https://www.facebook.com/101996031385307/

dilara_mexdiyeva, Mirmahmud Kazımovski 67, Baku (2026)

18/06/2026

Niyə hüzur tapmırıq?

İnsan bu gün hər şeyə sahib olmaq istəyir: daha çox pul, daha böyük ev, daha yaxşı iş, daha çox şöhrət… Amma bütün bunlara sahib olsa belə, qəlbindəki boşluq dolmur.

Çünki qəlbin ehtiyacı dünya deyil.

Bəzən saatlarla telefonlara baxırıq, insanlarla danışırıq, gəzib əylənirik, amma yenə də içimizdə izah edə bilmədiyimiz bir sıxıntı qalır. Bunun səbəbi qəlbin Allahdan uzaq düşməsidir.

Qəlb yaradılış etibarilə Rəbbini tanımaq və Onu zikr etməklə rahatlıq tapar. Dünya nemətləri gözəldir, amma qəlbin dərmanı deyil.

Hüzur pulda olsaydı, ən varlı insanlar ən xoşbəxt insanlar olardı. Hüzur şöhrətdə olsaydı, tanınmış insanların heç bir dərdi olmazdı. Amma görürük ki, əsl rahatlıq başqa yerdədir.

Qəlbin hüzuru səhər Allahı zikr etməkdədir.
Qəlbin hüzuru Quranla ünsiyyətdədir.
Qəlbin hüzuru səmimi duadadır.
Qəlbin hüzuru kasıbın qəlbini sevindirməkdədir.
Qəlbin hüzuru Allahın razılığını axtarmaqdadır.

İnsan Rəbbinə yaxınlaşdıqca qəlbindəki ağırlıqlar yüngülləşər, narahatlıqlar azalır və ruhu sakitləşər.

🌿 Hüzur axtarırsansa, əvvəl qəlbinin istiqamətinə bax. Bəlkə də axtardığın şey sənin çox yaxınındadır: Allahı xatırlamaqda….
🫶☺️

15/06/2026

İnsanları dəyişdirməyə çalışma, özünü dəyiş…

Bu həyatda ən çətin iş başqalarını dəyişdirməyə çalışmaqdır. Çünki hər kəs öz qəlbinin və nəfsinin sahibidir. Biz çox vaxt insanların səhvlərini görür, onların düzəlməsini istəyirik, amma öz qəlbimizə baxmağı unuduruq.

Halbuki insanın ən böyük mübarizəsi başqaları ilə deyil, öz nəfsi ilədir.

Başqasının eyibini axtarmaq asandır, öz qüsurlarını görmək isə cəsarət istəyir. Qəlbini islah edən insan insanların qüsurları ilə məşğul olmaz. O, hər gün özünə sual verər:

* Bu gün kimisə incitdimmi?
* Qəlbimdə kin, həsəd və ya təkəbbür varmı?
* Allah məndən razıdırmı?

İnsanlar dəyişməsə də olar, amma sən dəyiş. Daha mərhəmətli ol, daha təvazökar ol, daha çox bağışla. Çünki sən özünü düzəltdikcə ətrafındakı dünyanı da gözəlləşdirəcəksən.

Unutma ki, qəlbləri dəyişən sən deyil, Allahdır. Sənin vəzifən gözəl nümunə olmaqdır.

🌿 Özünü islah edən, bəzən min insana verilən nəsihətdən daha təsirli olur.

06/06/2026

🌿 Təvazö qəlbin zinətidir…

İnsan böyüdükcə deyil, təvazökar olduqca dəyər qazanır. Nəfs insanı özünü böyük görməyə çağırar, amma qəlbi Allaha yaxınlaşdıran şey təvazödür. Çünki təkəbbür qəlbi qaraldar, ixlas isə onu nurla doldurar.

🤲

“Allahım, məni özümü böyük zənn edəcək qədər kiçiltmə. Qəlbimi təkəbbürdən, nəfsimin hiylələrindən qoru. Mənə təvazö, ixlas və Sənin razılığını axtaran bir qəlb nəsib et. Amin.”

