الشعر الملحون

  • Home
  • الشعر الملحون

الشعر الملحون Contact information, map and directions, contact form, opening hours, services, ratings, photos, videos and announcements from الشعر الملحون, Art du spectacle, Djelfa.Ala5017, .

قصيدة كورونا يا خوتي ذا الوقت سماط مرض الكورونا كي حاط هاذ الريح علينا ساط والناس تسقط وتموت يا ربي راه القلب فاط حل عل...
02/05/2025

قصيدة كورونا
يا خوتي ذا الوقت سماط مرض
الكورونا كي حاط
هاذ الريح علينا ساط والناس تسقط وتموت
يا ربي راه القلب فاط حل علينا هاذ الرباط
جانا ذا الوقت البطاط الرجالة سكنت البيوت
سيارة الشرطة بعياط تمشي ومعاها السواط
تسمع في حس الصباط يا ربي شدة وتفوت
جيش الأبيض بنشاط حطم كورونا بشياط
هبطها في البير تسڨاط هاذو ولادنا وهاذو خوت
صل على النبي بصلاة قد الطيور لي وطواط
قد المطر لي هطهاط قد الشجرة نبت التوت
يا خوتي ذا الوقت سماط مرض الكورونا كي حاط
هاذ الريح علينا ساط والناس تسقط وتموت

رد الشاعر الخثير بن سايح على قصيدتي السابقة ..بسم الله نبداوها باسم المعبود // بها من يبدى ايعمرلو زادو .... ...
15/02/2025

رد الشاعر الخثير بن سايح على قصيدتي السابقة ..
بسم الله نبداوها باسم المعبود // بها من يبدى ايعمرلو زادو .... والصلاة على احمد مفتاح الجود // والعشرة لصحاب هوا واولادو... ياباعث خط لبريا واش ايكود //شوف اكلامي هاك واسمع لنشادو ... الزهرة فال العرب شوف المقصود // يرجع للباتول واجب تمجادو ... ليك اسلام العز واذراعي ممدود // نفخر بالحرات من عنا جادو ... من معدن تاج العرب ناس البارود // مشهورين اخبار عنهم يتعادو ... خط اجوابك كيلي جاني مزيود // فيه اوصاف الخير نعرة لسيادو... رفدك صوتي في اخيوط المجد ايعود // قرزيا زاد الحنين التقصادو... عربية وتاك شكيت المجبود // مول النيف ايعود فخرة لبلادو ... انتي ليا في النسب من جد اجدود // وانا نفخر بالعرب كما رادو ... الى زختي بالعرب راني معدود // فارس من فرسانها جاب اعيادو... ليك الشكر.. وراجية ..في العين اتعود // كانت سبة في الكلام وتعوادو .

بن السايح جانا جوابك وقريناه💌يعجبني ذاك الكلام كي ساويسلطان الصحراء شعرك يامبهاه🫅ومانقدر نڨطع الواد اللي قاوينڨدم ونوخر ...
15/02/2025

بن السايح جانا جوابك وقريناه💌
يعجبني ذاك الكلام كي ساوي
سلطان الصحراء شعرك يامبهاه🫅
ومانقدر نڨطع الواد اللي قاوي
نڨدم ونوخر ياخوفي من ماه
نمشي عالاجناب الطالع والهاوي
عام على الصحراء ونخلو رواه🏜️
وأرسى في الاغواط ذا الڨمر الضاوي🌝
سلامي عالارباع كل واحد بسماه
وناس الأغواط عز البراوي❣️
نوريلك أصلي بوسعادة في اتجاه
وبلاد الثوار أقصد ياناوي
والحاجة الزهرة تترجى فالله
ونتمنى حجة كثرو بالدعاوي🤲
وصلاة الرسول ذكرو يامحلاه
يا طب المعلول الڨلوب يداوي

التجهيزات لشهر رمضان الفضيل🌙وأشكر ابنتي على هذه الهدية وأطال الله في عمرها 🤲❤️‍🩹
13/02/2025

