21/08/2026
Galerie Ndayizamba yafashwe n’umuriro, abacuruzi bahunga bakiza ibidandazwa
Bujumbura — 21 Myandagaro 2026. Inzu y’ubudandaji izwi nka Galerie Ndayizamba yafashwe n’umuriro mu gitondo co kuri uyu wa Gatanu, bitera ubwoba bwinshi mu bacuruzi n’abanyagihugu bari hafi y’aho hantu.
Amakuru ava mu bantu bari muri ako gace avuga ko umuriro watanguye kwibonekeza mu gice co munsi c’iyo nyubakwa, kizwi nka Cave. Kugeza ubu, inkomoko y’uwo muriro ntiramenyekana.
Umwotsi mwinshi wabonetse ududubiza hejuru y’inyubakwa, mu gihe umuriro wari ukomeje kwiyongera. Kuba Galerie Ndayizamba ikikujwe n’izindi nyubakwa nyinshi z’ubudandaji, vyatumye ubwoba bwiyongera ko umuriro ushobora gukwira no mu bindi bibanza.
Imiduga y’abazimya umuriro (Kizimyamwoto) yamaze gushika aho vyabereye, iriko iragerageza guhangana n’uyo muriro. Ariko, ku masanamu ari ku rubuga, umuriro uracibonekeza ndetse bibonekako na Garelie le parisien nayo iza yafashwe nayone.
Bamwe mu bacuruzi bafise amaduka murizo nyubakwa bariko barihutira gukura no guhungisha ibidandazwa vyabo, mu ntumbero yo kurokora ivyo bashoboye imbere y’uko umuriro ukwira mu bindi bice.
Kugeza ubu, amakuru arambuye ku vyangiritse, abantu bashobora kuba bakomerekejwe canke inkomoko y’umuriro ntaramenyekana neza.
QQQ
