Məktəbli Teatrı

14/01/2026

Yağış sularının idarə edilməsi Bakının yeni kollektor şəbəkəsi planı
Müasir meqapolislərin qarşılaşdığı ən böyük infrastruktur çağırışlarından biri iqlim dəyişikliyi fonunda intensivləşən yağıntıların idarə edilməsidir. Azərbaycanın paytaxtı Bakı şəhəri də sürətli urbanizasiya və relyef xüsusiyyətləri səbəbindən leysan yağışları zamanı müəyyən çətinliklərlə üzləşir. Prezident İlham Əliyevin rəhbərliyi ilə keçirilən son müşavirədə təsdiqlənən planlar, Bakının bu problemdən köklü şəkildə azad ediləcəyini və şəhərin su-kanalizasiya sistemində yeni bir dövrün başladığını göstərir.
Bakı şəhərinin bir çox hissəsində hələ də sovet dövründən qalma "qarışıq sistem" fəaliyyət göstərir. Bu o deməkdir ki, məişət tullantı suları ilə yağış suları eyni boru kəmərləri vasitəsilə nəql edilir. Güclü yağıntılar zamanı mövcud kəmərlərin ötürücülük qabiliyyəti bu həcmi qarşılaya bilmir, nəticədə həm yollarda subasmalar baş verir, həm də kanalizasiya təmizləyici qurğuları həddindən artıq yüklənir.
Prezidentin çıxışında vurğulanan yeni strategiyanın əsasını bu iki sistemin bir-birindən tamamilə ayrılması təşkil edir. Bu, paytaxtın infrastruktur tarixində inqilabi bir addımdır. Yağış suları üçün ayrıca kollektor şəbəkəsinin qurulması həm şəhər nəqliyyatının fasiləsizliyini təmin edəcək, həm də ekoloji vəziyyəti yaxşılaşdıracaqdır.
Yağış sularının ayrıca idarə edilməsi təkcə yolları quru saxlamaq üçün deyil, həm də Xəzər dənizinin saflığını qorumaq üçün vacibdir. Ayrılmış yağış suları məişət tullantıları ilə qarışmadığı üçün daha az təmizlənmə tələb edir və bəzi hallarda texniki su kimi yaşıllıqların suvarılmasında təkrar istifadə edilə bilər.
Bakının yeni kollektor şəbəkəsi planı paytaxtın dayanıqlı inkişafının əsas sütunlarından biridir. Prezident İlham Əliyevin vurğuladığı kimi, bu layihələr Bakını hər cür hava şəraitində rahat və təhlükəsiz şəhərə çevirmək məqsədi daşıyır. 2035-ci ilə qədər olan dövrü əhatə edən bu strateji yanaşma, Bakının infrastrukturunu London, Paris və digər qabaqcıl dünya paytaxtlarının standartlarına çatdıracaqdır. Yağış suları artıq şəhər üçün problem deyil, idarə olunan bir resurs olacaqdır.


Südabə Abdullayeva

Suraxanı rayonu, 279 nömrəli tam orta məktəbin direktoru

23/12/2025

Azad Edilmiş Torpaqların İqtisadi İntibahı: Ağdam və "Araz Vadisi" Sənaye Parkları

Prezident cənab İlham Əliyevin iqtisadi siyasəti hər zaman real nəticələrə söykənib. İşğaldan azad edilmiş torpaqların bərpası bu strategiyanın mərkəzində dayanır. Bildiyimiz kimi, Ağdam və "Araz Vadisi" sənaye parklarında 50 müəssisə rezident statusu alıb. Layihələrin ümumi dəyəri 454 milyon manatdır və artıq 185 milyon manat investisiya yatırılıb. Bu addımlar bölgəni nəhəng bir sənaye mərkəzinə çevirir. Cənab Prezidentin uzaqgörən iqtisadi siyasəti sayəsində işğaldan azad edilmiş torpaqlarda 1057 yeni iş yeri yaradılıb.