التجهيزات لشهر رمضان الفضيل🌙
وأشكر ابنتي على هذه الهدية وأطال الله في عمرها 🤲❤️‍🩹

يا عيسى موحال الميمة تتنسى 😥🫀عز الوالدين ما عندو حدود 🤱مذكورين في القرٱن❣️ والنبي وصى والرابع الأب في هذا المعدود يا شمس...
10/02/2025

يا عيسى موحال الميمة تتنسى 😥🫀
عز الوالدين ما عندو حدود 🤱
مذكورين في القرٱن❣️ والنبي وصى
والرابع الأب في هذا المعدود
يا شمس النهار جا وقت المسا😔
وتمسيتي راحت ماعادتش تعود🥺
يا نخلة في بستان وصبحتي يابسة💔
وهب عليها ريح وشهيلي مصهود
يا ضو البيت الميمة الوناسة🫀
وعيسى يبكي والدمعة على الخدود😢
طال الجفى والڨلب ڨسى 😿
وفراشك تراب قطاوك بلحود
يوسع ڨبرك كما ڨال عيسى
ندعولك بالرحمة في جنة الخلود
وارحم يا ربي رجال ونساء 🤲❣️
واغفر يا ربي وانتايا المعبود
بصلاة الرسول تحلى الجلسة 🤲
وصلى الله عليه محمد بحر الجود

21/12/2024

قصيدة عن قناة سراج التعليمية

قناة سراج أهلا وسهلا بيك 🥰
عمرتي البيوت بالشعر الملحون
نشكر الحصة ولي يسير فيك
وليدي الغالي عيسى جعرون
جميع الشعراء الكل ترحب بيك
ودارو ميعاد للكلام الموزون
والشاعر القويني يبكي ويبكيك😢
وعلى وليدو راه من ڨلبو ممحون
جرح الكبدة صعيب الله لا يبليك😔
وليدو وميمتو طفات الكانون
يخاطب في الڨمر يا ڨمر يهديك🌑
ونسني وعلاش ولدي موش لهون
يا ڨمر ولدي راه يشبه ليك 😥
ونصر الدين اليوم في ترابو مدفون
يا شاعر دمعاتك حرقولك عينيك
بكيت جماعة ونصر الدين مايهون 😢
ياشاعر هذا حكم الله سبحان المليك
يمدلك ويدي واسع هذا الكون
وليدك في الجنة يفرش ويغطيك ويشفع في أهلو لي فاتو بقرون
جوار الرسول محمد نبيك
شفيع الأمة لينا إيد العون
لي جابت الأبيات يا سامع نوريك
ميمة هشام بالڨلب الحنون
صلو على الرسول راه الخير يجيك
صلى الله عليه بالالاف مليون ❣️

خاطرة عن عرش القبائل 🥹❣️يعجبوني أهل القبايل يا ناس القيمة والشان والنية والزين الهايل عندو ما قال الفنان يعجبوني أهل ال...
25/11/2024

خاطرة عن عرش القبائل 🥹❣️
يعجبوني أهل القبايل يا ناس القيمة والشان والنية والزين الهايل
عندو ما قال الفنان
يعجبوني أهل النيف يا سعد من جاهم ضيف ڨابلوه بالڨلب النظيف وكلامهم سكر يبنان
عندو ما قال الفنان
كي تشوف عراسهم تحير فولارا وجبة الحرير على وجوهم باين الخير وحرير يلمع بالألوان
عندو ما قال الفنان
نحبهم عزاز عليا أهل الجودة واللزمية سلام وألف تحية للقبايل في كل مكان
عندو ما قال الفنان

قصيدة ولاد سيدي زيان ❣️🥰توحش ڨلبي للعرش المعلوم يا سيدي زيان أهلك وراهم الله لا شيفور لي بيا معزوم للغرب ثمة سيادي نلقاه...
25/11/2024