Ya Rəbb, bizə insanların tərifini deyil, Sənin razılığını axtaran qəlb ver. Nəfsimizin səsinə deyil, vicdanımızın və imanımızın səsinə tabe olanlardan et. Qəlbimizi zikrinlə dirilt, təvazö ilə gözəlləşdir və bizi Saleh bəndələrinin yolundan ayırma.

🤍 Ən gözəl yüksəliş, Allaha qarşı təvazö göstərərək ucalmaqdır.

31/05/2026

Sevgi paylaşdıqca gözəlləşər, mərhəmət artdıqca qəlblər yumşalar. İnsan sevdiyini paylaşdıqca həm özü zənginləşər, həm də ətrafına nur saçar. 💚
Süfrənizə bir kasıbı dəvət edin, qəlbinizə mərhəmət dolsun. Ehtiyac sahibinin duası bərəkət, təvazökarlığı isə insana gözəllik qazandırar. İnsan paylaşdıqca sevgisi artır, kibir və təkəbbürdən uzaqlaşır. Unutmayaq ki, ən zəngin insan çox malı olan deyil, qəlbi paylaşmağı bacaran insandır.

🌿 Allah qəlblərimizi təvazökarlıqla bəzəsin, bizi kibir və təkəbbürdən qorusun. Amin.

27/05/2026

Əziz bacılarım🌹
Mübarək Qurban Bayramı hamınıza xeyirli, bərəkətli və nurani olsun. 🌙🤍
Allah bu mübarək günlərin hörmətinə etdiyiniz duaları qəbul etsin, qəlblərinizə rahatlıq, evlərinizə ruzi, ömrünüzə bərəkət versin. Kəsilən qurbanlar Haqq dərgahında qəbul olsun, niyyətləriniz xeyirlə tamam olsun.
🤲 “Allahummə salli alə Muhəmmədin və alə ali Muhəmməd.”
🤍 “SubhanAllahi və bihəmdihi, SubhanAllahil-Azim.”
🌿 “La ilahə illəllahu vəhdəhu lə şərikə ləh, ləhul-mulku və ləhul-həmd.”
Bu gözəl bayram günündə kinlər silinsin, qəlblər yumşalsın, dualar göylərə yüksəlsin. Allah hər birinizə sağlamlıq, iman nuru və huzurlu bir ömür nəsib etsin.
Bayramınız mübarək olsun. 🌹🐑
Allahu Əkbər, Allahu Əkbər
Lə iləhə illəllahu vallahu Əkbər
Allahu Əkbər və lilləhil-həmd

20/05/2026

🌙✨ QƏLBİ TƏMİZLƏYƏN DUA VƏ ZİKİR ✨🌙
🤍 “Allahım! Bilərək və bilməyərək etdiyim bütün günahlarıma görə Səndən bağışlanma istəyirəm. Qəlbimi təmizlə, niyyətimi saf et, məni Sənə yaxın olan qullarından et.”
🤲 “Allahım, qəlbimi Öz sevgindən ayırma. Məni saleh qullarının yolunda sabit et. Nəfsimi təmizlə, imanımı gözəlləşdir və Sənə razı olduğun halda qovuşdur.”

🌿 GÜNDƏLİK QƏLB ZİKRİ 🌿
✨ “Əstəğfirullah” – 100 dəfə (günahların bağışlanması üçün)
✨ “SubhanAllah” – qəlbi təmizləyir
✨ “Əlhamdulillah” – nemətləri artırır
✨ “Allahu Əkbər” – qəlbi gücləndirir
✨ “Lə iləhə illəllah” – imanın kökü
🌙 QƏLB DUASI 🌙
🤍 Ya Rəbb…
Qəlbimi kin, həsəd və qaranlıqdan təmizlə ✨
Niyyətimi yalnız Sənə yönəlt 🤲
Məni Sənin zikrinlə yaşayanlardan et 🌿
Addımlarımı doğru yola sabitlə 🚶‍♀️

🌸 GÜNLÜK XATIRLATMA 🌸
✨ Qəlb təmiz olarsa, dua asan yüksələr
✨ Niyyət saf olarsa, yol açılar
✨ Allahla olan qəlb heç vaxt tək qalmaz
🌙🤍 “Ya Rəbb, bizi Sənə yaxın olan, Sənin sevgini qəlbində yaşayan qullardan et.” 🤍🌙