Ulu Öndərin "iqtisadiyyatı güclü olan dövlət hər şeyə qadirdir" fəlsəfəsi bu gün bu torpaqlarda həyata vəsiqə alır. Hazırda bu ərazilərdə 62 mindən çox insan yaşayır. 2025-ci ilin 9 ayında 6,3 minə yaxın sakinin məşğulluğu təmin edilib ki, bu da iqtisadi fəal əhalinin 92%-ni təşkil edir. Cənab Prezident şəxsən bu proseslərə nəzarət edir və hər bir köçkün ailəsinin rifahını diqqətdə saxlayır. Biz də bir kollektiv olaraq bu quruculuq işlərində dövlətimizin yanındayıq.

Qarabağın dirçəlişi Azərbaycanın gələcək iqtisadi qüdrətinin təməlidir. Cənab Prezidentin qətiyyəti sayəsində bu torpaqlar artıq inkişaf drayverinə çevrilib. Bu tarixi uğurların müəllifini doğum günündə təbrik etmək bizim üçün şərəfdir.

Cənab Prezident! Doğum gününüz münasibətilə Sizi təbrik edirik. Azad edilmiş torpaqlarımıza can verən, onları cənnətə çevirən quruculuq siyasətiniz hər birimiz üçün fəxrdir. Sizə uca Tanrıdan cansağlığı, tükənməz güc və bütöv Azərbaycanın daha da çiçəklənməsi yolunda fəaliyyətinizdə müvəffəqiyyətlər arzulayırıq!



Südabə Abdullayeva

Suraxanı rayonu 279 nömrəli tam orta məktəbin direktoru

03/04/2024

"Dahi Azərbaycan şairi Məhəmməd Füzulinin 530 illiyinin qeyd edilməsi haqqında" Azərbaycan Respublikası Prezidentinin Sərəncamının icrası ilə əlaqədar cari ilin aprel ayı ərzində “Məktəblərdə Məhəmməd Füzuli ayı” layihəsinə start verilir.



Ətraflı: https://bit.ly/4cGa3nu

22/11/2023

Məktəbli Teatrının üzvləri öz fəalliyyətlərini davam etdirilər.
“Dilimizi Qoruyaq”Tədbirlər Planının icrasından irəli gələn məsələlər bağlı səhnəcik hazırlanır.
Səhnəcik qurulmasında məqsəd Dilimizin zənginliyi, Dilimizə olan hörməti nümayiş etdirməkdir.

27/05/2023

RESPUBLİKA GÜNÜ

23 ay mövcud olmuş Azərbaycan Xalq Cümhuriyyəti müsəlman Şərqində demokratiya ənənələrinin formalaşmasına əhəmiyyətli təsir göstərmişdir

