Tamedyezt

Tamedyezt Informations de contact, plan et itinéraire, formulaire de contact, heures d'ouverture, services, évaluations, photos, vidéos et annonces de Tamedyezt, Art, Chemini.

25/08/2024

Nekni nfelleq tiqermin
I wakken ad nečč imensi
Ur ntett lḥeq wiss sin
Amnar yeggar-d inebgi
Nettqadar wid nettissin
Amer azekka d amḥaddi
Nezṭṭa tagmat ad tt-nisin
Tregmem lxiḍ d yisegni

Tasuta-w nekk d imnayen
Ččan tamemt s wansayen

Nurar tiqqar s isɣaren
Acḥal nexdem deg twuɣa
Nuker tizurin zegzawen
Nuker ddala deg tala
Nessen ssnasel, ijenwiyen
Tissist, amayaf d tmiɛna
Acu kan nessen irgazen
D teqbaylit nemyufa

Ɣas deg lḥif i neɣli
Werǧin nesrebreb aqbayli.
..
Salim Benkhelifa / timiḍt

20/08/2024

Yiwen n wass amer ad ḥeṛeɣ
Aveṛnus a n ufennan
Deg ssuq ad t-zenzeɣ
Ma ad d-yawi aṣuṛdi yeflan
S ukustim ad t-id-vedleɣ
Ak-yexzu ṛebbi a ciṭan
Ar tefranin ad kecmeɣ
amer ad yi-terrem d berzidan

Tamurt as-vedleɣ tikli-s
Ad wen-tterreɣ d tagelda
Xeṛsum ad ivan yixef-is
Γef ukursi ur tettnaɣem ara
Yal wa ad yeqqim deg umkan-is
Ad tfak fell-aneɣ lgira
Anef ad nessuden afus-is
Awi-d kan ad naf lehna

Tilisa ad tent-lddiɣ
i la jeunesse ad ḥewsen
Aken ad walin ddunit
D teḥdayin ad ḍsen
Ma ksan-d cwiṭ n targit
Lḥcic ur yenɣi yiwen
Xiṛ ma ttalin ar wedrar
Ad mten neɣ ad nnɣen

Vuṭit fell-i tamurt ad teḥlu
Vuṭit fell-i tamurt ad d-ḥyu

Ala ayen i εeddan ifat
Ad awen-kkseɣ lbira
Ad d-ǧǧeɣ yiwen neɣ snat
Ger lmeɣṛev d lεica
Sew deg uxxam-ik a winat
Ma yella ur tezmiṛḍ ara
S*k tettugadeḍ lala-k
Meẓiyeḍ tella kuka

Likulat ad izdigen
Ddin ad teǧǧeɣ deg veṛṛa
Lǧwameε ad ǧuǧgen
Zdat-sen timezgida
Tamaziɣt amcci ad ttnɣeɣ
Ad nesɣeṛ s yes tusna
Yerna ad kkseɣ lεeskeṛ
Xuḍi ur zmiren i kra

Ma d rrus d marikan
Amer i vɣan ad aɣ-cekkḍen
Yak d nutni i d awen-ifkkan
Lvarrud d iveckiḍen
Ssnat ṭeyaṛat yerkan
Ad asent-addin ɣef yirden
Ad tent-id-εasen seg yigenwan
S lazuq ad tent-id-ṭfen

Vuṭit fell-i tamut ad teḥlu
vuṭit fell-i tamurt ad d-ḥyu

Am nekni am nekni am wiyiḍ
Ur tufiḍ i ɣixuṣen
Nezmer i lḥif d uṣemmiḍ
D lḥkum-agi i yeqqeṛsen
D netta i ɣ-yewten ɣer lvir
D netta i d aɣ-yesṛexsen
Mazal yekkat avendir
Anef i leǧnas ad ḍsen

Vezgen vezgen yesɣaṛen
Aka i d tamurt n miki
Ay tesεa deg yimelyaṛen
Lxudma ur d aɣ-tt-id-tefki
Ulac i d aɣ-d-iṣaḥen
Am win yettṛebbin ivekki
Am aken is-qaṛen
La taḍuṭ wala ayefki

Yexleḍ yexleḍ wexlaḍu
Tamurt-a d ayen teεkes
Yekker chômage deg waḍu
Tewweḍ-aɣ tfidi s iɣes
I iεeddan acḥal aya
Tidyanin macci yiwet
Tagi tifitent meṛṛa
ad aɣ-d-svedden lmeyyet

Vuṭit vuṭit tamut-agi amk ara teḥlu
Vuṭit vuṭit ɣef lmeyyet awen-tt-id-yeḥyu

Ulḥlu "vuṭit"

Nek cubaɣ ar wamanTtnaεwajen yɣsan-iwƐeddaɣ ak ansa εeddanUr icerreg weksum-iwD win yefeɣn amdanFurqaɣ idisan-iwUr uliɣ ...
28/01/2024