Allahu Əkbər, Allahu Əkbər
Lə iləhə illəllahu vallahu Əkbər
Allahu Əkbər və lilləhil-həmd🤲🕋

18/05/2026

Zilhiccə ayı İslamın ən bərəkətli və ən fəzilətli aylarından biridir. Bu ayın ilk 10 günü o qədər qiymətlidir ki, alimlər buyurur: bu günlərdə edilən saleh əməllər ilin digər günlərindən daha sevimlidir. Xüsusilə qəlbi oyatmaq, nəfsi tərbiyə etmək, tövbə etmək və Allaha yaxınlaşmaq üçün böyük fürsətdir.

🌙 Zilhiccə nədir?
Zilhiccə hicri təqvimin son ayıdır. Həcc ibadəti bu ayda olur və Qurban bayramı da bu ayın içindədir. Allah Quranda “Fəcr” surəsində buyurur:

“And olsun fəcrə və on gecəyə…”

Təfsir alimlərinin çoxu burada keçən “on gecə”nin Zilhiccənin ilk 10 günü olduğunu deyiblər.

Bu günlər:

* Tövbə günləridir
* Duaların qəbul vaxtıdır
* Günahların bağışlanma fürsətidir
* Qəlbi diriltmə zamanıdır

🌿 Zilhiccənin ilk 10 günündə ediləcək əməllər

1. Namaza diqqəti artırmaq

Ən önəmli əməl namazdır. Namazı vaxtında qılmaq, xüsusilə:

* sübh namazı,
* gecə namazı,
* dua ilə səcdələri uzatmaq çox fəzilətlidir.

2. Tövbə etmək

Bu günlər keçmiş səhvləri düşünmək üçün gözəl fürsətdir.

Səmimi tövbə:

* qəlbdən peşman olmaq,
* günahı tərk etmək,
* bir daha etməməyə niyyət etməkdir.

🌿 Dua:

“Allahım, qəlbimi Sənə tərəf çevir, nəfsimin əsiri etmə.”

3. Zikr etmək

Bu günlərdə ən çox tövsiyə olunan əməllərdən biri zikrdir.

Çox deyiləcək zikrlər:

* SubhanAllah — Allah nöqsansızdır
* Əlhəmdulillah — Həmd Allaha məxsusdur
* Allahu Əkbər — Allah ən Böyükdür
* La ilahə illəllah — Allahdan başqa ilah yoxdur
* Əstəğfirullah — Allahdan bağışlanma diləyirəm

🌙 Xüsusilə bu zikr çox oxunur:

“La ilahə illəllahu vəhdəhu lə şərikə ləh, ləhul mulku və ləhul həmd və huvə alə kulli şeyin qadir.”

4. Salavat gətirmək

Peyğəmbərimizə ﷺ çox salavat gətirmək qəlbi yumşaldır.

“Allahummə salli alə Muhəmmədin və alə ali Muhəmməd.”

5. Quran oxumaq

Hər gün az da olsa Quran oxumaq:

* qəlbi nurlandırır,
* daxili sıxıntını azaldır,
* ruhu sakitləşdirir.

Oxuyarkən mənasını düşünmək çox önəmlidir.

6. Oruc tutmaq

İmkanı olanlar ilk 9 günü oruc tuta bilər. Xüsusilə:
🌙 Ərəfə günü (9-cu gün) orucu çox fəzilətlidir.

Hədislərdə bildirilir ki:

* keçmiş və gələcək bir ilin günahlarına kəffarə olmasına ümid edilir.