Azərbaycan Xalq Cümhuriyyəti ölkəmizin çoxəsrlik dövlətçilik salnaməsinin ən parlaq səhifələrindən birini təşkil edir. 23 ay mövcud olmuş Azərbaycan Xalq Cümhuriyyəti müsəlman Şərqində demokratiya ənənələrinin formalaşmasına əhəmiyyətli təsir göstərib. Azərbaycanın dövlət müstəqilliyinin 11-ci ildönümünə həsr olunmuş təntənəli mərasimdə Azərbaycan Xalq Cümhuriyyətinin fəaliyyətinə xüsusi qiymət verən Heydər Əliyev öz çıxışında demişdi: “Azərbaycan Xalq Cümhuriyyəti qısa zamanda çox işlər gördü. İlk dəfə olaraq müsəlman Şərqində demokratik bir respublika yaratdı. İlk dəfə olaraq Azərbaycan xalqı müstəqil yaşamaq şəraitinin nə olduğunu hiss etdi, gördü”.
Azərbaycan xalqı haqlı olaraq müsəlman aləmində ilk demokratik respublikanın yaradıcıları kimi bu tarixlə fəxr edir. Xalq Cümhuriyyətinin yaradılması ilə Azərbaycanın dövlətçilik tarixində yeni səhifə açıldı. Qısa dövr ərzində Azərbaycanın ilk parlamenti, hökuməti yaradıldı, dövlət atributları təsis olundu, dövlət quruculuğu sahəsində mühüm tədbirlər həyata keçirildi, Cümhuriyyətin beynəlxalq münasibətlər sistemində tanınması, diplomatik müstəvidə milli maraqların qorunması istiqamətində mühüm addımlar atıldı.
Yeni fəaliyyətə başlamış parlamentin qəbul etdiyi qanunlar milli müstəqilliyin möhkəmləndirilməsində, ölkədə siyasi, iqtisadi və mədəni inkişafın təmin olunmasında, habelə demokratik prinsiplərin təsbit edilməsində əsaslı rol oynadı. Dövlət quruculuğu sahəsində ciddi tədbirlər həyata keçirildi. Ölkənin ərazi bütövlüyü və milli təhlükəsizliyi təmin edildi. Naxçıvan diyarının Azərbaycan ərazisi kimi qorunub saxlanılması ilə bağlı məqsədyönlü tədbirlər həyata keçirildi. Qısa müddətdə yüksək döyüş qabiliyyətli hərbi hissələr yaradıldı. Milli tələblərə və demokratik prinsiplərə uyğun dövlət orqanları quruldu. Maarif və mədəniyyətin inkişafına xüsusi diqqət yetirildi. Azərbaycanın ilk universiteti təsis olundu. Təhsil milliləşdirildi, xalqın sonrakı illərdə mədəni yüksəlişi üçün zəmin hazırlandı. İctimai fikir tarixi baxımından müstəsna əhəmiyyətli işlər görüldü.
Azərbaycan Xalq Cümhuriyyəti dövlətçilik tariximizdə, dövlətçiliyin bərpa edilməsi sahəsində, demokratik quruluş yaratmaq istiqamətində böyük rol oynayıb. Bu gün xalqımız Azərbaycan Xalq Cümhuriyyətinin qurucularını böyük qürur hissi ilə yad edir. Xalq Cümhuriyyəti dövründə olduğu kimi, Azərbaycan xalqı və dövləti bu gün də demokratik dəyərlərə ciddi önəm verir. Cənab Prezident İlham Əliyev Xalq Cümhuriyyətinin bütün demokratik ənənələrə sadiqliyini daim yüksək dəyərləndirir və dövlətçilik ənənələrini uğurla inkişaf etdirir. Prezident İlham Əliyev tərəfindən 2018-ci ilin "Azərbaycan Xalq Cümhuriyyəti İli" elan olunması onun milli-mənəvi dəyərlərimizə, tariximizə, keçmişimizə və bu günümüzə verdiyi yüksək dəyərin bariz nümunəsidir. Ölkəmizdə milli dövlətçilik günbəgün inkişaf edir və möhkəmlənir və biz belə bir dövlətin vətəndaşları olduğumuzdan qürur duyuruq.

Südabə Abdullayeva
Suraxanı rayonu, 279 nömrəli tam orta məktəbin direktoru

23/05/2023

23.05.2023-cü il tarixində Elm və Təhsil Nazirliyinin Təhsildə İnkişaf və İnnovasiyalar üzrə VI qrant müsabiqəsi çərçivəsində yaradılan lahiyə rəhbəri Südabə xanım Abdullayevanın təşəbbüsü ilə “Məktəbli teatrı”nın “100 yaşa” adlı tamaşası 316 nömrəli tam orta məktəbdə nümayiş olundu.

