منع استيراد السيارات الكهربا المستعملة حيشجع شركة نصر و باقي التوكيلات انها تنزل موديلات كهربا و تفتح محطات شحن و مراكز صيانة و توفر قطع غيار ليها، لأن قبل القرار كانت المنافسه صعبة بسبب توافر المستورد المستعمل باسعار معقولة.

نأمل ان القرار ده ميخليش التوكيلات تنزل العربيات الكهربا باسعار مبالغ فيها زي مابتعمل مع البنزين و ان يكون في رقابة خصوصا لو انتاج محلي زي نصر و انها بتشجع و بتدعم السيارات الكهربا لانها صديقة للبيئة و اقل في مصاريف التشغيل لأنها لا تستخدم بنزين ولا زيوت و لا فلاتر و لا سيور و لا بوچيهات و لا مشاكل سخونية و الخ الخ.. ده غير الضرايب و الرسوم اقل بكتير من البنزين.

و دي مواصفات نصر E70 حسب كلام الشركة:

* تصل السيارة الي سرعة قصوي ١٥٠ كم/ساعة بقدرة ١٤٧ حصان و ٢٦٠ نيوتن/متر عزم و مدي قيادة يتخطي ٤٠٠ كم في الشحنة الواحدة.

* انظمة امان متطورة ABS , EBD , ESC , BA , TCS , HSA

* تتمتع الفئة العليا بمدي قيادة يتخطي ٥٠٠ كم للشحنة الواحدة

* سرعة شحن من ٣٠٪؜ الي ٨٠٪؜ في ٣٠دقيقة (DC) و الي ١٠٠٪؜ خلال ٨ ساعات (AC)

* مواصفات رفاهية متعددة لراحتك مثل فتحة سقف و كراسي كهربائية و شاشة تحكم و مكيف هواء بتكنولوچيا البلازما.

* انظمة امان اضافية مثل الرؤية المحيطة ٣٦٠ درجة، مؤشر ضغط الاطارات، Reversing radar و BSD

عمرو مجايفر سنة 2003 و هو سايق مكان الفنانة أصالة و بيصور فيديو كليب "تصور بحبك"
31/05/2021

عمرو مجايفر سنة 2003 و هو سايق مكان الفنانة أصالة و بيصور فيديو كليب "تصور بحبك"

الصيف دخل علينا و واضح كده انه حيبقي حر نار 🔥فإيه اللي المفروض نعمله مع دخول الصيف و ايه اللي المفروض نكشف عليه في العرب...
26/05/2021

الصيف دخل علينا و واضح كده انه حيبقي حر نار 🔥
فإيه اللي المفروض نعمله مع دخول الصيف و ايه اللي المفروض نكشف عليه في العربية🤔

اول حاجة تراجع علي دورة التبريد و تتأكد ان كل جزء فيها بيأدي دوره كويس و دي تقدر تعملها بنفسك بنسبة ٩٠٪؜ من غير متروح لحد متخصص 🔧

١- سائل التبريد (المياه)💧: و دي اهم جزء في دايرة التبريد لان هي اللي بتمتص حرارة الموتور و تطرد الحرارة دي في الجو عن طريق الريدياتير، لازم تتأكد ان من منسوبها في القربه و الردياتير و العربية باردة انه ما بين الماكسيمام و المينيمام، و يفضل تستخدم مياه معالجة ضد الصدأ و بدون املاح.

٢- الردياتير 🔥: و ده عبار عن خزان مياه بيكون موجود ورا الاكصدام الامامي و وظيفته يبرد المياه عن طريق التبادل الحراري مابين المياه و الهوا المحيط بيه نتيجة فرق درجات الحرارة ما بينهم، و ده لازم تتأكد انه محكم و مش بيسرب مياه و مش بينفس بخار من الغطا بتاعه او اي وصلة منه، و يستحسن تغسلة من بره و من جوه و يتسيخ عند اي متخصص ردياتير.

٣- المروحة او في بعض الموديلات مروحتين💨: و دول وظيفتهم يساعدو الردياتير و سربنتينة التكييف انهم يتخلصوا من الحراره عن طريق دفع الهوا و حاول تتاكد انهم شغالين و صوتهم و حركتهم طبيعيين، دور العربية و سيبها تسخن لحاد مايشتغلو و لو عايزهم يشتغلو من غير ماتستناها تسخن شغل التكييف.

٤- قربة المياه: و دي عبار عن خزان احتياطي بيجمع المياه الزيادة من تمدد المياه نتيجة تسخينها و تعويض الانكماش بعد ما تبرد، و برضه لازم تتأكد من احكامها و عدم التسريب منها او الغطا او اي وصلة.

٥- شجرة المياه: و دي عبارة عن ماسورة معدنية متصلة بالموتور مسئولة عن توزيع المياه لاماكن مختلفة في الموتور، و ذي كل ماسبق لازم تتأكد انها مش مكسوره او مصدية او بتنفس مياه من اي حته.

٦- ترموستات الكوعة: و ده عبار عن محبس بيتحكم في مرور المياه من الردياتير للموتور و بيكون في اخر الخرطوم اللي بيوصل بين الموتور و الردياتير ناحية الموتور و لاز تتأكد انه مش بيعلق او يتأخر في الفتح و حنتكلم عنه في بوست منفصل.

لو اتأكدت من كل ده و لسه الموتور بيسخن غالبا حتكون طلمبة المياه او طبات المياه او السربنتينه الداخليه او چوان وش السلندر او حساس الحرارة او فيشته و سلكه او كنترول و دول يفضل فحصهم عن طريق متخصص.

بعد ما راجعنا علي دورة التبريد ندخل علي تاني حاجة

الكاوتش:
اكشف علي حالة الكاوتش كويس بحيث مايكونش ممسوح او ناشف او مشقق و كل ما كان لونه اغمق كل ماكان اجدد و تاريخ انتاجه بيكون عبار عن اربع ارقام مكتوبين علي كل فرده (رقيم للسنه و رقمين للاسبوع) و خلي ضغط الهوا و هو بارد مابين ٢٨ و ٣٢ علي حسب نوع عربيتك حتلاقي مكتوب الضغط المثالي بتاع كل عجلة علي القايم الوسطي من تحت او علي غطا تانك البنزين و حاول تملاه نيتروجين علشان تمدده اقل من الهوا العادي و حط في اعتبارك ان ضغط زيادة يعني فرصة اكبر انه ينفجر و فرامل اضعف و يقصر العمر الافتراضي و ضغط اقل يعني استهلاك بنزين اكتر ده غير الزوايا اللي حتخلف منك فمتستهونش بيه.

تالت حاجة لو الصيانة الجاية قربت اعملها دلوقت، الزيت الجديد حيفرق معاك و كمان لو فيها تغيير سيور و فلتر تكييف يبقي احسن و ماتنساش تراجع علي مستوي زيت الفتيس و الفرامل و الباور و تتأكد من حالتهم، و اشحن التكييف عند حد عنده جهاز تيكسا او اي نوع تاني علشان يظبطلك وزن شحنة الفريون بالجرام لان فريون اكتر او اقل يعني تبريد اضعف.

اخر حاجة حاول دايما تركن في حته ضل و ماتفولش تانك البنزين عالاخر و يستحسن لو بالليل.

دمتم سالمين و مستمتعين بالصيف 🏖

Address

Cairo

Website

Alerts

Be the first to know and let us send you an email when Abdullah Rashad - عبدالله رشاد posts news and promotions. Your email address will not be used for any other purpose, and you can unsubscribe at any time.

Shortcuts

Share

Category