09/19/2026
پختون وطن کے دو ایسے علما، مولانا خان زیب اور مفتی منیر شاکر، جنہوں نے حق بات کہی، پختونوں کے حقوق کے لیے آواز بلند کی اور اسی جدوجہد کے دوران انتہائی بے رحمی سے شہید کر دیے گئے۔ افسوس کی بات ہے کہ آج بھی کچھ لوگ، حتیٰ کہ بعض علما، ان حضرات کے نام تک سننا گوارا نہیں کرتے۔
سوال یہ ہے کہ کیا اسلام ہمیں نفرت، بغض اور ایک دوسرے کے خلاف دلوں میں زہر پالنے کا درس دیتا ہے؟ ہرگز نہیں۔ اسلام تو محبت، امن، برداشت اور بھائی چارے کا دین ہے۔
کسی کے دل میں کیا ہے، اس کے سینے میں کتنی محبت یا کتنی نفرت چھپی ہے، یہ اللہ تعالیٰ ہی بہتر جانتا ہے۔ جنت اور دوزخ کے فیصلے کرنے والے دنیا میں بہت ہیں، مگر آخری فیصلہ صرف اللہ تعالیٰ کے اختیار میں ہے۔
اللہ تعالیٰ ہمیں نفرت، تعصب اور زمینی خداؤں کے شر سے محفوظ رکھے، حق بات کہنے اور حق کا ساتھ دینے کی توفیق عطا فرمائے، اور مولانا خان زیب اور مفتی منیر شاکر سمیت تمام شہدائے حق کے درجات بلند فرمائے۔
آمین یا رب العالمین۔DIR Updates
