Creation Art school CAS

22/07/2024

كانت الرحلة شاقة - لكنها تستحق العناء
الحمد لله رب العالمين
ترقيتي لدرجة أستاذ التمثيل والإخراج والإنتاج المسرحي

12/07/2024

تحديث
تنويه
البروفة الأولى لتوزيع أدوار عرض مسرح الطفل الغنائي وبداية ورشة مسرح الطفل المجانية باكر إن شاء الله ... الإثنين 15/07/2024 الساعة 6.00 مساء ... المسرح الكبير بقصر ثقافة الأنفوشي ... ويمكن لمن لم يتقدم للاختبيارات استيفاء استمارة القبول على اللينك المرفق والحضور لإجراء الاختبار في المكان والموعد المحددين

25/06/2024

12/04/2024

شانزليزيه لوفر قوس النصر ... مين قال جاي؟
——-
حدث ذلك عام 2008،كنت أنا في لندن، وكان الصديق حاتم حسن في السويد مع صديقنا المشترك المخرج والمنتج السويدي ليوناردو كوليبرج ( ونناديه بــــــ ليو ) ... وفي لحظة طيش عابرة اتفق ثلاثتنا عبر الإيميلات - وكانت هي لغة التواصل السائدة في ذلك الوقت - أن نلتقي في باريس لقضاء أجازة قصيرة نتوجه بعدها للإسكندرية ... ولأن حاتم وليو كانا من هواة الترتيبات والتنظيمات والبحث في خرائط جوجل؛ فقد قررت أن أترك لهما مهمة حجز الفندق وتحديد برنامج الرحلة الباريسية على عاتقيهما.
بالفعل التقينا في مطار شارل ديجول، وتوجهنا إلى فندق صغير في وسط مدينة باريس، وكان لهذا الفندق العظيم حكاية سبق وأن سردتها باسم (أسانسير باريس العظيم) تحت هاشتاج
.
من غرفتي الضيقة بالفندق الصغير اللي فيه أسانسير شبه التابوت، هاتفت السيد حاتم
- حاتم ... هو ليه احنا قاعدين في الفندق البيتيت ده؟
- عشان نكون قريبين من متحف اللوفر
- وليه نكون قريبين من اللوفار تحديدًا
- جيمي ... اسمه اللوفر
- ماهو أنا وإنت بس اللي بنتكلم ... إيه مشكلة إني أقول اسم المتحف غلط
- لأنك ممكن تتعود تقوله غلط
- طيب تمام ... احنا ليه سكنا جنب متحف اللوفر؟
- عشان لازم نروح بدري
- طيب ما نسكن في فندق أكبر بعيد ونركب المترو
- الوقت اللي هانروح فيه المتحف مش هايكون المترو اشتغل
- ليه يعني ... هو المترو هنا في باريس بيصحى متأخر؟
- لأ ... احنا اللي هانروح بدري
- عادي يعني .. المترو في مصر بيشتغل من الساعة 7.00
- وهنا بيشتغل من الساعة 6
- مش فاهم ... هو احنا هانروح المتحف الساعة كام؟
- الساعة5.00
- لا يا راجل
- وهو متحف اللوفر بيفتح الساعة5.00؟
- لأ ... بيفتح الساعة 7.00
- أمال هانروح الساعة 5.00 ليه؟
- عشان نقف في أول الطابور وبالتالي نقدر ندخل بدري
- يعني أفهم من كده إني هاقف طابور ساعتين؟
- ويمكن أكتر شوية لو روحنا لقينا ناس
- طب ليه كل العذاب ده؟
- عشان نلحق نجري نروح للموناليزا نشوفها
- يعني احنا لو اتأخرنا ... الأخت موناليزا هاترفض تقابلنا؟
- لأ ... بس الناس كلها بتجري بأعداد مهولة عليها الأول ولو اتأخرنا ممكن منعرفش ندخل الصالة اللي فيها الموناليزا
- طب ما تيجي ناخدها دنجة دنجة ونروح نبات هناك وننام وقوفًا في حب الموناليزا
- لأ ... نام أحسن ونصحى الساعة 4 ونص نتحرك على اللوفر
- يا عم الساعة لسه 10.00 ... مش هاعرف أنام
- هاتعرف صدقني ... بس حاول ... تصبح على خير
ظللت مستيقظًا طوال الليل ... في تمام الرابعة والنصف كنت في بهو الفندق ... أنا عارف ليو وعارف حاتم ... لو نزلوا ملقونيش هايمشوا عادي جدًا وهاينسوني لنهاية الرحلة ... اتحركنا ... بالفعل مشينا 10 دقايق كنا وصلنا المتحف ... في بهو المتحف توجد مسلة فرعونية عظيمة ... شعرت بالفخر والفخار وبالنعاس والرغبة في النوم من شدة الإرهاق ... لكني تصرفت كما يفعل الرجال وتحملت ... دخلنا ساحة كبيرة بعد الهرم الزجاجي ... وفوجئت بطابور طويييييييل
- إيه ده؟ ... مين دول؟
- دول الناس اللي سبقونا ... اللي جم قبلنا وهايدخلوا يشوفوا الموناليزا قبلنا .... بص بقه ... أول ما يفتحوا باب الدخول ... هانقطع التذاكر وطيران ... ليو هو اللي هايجري الأول واحنا وراه .. هو هو اللي حافظ السكة لصالة الموناليزا ...
- ونجري ليه؟
- عشان نلحق
- وكل الناس دول هايجروا؟
- أيوة وهاتشوف
- طيب معلش ... خدني على أد عقلي ... أدينا بنسلي نفسنا في الساعتين اللي هانترزعهم واقفين في حب الست مونا زفتة
- إيه بس
- هو الناس دول كلهم عارفين مكان الموناليزا؟
- لأ طبعًا ... بس في الغالب فيه شوية عارفين بيجروا ... والباقي بيجروا وراهم ...
- تمام ... يعني أنا لو جريت في أي حتة الناس دول ممكن يجروا ورايا على اعتبار إني عارف
- أيوة طبعًا
- طب أنا هاجري .... وهاخليهم يجروا ورايا ... وهاقطع نفس اللي خلفوهم
- بلاش هزار يا جيمي
- يا عم واحد عاوز يجري هما مالهم بقه ... محدش قالهم يجروا ورايا
ومضت الساعتان كأنهما دهراً ... وصلنا لباب اللوفر ... وقطعنا التذكرة ... وفجأة ليو قعد يجري ... وأنا وحاتم وراه .... وفجأة بابص ورايا لقيت ناس كتير جداً بيجروا ورى ليو ... وفجأة وقف ليو ووقف الناس اللي وراه ولقيت حاجة عجيبة جدًأ ... إيه ده؟ ... دي الموناليزا ... طب وإيه يعني؟ ... مانا شفتها في الكتب والكتالوجات وعلى النت ... قربت ... شفتها من قرب ... الحقيقة اتبسطت ... مش عارف ليه ... بس في الغالب فشخرة ... أديني شفت الموناليزا واتصورت معاها ... وكانت سايبة الناس كلها وبتبص لي أنا بس ...
خرجنا من عند الموناليزا ... لقيت حاتم وليو بيجروا ...
- هو احنا بنجري ليه؟ مش خلاص شفنا الموناليزا؟
- ايوة ... بس لازم نمد شوية عشان نلحق نخلص حتى ربع المتحف
- آآآه ... أفهم من كده إن
- المتحف كبير جدًأ
- وإننا
- هانكمل الفرجة جري
- تمام ... استعنا على الشقا بالله
وجريت وراهم – مش معاهم – لأنهم كانوا بيجروا بسرعة رهيبة ... هما يجروا وأنا أجري لغاية ما حسيت إن رجليا مش شايلاني
- ممكن ناخد بريك
- مش هاينفع يا جيمي ... الوقت ضيق
- أنا بقى لي ساعتين بالهث
- خلاص هانت
- أنا حاسس إني باشتغل مش باتفسح
- معلش هانت
وفجأة لقيت ترابيزة مدورة كبيرة وحواليها ناس قاعدين وأمام كل واحد كومبيوتر
- هما مين دول؟
- زوار للمتحف
- وإيه الأجهزة دي؟
- أجهزة كومبيوتر لأقسام المتحف
- عليها الحاجات اللي هنا يعني؟
- آه
- تمام
وروحت قاعد أمام واحد من الأجهزة ....
- مش فاهم ... إنت هاتتفرج على اللوفر وانت جواه من على الكومبيوتر؟
- أيون
- إنت بتهرج؟
- ايون ... أنا نفسي اتقطع
- روح انت اجري ورى ليو ولما تخلص ارجع خدني
- مش هاينفع
- ليه؟