“Heydər Əliyev ili”nə həsr edilən tamaşanın ssenari müəllifi “Azərbaycan məktəbi” jurnalının baş redaktoru Arzu Soltan, rejisoru isə Bakı Uşaq və Gənclər Teatrının direktoru, Respublikanın əməkdar artisti İntiqam Soltandır.
“Məktəbli Teatrı” şagirdlərinin “100 yaşa” tamaşası 316 nömrəli orta məktəbdə böyük rəğbətlə qarşılandı.
Tamaşanı məktəbin VI ,VII,VIII sinif şagirdləri maraqla izlədi.
Yaradılan şəraitə və diqqətə görə 316 nömrəli tam orta məktəbin direktoru Gülnarə xanım Hənifovaya və təşəkkür edirik!

Məlumat üçün qeyd edək ki, pyesdə qlobal iqlim dəyişiklikləri və su qıtlığı problemləri ilə qarşı-qarşıya qalan məktəblilər onların həll edilməsinin həm də özlərinin təhsilə yanaşmasından asılı olduğunu anlayırlar. Məktəblilər başa düşürlər ki, dünyadakı problemləri həll etmək üçün birinci növbədə özlərini inkişaf etdirməli, həm şəxsiyyət, həm mütəxəssis kimi formalaşmalı, həm də məsuliyyətli vətəndaş kimi yetişməlidirlər. Bu yolda onlara xalqımızın ümummilli lideri Heydər Əliyevin təhsil və ətraf mühitə qarşı qayğı ilə bağlı deyimləri, tövsiyələri çıraq tutur.
Tamaşaçılara verilən mesaj bundan ibarətdir ki, insan olaraq öz xarakterinizin, öz təbiətinizin qayğısına qalsanız, dünyanın da təbiətini qoruyacaq, hamının firavan yaşamasına xidmət etmiş olacaqsınız.

21/05/2023

21/05/2023

19.05.2023-cü il tarixində Elm və Təhsil Nazirliyinin Təhsildə İnkişaf və İnnovasiyalar üzrə VI qrant müsabiqəsi çərçivəsində yaradılan lahiyə rəhbəri Südabə xanım Abdullayevanın təşəbbüsü ilə “Məktəbli teatrı”nın “100 yaşa” adlı tamaşası 226 nömrəli tam orta məktəbdə nümayiş olundu.

“Heydər Əliyev ili”nə həsr edilən tamaşanın ssenari müəllifi “Azərbaycan məktəbi” jurnalının baş redaktoru Arzu Soltan, rejisoru isə Bakı Uşaq və Gənclər Teatrının direktoru, Respublikanın əməkdar artisti İntiqam Soltandır.
“Məktəbli Teatrı” şagirdlərinin “100 yaşa” tamaşası 226 nömrəli orta məktəbdə böyük rəğbətlə qarşılandı.
Tamaşanı məktəbin VI ,VII,VIII sinif şagirdləri maraqla izlədi.
Yaradılan şəraitə və diqqətə görə 226 nömrəli tam orta məktəbin direktoru Arzu xanım Məmmmədovaya və təşəkkür edirik!

Məlumat üçün qeyd edək ki, pyesdə qlobal iqlim dəyişiklikləri və su qıtlığı problemləri ilə qarşı-qarşıya qalan məktəblilər onların həll edilməsinin həm də özlərinin təhsilə yanaşmasından asılı olduğunu anlayırlar. Məktəblilər başa düşürlər ki, dünyadakı problemləri həll etmək üçün birinci növbədə özlərini inkişaf etdirməli, həm şəxsiyyət, həm mütəxəssis kimi formalaşmalı, həm də məsuliyyətli vətəndaş kimi yetişməlidirlər. Bu yolda onlara xalqımızın ümummilli lideri Heydər Əliyevin təhsil və ətraf mühitə qarşı qayğı ilə bağlı deyimləri, tövsiyələri çıraq tutur.
Tamaşaçılara verilən mesaj bundan ibarətdir ki, insan olaraq öz xarakterinizin, öz təbiətinizin qayğısına qalsanız, dünyanın da təbiətini qoruyacaq, hamının firavan yaşamasına xidmət etmiş olacaqsınız.

13/05/2023

13/05/2023