17/05/2026

🌧 Yağış Altında Dua🤲
“Allahummə səyyibən nāfiʿan.”
(اللهم صيّبًا نافعًا)

Allahım, bu göydən nazil olan hər damla Sənin rəhmətinin nişanəsidir.
Necə ki yağış qurumuş torpağı dirildir, Sən də qəlblərimizi zikrinlə dirilt.
Ya Rəbb, bu yağışın hər damlası ilə qəlbimizdəki kədəri yu,
ürəyimizdəki qaranlığı nurunla işıqlandır.
Qəlbimizi kin, həsəd, qürur və riyadan təmizlə.
Düşüncələrimizi gözəlləşdir, niyyətimizi saf et.
Çünki Sən buyurmusan ki, Sənə gələn yol qəlbdən keçir.
Allahım, bu yağışı bizə bərəkət et,
evlərimizə huzur, süfrələrimizə bolluq, ömürlərimizə xeyir ver.
Yağış damlaları qədər günahlarımızı bağışla.
Dua edən əlləri boş qaytarma.
Yollarda gəzənlərə hidayət ver,
yorğun qəlblərə rahatlıq ver,
dərdli könüllərə şəfa ver.
Ya Rəbb, qəlbimizi elə gözəl et ki,
Səni xatırlayanda ürəyimizdə nur artsın.
Adını çəkəndə ruhumuz sakitləşsin.
Necə ki yağış torpağı təmizləyir,
Sən də bizi günahlardan təmizlə.
Amin Ya Rəbbəl Aləmin🤲

11/05/2026

🌿 Nəfsin mərhələləri – İnsanın daxili yolçuluğu
İslam ruhaniyyətində nəfs insanın daxilindəki “mən”dir. O, tək bir hal deyil — tədricən təmizlənən, dəyişən və kamilləşən mərhələlərdən keçir. Bu yol hər insanda fərqli sürətlə gedir, amma istiqamət eynidir: nəfsin tərbiyəsi və qəlbin saflaşması.
Aşağıda nəfsin əsas mərhələləri izah olunub👇

1️⃣ Nəfs-i Əmmarə (əmr edən nəfs)
📍 “Pisliyə çağıran nəfs”
Bu mərhələdə insan daha çox istəklərinin, ehtiraslarının və qürurunun əsiridir.
Xüsusiyyətləri:
Günaha meyl güclüdür
Vicdan səsi zəifdir
“İstəyirəm” hissi “doğrudurmu?” sualından üstündür
Qəzəb, qibtə, təkəbbür çox olur
👉 Bu mərhələ mübarizənin başlanğıcıdır.
2️⃣ Nəfs-i Ləvvamə (peşman olan nəfs)
📍 “Özünü danlayan nəfs”
İnsan artıq səhv etdiyini anlayır, vicdan oyanır.
Xüsusiyyətləri:
Günahdan sonra peşmanlıq hissi
Daxili mübarizə: yaxşı və p*s arasında
Özünü sorğulamaq
Tövbəyə meyl
👉 Bu mərhələ oyanış mərhələsidir.
3️⃣ Nəfs-i Mülhimə (ilham alan nəfs)
📍 “Yaxşılığa yönələn nəfs”
Qəlb artıq doğru ilə yanlışı daha aydın hiss etməyə başlayır.
Xüsusiyyətləri:
İlahi ilham və daxili yönəlmə
Sakitlik anları artır
Yaxşı işlərə meyl
Günahdan uzaqlaşma istəyi
👉 Qəlb artıq nur hiss etməyə başlayır.
4️⃣ Nəfs-i Mutməinnə (sakitləşmiş nəfs)
📍 “Rahatlığa qovuşmuş nəfs”
Bu mərhələdə insan Allahın təqdirinə razı olur.
Xüsusiyyətləri:
Qəlbdə dərin sakitlik
Qəza və qədərə razılıq
İbadətdə sevgi və davamlılıq
Dünya narahatlığı azalır
👉 Quranda bu nəfs “Ey arxayın olmuş nəfs…” deyə zikr olunur.
5️⃣ Nəfs-i Raziya (razı olan nəfs)
📍 “Allahdan razı olan nəfs”
İnsan Allahın hər hökmündə hikmət görür.
Xüsusiyyətləri:
Sınaqlara şikayət etməmək
Qəlbdə təslimiyyət
Hər halda Allaha razı qalmaq
6️⃣ Nəfs-i Mərziyyə (razı olunmuş nəfs)
📍 “Allahın da razı olduğu nəfs”
Bu mərhələ daha yüksək mənəvi qəbul halıdır.
Xüsusiyyətləri:
Allahın sevgisinə yaxınlıq
İbadətdə ixlasın artması
Qəlbin təmizliyi
👉 Burada insan həm razıdır, həm də razı olunub.
7️⃣ Nəfs-i Kamilə (kamilləşmiş nəfs)
📍 “Tam kamilliyə yönəlmiş nəfs”
Bu, nəfsin ən yüksək ideal halıdır.
Xüsusiyyətləri:
Əxlaqın kamilləşməsi
Qəlbin tam təmizliyi
Dünya ilə bağlılıq zəif, axirət yönümlü həyat
İnsanlara mərhəmət və hikmətlə yanaşmaq