26/03/2024

أسماء الأطفال الذين تم قبولهم في ورشة مسرح الطفل:
مع ملاحظة أن مواعيد التدريبات وتعليمات الورشة سيتم إرسالها على الواتس آب ... حظ سعيد للجميع

17/03/2024

بيان بالمقبولين لدخول اختبارات القبول للورشة المجانية في مجال التمثيل للأطفال …
موعد الاختبارات:
يوم السبت الموافق 23 مارس 2024 الساعة الثامنة مساءً بقصر ثقافة الشاطبي - شارع بورسعيد - الشاطبي - الإسكندرية - بجوار بيت شباب الشاطبي و المطافي ... خلف مسرح بيرم التونسي............
برجاء الالتزام بالموعد مع تحضير مشهد تمثيلي في حدود 3 دقائق لكل طفل
حظ موفق للجميع
في حالة وجود استفسار يرجى التواصل من خلال رسائل الصفحة
…..
للراغبين في التقديم
استيفاء الاستمارة والحضور يوم السبت في الموعد والمكان المحددين
رابط الاستمارة
….

https://docs.google.com/forms/d/e/1FAIpQLSdTgzQkkrvr_LO-0g-QmW8aLasqAzPBI6_wPbirWNy7E1HAKg/viewform?fbclid=IwAR3ElLMexSEBEIwwXfI9e7AK9AxoWZJdWnKHHseHlMqCRZ8W-w2KhnSd_lU_aem_AZDDp0FRBWtlVXhP0-0xUXNrs_Czu7t50i-Fkb0c2bbYrYvIrXJL0H31oWapGl0CJjU

30/01/2024

من يومين وأنا باحاول الرد على العدد الكبير من البوستات والرسايل اللي وصلتني بمناسبة عيد ميلادي
الحقيقة أنا خايف أبدأ أرد ومعرفش أكمل كل الردود وده أمر مش لطيف بالنسبة لي
سوف أسعى جاهدا كي أجد الوقت وارد بإذن الله
،،

أنا كتبت البوست ده عشان أقول إني قريت كل البوستات والرسايل' وكل كلمات الشكر والامتنان لا تكفي للتعبير عن تقديري واحترامي وسعادتي بما تفضلتم به من كلمات طيبة أو دعوات أتمناها مستجاة بأمر الله
….
لكم جميعا محبتي
وبإذن الله يسعدني الوقت بالرد على بوستاتكم بكل ود واحترام وتقدير
ممتن

18/12/2023

محاضرات في الإنتاج المسرحي

محاضرات الإنتاج المسرحي المقررة على طلبة الفرقة الثالثة بقسم الدراسات المسرحية بكلية الآداب بجامعة الإسكندرية .... والمقررة كذلك على طلبة قسم الدراما والنقد ...