05/04/2025
Sonsuzluğun illyuziyası , Yoxluğun içində
Instalyasiya sonlu və sonsuz arasındakı mürəkkəb əlaqəni araşdırır, insanın mükəmməlliyi axtarışında yolun özünü ön plana çəkir. Bu əsər insanı məkan və zamana dair fərqli yanaşmaları dərk etməyə dəvət edir.
Mənim işim xəyali, illüziya ilə zəngin sonsuz bir məkanı əks etdirir, burada köpük balonları xaotik şəkildə uçuşaraq mükəmməlliyin bütün formalarını simvolizə edir. Bu köpüklər inanılmaz dərəcədə kövrəkdir, insanın can atdığı mükəmməllik ideyası kimi. Hətta buna nail olunsa belə, bu mükəmməllik toxunduqda partlayan köpük kimi yox ola bilər.
Amma ətrafımıza baxsaq, əslində mövcud olan hər şeyin özündən mükəmməllik yaratdığını görərik. Həqiqi mükəmməllik hər bir anda mövcuddur, əgər insan onu görməyi öyrənə bilsə, hər “qüsur” əslində yeni bir mükəmməllik perspektivi qazandırır.
İşimin əsas ideyası insanın özünü dərk etmək və fərqli mənalara yol açmaq ehtirasını vurğulamaqdır. İnsan hər zaman yüksək bir ideal, daha yaxşı və naməlum bir şey axtarır. Mənim əsərimdəki işıq, bu axtarışı simvolizə edir – sanki gələcəyə işıq tutan bir fənərdir, yolu göstərir, lakin dəqiq cavab vermir. Burada məqsəd yalnız nəticə deyil, yolda əldə olunan təcrübədir – mənalı və zəngin.
İşə müşayiət edən musiqi də dərin immersiya yaratmaqda əsas rolu oynayır. Kosmosun səslərindən ilhamlanan bu musiqi sonsuzluğun və xaosun atmosferini gücləndirir. Səs kompozisiyası tamaşaçı ilə vizual elementlər arasında emosional əlaqə yaradır və düşüncə səviyyəsində işə daha dərindən qovuşmağa imkan verir.
Bu boşluq tamaşaçını qeyri-müəyyənliyin və sərhədsizliyin verdiyi azadlıqla üz-üzə qoyur.
Bu sərgi dəstəyi ilə xanımın böyük təşəbbüsü ilə açılan Yarat Müasir İncəsənət məktəbinin məzun sərgisidir. Mən belə bir məktəbin eləcədə sərginin bir parçası olmaqdan çox böyük qurur duyuram 😊✨ Bu işdə əziyyəti keçən hər kəsə dərin təşəkkürümü bildirirəm 🙏🏻
