Yazıçı qəzeti

21/06/2026

30/04/2026

Ramiz Rövşən - "ALLAH"

Gecə birin yarısıdı,
Nə dünəndi, nə sabah.
Iki günün arasında
Canım sıxılır, Allah.

Ulduzlardan yuxarısan,
Qorxuram yıxılasan.
Sən də bir az yuxulusan,
Mən də yuxulu, Allah.

Düşüb ev-ev, küçə-küçə,
Dünyanı gəzir əcəl.
Bütün ölənlər bu gecə
Səndən çıxılır, Allah.

Doğulan sənə vurulur,
Sən verən dinə vurulur,
Bir olan minə vurulur,
Bəndən çoxalır, Allah.
.. Nə qədər ki, göy üzü var,
Göydə hamının gözü var,
Sən də bax, bəlkə nəsə var,
Səndən yuxarı, Allah?!

30/04/2026

Saat neçədir, qumru...

Saat neçədir, qumru,
Sən qonduğun budaqda?
Vaxt iz qoya bilməyir
Bu bağda, bu otaqda...

Yorğunluq tezmi çıxır,
Qumru, candan budaqda?
Bir qulaq as, tar çalır
Yenə kimsə uzaqda...

Eşitdinmi, gördünmü,
Kəsilməyib tar səsi,
Quşların uçan yerdə
Kəsilirmi nəfəsi?

Qumru, bu gün başımdan
Kimsə ağlımı alıb,
Sən qonduğun budaqda
Bayaqdan gözüm qalıb...

Vaqif Səmədoğlu
1985