19/09/2026
സംവിധായകൻ സനൽകുമാർ ശശിധരനെതിരെ നിയമനടപടിയുമായി നടി മഞ്ജു വാര്യർ. തനിക്കെതിരെ നിരന്തരം വ്യാജ ആരോപണങ്ങളും അധിക്ഷേപകരമായ പരാമർശങ്ങളും നടത്തുന്നതായി ചൂണ്ടിക്കാട്ടിയാണ് മഞ്ജു വാര്യർ എറണാകുളം മുൻസിഫ് കോടതിയിൽ മാനനഷ്ടക്കേസ് ഫയൽ ചെയ്തത്.
സോഷ്യൽ മീഡിയയിലൂടെയും മറ്റ് മാർഗങ്ങളിലൂടെയും തനിക്കെതിരെ നടത്തുന്ന അധിക്ഷേപകരമായ പോസ്റ്റുകളും പരാമർശങ്ങളും നീക്കം ചെയ്യണമെന്നും മാനനഷ്ടത്തിന് നടപടി സ്വീകരിക്കണമെന്നുമാണ് ഹർജിയിലെ പ്രധാന ആവശ്യം. മഞ്ജു വാര്യർക്കുവേണ്ടി അഡ്വ. ശാന്തി മായാദേവിയാണ് കോടതിയിൽ ഹാജരാകുന്നത്.
മഞ്ജു വാര്യർ ചില റാക്കറ്റുകളുടെ നിയന്ത്രണത്തിലാണെന്നും താനുമായി പ്രണയത്തിലാണെന്നും ഉൾപ്പെടെയുള്ള അവകാശവാദങ്ങൾ സനൽകുമാർ ശശിധരൻ നേരത്തെ സോഷ്യൽ മീഡിയയിലൂടെ ഉന്നയിച്ചിരുന്നു. ഇതിന് പിന്നാലെയാണ് മഞ്ജു വാര്യർ നിയമനടപടിയിലേക്ക് നീങ്ങിയത്.
ഹേമ കമ്മിറ്റി റിപ്പോർട്ട് പുറത്തുവിടണമെന്ന ആവശ്യവും മഞ്ജു വാര്യരുമായി ബന്ധപ്പെട്ട വിഷയങ്ങളും ഉന്നയിച്ച് സനൽകുമാർ ശശിധരൻ കഴിഞ്ഞ ദിവസങ്ങളിൽ സെക്രട്ടേറിയറ്റിന് മുന്നിൽ തന്റെ അവാർഡുകൾ നിരത്തിവെച്ച് നിരാഹാര സമരവും ആരംഭിച്ചിരുന്നു. 👍
Facebook Kids World
