Wimy Collection

15/09/2026

الزبونة هادي من بين الزبونات اللي كانو حابين يرزقهم ربي بالسكن ويدخلو دارهم بمنتجات Wimy ويعطرو بمعطراتنا ويزينوها بشموعنا 🥹🤎

والحمد لله يسر الله لزبونتي الطيبة ذلك ودات كامل واش كاين في خاطرها 🫂🤎
بصحتها وربي يبارك في بيتها ويجعله دائما مباركا طيبا وعطرا 🤎

12/09/2026

🤎 حابة تبداي مشروعك الخاص من دارك؟ 🤎

مادابيك ماتحتاجيش محل كبير، ولا رأس مال ضخم باش تبداي؟؟
ديري قي بالك بلي أحيانًا مشروع صغير من البيت يكون هو أول خطوة للاستقلالية والدخل الإضافي 🫰🏻🤎

شاركي معانا في دورتي 👇🏻🤎

🕯️ صناعة الشموع
🌸 صناعة المعطرات
🎁 منتجات تقدري تبيعيها حسب الطلب وبأذواق الزبائن

والأجمل
تقدري تبداي بإمكانيات بسيطة ورأس مال معقول، وتكبري مشروعك تدريجيا كل ما يزيد الطلب عليك 🥰🤎

في دورة صناعة الشموع والمعطرات أونلاين راح تتعلمي خطوة بخطوة:

✔️ المواد الأولية ودور كل مادة
✔️ طريقة الحساب والنسب
✔️ طرق التصنيع والتطبيق
✔️ أساسيات تساعدك تبداي مشروعك من البيت
✔️ نصائح حول المواد الأولية والتغليف وأماكن اقتنائها

🤎 ما تستنايش الظروف المثالية باش تبداي…
ابداي بالإمكانيات اللي عندك وطوري مشروعك خطوة بخطوة

التسجيلات في الدورة بدأت وبداية الدروس يكون بعد الدخول المدرسي إن شاء الله 🥰🤎

📲 الدورة أونلاين عبر Telegram

إذا كنتِ حابة تتعلمي حرفة وتحوّليها لمشروعك الخاص، هذه فرصتك باش تبداي 🕯️🤎

📩 للتسجيل والاستفسار، تواصلي معي عبر الخاص 👈🏻 Wimy Collection 🤎

07/09/2026

وأخيييرااااا 🥹🤎
بعد ما طلبتووووها مني وكاين اللي حرفيا عندهم أكثر من سنة يطالبوني بيها 🤎
دورة الشموع راهي واجدة ولله الحمد 🫶🏻
الحمد لله أن وفقني الله لذلك وكان لازم ناخد وقتي
لازم نكتسب الخبرة أكثر ولازم كي نصورهالكم تكون فيها كل التفاصيل
لكن الصيف كان صعيب علينا جميعا
والحمد لله يسر الله لي تحضيرها كما ينبغي 🤎

ومنه التسجيلات مفتوحة للإنضمام وبإذن الله الإنطلاقة تكون بعد الدخول المدرسي هكدا نتوما تتفرغو وأنا كذلك 🤎
ومنا لهاداك الوقت نسجلو بعقلنا 🤎🤎🤎
وحبيت نقولكم أي حاجة نعرفها راني حطيتها في

الدورة واللي دارو معايا الكونكريت والمعطرات راهم علابالهم 🤎

المهتمات اتواصلو معايا في الخاص باش تسجلو 🫶🏻🤎
التفاصيل كلها مكتوبة في الصورة 👇🏻🤎

19/08/2026

وشنو لونكم المفضل؟! 🫶🏻

18/08/2026

18/08/2026

السلام عليكم ورحمة الله وبركاته زبوناتي الشابات 🤎
حبيت نقولكم أنه المتجر مغلق حاليا حتى يوم الأحد 6 سبتمبر 🤎
الخاص راهو مغلق حتى استئناف العمل 🫶🏻

وطبعا القااادم أجمل إن شاء الله مع تشكيلة الخريف واللوك الجديد للمتجر كالعادة 🫶🏻

اللي تحب تشري من متجر سكن تقدر تروح طبعا المحل مفتوح ✅🤎
العنوان باش جراح بازار طيبة الطابق الأول رقم 1/15
نحطلكم الصفحة في التعليقات ماحبش يطاقيهالي 🤎

16/08/2026

بما أنه رانا نستناو الخريف والشتا يجو 😭🤌🏻
قلت نحمسكم شوية معايا للتعطير تاع الخزانة كي نجبدو حوايج الشتاء 🫶🏻

وطبعا باستخدام منتجاتنا اللي كامل تعرفوها وجميع واحد جربها ما ندمش عليها 🤎🫶🏻

وولات روتين لبزاف نسا ودايمن تكون حاضرة في الميناج تاعهم 😌👌🏻

خدمتلكم فيديو توضيحي لواش تحتاجو باش تعطرو خزانتكم ✅👌🏻

أول واحد الزيت العطري اللي نقول عليه قنبلة 🤯ماشي غير معطر ✅
كي ديروه الريحة تضرب للمخ تالمون قاوية ومستحيل ما تولوش مدمنات عليه قطرات منو بررك تمدلكم واحد التعطير وطلعلكم المورال 😍
يصلح للخزانة تمسحو بيها الخشب تاعها وللقجور وكامل لبلاكارات المهم ماشي وين الماكلة ✅

