24/11/2025
د زابل امنیه قوماندانۍ اړوند د څه کم ۷ میلونه افغانیو په ارزښت د ۲ پروژو د جوړولو چاري پیل شوې.
د کورنیو چارو وزارت د تعمیراتو لوی ریاست د ځانګړي بودیجې څخه د زابل امنیه قوماندانۍ لپاره د څه کم ۷ میلونه افغانیو په ارزښت د ۲ پروژو چاري نن پر داسي مهال پیل شوې چې د زابل امنیه قوماندانۍ د تعمیراتو مدیر مولوي امان الله امین ، د جنايي جرمونو پر وړاندي د مبارزې مدیر ملا اختر محمد عبدالله ، د تفتیش مدیر مولوي ولي الله راهب د مقام د دفتر مدیر قاري سعید ، د زلمی صمیم ساختماني شرکت رئیس مختار احمد صمیم او ګڼ شمیر نورو مسئولینو حضور درلود.
یادي پروژې چې یوه یي د امنیه قوماندانۍ لپاره د نقلیه وسایطو لپاره تم ځای جوړول چې ۲۴۰ متر مربع مساحت لري د زلمي صمیم ساختماني او لوژستیکې شرکت له لوري د ۱,۵ میلونه افغانیو په ارزښت او همدارنګه دوهمه پروژه د امنیه قوماندانۍ اړوند د پاسپورټ امریت لپاره احاطوې دیوال ، دوه باب د اوسیدو اطاقونه ، دوه باب د پیرې ټاورونه د ۵,۵ میلونه افغانیو په ارزښت د محبت نسیم سرک سازي او ساختماني شرکت له لوري جوړیږي.
عملاً یې کارونه پیل شول.
