31/07/2023
الصورة دي لصلاح اول يوم يصل فيه اوروبا تقريباً سنة 2013.
حتي باين مكنش عامل حسابه في چاكيت حتي و الدنيا غرقانه 😀
المهم … بستعجب جداً بإيمان صلاح لحلمه وتمسكة بيه ! يعني الفترة دية هو كان لسة نادي الزمالك قايله "انت لا تصلح للعب في نادي كبير زي الزمالك" …متخيل؟؟ انت متخيل كسره النفس!
طب بلاش جاله عرض من بازل السويسري ، حد من المسئولين بدون ذكر أسماء قال له علي الهواء علناً "انت يا صلاح مش عارف العيشة في اوروبا عاملة ازاي الموضوع مش بالبساطة دي لازم تستعد"
متخيل صلاح نجم نجوم القارة الاوربية والعالم الان وهو بيفتكر الكلام دة بعد مرور 10 سنوات كاملة من النجاحات.
احلم يا صديقي ، الأحلام مجانًا …وصدق نفسك . يومكم جميل❤️