قصيدة ولاد سيدي زيان ❣️🥰
توحش ڨلبي للعرش المعلوم
يا سيدي زيان أهلك وراهم
الله لا شيفور لي بيا معزوم
للغرب ثمة سيادي نلقاهم
يا عز اللي جا ليهم ق مضيوم
أما لبعيد راه مشتاق لقاهم
أهل الجودة والكرم فرسان اللوم
يا سعد لي قصد ليهم وجاهم
مصابني حمامة على البيوت نحوم
ونصبح سيادي ونتمساهم
وبنيات شابات ليسع شاو الصوم
يا سعد من ناسب منهم وداهم
تفكرت البيوت والقاشي ملموم
ناس البادية كي توحشناهم
ما نرقدش الليل ما جانيش النوم
ڨولولي كفاه ڨلبي ينساهم
سهرانين على الڨمرة والنجوم
والخيمات كبار يعجبني هواهم
وشيوخا حجاج بالدين المتموم
سهرو بالصلاة طاعو مولاهم
الله لا شيفور وفارس قمقوم
يدينا وحنا نالو رضاهم
الزهرة عطاوة يا سامع مفهوم
سهل يا ربي للعرش نصفاهم

قصيدة الصداقة الصافية 2🥹❣️🥰إسمك مليكة يا بنت الملوك يا وردة بيضاء فتحتي في بستان يرحم اللي جاب أمك وأبوك يا شمس البكرة ض...
25/11/2024

قصيدة الصداقة الصافية 2🥹❣️🥰
إسمك مليكة يا بنت الملوك
يا وردة بيضاء فتحتي في بستان
يرحم اللي جاب أمك وأبوك
يا شمس البكرة ضوك عاد يبان
أنت فحلة مع الفرسان نعدوك
أنت فارسة تحضر في الميدان
أنت كريمة بالخير نكرموك
أنت جوهر راه غالي في الأثمان
أنت ڨمرة ونجومك شهروك
ضوك يسطع راه في كل مكان
أنت تفاحة وأغصانك تحفوك
وريحة العطور تفاح ويبنان
أنت أميرة وخدامك طاعوك
تاجك يلمع راه ياقوت ومرجان
في كل أعيادك نقولك مبروك
وربي يحفظك من عين المعيان
إسمك سميرة في الأردن سموك
الزين العربي راه شايع في الأوطان
يحفظلك البنات بالعلم يشرفوك
وتفرحي بيهم في هاذ الزمان
قد ما نعبر راه كلماتي ما يكفوك
أنت أصيلة ورجالك شجعان
ألف تحية وسلامي نهدوك
الميمة الزهرة في هاذ العنوان
وصلاة الرسول برنوسو نكسوك
صلى الله عليه المصطفى العدنان

قصيدة الصداقة الصافية 1🥹❣️🥰باسم الله نبدى بقدرة المليكسبحان الله ما يخلق في الانسان خلق نخلة بثمارها تغذيك دڨلة نور الصا...
25/11/2024

قصيدة الصداقة الصافية 1🥹❣️🥰
باسم الله نبدى بقدرة المليك
سبحان الله ما يخلق في الانسان
خلق نخلة بثمارها تغذيك
دڨلة نور الصافية على البعد تبان
وشجرة تين بثمارها تشهيك
في أرض الجبال مالت بالأغصان
وشجرة الزيتون بزيتها تشفيك
كرمها ربي على صحة الأبدان
يرحم اللي جاب ولي مربيك
فتيحة وردة وفتحت في بستان
إسم على مسمى ومفتاحك في يديك
كساية الأطفال وفتحتي البيبان
مثلتك نخلة وربي يبارك فيك
والتين والزيتون مذكورة في القران
ڨد ما نعبر راه ڨولي ما يكفيك
فتيحة أصيلة وأهلك ناس زمان
ألف تحية وسلامي ياتيك
ميمة نصيرة في هذا العنوان
والصلاة على الرسول محمد نبيك
شفيع الأمة في كل مكان

Address

Djelfa.Ala5017

17000

Website

Alerts

Be the first to know and let us send you an email when الشعر الملحون posts news and promotions. Your email address will not be used for any other purpose, and you can unsubscribe at any time.

Shortcuts

  • Want your establishment to be the top-listed Arts & Entertainment?

Share