Nek cubaɣ ar waman
Ttnaεwajen yɣsan-iw
Ɛeddaɣ ak ansa εeddan
Ur icerreg weksum-iw
D win yefeɣn amdan
Furqaɣ idisan-iw
Ur uliɣ s igenwan
Qimeɣ d watmaten-iw
Gar-asen iyella laman
Uma mbaεd lmut-iw
Γas akn deg-i huban
A(d) yi-sawalen ajeniw
Ur tesεiḍ wi iyiwalan
Ttefreɣ ula ma d tili-w

Täyëb Böunäb

20/01/2024

Täyëb Böunäb
Ɣusten Bellaɣ

Ttɛiceɣ iman-iw d awḥidAnda akken i qebḍen lṛwaḥVedduɣ ass-iw ajdidS nehta deffir-s acmumeḥImir ad fɣeɣ ar wevrid Feṛḥeɣ...
05/12/2023

Ttɛiceɣ iman-iw d awḥid
Anda akken i qebḍen lṛwaḥ
Vedduɣ ass-iw ajdid
S nehta deffir-s acmumeḥ
Imir ad fɣeɣ ar wevrid
Feṛḥeɣ yufayi-d ṣveḥ
Ad nadiɣ i yellan d ajdid
Ttafeɣ-d aqdim d ameddaḥ.

📝Täyëb Böunäb
🎨Oporski Artt

Ass n lǧemɛa taṣevḥitƔer lewhi n tẓallit Ufiɣ aɛzuzu di lɛinserM-tɛenqiqt taṭwaylitZzin d taṛumitTettraḥ d zzit d laɛteṛ...
03/12/2023

Ass n lǧemɛa taṣevḥit
Ɣer lewhi n tẓallit
Ufiɣ aɛzuzu di lɛinser

M-tɛenqiqt taṭwaylit
Zzin d taṛumit
Tettraḥ d zzit d laɛteṛ

A wi tt-yufan d zzwaǧ-is
Deg uxxam iman-is
Lɛic ɣer ṛebbi yedder

SI MUḤ U MḤEND (as n lǧemɛa tasevḥit)

Swlach id-nedder lmuḥalS temẓi id-nedder temɣerS yiles id-nenna awalS wawal ineẓẓa aẓarS waẓaṛ ineṭṭef g akalG akal i ge...
11/07/2023

Swlach id-nedder lmuḥal
S temẓi id-nedder temɣer
S yiles id-nenna awal
S wawal ineẓẓa aẓar
S waẓaṛ ineṭṭef g akal
G akal i genta waẓaṛ

n idamen #Amek a yiṭijMa mazal-ik ad d-ceṛqeḍ?Amek a yawalMa mazal-ik ad tḥedqeḍ?Amek a tagmattMa mazal ad tessusmeḍ?A...
14/06/2023

n idamen #
Amek a yiṭij
Ma mazal-ik ad d-ceṛqeḍ?
Amek a yawal
Ma mazal-ik ad tḥedqeḍ?
Amek a tagmatt
Ma mazal ad tessusmeḍ?
Amek a tajmaεt
Melmi ara tveddeḍ?

A ttmettaten d imeẓyanen
Quvlen ṛṣas s yedmaren
Yiwen seg-sen
Yeǧǧa-d ɣef lḥiḍ tavṛatt
Aken ad tt-teɣrem
S idamen yura-tt

Amk-ik a yul
ma mazal deg-k talwit?
Amek a temẓi
Ma mazal tevɣiḍ ddunit?
Ayen a tamurt
Tḍul fell-am tmeddit?
Amek a tafsut
Ma mazal-am-id talit?

Deg verdan meẓẓiyit a ttiẓifen
Quvlen iqjan ifasen d ilmawen
Yiwen seg-sen
Yeǧǧa-d ɣef lḥiḍ tavṛatt
Aken ad tt-teɣrem
S idamen yura-tt

Amek a yamsedrar
Ma mazal acengu d gma-k?
Amek a tuddar
Ma mazal ger-akunt ṣkak?
Amek a yadrar
Ma tεeqleḍ idim n tarwa-k?
Ass-a a afar
Γef iẓuṛan ad t-ttwaqleε tara-k

D asfel rruḥen d imeẓyanen
Quvlen ṛsas s yedɣaɣen
Yiwen seg-sen
Yeǧǧa-d ɣef lḥiḍ tavṛatt
Deg walmaten
S idamen yura-tt

Tilelli, tilelli, tilelli...

Murad Zimu

09/06/2023

Am uderɣal,
Islef i yudem ameɛzuz / ɛzizen
yettnadi ad d-yaf di sṣuṛa
ur yettwali ara
tayri issen ad tessuneɣ …
fkiɣ i targit
ineḍfaṛen n wudem ur nettwasen
s laḥṛaṛa sebceklaɣ
tayri, araju d uxayel
d tɣawsiwin yecban tudert …
Di tnekra ;
ifasen-iw dilmawen
udem iruḥ am laxyal,
akud ur d-yugra di tirga…
maca qqimen ger yifassen-iw leqwas n wudem ur nettwassen
naɣ n targit yebwi lefwaṛ.

Nad Belqasmi
Tasuqilt : T.H (ⵜⵓⴼ)
Tawelaft : David Galstyan.

Adresse

Chemini

Site Web

Notifications

Soyez le premier à savoir et laissez-nous vous envoyer un courriel lorsque Tamedyezt publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type