الكموسات اللي خدمتها ماشي غير التعطير ❌
تمتصلكم كامل الروائح الكريهة وتعبقلكم كامل الخزانة تاعكم وحوايجكم

وتقدرو ديروها تانيت في الحوايج اللي تنحوهم وتخبوهم هكدا يبقاو معطرين وحتى للعام الجاي تفتحوهم ماتلقاو حتى ريحة فيهم ✅
بالعكس كلش يولي يعبق 😍😍

المعطرات حبايب القلب 🥹🤎
اللي ماعندي ما نهدر عليهم خلاص وليتو تعرفوهم مليح وماكاش كيفاش تبدلوهم ولا تستغناو عليهم 👌🏻🤎
رشي مهم وخلي الغرفة تاعك كامل تريح ماشي غير خزانتك 🤎😌

14/08/2026

الزبونة هادي أول مرة تعاملت معاها بعثتلي الفكرة اللي حبتها وقالتلي اخدميلي ثلاثين حبة 🤎
وكانت خفيفة ظريفة 🥹
توزيعاتها من كثر ما جاو خفاف على قلبي وتمتم خدمتهم قلتلها ما نحطهمش حتى تشديهم بيديك 🫣🤎
خفت نكون عاينتهم هههههه
والحمد لله عجبوها بزاف وفرحت بيهم
وربي يهنيها 🫶🏻🤎

29/07/2026

صباح الخير عليكم أولا 🫶🏻
ثانيا
جزاكن الله خيرا على كل كلمة قلتوها في حقي والحمد لله كي قلت بلي نتوما اللي تجاوبو ماشي أنا كان حسن ظني بيكم في محله 🤎
وأسأل الله أن يغفر لي ما لا تعلمون ويجعلني خيرا مما تظنون 🤎

ثالثا
أرواحو نحكو شوية على المعاملات بين الناس 🤎
وعلى التسرع والحكم المسبق واللسان الذي لا يحفظه صاحبه 🤎

المواقع هادي مع الأسف خلات الناس يعلقو بتعليقات فيها بزاف حكم على غيرهم والأذية ولات أسهل بكثير مما سبق مع الأسف!

تكون قاعد في أمان الله تلقى شخص يسب فيك ولا يتهمك باتهامات باطلة وكاين وين تلحق للقذف والعياذ بالله!

وهادا كامل خلف الشاشة برك صدقوني غير لوكان الشاشات يروحو واحد ما يتجرأ على غيره وجميع واحد تشوفوه طاغي تلقاوه مجرد كيس منفوخ مافيه والو من غير الهوا 👌🏻

ومن الأدب أنه الإنسان يتريث في كلامه… ماشي واش يجي في بالك تهدريه وماشي واش فهمتي نتي لازم يكون صح!

باش تحكمي على شخص لازم تعاشريه سنوات وياربي إذا قدرتي تعرفيه على حقيته
فكيفاش تقدري تحكمي على إنسان خلف الشاشة؟ 🤔
عمرك ما تعاملتي معاه ولا حكيتي معاه؟ 🤷🏻‍♀️

وأخيرا مهما كثروا الناس هكدا ماتقدروش تلحقو والله… راكم بزاف وماشي موالفة نحط 👌🏻
بصح صدقوني غير ماتقدرولي خطرش ختكم ماشي تاع اللي تقدر تهبط لمستوى تربيتي ماتسمحليش نكون فيه 🤎

وإذا حدث سهوا مني وهبطت النيفو اتأكدو بلي كان لازم يهبط باش نرد على صاحبه ونعاود نطلع مستحيل نبقا لتم 🫂🤎
والحمد لله راني في سنوات تاع عمل ليومنا هذا ما تكبرت وماراحش نتكبر
وبلا العمل تربيتي ما تسمحليش نتكبر على الناس ولا نشنف عليهم والحمد لله هذا فضل منه أولا ثم فضل من والدي اللي رباوني على الأمر هذا ومستحيل تعبهم فيا يضيع علاجال ناس ما تستاهلش 🤎

هذا تعليق واحدة أول مرة نشوفها في صفحتي 😅
حطيت ريل نقصر ونقصد بيه فئة بااااينة شكونها

أنا مانحكيلهاش احكولها نتوما على معاملتي ليكم زبوناتي 🤎
مانبلوكيهاش باش تفهم بلي ماشي أرواح واطلق أحكامك على الناس 🫶🏻

28/07/2026

هذا تعليق واحدة أول مرة نشوفها في صفحتي 😅
حطيت ريل نقصر ونقصد بيه فئة بااااينة شكونها

أنا مانحكيلهاش احكولها نتوما على معاملتي ليكم زبوناتي 🤎
مانبلوكيهاش باش تفهم بلي ماشي أرواح واطلق أحكامك على الناس 🫶🏻