15/11/2023
مش دايما تعبيرك عن المشكله بيكون كلام و مش دايما كل حاجه هتمشي زي ما خططت ليها
ومن هنا هيكون معانا تاني passion
ساره شخص هادي أوي بالرغم من أي حاجه صعبه بتمر بيها بتعرف تتعامل معاها
دائماً كنا بنلاحظ أن ساره بتحب ترسم زخرفة بشكل عشوائي بشكل مستمر حبينا نسألها كام سؤال كدا ونشوف إذا كان للزخرفة هدف ولا مجرد هواية بتحب تمارسها
أول سؤال كان اشمعنا الزخرفة؟
إجابة ساره كانت فوق المتوقع وهيا أنها بتعبر عن إي لغبطه وتفكير جواها الزخرفه مع أنها بتترسم بشكل عشوائي ومن غير ترتيب كتير هترتب كل اللي في دماغي وهتخليني أعبر عنه بصورة أوضح.
السؤال الثاني كان إزاي كل الرسومات بتطلع perfect بالشكل دا مع أنها فيها تفاصيل كتير ؟
و اتصدمت من الاجابه للمره التانيه
الاجابه كانت بالنص كدا "مفيش اي رسمه برسمها بتكون بيرفكت لو دققتي في التفاصيل هتلاقي في عيوب كتير و انتي لو جربتي ترسمي زخرفه من غير ما تركزي انها تكون حلوه او تخافي انها تطلع وحشه هتلاقي ان الموضوع مش صعب ابدا بس محتاح صبر"
كلامي مع ساره وضحلي قد إيه مش لازم الحاجه اللي بعملها بشغف لازم تكونperfect
وجود طاقه الpassion فيها هيخليك تطلعها بأفضل صورة حتى لو دا مش هدفك انتا بس اعملها وانتا بتحبها
كلامنا مع ساره حسسنا أن موهبة زي دي لازم تكون ليها مساحه اكبر أنها تظهر فقررنا أنها ترسم على سور المدرسه كنوع من أنواع التعبير عن نفسها لأني دي الطريقه الوحيده بالنسبالها
بالتوفيق ل ساره
