22/08/2026
Chinchu Lazarനും Amiya Maneshനും JCCയുടെ സ്നേഹാദരം
ഫുജൈറ : ഓസ്ട്രേലിയയിലേക്ക് പുതിയ ജീവിതയാത്ര ആരംഭിക്കുന്ന JCC Ethics & Discipline Advisor Mrs. Chinchu Lazarനും INCAS-JCC അംഗം Amiya Maneshനും JCC യുടെ നേതൃത്വത്തിൽ സ്നേഹാദരവ് സംഘടിപ്പിച്ചു.
JCC പ്രസിഡന്റ് അനുരഞ്ജ് സന്തോഷിന്റെ അധ്യക്ഷതയിൽ നടന്ന ചടങ്ങ്, JCC സഹരക്ഷാധികാരിയും ഫുജൈറ ഇന്ത്യൻ സോഷ്യൽ ക്ലബ് ജനറൽ സെക്രട്ടറിയുമായ സഞ്ജീവ് മേനോൻ ഉദ്ഘാടനം ചെയ്തു. ചീഫ് കോഓർഡിനേറ്റർ ഷജിൽ വടക്കേകണ്ടി ആമുഖഭാഷണം നടത്തി.
ചടങ്ങിൽ കോഓർഡിനേറ്റർമാരായ മനു ജോൺ, സ്മിത കെ.സി., അഡ്വൈസർമാരായ വിജയലക്ഷ്മി സന്തോഷ്, നസീറ റാഫി, രക്ഷിതാക്കളുടെ പ്രതിനിധി സഫാദ് ,JCC വിമൻസ് എംപവർ വിങ് അംഗങ്ങളായ ഷീബ ബിനു, ഒബെ ഗ്രേസ്, സ്പോർട്സ് കൺവീനർ നിതാൽ നാസർ, എന്നിവർ ആശംസകൾ അർപ്പിച്ച് സംസാരിച്ചു.
JCC ട്രഷറർ ആന്റണി മനു സ്വാഗതം ആശംസിക്കുകയും ആർട്സ് കൺവീനർ ഡെയ്ൻ ബിജോയ് നന്ദി രേഖപ്പെടുത്തുകയും ചെയ്തു. കോഓർഡിനേറ്റർമാർ, അഡ്വൈസർമാർ, JCC ഭാരവാഹികൾ, രക്ഷിതാക്കൾ എന്നിവരടങ്ങിയ മുപ്പതിലധികം പേർ ചടങ്ങിൽ പങ്കെടുത്തു.
JCCയുടെ Ethics & Discipline Advisor എന്ന നിലയിൽ കുട്ടികൾക്ക് മികച്ച മാർഗനിർദേശവും പിന്തുണയും നൽകിയ Mrs. Chinchu Lazar, സംഘടനയുടെ പ്രവർത്തനങ്ങളിൽ നൽകിയ വിലപ്പെട്ട സംഭാവനകളിലൂടെ JCC കുടുംബത്തിന്റെ സ്നേഹവും ആദരവും നേടിയ വ്യക്തിയാണ്.
JCCയുടെ സജീവ അംഗവും മികച്ച നർത്തകിയുമായ Amiya Manesh, തന്റെ നൃത്തപ്രകടനങ്ങളിലൂടെയും വിവിധ JCC പ്രവർത്തനങ്ങളിലെ സജീവ പങ്കാളിത്തത്തിലൂടെയും കുട്ടികൾക്കിടയിൽ ശ്രദ്ധേയയായിരുന്നു.
യാത്രയയപ്പിന്റെ ഭാഗമായി Mrs. Chinchu Lazarന് JCC കുടുംബത്തിന്റെ സ്നേഹസ്മരണയായ memento സഞ്ജീവ് മേനോൻ സമ്മാനിച്ചു. Amiya Maneshന് “A Token of Love” എന്ന പേരിലുള്ള സ്നേഹസമ്മാനം JCC പ്രസിഡന്റ് അനുരഞ്ജ് സന്തോഷ് കൈമാറി.
പുതിയ ജീവിത അധ്യായത്തിലേക്ക് കടക്കുന്ന ഇരുവർക്കും JCC കുടുംബം ഹൃദയം നിറഞ്ഞ ആശംസകൾ നേർന്നു. ദൂരങ്ങൾ വേർപെടുത്തിയാലും JCCയുമായുള്ള അവരുടെ ബന്ധവും സ്നേഹവും എന്നും നിലനിൽക്കുമെന്ന് ഭാരവാഹികൾ പറഞ്ഞു.
INCAS-JCC കുടുംബം ഇരുവർക്കും ഓസ്ട്രേലിയയിലെ പുതിയ ജീവിതത്തിന് എല്ലാ നന്മകളും വിജയങ്ങളും ആശംസിച്ചു.
#ഫുജൈറ -JCC
