06/06/2021
لما كنت بحل مشكلة لأحد المستوردين مع المورد الخاص بيه من أسبوع تقريبا .. ولما اقتربنا من الوصول الي حل للمشكلة واسترداد جزء كبير من فلوس المستورد الحمد لله -اللي كانت في شبه العدم تقريبا- لاأخفي عليكم جالي شعور فوري.. وهو شعور وإحساس #النجاح .. وإنك ممكن تحقق نجاحات كتير في حياتك .. والاهم هو ان النجاح ده ممكن ييجي في مسارات وطرق مختلفة وليس مسار واحد .. يعني ايه !!؟؟ يعني عايز اقول للشباب ورواد الأعمال إن طريق النجاح مش فقط طريق واحد بس ..لا .. النجاح طرقه متعددة .. وانك ممكن تعمل اكتر من حاجة في وقت واحد وهتختلف النتائج في طريق عن التاني .. يعني مثلا ..انك تقرر تتعلم لغة وفي نفس الوقت تتعلم E-marketing ونفس الوقت ايضا تعمل موقع صغير تبيع عليه منتجات محليه وهكذا … بعد فترة لما تيجي تقيم التلات مشاريع هتلاقي النتائج متفاوتة ممكن تكون قطعت شوط كويس جدا في اللغة وشوية يعني في تعلم ال E-marketing وبيع الموقع محققش النتايج اللي كنت متوقعها .. بس هتلاقي نفسك في النهاية انجزت انجاز واحد علي الاقل ونتايجه كويسة جدا .. ده بيديك ثقة في النفس مهمة .. وبيعطيك مؤشرات عن نقاط قوتك ونقاط ضعفك وده تقييم مهم جدا .
لذا انصح الشباب ورواد الأعمال في بداية حياتهم انك تجرب كذا حاجة مع بعض (ده في حالة انك معندكش تخصص واضح زي انك طبيب مثلا ومقرر تاخد النهج الاكاديمي او المسار الثابت في المجال) عشان تعرف مكامن القوة واين تكمن مهاراتك وتحسن توظيفها .
لما خضت تجربة حل المشاكل كان في اساس موجود اعتمدت عليه وبنيت عليه وهو وجود بعض مهارات التفاوض من خبرة دراسة التسويق وخبرة الحياة العملية وتوظيف العلاقات العامة .. ولما حاولت كانت النتائج ايجابية وسريعة .. عكس مسارات اخري لما بدأت في بعضها وجدت انها تحتاج لعناصر متعددة ليست متوقرة في الوقت الحالي وقمت بالتراجع عنها سريعا - وبالتأكيد ربما كان هناك بعض الخسائر الصغيرة - وده مهم جدا انك لما تشعر بالمخاطر تقف بسرعة تعيد تقييم الموقف وتاخد قرار ياإما بالاستمرار مع توقع الخسائر او التوقف والتراجع بسرعة وانقاذ الموقف .
خلاصة مااريد قوله .. حاول تحقق نجاحات سريعة (حتي لو كانت صغيرة) لأنها تقوي مسار الثقة بالنفس وده عامل مهم من عوامل النجاح في الحياة
ودمتم ناجحين 😊🌹
**الصورة حقيقية وحية من داخل غرفة المورد المشكلة
#القبطان
