ՀԳՊԱ ուսանողների աջակցման կենտրոն

12/08/2026

Շարունակում ենք կիսվել «Քո գաղափարը թանգարանում․ հուշանվերների ստեղծարար լաբորատորիա» համագործակցային ծրագրի ընթացքով: 🤩

Ծրագրի «Թանգարանների ընտրություն» փուլի շրջանակում մասնակից ուսանողները այցելեցին Սերգեյ Փարաջանովի և Հայաստանի պատմության թանգարաններ՝ բացահայտելու դրանց միջավայրը, հավաքածուներն ու հնարավոր ոգեշնչման աղբյուրները։ 🏛️✨

Շուտով անցնում ենք հաջորդ փուլին: 🔥⚡️

Հետևեք ծրագրի ընթացքին՝ նոր գաղափարներն ու ստեղծարար լուծումները դեռ առջևում են։ 👀

01/07/2026

Դարձի՛ր կամավոր և բարելավիր այն տարածքը, որտեղ սովորում ես:

Մեկնարկում է նոր նախագիծ, որի շրջանակում համագործակցելու ենք Electric Architects ստուդիայի հետ։ Հրավիրում ենք Համակարգչային գրաֆիկայի և Ինտերիերի դիզայնի կրթական ծրագրերի բարձր կուրսերի մոտիվացված ուսանողներին՝ միանալու մեզ որպես կամավոր:

ՆՊԱՏԱԿԸ. Ուսումնասիրել լսարանները, հավաքել ուսանողների կարիքներն ու մշակել կահավորման brief/moodboard:
📌 Ի՞նչ է ներառելու աշխատանքը.

• Լսարանների ֆոտոփաստագրում և տարածքի խնդիրների վերլուծություն,
• Moodboard-ների և վիզուալ հղումների (references) հավաքագրում,
• Կահույքի, պահեստավորման ու ցուցադրական համակարգերի առաջարկների մշակում։

ՀԵՌԱՆԿԱՐ. Ստանալ իրական պրակտիկա, զարգացնել պորտֆոլիոն և լավագույնս դրսևորվելու դեպքում՝ ներգրավվել ու աշխատել Electric Architects-ի հետ։

Գրանցման վերջնաժամկետ՝ հուլիսի 10

Գրանցվելու համար լրացրու հայտը.

https://forms.gle/KfcD46CeymCYjEt6A

30/06/2026

Պատրա՞ստ ես ներդրում ունենալ մեր ամբիոնի զարգացման գործում։ Ուրեմն միացի՛ր մասնագիտական ռեսուրսների հաբի ստեղծմանը։ Սա լինելու է շարունակական համալրվող բազա (գրքեր, կայքեր, պոդքասթներ, ֆիլմեր, մրցույթներ, բիենալեներ, հայատառ տառատեսակների արխիվ) ներկա ու ապագա ուսանողների համար։

Փնտրում ենք 5-10 մոտիվացված կամավորների (1-ին կուրսից մինչև մագիստրատուրա)՝ հուլիս ամսվա ընթացքում 1-3 հոգանոց թիմերով աշխատելու համար (տևողությունը՝ 2-4 շաբաթ)։

📌 Ի՞նչ կտա քեզ մասնակցությունը.

• Բացառիկ հասանելիություն միջազգային դիզայն-հարթակներին, որոնք կիրառելու ես նաև քո ուսման մեջ,
• Հետազոտական ու արխիվային աշխատանքի իրական փորձ,
• CV-դ հարստացնելու հիանալի հնարավորություն՝ որպես ամբիոնի կրթական նախագծի համահեղինակ։

Պահանջներ.

• Բարձր ինքնակազմակերպվածություն
• Օտար լեզուների (անգլերեն/ռուսերեն) տիրապետում, քանի որ ռեսուրսների մեծ մասը օտարալեզու են։

Գրանցման վերջնաժամկետ՝ հուլիսի 10

Գրանցվելու համար լրացրեք հայտը. https://forms.gle/tW5hPf6DpX5Bw3Mf7

06/05/2026

Դիմե՛ք, սիրելի ուսանողներ:

Սիրելի՛ ուսանող, Հայաստանի գեղարվեստի պետական ակադեմիան, Մշակույթի զարգացման հիմնադրամի հետ համագործակցությամբ, մեկնարկում է «Քո գաղափարը թանգարանում․ հուշանվերների ստեղծարար լաբորատորիա» ծրագիրը։

Եթե ուզում ես ուսումնասիրել թանգարանային հավաքածուն, արվեստի գործը դիտարկել նոր տեսանկյունից և դրա հիման վրա առաջարկել հուշանվերի քո հեղինակային գաղափարը, ապա այս ծրագիրը քեզ համար է։

Մասնակցությունը քեզ հնարավորություն կտա զարգացնել հետազոտական և ստեղծագործական մտածողությունդ, ծանոթանալ թանգարանային ոլորտին, ձևավորել մասնագիտական կապեր և ներկայացնել քո գաղափարը իրական նախագծի շրջանակում՝ վաճառքի հնարավորությամբ:

Մասնակցելու համար լրացրու հայտադիմումը մինչև հունիսի 1-ը:
https://forms.gle/BQSbNkD9SXWLsnjEA

Ընտրված ուսանողների հետ կապ կհաստատենք ծրագրի հաջորդ փուլերի մանրամասները ներկայացնելու համար։

08/04/2026

Հաջորդ ֆիլմը պատմում է Ռուբենսի մասին:✨

Հանդիպում ենք ապրիլի 15-ին 14:30, նույն վայրում հետաքրքիր քննարկում ունենալու համար:

Միջոցառումը կվարի դասախոս Էդգար Ամրոյանը:

18/03/2026

Հարգելի ուսանողներ,
շարքի հաջորդ ֆիլմը, որ դիտելու և քննարկելու ենք Էժեն Դելակրուայի մասին է: Հանդիպում ենք մարտի 25-ին, 14:30 ՀԳՊԱ գրադարանում:

Բաց մի թողեք մեր հետաքրքիր և բովանդակալից հանդիպումները դասախոս Էդգար Ամրոյանի հետ:✨


Սիրով կսպասենք:

04/03/2026

Հայկական միջնադարյան քանդակ.
Դասախոսությունների շարք

Հրավիրում ենք բացահայտելու հայկական միջնադարյան արվեստի գանձերը՝ 5-րդ դարից մինչև 14-րդ դար: Դասախոսությունների ընթացքում կներկայացվեն քանդակի հիմնական պատկերագրական թեմաները և գեղարվեստական առանձնահատկությունները, ինչպես նաև զուգահեռներ կանցկացվեն վաղ քրիստոնեական, բյուզանդական քանդակագործության և հարավկովկասյան տարածաշրջանի հուշարձանների հետ:

Բանախոս՝ Արվեստագիտության և հումանիտար գիտությունների ամբիոնի վարիչի ժ/պ, դոցենտ, գ/թ, Զարուհի Հակոբյան։

27/02/2026

Սիրելի ուսանողներ, տեղեկացնում ենք, որ մեր հաջորդ հանդիպումը տեղի կունենա մարտի 4-ին՝ 14:30, ՀԳՊԱ գրադարանում:
Դիտում-քննարկումը կրկին տեղի կունենա մեր դասախոս Էդգար Ամրոյանի հետ, կդիտենք Ալեն Ժոբերի «Ներկապնակներ» շարքի Բեքոնի մասին պատմող ֆիլմը🎬🎞️

Բաց չթողնե՛ք հետաքրքիր քննարկումը✨