17/02/2026
كيفاه نلقاو خدمة ولا سطاج؟؟ ...... هذا السؤال لي سقساوني عليه آلاف المرات وليوم قررت ندير هاذ المنشور لي راح يكون خطرة منزيدش نهدر في هاذ الموضوع يعني احفظوه عدكم ، راح تبع هاذ الخطوات :
✅أولا : لازم تكون علابالك ومقرر واش هوما المناصب لي راك حاب تخدم فيهم إجباري ماشي تقول نحط وين جات كلات ، هكا راك تقلل فرصتك فالخدمة
✅ ثانيا : لازم يكون عدك سيرة ذاتية احترافية ( تعكس نقاط قوتك واش راح تقدم للمؤسسة ) + رسالة تحفيزية
✅ ثالثا: تفتح Google Map وتكتب كامل المؤسسات
لي يخرجو في دائرة لي تسكن فيها ولي قراب ليك
✅ تدخل للمواقع مثلا : واد كنيس ، لينكدن هاذو افضل موقعين فيهم تلقا خدمة بلخف وتفتح حساب وتحطcv تاعك ولا تشوف العرض لي يناسبك وتعيط لصاحب العرض خاصة واد.كنيس، لازم يوميا تدخلو تشوفو العروض المتوفرة
✅ راح دير نسخ بزاف من سير الذاتية والرسائل وتبدا تحط في المؤسسات لي شفتهم فmap كل شهر تعاود تولي وتحط سواء مؤسسات خاصة او عامة ( تربص او خدمة) السامط يغلب القبيح كل شهر ولي حط وماتمدش للعساس ادخل لسكرتارية او rh العساس ماتمدلوش السيرة
✅ بالنسبة للاشخاص لي حبو يديرو استخلاف ( سيرة ذاتية + طلب خطي ) وتروح تحط سيفي في المؤسسات التربوية او المدارس ، ثانويات .....
وهكا راح تلقاو نتيجة سريعة ،متعجزش اتفكر بلي مستقبلك بين يديك 💙💙
❌نصيحة فقط : كاين صفحات راهي غير تخلط وجيبك مودال سامبل وتقلك ats, هذا غلط مايهمش نوع سيفي صحيح ats فيه فرص لكن لازم كي تقراه تلقا بلي عكستلك قيمة مضافة ونقاط قوتك ، يعني الصح فتطبيق مش القول ،لانو بزااااف راهم يجوني ويقولولي شوف سيفي وانا منقدرتش نشوف كامل سيركم لكن اغلبية صفحات راهي تيري برك احرزو رواحكم
