21/11/2025
د خوشحال بابا ادبي بهیر اوونیز راپور
۱۴۰۴ ه.ش کال د عقرب په ۲۹ مه په یاد بهیر کې درېیمه اوونیزه مشاعره ترسره شوه.
په پیل کې د دریځ چارسمبالي امدادالحق صدیقي " شاعري څه ده؟" تر عنوان لاندې د رحمت شاه سایل صیب د لیکنې یوه برخه ولوستله او د قاري صیب عبدالله جواد د قرآنکریم دڅو مبارکو آیاتونو په تلاوت کولو مشاعره پیل شوه.
د پیل شاعر سید پاچا حسن " د کونړ د سیند انځور" تر نامه لاندې ازاد شعر واورو؛ ورپسې انانسر امدادالحق صدیقي " د کونړ د سیند پیغور" تر عنوان لاندې خپل آزاد شعر وړاندې کړ.
ورپسې شاهد خان دلګیر او عزت الله محسن په خپل خپل وار د غزل په قالب کې شعرونه ګډونوالو سره شریک کړل.
د ترنم په برخه کې دوه نوي بلبلانو( شاه زیب او احسان ولي حسنزی) مشاعرې ته لا ډېره ښکلا وروبښله او د خوشحال بابا ادبي بهیر سره د تلپاتې اړیکې ژمنه یې وکړه.
د مشاعرې د ارزونې لپاره د بابر ښوونیز مرکز بنسټګر او چارسمبالي ښاغلي ظابط خان عابد ته بلنه ورکړل شوه او د مشاعرې د مثبتې ارزونې په ترڅ کې یې د خوشحال بابا ادبي بهیر د لا غوړیدنې لپاره سینه وډبوله او ډاډ یې څرګند کړ، چې ورځ تر بلې به د مثبتو بدلونونو شاهدان یاست.
د خوشحال بابا ادبي بهیر فرهنګي کمېټه