05/05/2026

🌿 Hidayətin Qorunması və Mübahisədən Uzaq Durmaq
Hz Muhammad (sallallahu aleyhi və səlləm) buyurmuşdur:
“Bir qövm doğru yolda olduqdan sonra yalnız mübahisə etdikləri üçün azdılar.”
Bu hədis bizə çox mühüm bir həqiqəti xatırladır:
İnsanın hidayətdə qalması təkcə ibadətlə deyil, həm də əxlaqını qoruması ilə bağlıdır.
İslam yalnız namaz, oruc və zikr deyil.
İslam eyni zamanda ədəb, səbir, təvazökarlıq və qəlb qırmamaqdır.

🌿 Mübahisə niyə təhlükəlidir?
Faydasız mübahisə çox vaxt haqqı tapmaq üçün deyil, qalib gəlmək üçün edilir. İnsan qarşısındakı insanı dinləmək əvəzinə, onu susdurmağa çalışır. Bu isə qəlblərdə kin, qürur və nifaq yaradır.
Mübahisə:
qəlbləri sərtləşdirir
insanı təkəbbürə aparır
haqqı qəbul etməyi çətinləşdirir
qardaşlıq bağlarını zəiflədir
Halbuki mömin insan sakit, təmkinli və ədəbli olar. O bilir ki, bəzən susmaq qalib gəlməkdən daha xeyirlidir.

🌿 “Mən açıq sözlüyəm” demək bəraət deyil
Bəzi insanlar belə deyir:
“Mən açıq sözlü və səmimi insanam, nə varsa üzə deyirəm.”
Lakin İslamda açıq sözlü olmaq insanların qəlbini qırmaq demək deyil.
Əgər bir söz:
kiminsə qəlbini qırırsa
qarşı tərəfi alçaldırsa
insanı utandırırsa
bu artıq səmimiyyət deyil, nəfsin sərtliyidir.
Mömin insan sözünün doğru olmasına baxdığı kimi, sözünün necə deyildiyinə də diqqət edər.
Çünki qəlb qırmaq çox ağır məsələdir.
Bəzən bir qəlbin incinməsi, uzun ibadətlərdən daha böyük zərərə səbəb ola bilər.

🌿 Həya – imanın bir parçasıdır
İslam alimləri deyiblər ki:
Həya olmayan yerdə iman kamil olmaz.
Həya insanın:
sözündə
davranışında
baxışında
münasibətində görünər.
Həyalı insan başqasının qəlbini qırmaqdan çəkinər.
Çünki bilir ki, Allahın ən sevdiyi əxlaqlardan biri mərhəmət və incəlikdir.
Həya itdikdə isə insan sərt danışar, qəlb qırar və bunu “düz danışmaq” adı ilə özünə haqq qazandırar.
🌿 Hidayət ən böyük nemətdir
İnsana verilən ən böyük nemət:
var-dövlət deyil
şöhrət deyil
dünya rahatlığı deyil
ən böyük nemət – hidayətdir.
Əgər insan bu neməti:
boş sözlər
faydasız mübahisələr
qürur və təkəbbür
səbəbi ilə itirərsə, onun halı necə olar?
Bu səbəbdən mömin insan:
az danışar
çox düşünər
mübahisədən uzaq durar
qəlbləri incitməməyə çalışar.

dilara_mexdiyeva

18/06/2026

15/06/2026

06/06/2026

31/05/2026

27/05/2026

20/05/2026

18/05/2026

17/05/2026

11/05/2026

05/05/2026

Address

Website

Alerts

Shortcuts

Share

Category